ເຫດປະທະກັນດຸເດືອດ ລະຫວ່າງທະຫານອິນເດຍ ແລະ ທະຫານຈີນ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວຕ່າງປະເທດ

ເຫດປະທະກັນດຸເດືອດ ລະຫວ່າງທະຫານອິນເດຍ ແລະ ທະຫານຈີນ

Published

on

ສຳນັກຂ່າວຕ່າງປະເທດລາຍງານ ເມື່ອວັນທີ່ 17 ມິຖຸນາ 2020 ວ່າ ສືບເນື່ອງຈາກ ເຫດປະທະກັນຢ່າງຮຸນແຮງ ລະຫວ່າງທະຫານອິນເດຍ ແລະທະຫານຈີນ ເມື່ອຄືນວັນຈັນທີ່ຜ່ານມາ ບໍລິເວນຫມູ່ບ້ານກັລວານ ທາງຕາເວັນອອກຂອງເຂດລາດັກຫ ເທິງພູຫິມະໄລຫລືເຂດອັກໄສຊິນ ທາງຕາເວັນຕົກສ່ຽງໃຕ້ຂອງຈີນຊື່ງບໍລິເວນດັງກ່າວເປັນຫນື່ງໃນພື້ນທີ່ພິພາດລະຫວ່າງທັງສອງປະເທດນັ້ນ ເບື້ອງຕົ້ນກອງທັບອິນເດຍລາຍງານມີທະຫານເສຍຊີວິດຢ່າງຫນ້ອຍ 3 ຄົນ ຫນື່ງໃນນັ້ນມີຍົດລະດັບນາຍພັນ ແຕ່ອີກບໍ່ເທົ່າໃດຊົ່ວໂມງຕໍ່ມາປັບເພີ່ມຈຳນວນທະຫານຊື່ງເສຍຊີວິດເປັນຢ່າງນ້ອຍ 20 ຄົນ ແລະເຈົ້າຫນ້າທີ່ອີກຢ່າງນ້ອຍ 17 ຄົນ ໄດ້ຮັບບາດເຈັບສາຫັດລະຫວ່າງປະຕິບັດຫນ້າທີ່ ໂດຍລະບຸດ້ວຍວ່າສະພາບແວດລ້ອມໃນບໍລິເວນເກີດເຫດຊື່ງມີຂໍ້ຈຳກັດດ້ານອຸນຫະພູມທີ່ມີຕ່ຳກວ່າ 0 ອົງສາ ແລະລັກສະນະພູມປະເທດທີ່ສູງຊັນເປັນປັດໃຈສົ່ງຜົນໃຫ້ເກີດອາການບາດເຈັບຂອງທະຫານແຕ່ລະຄົນຮຸນແຮງ

ຂະນະທີ່ແຫຼ່ງຂ່າວລັດຖະບານອິນເດຍກ່າວວ່າ ທະຫານຂອງທັງສອງຝ່າຍຖອນກຳລັງອອກຈາກພື້ນທີ່ເກີດການປະທະແລ້ວ ສ່ວນອາວຸດທີ່ທະຫານຈີນ ແລະອິນເດຍໃຊ້ຕໍ່ສູ້ມີທັງກ້ອນຫີນຂະຫນາດໃຫ່ຍ ແລະເຫຼັກເສັ້ນ ເຫດການດັງກ່າວເກີດຂື້ນໃນຊ່ວງທີ່ທະຫານລະດັບເສນາທິການຂອງທັງສອງປະເທດນັດພົບຫາລືກັນເປັນໄລຍະ ເພື່ອແກ້ໄຂຂໍ້ພິພາດເລື່ອງຊາຍແດນແຕ່ທະຫານຈີນກຸ່ມຫນື່ງໃນບໍລິເວນນັ້ນ ເລີ່ມຕົ້ນກ່ອນ

ທັງນີ້ ເຫດການເມື່ອວັນທີ່ 15 ມິຖຸນາ ທີ່ຜ່ານມາ ຖືວ່າມີຄວາມຮຸນແຮງທີ່ສຸດ ນັບຕັ້ງແຕ່ຈີນກັບອິນເດຍເຮັດສົງຄາມຄັ້ງໃຫ່ຍເມື່ອປີ 1962 ທ່ານ ອານຸຮັກ ສີລິວະສະຕາວະ ໂຄສົກກະຊວງການຕ່າງປະເທດອິນເດຍ ກ່າວວ່າຫາກລັດຖະບານຈີນປະຕິບັດຕາມຂໍ້ຕົກລົງຢ່າງເຄັ່ງຄັດ ເລື່ອງແບບນີ້ ຈະບໍ່ເກີດຂື້ນ

doka-la_story_647_070217113125-647x363

ດ້ານທ່ານຈ້າວລີ່ຈຽນໂຄສົກກະຊວງການຕ່າງປະເທດຈີນກ່າວວ່າທະຫານອິນເດຍເປັນຝ່າຍລະເມີດເສັ້ນແບ່ງເຂດແດນທີ່ຫມູ່ບ້ານກັລວານ ແລະສະແດງທ່າທີ ຢົ້ວຍຸ ໃສ່ເຈົ້າຫນ້າທີ່ຂອງຈີນກ່ອນ ແມ່ນວ່າລັດຖະບານຈີນຍັງບໍ່ຍອມໃຫ້ຂໍ້ມູນກ່ຽວກັບ ຄວາມສູນເສຍ ທີ່ເກີດຂື້ນກັບທະຫານຈີນ ແຕ່ອິນເດຍຢືນຢັນວ່າ ມີຜູ້ເສຍຊີວິດຫລາຍຄືກັນ
ອີກຢ່າງ ອິນເດຍກ່າວວ່າ ການທີ່ຈີນຍຶດຄອງພື້ນທີ່ 38,000 ກິໂລຕາແມັດໃນເຂດອັກໄສຊິນ ຖືເປັນການລະເມີດອະທິປະໄຕຂອງເຂດລາດັກຫຊື່ງເປັນດິນແດນສ່ວນຫນື່ງຂອງອິນເດຍ ແຕ່ການທີ່ລັດຖະບານອິນເດຍປະກາດຍົກເລີກສະຖານະພິເສດຂອງພູມມີພາກແຄຊເມຍ ເມື່ອເດືອນສິງຫາປີຜ່ານມາ ແລະນຳໄປສູ່ການຈັດຕັ້ງເຂດລາດັກເປັນເຂດປົກຄອງພິເສດເອີ້ນສຽງວິຈານຢ່າງຫນັກຈາກລັດຖະບານຈີນ.

Continue Reading

ຂ່າວຕ່າງປະເທດ

ຟ້າຝ່າລົງແທງເກັບນໍ້າມັນໃນຄິວບາ ເຮັດໃຫ້ເກີດລະເບີດ 4 ແທງ

Published

on

ໃນວັນທີ 7 ສິງຫາ 2022 AFP ລາຍງານວ່າ: ໄດ້ເກີດເຫດຟ້າຝ່າລົງໃສ່ຄັງນໍ້າມັນຂະໜາດໃຫ່ຍ ໃນແຂວງມາຕັນຊັສ ປະເທດຄິວບາ ໃນຄໍ່າຄືນວັນສຸກທີ່ 5 ສິງຫາ 2022 ເບື້ອງຕົ້ນມີຜູ້ເສຍຊີວິດຢ່າງນ້ອຍ 1 ຄົນ, ບາດເຈັບ 121 ຄົນໃນນີອາການສາຫັດ 5 ຄົນ, ສູນຫາຍ 17 ຄົນ

ເປັນເຈົ້າໜ້າທີ່ດັບເພີງ ທາງການຕ້ອງປະກາດອົບພະຍົບປະຊາຊົນ 1,900 ຄົນໃນພື້ນທີ່ໃກ້ຄຽງເນືື່ອງຈາກໄຟໄດ້ລຸກລາມໄປຍັງຄັງເກັບນໍ້າມັນທີສອງແລ້ວ ສະຫະພາບນໍ້າມັນຄິວບາເປີດເຜີຍວ່າ:

ຄັງນໍ້າມັນທີ່ຖືກຟ້າຝ່ານັ້ນບັນຈຸນໍ້າມັນຂະໜາດ 26,000 ລູກບາດແມັດ ແລະມີນໍ້າມັນດິບຢູ່ໃນຄັງເຄິ່ງໜື່ງສ່ວນຄັງນໍ້າມັນທີ່ສອງບັນຈຸນໍ້າມັນ 52,000 ລູກບາດແມັດ

……..

….

….

…..

….

ຂ່າວອ້າງອີງຈາກ: ຂ່າວສານຕ່າງປະເທດ

Continue Reading

ຂ່າວຕ່າງປະເທດ

ຂ່າວສຸດເສົ້າ ເຫດໄຟໄໝ້ເທັກ ເສຍຊີວິດ 13ຄົນ ບາດເຈັບ 41 ຄົນ(ມີຄລິບ)

Published

on

ຂ່າວໄທ ເວລາ​ 1:25.ນາທີຂອງວັນທີ 5 ສິງຫາ​ 2022​ ນີ້ ເກີດເຫດໄຟໄໝ້ຮ້ານບັນເທີງ (ເທັກ) Mountain B ຢູ່ອຳເພີສັດຕະຫີບ ຈັງຫວັດ​ຊົນບູລີ ຂອງໄທ​ ເບື້ອງຕົ້ນມີຜູ້ໄດ້ຮັບບາດເຈັບ 41 ຄົນ,​ ເສຍຊີວິດ​ 13​ ຄົນ​ (ຍິງຄົນ).

ອາຄານທີ່ເກີດໄຟໄໝ້ເປັນຮ້ານບັນເທີງຊັ້ນດຽວ ເຈົ້າໜ້າທີ່​ໃຊ້ເວລາ​ 2 ຊົວໂມງກວ່າຈຶ່ງສາມາດຄວບຄຸມໄຟໄດ້.

ສ່ວນສາເຫດຂອງການເກີດອັກຄີໄພຄັ້ງນີ້ຍັງຢູ່ໃນຂັ້ນຕອນການສືບສວນ.

….

ຄລິບ

ຂໍ້ມູນຈາກເພຈ: กู้ภัยสว่างโรจธรรมสถาน​ สัตหีบ

Continue Reading

ຂ່າວຕ່າງປະເທດ

ຈີນ ໃຫ້ທັດທະນະກ່ຽວກັບອາເມຣິກາລ່ວງລ້ຳອະທິປະໄຕຂອງຈີນ

Published

on

ສຳນັກຂ່າວ CRI ລາຍງານວ່າ ວັນທີ 3 ສິງຫາ2022, ທ່ານຫວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໄດ້ໃຫ້ທັດສະນະກ່ຽວກັບອາເມຣິກາລ່ວງລ້ຳອະທິປະໄຕຂອງຈີນ.

ທ່ານຫວາງຢີ້ກ່າວວ່າ: ທ່ານນາງແນນຊີ ເປໂລຊີ ປະທານສະພາຕ່ຳອາເມຣິກາບໍ່ເອົາຫົວຊາຕໍ່ການປະທ້ວງຢ່າງເຄັ່ງຂຶມຂອງຝ່າຍຈີນ, ໂດຍໄດ້ເດີນທາງຢ້ຽມຢາມເຂດໄຕ້ຫວັນຂອງຈີນຢ່າງບັງອາດ. ການກະທຳແບບນີ້ ໄດ້ຝ່າຝືນຫຼັກການປະເທດຈີນດຽວຢ່າງໜັກໜ່ວງ, ເປັນການລ່ວງລ້ຳອະທິປະໄຕ ຂອງຈີນໂດຍເຈດຕະນາ.

ສິ່ງນີ້ໄດ້ພິສູດໃຫ້ເຫັນອີກຄັ້ງໜຶ່ງວ່າ ນັກການເມືອງຈຳນວນໜຶ່ງຂອງອາເມຣິກາໄດ້ກາຍເປັນຜູ້ກໍ່ຄວາມຫຍຸ້ງຍາກໃຫ້ກັບການພົວພັນຈີນ-ອາເມຣິກາ, ອາເມຣິກາໄດ້ກາຍເປັນຜູ້ທຳລາຍສັນຕິພາບແລະສະຖຽນລະພາບຂອງຊ່ອງແຄບໄຕ້ຫວັນຢ່າງຮ້າຍແຮງທີ່ສຸດ.

ທ່ານຫວາງຢີ້ເນັ້ນໜັກວ່າ: ສິ່ງທີ່ເຮັດໃຫ້ຊ່ອງແຄບໄຕ້ຫວັນຮັກສາສັນຕິພາບ ແລະສະຖຽນລະພາບນັ້ນແມ່ນຫຼັກການປະເທດຈີນດຽວ, ແນວປ້ອງກັນອັນແທ້ຈິງ ທີ່ເຮັດໃຫ້ຈີນແລະອາເມຣິກາຢູ່ຮ່ວມກັນໂດຍສັນຕິນັ້ນແມ່ນຖະແຫຼງການຮ່ວມ 3 ສະບັບລະຫວ່າງຈີນ-ອາເມຣິກາ. ການທີ່ເພິ່ງອີງອາເມຣິກາເພື່ອສະແຫວງ ຫາຄວາມເປັນເອກະລາດນັ້ນ ເປັນທາງຕັນສາຍໜຶ່ງ, ກົນອຸບາຍທີ່ສວຍ ໃຊ້ບັນຫາໄຕ້ຫວັນເພື່ອຄວບຄຸມຈີນນັ້ນ ຕ້ອງປະສົບຄວາມລົ້ມເຫຼວແນ່ນອນ.

ຢູ່ຕໍ່ໜ້າຜົນປະໂຫຍດລວມຂອງຊາດແຫ່ງຄວາມເປັນເອກະພາບຂອງຊາດ, ຄົນຈີນມີຄວາມກ້າຫານທີ່ບໍ່ເຊື່ອໃນຄຳຫຼອກລວງແລະບໍ່ຢ້ານກົວຕໍ່ການນາບຂູ່, ມີຈິດໃຈທີ່ເຂັ້ມແຂງບໍ່ສາມມາດຂົ່ມຂູ່ແລະກົດດັນໄດ້, ມີຄວາມຕັດສິນໃຈທີ່ ສາມັກຄີຮ່ວມແຮງຮ່ວມໃຈກັນເປັນກຳລັງທີ່ເຂັ້ມແຂງບໍ່ສາມາດເອົາຊະນະໄດ້, ຍິ່ງມີຄວາມສາມາດໃນການເດັດດ່ຽວປົກປ້ອງອະທິປະໄຕແລະກຽດສັກສີຂອງຊາດ.

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້