ລັດຖະບານ ອອກຂໍ້ຕົກລົງຊົ່ວຄາວວ່າດ້ວຍ ການຈັດເກັບຄ່າບໍລິການສິນຄ້າຜ່ານແດນສາກົນຜ່ານທາງລົດໄຟ, ອັດຕາເກັບສູງສຸດ 3.000.000 ກີບຕໍ່ຕູ້
ເພື່ອກໍານົດຫຼັກການ, ລະບຽບການ ແລະ ມາດຕະການກ່ຽວກັບການກໍານົດຄ່າບໍລິການສໍາລັບສິນຄ້າຜ່ານແດນສາກົນໄປປະເທດທີສາມຜ່ານທາງລົດໄຟ ເພື່ອຄຸ້ມຄອງຈັດເກັບລາຍຮັບຢ່າງລວມສູນ ແລະ ຈັດຕັ້ງປະຕິບັດຢ່າງເປັນເອກະພາບໃນຂອບເຂດທົ່ວປະເທດ ແນໃສ່ສ້າງໂອກາດໃຫ້ແກ່ລາຍຮັບພາກລັດ ໃນການຫັນມານໍາໃຊ້ການຂົນສົ່ງສິນຄ້າຜ່ານທາງລົດໄຟໃຫ້ເກີດຜົນປະໂຫຍດສູງສຸດ ປະກອບສ່ວນເຂົ້າໃນການປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ ໃຫ້ຂະຫຍາຍຕົວຢ່າງຕໍ່ເນື່ອງແລະ ຍືນຍົງ.
ກະຊວງການເງິນ ໄດ້ອອກຂໍ້ຕົກລົງຊົ່ວຄາວວ່າດ້ວຍ ການຈັດເກັບຄ່າບໍລິການສິນຄ້າຜ່ານແດນສາກົນຜ່ານທາງລົດໄຟ ສະບັບເລກທີ 6003/ກງ, ລົງວັນທີ 1 ທັນວາ 2021.ອີງຕາມເນື້ອໃນຂອງຂໍ້ຕົກລົງ ລະບຸວ່າ:
ຄ່າບໍລິການສິນຄ້າຜ່ານແດນສາກົນທາງລົດໄຟ ແມ່ນຄ່າບໍລິການທາງຜ່ານທີ່ນໍາໃຊ້ທ່າແຮງດ້ານພູມສາດຂອງປະເທດໃນການໃຊ້ເປັນທາງຜ່ານ ສປປ ລາວ ໄປປະເທດທີສາມ ເພື່ອສ້າງໂອກາດເກັບລາຍຮັບພາກລັດ ປະກອບສ່ວນເຂົ້າໃນການບໍາລຸງຮັກສາສະພາບແວດລ້ອມ, ພື້ນຖານໂຄງລ່າງທີ່ຈໍາເປັນ ໃຫ້ມີຄວາມຍືນຍົງ ໂດຍກຳນົດອັດຕາການຈັດເກັບຄ່າບໍລິການສິນຄ້າຜ່ານແດນສາກົນທາງລົດໄຟ ແລະ ຮູບແບບການຊໍາລະ
