ແຊຣໄວ້ໄດ້ປະໂຫຍດ! ສູດຢາວິເສດ ປົວປະດົງ ດ້ວຍໃບໝາກຍົມສົ້ມ ແລະ ໃບໝາກຍໍ – ສື່ລາວ.ຄອມ
Connect with us

ສາລະໜ້າຮູ້

ແຊຣໄວ້ໄດ້ປະໂຫຍດ! ສູດຢາວິເສດ ປົວປະດົງ ດ້ວຍໃບໝາກຍົມສົ້ມ ແລະ ໃບໝາກຍໍ

Published

on

ຫຼາຍຄົນ ອາດຄິດບໍ່ເຖິງວ່າ ສະໝຸນໄພໃກ້ໂຕເຮົາສາມາດປິ່ນປົວພະຍາດຕ່າງໆໄດ້ ແລະ ຊອກຫາໄດ້ງ່າຍ ເປັນຕົ້ນແມ່ນໃບ ໝາກຍົມ ແລະ ໃບໝາກຍໍ ທີ່ມີສັບພະຄຸນເປັນຢາປົວໂຣກປະດົງ.

ທ່ານ ຈັນ ປະຊາຊົນບ້ານ ສະພານທອງ, ເມືອງ ສີສັດຕະນາກ, ນະຄອນຫຼວງວຽງຈັນ ເຄີຍປ່ວຍເປັນໂຣກປະດົງ, ເຈັບປວດທໍລະມານມາຫຼາຍປີ, ກິນຢາຫຼວງມາຫຼາຍຊະນິດແຕ່ກໍຍັງບໍ່ເຊົາ, ສຸດທ້າຍ ຫາຍດີຍ້ອນ ໃບໝາກຍົມສົ້ມ ແລະ ໃບໝາກຍໍ.

ທ່ານ ຈັນ ເລົ່າວ່າ: ມີມື້ໜຶ່ງ ຕົນເອງໄດ້ໄປຫຼິ້ນບ້ານ ທ່ານ ສິງຄຳ ທີ່ເປັນໝູ່ກັນ ແລະ ໝູ່ໄດ້ເຫັນອາການເຈັບປວດຂອງຕົນເອງ. ສະນັ້ນ ຈຶ່ງໄດ້ບອກສູດຢາປົວປະດົງໃຫ້ ຄື ໃຫ້ເອົາໃບໝາກຍົມສົ້ມ ແລະ ໃບໝາກຍໍ ມາຕົ້ມຂ້ຽວເອົາແຕ່ນຳ້ມາດື່ມ ແລ້ວອາການປວດປະດົງກໍຈະຫາຍໄປ. ເມື່ອກັບມາເຮືອນ, ທ່ານ ຈັນ ໄດ້ບອກໃຫ້ລູກສາວ ຕົ້ມຢາທີ່ໝູ່ແນະນຳສູດງ່າຍໆໃຫ້ ເຊິ່ງຜົນປະກົດວ່າ ຫຼັງຈາກກິນຢາໄດ້ 2-3 ຊຸດ ອາການເຈັບປວດ ຈາກປະດົງ ກໍຄ່ອຍໆເຊົາ; ເມື່ອຕົ້ມກິນເປັນປະຈຳ ອາການກໍຫາຍດີ.

“ຂ້ອຍເຈັບປວດທໍລະມານມາຫຼາຍປີ, ກິນຢາຫຼວງປານໃດ ກໍພໍແຕ່ເຊົາປວດເລັກໜ້ອຍ, ເມື່ອກິນອາຫານຜິດ ອາການປວດກໍເພີ່ມຂຶ້ນ ເຮັດໃຫ້ແຄ່ງຂາບວມ. ເມື່ອກິນຢາສູດທີ່ໝູ່ແນະນຳໃຫ້ ອາການກໍເຊົາເປັນປົກກະຕິ. ປັດຈຸບັນ ຢ່າວ່າແຕ່ກິນສັດປີກ ແລະ ຂອງດອງ ເລີຍ… ເຫຼົ້າເບຍ ຂ້ອຍດື່ມໄດ້ສະບາຍ,” ທ່ານ ຈັນ ກ່າວ.

ແນວໃດກໍດີ, ເຖິງແມ່ນວ່າ ຈະມີຢາດີ ທີ່ສາມາດປິ່ນປົວໃຫ້ເຊົາຂາດ ຈາກການເປັນປະດົງ ໄດ້ກໍຕາມ, ແຕ່ການຂະລຳອາຫານ (ບໍ່ກິນອາຫານຜິດ) ເປັນອີກວິທີໜຶ່ງ ທີ່ຈະເຮັດໃຫ້ພະຍາດທີ່ເຮົາເຄີຍເປັນ ບໍ່ກັບມາເປັນອີກ.

ສຳລັບ ທ່ານ ສິງຄຳ ອາລຸນ, ຈາກບ້ານ ນາໄຊ, ເມືອງ ໄຊເສດຖາ, ນະຄອນຫຼວງວຽງຈັນ ເຊິ່ງເປັນຜູ້ທີ່ບອກສູດຢານີ້ ໃຫ້ກັບຫຼາຍໆຄົນ ກ່າວວ່າ: ຕົນເອງບໍ່ແມ່ນໝໍຢາ, ແຕ່ການໄປຕ່າງແຂວງເລື້ອຍໆ ມັກຊອກຫາສິ່ງທີ່ດີໆ ໃຫ້ກັບໂຕເອງ ເຊັ່ນ: ອາຫານການກິນເພື່ອສຸຂະພາບ, ຢາສະໝຸນໄພຕ່າງໆ ທີ່ມີຢູ່ແຕ່ລະທອງຖິ່ນ, ລວມເຖິງສູດຢາປົວປະດົງທີ່ວ່ານີ້ ກໍເອົາມາຈາກຄົນຮັກແພງ ທີ່ບອກຕໍ່ໆກັນ.

ຜ່ານມາ ເພິ່ນໄດ້ບອກສູດຢາປົວປະດົງດັ່ງກ່າວ ໃຫ້ກັບໝູ່ເພື່ອນ ແລະ ພີ່ນ້ອງ ຫຼາຍກວ່າ 50 ຄົນ ເຊິ່ງແຕ່ລະຄົນທີ່ກິນຢາສູດນີ້ ແມ່ນເຊົາເປັນປົກກະຕິ.

ວິທີຕົ້ມຢາ:ເອົາໃບໝາກຍໍ ແລະ ໃບໝາກຍົມສົ້ມ ຢ່າງລະ 1 ກຳມືໃຫຍ່ ນຳມາລ້າງໃຫ້ສະອາດ, ຈາກນັ້ນ ຕົ້ມໃສ່ນຳ້ 3 ລິດ, ຂ້ຽວໃຫ້ນຳ້ແຫ້ງເຫຼືອປະມານ 1,5 ລິດ ຫຼື ຖ້າຂ້ຽວໄດ້ 1 ລິດຍິ່ງເປັນການດີ, ຕອງເອົາແຕ່ນຳ້ໄວ້ດື່ມກິນ (ຕົ້ມ 1 ຊຸດ ຕໍ່ 1 ມື້).

ວິທີກິນຢາ:

ຈາກນັ້ນ ຈຶ່ງຄ່ອຍກິນຢາຕົ້ມໃສ່.ສຳລັບຜູ້ທີ່ປວດປະດົງແຮງໆ ໃຫ້ຕົ້ມກິນທຸກໆມື້ ແລ້ວອາການເຈັບປວດ ຈະຄ່ອຍໆບັນເທົາລົງ ແລະ ອາດຈະເຊົາຂາດໄດ້ ຖ້າກິນເປັນປະຈຳ.

Continue Reading

ສາລະໜ້າຮູ້

ເຕືອນ!!! ຜົນເສຍກະທ່ອມ ມີຫຼາຍກວ່າທີ່ຄິດ

Published

on

ໃບສົດ ຫຼື ກະທ່ອມ ເປັນພືດເສບຕິດຊະນິດຫນຶ່ງເຊິ່ງກໍາລັງເປັນທີ່ນິຍົມໃນກຸ່ມໄວລຸ້ນ ການເສບສິ່ງເສບຕິດແບບນິ ມີຢູ່ 2 ວິທີຄື : ການຫຍ້ໍາໃບສົດ ເເລະ ການນໍາໃບໄປຕົ້ມເພື່ອສະກັດເອົານ້ໍາດື່ມເຂົ້າສູ່ຮ່າງກາຍ ສານເສບຕິດ ຫລັກໆທີ່ພົບໄດ້ຈາກກະທ້ອມເເມ່ນ ໄມທຣາໃຈນິນ (Mitragynine) ເປັນສານຈໍາພວກອັກຄາລອຍທີ່ກົດປະສາດ ສ່ວນກາງ (CNS depressant) ເຊັ່ນດຽວກັບຢາເສບຕິດຈໍາພວກ (Psilocybin LSD) ເເລະ ຈໍາພວກຢາບ້າ (WY) ຜົນເສຍໄລຍະຍາວຄືກະທ້ອມ ເຮັດໃຫ້ຄົນທີ່ໃຊ້ໄປດົນນານເກີດອາການຕິດ ເບື່ອອາຫານ ບໍ່ຢາກດື່ມນ້ໍາ ລ້າ ເຮັດໃຫ້ຕື່ນໂຕໄວ ເເຕ່ຖ້າຫາກຢຸດໃຊ້ກະທັນຫັນຈະເຮັດໃຫ້ ໃຈຮ້າຍ ຫງຸດງິດ ນອນບໍ່ຫລັບ ສະມາທິສັ້ນ ແລະ ອື່ນໆ.

ຜົນເສຍຂອງໃບກະທ່ອມທີ່ສົ່ງຜົນໄລຍະຍາວ ທີ່ສົ່ງຜົນຕໍ່ຈິດໃຈ ແລະ

ລະບົບປະສາດ

ເນື່ອງຈາກສານເຄມີໃນໃບກະທ່ອມໃນປະລິມານ 15 ກຣາມ ຈະເຮັດໃຫ້ມີລິດໃນການຫຼຸດອາການປວດ ແລະ ເປັນຍາກ່ອມປະສາດ ເຊິ່ງຈະອອກລິດໄດ້ຫຼາຍຊົ່ວໂມງແຕ່ຖ້າຫຼາຍເກີນໄປອາດເປັນອັນຕະລາຍ ແລະ ຖ້າຫາກ

ຍັງໃຊ້ເປັນປະຈໍາກໍຈະມີຜົນເສຍໄລຍະຍາວດັ່ງຕໍ່ໄປນີ້:

– ຫົວໃຈເຕັ້ນໄວຜິດປົກກະຕິ

– ຮູ້ສຶກກະວົນກະວາຍ ສັບສົນ

– ເຊື່ອງຊຶມ ເຄື່ອນໄຫວຊ້າ

– ມີຄວາມສຸກຜິດປົກກະຕິ

– ນອນບໍ່ຫຼັບ ຫຼື ຮ່າງກາຍຕື່ນໂຕຕະຫຼອດເວລາ

– ໄຕເກີດຄວາມເສຍຫາຍ ເຮັດໃຫ້ປັດສະວະມີສີເຂັ້ມຂຶ້ນ

– ຜິວຫນັງເປັນສີເຫຼືອງ

– ເກີດຈາດເຮັດວຽກຂອງວຕັບຢ່າງຫນັກໃນການກອງສານພິດອອກຈາກຮ່າງກາຍ

ໃບກະທ່ອມໄດ້ຖືກນໍາມາໃຊ້ຢ່າງຜິດໆ ໂດຍສະເພາະການເອົາມາເຮັດເປັນເຄື່ອງດື່ມ ທີ່ກໍາລັງລະບາດຢູ່ໃນກຸ່ມ ຂອງໄວລຸ່ນຢູ່ລາວຫຼາຍໆຄົນ ເຊິ່ງຫຼາຍຄົນກໍເອົາມາໃຊ້ດື່ມເພື່ອເປັນຢາແກ້ໄອ, ເປັນເຄື່ອງດື່ມແກ້ອາການຢາກ ນອນ ແລະ ອື່ນໆອີກຫຼາຍຫຼາຍ.

ເຊິ່ງປັດຈຸບັນເອງ ໃບກະທ່ອມທີ່ຢູ່ໃນລາວ ກໍຍັງເປັນສິ່ງເກືອດຫ້າມ ຫຼື ສິ່ງຜິດກົດຫມາຍ ເຊິ່ງທາງກະຊວງສາທາລະນະສຸກກໍໄດ້ເຄີຍອອກມາເຕືອນເມື່ອບໍ່ ດົນນີ້ກ່ຽວກັບ ການຫ້າມຈໍາຫນ່າຍ ແລະ ຜະລິດປຸງແຕ່ງກະທ່ອມຢ່າເດັດຂາດ.

ຂໍ້ມູນຄັດຈາກ: insidelaos

Continue Reading

ສາລະໜ້າຮູ້

ສະຫຼະອ່ານ…!ຖ້າບໍ່ຢາກຕົກເປັນເຫຍື້ອຍ ເຕືອນໄພ ການໃຊ້ບັດເຄດິດຢູ່ຕ່າງປະເທດ ອາດຖືກກ໋ອບຂໍ້ມູນແບບບໍ່ຮູ້ຕົວ

Published

on

ເຕືອນໄພ ການໃຊ້ບັດເຄດິດຢູ່ຕ່າງປະເທດ
ເນື່ອງຈາກບັດເຄດິດນິກນາທີ່ເອົາໄປໃຊ້ຢູ່ຕ່າງປະເທດ ຖືກຄົນກ໋ອບປີ້ຂໍ້ມູນແລ້ວເອົາບັດນິກນາໄປໃຊ້ ເລີຍຢາກມາເຕືອນກັນໄວ້ເພື່ອຄວາມປອດໄພຂອງທຸກຄົນ

ບັດທີ່ຖືກກ໋ອບປີ້ຂໍ້ມູນແມ່ນບັດ Master card ລຸ້ນເກົ່າຂອງ ທະນາຄານ BCEL ທີ່ຍັງບໍ່ແມ່ນໂຕລ່າສຸດທີ່ເປັນລະບົບສຳຜັດ
ສະຖານທີ່ທີ່ຄາດວ່າຖືກກ໋ອບປີ້ຂໍ້ມູນບັດ ແມ່ນຢູ່ສູນອາຫານໃນຫ້າງຢູ່ບູດາເປສ ຮົງກາລີ, ເນື່ອງຈາກຢູ່ຢູໂລບດຽວນີ້ ຖ້າໃຊ້ບັດເຄດິດເຂົາຈະຍື່ນເຄື່ອງກົດ POS ໃຫ້ລູກຄ້າສຽບບັດ ຫລືແຕະບັດ ແລ້ວກົດເອງໝົດ,

ມີຮ້ານດຽວນີ້ທີ່ເອົາບັດນິກນາໄປກົດເອງ, ເຮົາກໍ່ບໍ່ເອະໃຈ ຖືວ່າປະໝາດເລີຍກໍ່ວ່າໄດ້ ເພາະບໍ່ຮູ້ວ່າເຂົາຖ່າຍຮູບບັດເຮົາທັງດ້ານໜ້າດ້ານຫລັງ ເຂົາກໍ່ເອົາຂໍ້ມູນບັດເຮົາໄປຮູດໄດ້ແລ້ວ ຫລືມີເຄື່ອງໂຈນລະກຳຂໍ້ມູນບັດເຮົາ ພຽງສຽບບັດເຮົາເຂົ້າໄປ ເຂົາສາມາດພິມບັດເຮົາອອກມາອີກບັດໜຶ່ງເພື່ອໃຊ້ໄດ້ເລີຍ

ຫລັງຈາກໃຊ້ບັດຢູ່ບ່ອນນັ້ນ ຜ່ານໄປ4ມື້ ຈົນເຮົາອອກຈາກບູດາເປສ ມາຢູ່ບາເຊໂລນ່າ ສະເປນແລ້ວ ມີລາຍການແຈ້ງເຕືອນໃຊ້ບັດຢູ່ບູດາເປສ ລາຍການລະ 114.45$ 3ລາຍການຕິດ ຍອດດຽວກັນ ບ່ອນດຽວກັນ, ຍັງໂຊກດີທີ່ລະບົບຂອງ BCEL ONE ມີການແຈ້ງເຕືອນອອນລາຍ ເຮົາເລີຍເຂົ້າໄປລ໋ອກບັດ ແລະແຈ້ງສູນປິດບັດທັນທີເລີຍ, ກັບມາຮອດລາວກໍ່ເຂົ້າໄປເຮັດເລື່ອງຂໍຮຽກເກັບເງິນຄືນລາຍການທີ່ເຮົາບໍ່ໄດ້ໃຊ້ (ຫວັງວ່າຊິໄດ້ຄືນ ເພາະເພິ່ນຕ້ອງສົ່ງເລື່ອງໄປສູນ Master card ສາກົນ ໃຊ້ເວລາປະມານ45ວັນ) ແລະອອກບັດໃໝ່ລຸ້ນລ່າສຸດເລີຍ

ຂໍ້ແນະນຳສຳລັບຜູ້ທີ່ຈະເອົາບັດເຄດິດໄປໃຊ້ຢູ່ຕ່າງປະເທດ
1. ໄປປ່ຽນບັດເປັນລຸ້ນສຳຜັດ ລຸ້ນລ່າສຸດ ຄວາມປອດໄພສູງສຸດເລີຍ

2. ຫ້າມໃຫ້ໃຜຈັບບັດເຮົາເດັດຂາດ ເຖິງຊິເປັນພະນັກງານຮ້ານໃດກໍ່ຕາມ ເຮົາຕ້ອງແຕະເອງ ສຽບເອງ ກົດເອງ
3. ລ໋ອກບັດໄວ້ຕະຫລອດເວລາ ເວລາຈະໃຊ້ຈິ່ງເປີດ (ຕາມຮູບ3)

ແຫລ່ງທີ່ມາ:

Continue Reading

ສາລະໜ້າຮູ້

ການຢູ່ກຳວ່າຈຳເປັນບໍ່? ເຄສນີ້ເປັນກໍລະນີສຶກສາ

Published

on

ເຊື່ອວ່າບັນຫານີ້ເກີດເປັນຂໍ້ຖົກຖຽງກັບຫຼາຍຄອບຄົວແນ່ນອນ !
ເຊັ່ນເລື່ອງນີ້ມີຢູ່ວ່າ
(ເອື້ອຍໄພ້)ຜິດກຳມັນເປັນຫນັກປານນີ້ພຸ້ນຫວາ?

ຍ້ອນຢູ່ກຳ ນັ່ງນອນດົມເອົາຄວັນໄຟທຸກ 24ຊົ່ວໂມງ ກິນແຕ່ເຂົ້າກັບເກືອຕັ້ງແຕ່ມື້ເກີດຈົນຮອດມື້ນີ້ ຍ້ອນເຫດຜົນທີ່ວ່າ “ແມ່ນຮີດແມ່ນຄອງ”
ນີ້ມັນສະໄຫມໃດແລ້ວນໍ້ ມັນແມ່ນຮີດອີ່ຫຍັງຊ່ວຍບອກແດ່ເດ້

ໃຜມີວິທີ່ຊ່ວຍໃຫ້ດີຂື້ນທີ່ເກີດຍ້ອນຜິດກຳຊ່ວຍບອກເອົາບຸນແດ່ ອາການຕອນນີ້ຫາຍໃຈເອງບໍ່ໄດ້ ໃຊ້ອົກຊີຊ່ວຍມາຕະຫລອດທາງ
ຈົນໄດ້ CT scan ສະຫມອງເພາະຄາດວ່າຄວັນໄຟເຂົ້າສະຫມອງຈົນມີອາການເບຣີ ບໍ່ຈື່ຮອດໃຜ!!!

ເຄສດັ່ງກ່າວທີ່ເຟສ little nok P. Psm ໂພສໄວ້ຈື່ງເຮັດໃຫ້ຫຼາຍຄົນຕ່າງຄິດຫຼາຍວ່າຈຳເປັນຕ້ອງຢູ່ກຳບໍ່ ?

ເພາະຫລັກການແພດປະຈຸບັນເພິ່ນແນະນຳໃຫ້ຫລີກລ້ຽງການຢູ່ກຳ

ເພາະຕາມຫລັກການແພດ ແມ່ມານຄວນໃສ່ໃຈເລື່ອງການກິນທີ່ພຽງພໍ
ພັກຜ່ອນໃຫ້ຖືກຈຸດ ແລະ ບຳລຸງແບບພິເສດ
ເຊິ່ງຂັດຈາກຫລັກການຮີດເກົ່າລາວເຮົາ

ຫມາຍເຫດ: ອີງຕາມຄວາມເຊື່ອສ່ວນບຸກຄົນ

Cr : little nok P. Psm

Continue Reading
ເດືອນທັນວາ 2022
ເສົາ ​ອາ ​ຈ ​ພ​ຫ ​ສ
 12
3456789
10111213141516
17181920212223
24252627282930
31  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້