ນັບຕັ້ງແຕ່ມີການເປີດປະເທດມາ ທະນາຄານແຫ່ງ ສປປ ລາວ ເລີ່ມມີການກຳໜົດອັດຕາແລກປ່ຽນຢູ່ທີ່ 452,5 ກີບຕໍ່ໂດລາ ຈາກນັ້ນເງິນກີບກໍ່ໄດ້ມີການອ່ອນຄ່າຂື້ນເລື່ອຍໆ ໂດຍເຄີຍອ່ອນຄ່າສູງສຸດໃນປະຫວັດຄືໃນວັນທີ່ 18/04/2005 ຢູ່ທີ່ 10,510 ກີບ/ໂດລາ ຈາກນັ້ນເງິນກີບກໍ່ເລິ່ມມີການແຂງຄ່າຂື້ນ ແຕ່ກໍ່ເລີ່ມອ່ອນຄ່າອີກຄັ້ງໃນປີ 2017 ເປັນຕົ້ນມາ ແລະ ເລີ່ມອ່ອນຄ່າຢ່າງຊັດເຈນແມ່ນຊ່ວງການລະບາດໂຄວິດ-19 ເຊິ່ງປີນີ້ເງິນກີບອ່ອນຄ່າໄປແລ້ວປະມານ 15%
ເຊິ່ງ ກຼາບແອັດໂຊເປັນກຼາບຊື້-ຂາຍອັດຕາແລກປ່ຽນສາກົນ ດັ່ງນັ້ນທະນາຄານກາງກໍ່ຈະນຳອັດຕາແລກປ່ຽນດັ່ງກ່າວ ໄປກຳໜົດເປັນອັດຕາແລກປ່ຽນອ້າງອີງທະນາຄານທຸລະກິດ ແລະ ຮ້ານແລກປ່ຽນຢູ່ນອກ ແນ່ນອນຜົນກະທົບທີ່ເກີດຂື້ນຄື ອັດຕາແລກປ່ຽນຢູ່ນອກກໍ່ຈະສູງຂື້ນຕາມ, ຕົ້ນທຶນນຳສິນຄ້າຈາກຕ່າງປະເທດກໍ່ຈະແພງຂື້ນ, ແລະມີຜົນກະທົບຕໍ່ກຸ່ມທຸລະກິດແລະຄົນບໍລິພົກໃນການໃຊ້ເງິນກີບໃນການຊຳລະສິນຄ້າແລະບໍລິການຕ່າງໆທີ່ເປັນສະກຸນເງິນຕ່າງປະເທດ (ເງິນກີບອ່ອນຄ່ານັ້ນໜາຍເຖິງ ຕ້ອງໃຊ້ເງິນກີບໃນປະລິມານຫຼາຍຂື້ນ)
ທັ້ງນີ້ທັ້ງນັ້ນ ເງິນກີບອ່ອນຄ່າບໍ່ໄດ້ສົ່ງຜົນເສຍສະເໝີໄປ ທຸລະກິດທີ່ໄດ້ຮັບຜົນກະທົບທາງດ້ານບວກ ກໍ່ຈະເປັນກຸ່ມທຸລະກິດສົ່ງອອກ ເພາະຕ່າງປະເທດຈະເບິ່ງວ່າສິນຄ້າບ້ານເຮົາລາຄາຖືກລົງ ເຮັດໃຫ້ມີການສັ່ງຊື້ໃນປະລິມານທີ່ຫຼາຍຂື້ນ
*ep ຕໍ່ໄປ ແອັດຈະມາວິເຄາະສາເຫດເງິນກີບອ່ອນຄ່າສູງສຸດໃນປະຫວັດໄດ້ຢ່າງໃດ ຝາກຕິດຕາມຕອນຕໍ່ໄປ😊
ທີ່ມາ: 10 STORY ເລື່ອງເລົ່າຂອງ 10
