ຊາຍອາຍຸ 18 ປີຕໍ່ສູ້ກັບເສືອດຳລອດຕາຍແບບວຸດວິດ

ຊາຍອາຍຸ 18 ປີຕໍ່ສູ້ກັບເສືອດຳລອດຕາຍແບບວຸດວິດ

ຂ່າວສານຕ່າງປະເທດລາຍງານເຫດການສຸດລະທຶກນີ້ເກີດຂື້ນທີ່ປະເທດມາເລເຊຍ ເມື່ອຊາຍໜຸ່ມອາຍຸ 18 ປີ ທີ່ໂຊກຮ້າຍອອກໄປເກັບຟືນໃນປ່າເວລາ 15:00 ຂອງວັນທີ 9 ທັນວາ 2021

ຫ່າງອອກໄປໄກຈາກໝູ່ບ້ານ 200 ແມັດໃນລັດເປຮັດ ປະເທດມາເລເຊຍ ໃນຂະນະທີ່ລາວກຳລັງເກັບຟືນຢູ່ນັ້ນໄດ້ມີເສືອອອກໂຈມຕີລາວ ແລະ ໄດ້ມີການຕໍ່ສູ້ກັນ ເຫດການນີ້ເຮັດໃຫ້ໜຸ່ມອາຍຸ 18 ປີມີແຜຈິີກຂາດຕັ້ງແຕ່ໜ້າຜາກຈົນເຖິງທາງຫຼັງບໍລິເວນຫົວ, ມີຮອຍແຜເຕັມໃບໜ້າ ລາວຖືກສົ່ງໄປໂຮງໝໍເຂົ້າຫ້ອງສຸກເສີນທັນທີ

ເມື່ອເຈົ້າໜ້າທີ່ຮູ້ເຖິງເລື່ອງນີ້ໄດ້ອອກໄລ່ລ່າເສືອດຳໂຕດັ່ງກ່າວ ໃນວັນທີ 10 ທັນວາ ເຈົ້າໜ້າທີ່ໄປຍັງຈຸດເກີດເຫດ ແລະ ວາງກັບດັກເພື່ອຈັບເສືອໂຕດັ່ງກ່າວ ແລະ ແກະຮອຍຈົນພົບເຫັນຄາບເລືອດຕາມຫຍ້າ ແລະ ໃບໄມ້ເປັນທາງຍາວ ທັນໃດນັ້ນເສືອກໍ່ອອກມາໂຈມຕີເຈົ້າໜ້າທີ່ ເຮັດໃຫ້

ເຈົ້າໜ້າທີ່ອີກຄົນຈຳເປັນຕ້ອງຍິງປືນສວນກັບ ເຮັດໃຫ້ເສືອເສຍຊີວິດທັນທີ ຫຼັງຈາກກວດສອບພິສູດຊາກເສືອໜ້າຈະມີອາຍຸປະມານ 9-10 ປີ, ມີບາດແຜ 3 ແຜທີ່ຫົວ ແລະ ລຳໂຕ

ຄາດວ່າເປັນແຜມາຈາກການຕໍ່ສູ້ກັບໜຸ່ມອາຍຸ 18 ປີເພາະເປັນຮອຍແຜຈາກພ້າຕັດຟືນ ພ້ອມຍັງພົບອີກວ່າມີລວດເຄເບີລຄ້ອງຢູ່ຂາຂອງເສືອທີ່ເປັນກັບດັກທີ່ນາຍພານວາງໄວ້