ໂຈນດຶງ​ກະ​ເປົ໋າ ສາ​ລະ​ພາບ​ວ່າໄດ້​ກໍ່​ເຫດ 5 ຈຸດ – ສື່ລາວ.ຄອມ
Connect with us

ຂ່າວພາຍໃນ

ໂຈນດຶງ​ກະ​ເປົ໋າ ສາ​ລະ​ພາບ​ວ່າໄດ້​ກໍ່​ເຫດ 5 ຈຸດ

Published

on

ພາຍຫຼັງໄດ້ຮັບແຈ້ງຄວາມ ຈາກຜູ້ເສຍຫາຍທາງເຈົ້າໜ້າທີ່ວິຊາສະເພາະໜ່ວຍງານສືບ ຂ່າວຄະດີອາຍາ ປກສ ນະຄອນໄກສອນ ພົມວິຫານ, ກໍ່ໄດ້ ຕິດຕາມກຸ່ມເປົ້າໝາຍ ພ້ອມທັງ ຄັດຈ້ອນຂຶ້ນບັນຊີເປົ້າໝາຍ ແລະສາມາດຮູ້ຕົວຜູ້ກໍ່ເຫດ ດັ່ງນັ້ນ ໃນວັນທີ 12 ພຶດສະພາ ຜ່ານມາ ຈຶ່ງສາມາດຈັບຕົວຜູ້ ກໍ່ເຫດໄດ້ຈຳນວນ 2 ຄົນ, ພ້ອມທັງໄດ້ຮັບສາລະພາບວ່າ:

ໄດ້ກໍ່ເຫດ ຊີງຊັບ (ດຶງກະເປົ໋າ) ຈຳນວນ 5 ຈຸດ, ໄດ້ທັງເງິນສົດ ແລະໂທລະສັບ. ເຊິ່ງຜູ້ກໍ່ເຫດ ປະກອບມີ: ທ້າວ ລັດຕິຍາ (ດີໂດ້) ອາຍຸ 21 ປີ, ຢູ່ບ້ານຫົວເມືອງເໜືອ, ນະ ຄອນໄກສອນ ພົມວິຫານ ແຂວງ ສະຫວັນນະເຂດ ແລະທ້າວ ຕິ໋ ເລັກ (ເລັກ) ອາຍຸ 18 ປີ, ຢູ່ ບ້ານ ວຽງສະຫວັນ ນະຄອນໄກ ສອນ ພົມວິຫານ.

ເນື່ອງຈາກວ່າມີຜູ້ເສຍຫາຍ ຈາກເຫດການຊີງຊັບ (ດຶງກະ ເປົ໋າ) ຈຳນວນ 3 ເຫດການທີ່ ໄດ້ມາແຈ້ງຄວາມໄວ້ຄື: ໃນວັນ ທີ 26 ເມສາ 2020 ເວລາ 9 ໂມງ 30 ນາທີ, ມີຄົນຮ້າຍ 2 ຄົນ, ຂີ່ລົດຈັກຮອນດາ ເວບ 100 ສີແດງ-ດຳບໍ່ຕິດ ປ້າຍ ທະບຽນ, ໄດ້ດຶງກະເປົ໋າແມ່ຍິງ ຄົນໜຶ່ງຢູ່ບໍລິເວນ 4 ແຍກ ໄຟອຳນາດໃກ້ກັບພັດຕະຄານ ດາວຮຸ່ງ 1, ເຊິ່ງໃນກະເປົ໋າມີ ເງິນ 100.000 ກວ່າກີບ ແລະ ໂທ ລະສັບຍີ່ຫໍ້ອັອບໂປ້ 11 ສີ ດຳ-ມ້ວງ 1 ໜ່ວຍທີ່ຄົນຮ້າຍ ໄດ້ໄປ.

ຈາກນັ້ນ, ຫ່າງກັນພຽງ 2 ວັນຄື ວັນທີ 28 ຂອງ ເດືອນ ດຽວກັນ ເວລາ 11 ໂມງ, ໄດ້ ມີຄົນຮ້າຍ 2 ຄົນ, ຂີ່ລົດຈັກ ເວບ 100 ບໍ່ຕິດປ້າຍທະບຽນ ໄດ້ກໍ່ເຫດຂຶ້ນອີກຢູ່ບໍລິເວນ ຫ້ວຍລົງກົງ, ເສັ້ນທາງລາດ ສະດາໄນ ( ໃກ້ກັບຫ້ອງການ ປະກັນສັງຄົມ) ເຂດບ້ານລັດ ຕະນະລັງສີໃຕ້, ໃນນັ້ນຜົນເສຍ ຫາຍປະກອບມີ: ເງິນກີບຈຳ ນວນ 4,5 ລ້ານກີບ, ເງິນບາດ 15 ພັນບາດ ( ສະກຸນເງິນ ໄທ), ໂທລະສັບໄອໂຟນ 5S ຈຳນວນ 1 ໜ່ວຍ, ມີຟັສປອດ, ບັດ ATM, ບັດປະຈຳຕົວ, ໃບຂັບຂີ່ທີ່ຄົນຮ້າຍຊີງໄປໄດ້.

ຈາກນັ້ນ, ມາໃນວັນທີ 3 ພຶດ ສະພາເວລາ 11 ໂມງ 10 ນາ ທີ, ກໍ່ໄດ້ມີເຫດ ການດຶງກະເປົ໋າ ອີກຢູ່ຕໍ່ໜ້າປ້ຳນ້ຳມັນເຊື້ອໄຟ, ບ້ານໄຊຍະມຸງຄຸນ, ເຫດການ ຄັ້ງນີ້ຄົນຮ້າຍດຶງກະເປົ໋າບໍ່ໄດ້ ຍ້ອນລົດຂອງຜູ້ຖືກເສຍຫາຍ ລົ້ມ, ຄົນຮ້າຍທັງສອງ ຈຶ່ງໄດ້ຂີ່ ລົດຈັກຮອນດາເວບ 100 ໜີໄປ ເລີຍ.

ຈາກ 3 ເຫດການນີ້, ທາງ ເຈົ້າໜ້າທີ່ຕຳຫຼວດຈຶ່ງໄດ້ຂຶ້ນ ເປົ້າໝາຍແລ້ວກໍ່ນຳຈັບທັງ 2 ຄົນທີ່ກໍ່ເຫດມາສືບສວນ- ສອບສວນແລ້ວກໍ່ໄດ້ຮັບສາລະ ພາບວ່າໄດ້ກໍ່ເຫດທັງ 3 ຄັ້ງ ຢ່າງແທ້ຈິງ, ພ້ອມທັງໄດ້ຮັບສາ ລະພາບຕື່ມອີກວ່າຍັງໄດ້ກໍ່ເຫດ ເພີ່ມຕື່ມອີກ 2 ເຫດການ.

ດັ່ງນັ້ນ, ທາງເຈົ້າໜ້າທີ່ຕຳ ຫຼວດ ປກສ ນະຄອນໄກສອນ ພົມວິຫານ ຈຶ່ງໄດ້ດຳເນີນຄະດີກັບພວກກ່ຽວທັງສອງຕໍ່ໄປ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading

ຂ່າວພາຍໃນ

ລ່າສຸດ! ລາຄານ້ຳມັນ +1.010ກີບ/ລິດ ກາຊວນ +420ກີບ/ລິດ

Published

on

By

ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/01/2023 ຕາມແຈ້ງການຈາກ ກຊ ອຸດສະຫະກຳແລະການຄ້າ

ເລກທີ 0056/ອຄ ລົງວັນທີ 18 ມກ 2023.

Continue Reading

ຂ່າວພາຍໃນ

ດ່ວນ! ແຈ້ງການຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາ ຕົວແທນຂອງທະນາຄານທຸລະກິດ ທົ່ວປະເທດ

Published

on

By

– ອີງຕາມກົດຫມາຍວ່າດ້ວຍທະນາຄານທຸລະກິດ (ສະບັບປັບປຸງ) ສະບັບເລກທີ 56/ສພຊ, ລົງວັນທີ 07 ທັນວາ 2018;

– ອີງຕາມກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15 /ສພຊ, ລົງວັນທີ 07 ກໍລະກົດ 2022;

– ອີງຕາມຂໍ້ຕົກລົງວ່າດ້ວຍການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022;

ອີງຕາມແຈ້ງການກ່ຽວກັບການຫັນຮ້ານແລກປ່ຽນເງິນຕາໄປເປັນຕົວແທນຂອງທະນາຄານທຸລະກິດ ສະບັບເລກທີ 111/ທຫລ, ລົງວັນທີ 12 ສິງຫາ 2021.

ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທະນາຄານທຸລະກິດ ແລະ ຮ້ານແລກປ່ຽນເງິນຕາຕົວ ແທນ ຊາບວ່າ: ເພື່ອເປັນການຜັນຂະຫຍາຍກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບ ເລກທີ 15/ສພຊ, ລົງວັນທີ 7 ກໍລະກົດ 2022, ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງວ່າດ້ວຍການບໍລິການ ແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022 ເພື່ອປ່ຽນແທນສອງຂໍ້ຕົກລົງຄື: ຂໍ້ຕົກລົງວ່າ ດ້ວຍທຸລະກິດແລກປ່ຽນເງິນຕາ ສະບັບເລກທີ 393/ທຫລ, ລົງວັນທີ 02 ກໍລະກົດ 2020 ແລະ ຂໍ້ຕົກລົງວ່າດ້ວຍການ ບໍລິການແລກປ່ຽນເງິນຕາຂອງທະນາຄານທຸລະກິດ ແລະ ຮ້ານແລກປ່ຽນເງິນຕາຕົວແທນ ສະບັບເລກທີ 449/ທຫລ, ລົງວັນທີ 14 ມິຖຸນາ 2022.

ໃນນີ້, ຂໍ້ຕົກລົງວ່າດ້ວຍການບໍລິການແລກປ່ຽນເງິນຕາສະບັບດັ່ງກ່າວໄດ້ກໍານົດໃຫ້ ທະນາຄານທຸລະກິດ ທີ່ຕັ້ງຢູ່ ສປປ ລາວ ເທົ່ານັ້ນ ສາມາດໃຫ້ບໍລິການແລກປ່ຽນເງິນຕາ. ສະນັ້ນ, ເພື່ອຈັດຕັ້ງປະຕິບັດໃຫ້ ສອດຄ່ອງກັບບັນດານິຕິກໍາທີ່ມີຜົນສັກສິດໃນປັດຈຸບັນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງບັນດາທະນາຄານທຸລະ ກິດ ແລະ ຮ້ານແລກປ່ຽນເງິນຕາຕົວແທນ ດັ່ງນີ້:

1. ທະນາຄານແຫ່ງ ສປປ ລາວ ຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທັງໝົດ 113 ຮ້ານ ທີ່ຂຶ້ນກັບ 6 ທະນາຄານທຸລະກິດ;

2. ໃຫ້ທະນາຄານທຸລະກິດທີ່ມີຮ້ານແລກປ່ຽນເງິນຕາຕົວແທນຂຶ້ນກັບ ຢຸດເຊົາການຕໍ່ອາຍຸສັນຍາ ແລະ ຍົກເລີກ ສັນຍາຕົວແທນບໍລິການແລກປ່ຽນເງິນຕາກັບຮ້ານແລກປ່ຽນເງິນຕາຕົວແທນຂອງຕົນທັງໝົດ,

ດໍາເນີນການປິດບັນຊີເງິນຝາກທີ່ອອກຊື່ຮ້ານແລກປ່ຽນເງິນຕາຕົວແທນ ຢູ່ທະນາຄານທຸລະກິດທີ່ກ່ຽວຂ້ອງ, ນໍາສົ່ງບົດບັນທຶກ ການຍົກເລີກສັນຍາການເປັນຕົວແທນແລກປ່ຽນເງິນຕາ ລະຫວ່າງ ທະນາຄານທຸລະກິດ ແລະ ຮ້ານແລກປ່ຽນ ເງິນຕາຕົວແທນ ພ້ອມທັງໜັງສືອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທີ່ ຂຶ້ນກັບທະນາຄານທຸລະກິດຕົນ ສົ່ງຄືນໃຫ້ແກ່ກົມນະໂຍບາຍເງິນຕາ ຫຼື ສາຂາທະນາຄານແຫ່ງ ສປປ ລາວ ປະຈໍາ ພາກ ທີ່ກ່ຽວຂ້ອງ ພາຍໃນວັນທີ 31 ມັງກອນ 2023;

3. ທະນາຄານທຸລະກິດທີ່ມີຈຸດປະສົງຕ້ອງການສ້າງຕັ້ງໜ່ວຍແລກປ່ຽນເງິນຕາ ແມ່ນໃຫ້ປະຕິບັດຕາມຂໍ້ຕົກລົງວ່າດ້ວຍ ການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022.

Continue Reading
ເດືອນມັງກອນ 2023
ເສົາ ​ອາ ​ຈ ​ພ​ຫ ​ສ
 123456
78910111213
14151617181920
21222324252627
28293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້