ຝົນຕົກໜັກໃນອິນເດຍ-ສີລັງກາ ເສຍຊີວິດ41ຄົນ – ສື່ລາວ.ຄອມ

ຝົນຕົກໜັກໃນອິນເດຍ-ສີລັງກາ ເສຍຊີວິດ41ຄົນ

ເກີດ​ຝົນຕົກ​ໜັກ ​ໃນ​ພາກ​ໃຕ້ ​ຂອງ​ອິນ​ເດຍ ​ເຮັດ​ໃຫ້​ມີ ​ຜູ້​ເສຍ​ຊີວິດ 16ຄົນ ແລະ ສີ​ລັງກາ ​​ມີ​ຜູ້​ເສຍ​ຊີວິດ 25ຄົນ ບາດ​ເຈັບອີກ 5ຄົນ ຫລັງ​ຈາກ ​ເກີດ​ນ້ຳ​ຖ້ວມ ​ເປັນ​ບໍລິ​ເວນ​ກວ້າງ ສ້າງ​ຄວາມ​ເສຍ​ຫາຍ ​ຢ່າງ​ໜັກ.

ປັດຈຸບັນ ​ເຈົ້າໜ້າ​ທີ່​ກູ້​ໄພ ທັງ​ສອງ​ປະ​ເທດ ພວມ​ໃຫ້ການ​ຊ່ວຍ​ເຫລືອ​ ຜູ້​ເຄາະ​ຮ້າຍ​ ໃນ​ຄັ້ງນີ້​ ຢ່າງ​ຮີບ​ດ່ວນ.

ຂະນະ​ທີ່ ສຳນັກງານ ອຸຕຸນິຍົມ ​ວິທະຍາ​ ຂອງ​ອິນ​ເດຍ ​ເປີດ​ເຜີຍ​ ເມື່ອ​ບໍ່​ດົນ​ມາ​ນີ້​ວ່າ: ອິນ​ເດຍ ຈະ​ມີ​ປະລິມານ​ນ້ຳ​ຝົນ​ ໃນ​ລະດັບ​ໜ້ອຍ​ ຫາ​ປານ​ກາງ ​ໃນ​ພື້ນ​ທີ່​ສ່ວນ​ໃຫຍ່​ ທາງ​ພາກ​ໃຕ້ ​ແລະ ​ອາດ​ເຮັດ​ໃຫ້​ເກີດ​ນ້ຳ​ຖ້ວມ​ ເປັນຄັ້ງຄາວ​ ຕາມ​ເສັ້ນທາງ ​ແລະ ພື້ນ​ທີ່​ຕ່ຳ.

ຂະນະ​ທີ່ ສີ​ລັງກາ ຈະ​ມີ​ປະລິມານ​ ນ້ຳ​ຝົນ ​ທີ່​ຫລຸດ​ລົງ ​ເນື່ອງ​ຈາກ ​ສະພາບ​ ອາກາດ ​ທີ່​ບໍ່​ດີ ​ໄດ້​ພັດ​ຜ່ານ​ໄປ​ ທົ່ວ​ປະ​ເທດ​ແລ້ວ./.

ຮຽບຮຽງ​ຂ່າວ​ໂດຍ ສະ​ໄຫວ ລາດ​ປາກ​ດີ

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້