ປະຊາຊົນ ຂໍ 5 ຢ່າງເຖິງຜູ້ອຳນວຍການໄຟຟ້າລາວຄົນໃໝ່ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວພາຍໃນ

ປະຊາຊົນ ຂໍ 5 ຢ່າງເຖິງຜູ້ອຳນວຍການໄຟຟ້າລາວຄົນໃໝ່

Published

on

ຄຳຂໍມີດັ່ງນີ້ :

1: ຢ່າງທີໜຶ່ງ ປັບປຸງຄ່າໄຟຟ້າຄືນ ໃຫ້ມີຄວາມຍຸຕິທຳອັນແທ້ຈິງ ທຸກຂະໜາດຜູ້ຊົມໃຊ້ໄຟຟ້າ ຕ້ອງໄດ້ໃຊ້ໄຟຟ້າໃນລາຄາຫຼຸດລົງກວ່າເດີມ ນັ້ນຄື ຫຼຸດລົງກວ່າຄ່າໄຟຟ້າໃນປີຜ່ານໆມາຕັ້ງແຕ່ເດີມ ຄ່າຫຼຸດລົງ ຕັ້ງແຕ່ 15% ຫາ 20% ບໍ່ໃຫ້ຫຼຸດລົງແຕ່ປາກກ່າວເວົ້າປາຍລິ້ນເປົ່າແຕ່ລົມ #ເຮັດໄດ້ບໍ?

2: ຢ່າງທີສອງ ພ/ງຜູ້ປະຕິບັດໜ້າທີ່ລົງຈົດໂຕເລກກົງເຕີນັບໄຟ ຕ້ອງຈົດໃຫ້ຖືກຕ້ອງຕາມຄວາມເປັນຈິງ ແລະ ທັງຕ້ອງກົງຕໍ່ເວລາຈົດໃນເດືອນກ່ອນໜ້າຖັດກັນ ເຮັດໄດ້ບໍ?

3 : ຢ່າງທີສາມ ເວລາມີບັນຫາເກີດຂຶ້ນອັນກ່ຽວຂ້ອງກັບຄ່າໄຟ ແລ້ວປະຊາຊົນໄປພົວພັນຂໍຄວາມແກ້ໄຂ ພ/ງ ໄຟຟ້າຕ້ອງໃຫ້ຄວາມຊ່ວຍເຫຼືອແລະໃຫ້ຄຳຊີ້ແຈງຢ່າງມືອາຊີບແລະທັນການ ບໍ່ໃຫ້ເຮັດຄືຜ່ານມາເດັດຂາດ ເຮັດໄດ້ບໍ?

4: ຄ່າບຳລຸງຮັກສາໝໍ້ກົງເຕີໄຟນັ້ນ ໃຫ້ຍົກເລີກຖິ້ມແບບຖາວອນໄປເລີຍສາ ເພາະຕອນເອົາໄຟເຂົ້າ ຜູ້ໃຊ້ໄຟກະເສຍຄ່າແລ້ວທຸກຢ່າງ ຍັງຊິມາໃຫ້ເປັນພາຜູ້ໃຊ້ໄຟອີກ ອັນນີ້ເຫັນວ່າ ບໍ່ສອດຄ່ອງແລະບໍ່ສົມຄວນຢ່າງຍິ່ງ . ມັນສົມຄວນເປັນໜ້າທີ່ຂອງບໍລິສັດລັດວິສ່ຫະກິດໄຟຟ້າລາວຕ້ອງຮັບຜິດຊອບໃນພາກສ່ວນນີ້. ເຮັດໄດ້ບໍ?

5 : ຢ່າງທີຫ້າ ຖ້າພ/ງຄົນໃດ ໜ່ວຍງານບໍລິການໃດ ຂອງບໍລິສັດລັດວິສາຫະກິດໄຟຟ້າລາວກະທຳຜິດຫຼືບໍ່ເໝາະສົມຫຼືບໍ່ສົມຄວນຫຼືບໍ່ດີບໍ່ງາມຕໍ່ຈັນຍາບັນວິຊາຊີບແລະ/ຫຼືໜ້າທີ່ຂອງຕົນ ຕ້ອງລົງໂທດທັນທີແລະຊັດເຈນແນ່ນອນຕາມຄວາມຜິດໜັກຫຼືເບົາຂອງຜູ້ກ່ຽວ ບໍ່ໃຫ້ກ່າວເຕືອນກັນແລະແລ້ວກະແລ້ວໄປ ອັນນີ້ສັງຄົມບໍ່ຕ້ອງການຄົນແບບນີ້ມາສັງກັດພາກລັດ ບໍ່ວ່າຢູ່ໃນຮູບແບບໃດກໍຕາມແຕ່ . ຄົນດີ ຄົນເກັ່ງ ຄົນເຮັດເພື່ອຊາດມີບໍ່ຂີ້ອຶດຍຸກນີ້ ເຮັດໄດ້ບໍ? ຖ້າທ່ານຜູ້ມານັ່ງຕັ່ງໃໝ່ນີ້ເຮັດໄດ້ ເອົາພຽງ ຫ້າຂໍ້ #ຫ້າຢ່າງນີ້ພໍ ຖືວ່າ ປະຊາຊົນທັງແຜ່ນດິນ ຊື່ນຊົມຍໍຍ້ອງທ່ານປານວ່າເທບເທວາແນ່ນອນ.

Continue Reading

ຂ່າວພາຍໃນ

ມີຜູ້ໃຊ້ເຟສບຸກທ່ານໜຶ່ງອອກມາໂພສ ມີປີ້ຢືນ

Published

on

ເຊົ້າວັນທີ 5 ສິງຫາ 2022 ນີ້ ມີຜູ້ໃຊ້ເຟສບຸກທ່ານໜຶ່ງອອກມາໂພສວ່າ: “ທຳອິດຄິດວ່າເຮັດແບບສອບຖາມ ແລ້ວຖືກດຣາມ້າຫຼາຍ ແລ້ວແຈ້ງແຕ່ເພີ່ມຖ້ຽວຊັ້ນດອກ.

ຫຼ້າສຸດ ຊື້ປີ້ລົດໄຟໃຫ້ຫຼານລະໄດ້ປີ້ຢືນ ທຳອິດກະເປັນງົງໆ ເພາະທີ່ຊື້ປີ້ໃຫ້ຍ້ອນບໍ່ຢາກໃຫ້ນັ່ງຕັກ ກັບຢ້ານຫຍຸ້ງຍາກຜູ້ອື່ນ.. ເລີຍເລືອກຊື້ປີ້ ໄປສອບຖາມພະນັກງານແລ້ວ ທຳອິດພະນັກງານກະງົງຄືກັນ.. ແຕ່ຜູ້ອອກປີ້ບອກວ່າ “ປີ້ເຕັມ.. ກະເລີຍອອກປີ້ຢືນໃຫ້” ໂອເຄນ້ຳເບີວັນ.. ຈ່າຍເງິນເຕັມ ເພື່ອໄດ້ປີ້ຢືນ ຕາມແບບສອບຖາມເລີຍ.

ຫຼືວ່າຕອນຕອບແບບສອບຖາມ ມີຄົນຕອບເຫັນດີແມ່ນບໍ່? ກະເລີຍວ່າ ຂາຍປີ້ນັ່ງແດ່ ປີ້ຢືນແດ່ ມື້ໃດລົດໄຟເຕັມແຮງ ກະຊິຖືກເລກໄດ້ປີ້ຢືນ”.

ບັນຫານີ້ ພາກສ່ວນກ່ຽວຂ້ອງຈະອອກມາຊີ້ແຈງແນວໃດ ຕິດຕາມຂັ້ນຕອນຕໍ່ໄປ.

Continue Reading

ຂ່າວພາຍໃນ

ຍົກຍ້າຍ-ແຕ່ງຕັ້ງ ຫົວຫນ້າ ປກສ ນະຄອນຫຼວງວຽງຈັນ ຄົນໃໝ່

Published

on

ໃນວັນທີ 4 ສິງຫາ 2022 ກະຊວງ ປກສ ປະກາດຍົກຍ້າຍ ແລະ ແຕ່ງຕັ້ງ ຫົວຫນ້າກອງບັນຊາການ ປກສ ນະຄອນຫລວງວຽງຈັນ ລະຫວ່າງ ຜູ້ເກົ່າ ແລະ ຜູ້ໃຫມ່.

ໃນນີ້, ຍົກຍ້າຍພັນເອກ ສຸກພະຈັນ ບຸດດາຄຳ ຜູ້ເກົ່າ ໄປກົມໃຫຍ່ຕຳຫລວດ ແລະ

ແຕ່ງຕັ້ງ ພັນເອກ ບົວພັນ ຟອງມະນີ ຈາກຮອງຫົວຫນ້າ ກົມໃຫຍ່ຕຳຫລວດ ເປັນຫົວຫນ້າ ປກສ ນະຄອນຫລວງວຽງຈັນ ຜູ້ໃຫມ່.

Continue Reading

ຂ່າວພາຍໃນ

ເລີ່ມປະຕິບັດແລ້ວ!ຈະມີການເຄື່ອນໄຫວກວດນໍ້າປັດສະວະນັກຂັບຂີ່ເຂົ້າ-ອອກ ແຂວງບໍລິຄຳໄຊ ເລີ່ມເດືອນສິງຫາ 2022

Published

on

ເລີ່ມປະຕິບັດແລ້ວ!
ກອງບັນຊາການ ປກສ ແຂວງ ບໍລິຄໍາໄຊ ຂໍຖືເປັນກຽດ ແຈ້ງມາຍັງ ບັນດາຫົວຫນ່ວຍທຸລະກິດທາງພາກລັດເອກະຊົນ ພົນລະເມືອງລາວ ຊາວຕ່າງດ້າວ ແລະ ຕ່າງປະເທດຜູ້ທີ່ຂັບຂີ່ພາຫະນະ ເຂົ້າ-ອອກ ຜ່ານແຂວງບໍລິຄໍາໄຊໃຫ້ ຊາບ:

ປະຈຸບັນ ກອງບັນຊາການ ປກສ ແຂວງ ບໍລິຄໍາໄຊ ຈະໄດ້ຈັດຕັ້ງປະຕິບັດ, ຕັ້ງຈຸດກວດກາ ເຄື່ອນທີ່ ຕາມ ເສັ້ນທາງຕ່າງໆ ພາຍໃນແຂວງ, ເພື່ອກວດນ້ໍາປັດສະວະ ຂອງນັກຂັບຂີ່ ພາຫະນະ ທີ່ມີການພົວພັນນໍາໃຊ້ສານເສບຕິດ ເຂົ້າ-ອອກ ຜ່ານແຂວງ ບໍລິຄໍາໄຊ,

ເລີ່ມຈັດຕັ້ງປະຕິບັດໃນໄລຍະເດືອນ ສິງຫາ 12022-2023 ເຊິ່ງຢູ່ໃນແຜນຂັ້ນຕອນ ໄລຍະທີ I ຂອງການຜັນຂະຫຍາຍວາລະແຫ່ງຊາດ, ໃນການແກ້ໄຂບັນຫາຢາເສບຕິດຂອງກອງບັນຊາການ ປກສ ແຂວງ ບໍລິຄໍາໄຊໄດ້ກໍານົດໃນແຜນຈັດຕັ້ງປະຕິບັດ.

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້