ກອງບັນຊາການ ປກສ ແຂວງບໍລິຄຳໄຊ ນຳກຳລັງສົມທົບກັບພາກສ່ວນກ່ຽວຂ້ອງເຂົ້າທຳລາຍສວນຄັນຊາ ທີ່ມີພໍ່ແມ່ປະຊາຊົນ ລັກລອບປູກ ໃນເຂດຫ່າງໄກສອກຫຼີກໄດ້ ຈຳນວນ 140 ຕອນ ປະມານ 135 ກວ່າເຮັກຕາ.

ພັນເອກ ກົງຈັນ ໄຊປັນຍາ ຫົວໜ້າກອງບັນຊາການ ປກສ ແຂວງບໍລິຄຳໄຊ ເປີດເຜີຍວ່າ: ພາຍຫຼັງມີການສືບຮູ້ ວ່າມີການລັກລອບປູກຄັນຊາ ປກສ ແຂວງ ສົມທົບນຳກໍາລັງ ປກຊ, ໄອຍາການ ແລະ ປ່າໄມ້ ເຂົ້າທຳລາຍ 4 ຄັ້ງຄື: ໃນຄັ້ງທີ 1, ໃນວັນທີ 27 ພະຈິກ 2021 ເຂົ້າທຳລາຍຢູ່ເຂດໜອງກອກສາມາດທໍາລາຍສວນຄັນຊາໄດ້ 45 ສວນປະມາດ 32,2 ເຮັກຕາ.

ໃນຄັ້ງວັນທີ 5 ທັນວາ 2021 ເຂົ້າທຳລາຍສວນຄັນຊາ ໄດ້ 62 ສວນ ປະມານ 43,58 ເຮັກຕາ. ໃນຄັ້ງວັນທີ 11 ທັນວາ 2021 ເຂົ້າທຳລາຍ 3 ຈຸດ: ຈຸດຄື: ຈຸດໜອງກອກ ຄຸ້ມໂພນຕານ ທໍາລາຍສວນກັນຊາໄດ້ 10 ສວນ ປະມານ16,2 ເຮັກຕາ, ຈຸດທີ 2, ທໍາລາຍສວນກັນຊາໄດ້ 15 ສວນ ປະມານ 28,7 ເຮັກຕາ ແລະ ຈຸດທີ 3 ທໍາລາຍສວນກັນຊາໄດ້ 10 ສວນ ປະມານ 16,2 ເຮັກຕາ.