ອຸປະຕິເຫດ. ຕໍ່ມາເມື່ອ Zhou ອາຍຸໄດ້ 5 ປີ ກໍສູນເສຍແມ່ໄປອີກຄົນ ແລະ ຄອບຄົວຈຶ່ງຍິ່ງລຳບາກ ສິ່ງເຫລົ່ານີ້ເຮັດໃຫ້ໃນແຕ່ລະມື້ຄວາມຄິດທີ່ວົນວຽນຢູ່ກັບລາວກໍຄື “ຈະເຮັດແນວໃດ ຈຶ່ງຈະບໍ່ຕ້ອງອົດໃນມື້ຕໍ່ໄປ”. ເມື່ອ Zhou ອາຍຸໄດ້ 16 ປີ ລາວໄດ້ລາອອກຈາກໂຮງຮຽນ ແລະ ອອກມາເຮັດວຽກເປັນພະນັກງານຢູ່ໂຮງງານປະກອບເລນສ໌ແກ້ວໂມງ. ນອກນີ້ ຍັງເລືອກຈະຮຽນເພີ່ມວິຊາບັນຊີພາກຄ່ຳດ້ວຍຄວາມຝັນເລິກໆວ່າ “ໃນມື້ໜຶ່ງຈະຕ້ອງໄດ້ເປັນເຈົ້າຂອງທຸລະກິດຂອງຕົນເອງ”. Zhou ໃຊ້ເວລາເກັບເງິນຢູ່ຫລາຍປີ ຈົນໃນປີ 1993 ກໍສາມາດທ້ອນເງິນໄດ້ປະມານ 2.666 ກວ່າໂດລາ ຈຶ່ງລົງທຶນເປີດໂຮງງານທຳອິດຂອງຕົນເອງ ຜະລິດສິ່ງທີ່ຕົນມີປະສົບການຢູ່ແລ້ວນັ້ນກໍຄື ເລນສ໌ແກ້ວໂມງ ເຊິ່ງຈຸດເລີ່ມຕົ້ນຈາກໂຮງງານທີ່ມີຈຳນວນພະນັກງານບໍ່ຮອດ 10

ຄົນ ແລະ ທັງໝົດກໍເປັນຍາດຕິພີ່ນ້ອງຂອງຕົນ ໂດຍໃຊ້ເວລາອີກຫລາຍປີຂະຫຍາຍທຸລະກິດຈົນກາຍເປັນໂຮງງານທີ່ມີພະນັກງານຮອດຫລັກພັນຄົນ, ມາຮອດປີ 2003 ໂຮງງານຂອງ Zhou ກໍສາມາດເຊັນສັນຍາກັບ Motorol ໄດ້ຢ່າງສຳເລັດ.ເລື່ອງນີ້ກາຍເປັນຄວາມທ້າທາຍຄັ້ງສຳຄັນ ເນື່ອງຈາກຄູ່ແຂງທີ່ Zhou ສາມາດເອົາຊະນະຈົນປະມູນສັນຍານີ້ໄດ້ ຮູ້ສຶກບໍ່ພໍໃຈຈຶ່ງຮ່ວມມືກັບບໍລິສັດ ຊັບພຣາຍເອີ ແລະ ພະຍາຍາມບີບໃຫ້ Zhou ບໍ່ສາມາດສົ່ງມອບງານໄດ້ ແລະ ບັງຄັບໃຫ້ລາວຕ້ອງໃຊ້ເງິນສົດຈ່າຍຄ່າວັດຖຸທັງໝົດກ່ອນຈຶ່ງຈະຍອມສົ່ງເຄື່ອງໃຫ້ ເຊິ່ງໃນຕອນນັ້ນ Zhou ກໍໄດ້ຂາຍຊັບສິນທີ່ມີຄ່າສ່ວນຕົວໄປຫລາຍຢ່າງ ລວມທັງເຮືອນທີ່ອາໄສຢູ່ ແຕ່ເງິນທີ່ໄດ້ມາກໍຍັງບໍ່ພໍກັບຄ່າວັດຖຸດັ່ງກ່າວ.ຂະນະດຽວກັນ, Zhou ຮູ້ສຶກໝົດຫວັງທີ່ສຸດຈົນຢາກໜີຫາຍໄປຈາກ

ສະຖານະການນີ້ ແຕ່ສິ່ງທີ່ດຶງສະຕິຂອງລາວໄວ້ກໍຄືໂທລະສັບຈາກລູກສາວທີ່ໂທເຂົ້າມາພໍດີ ຈຶ່ງເຮັດໃຫ້ຮັບຮູ້ເຖິງພາລະໜ້າທີ່ ທີ່ຕ້ອງຮັບຜິດຊອບຄົນຂ້າງຫລັງອີກເປັນຈຳນວນຫລາຍ. ສຸດທ້າຍຈຶ່ງຕັດສິນໃຈຂໍຄວາມຊ່ວຍເຫລືອຈາກ Motorola ແລະ ສາມາດລອດພົ້ນຈາກບົດທົດສອບນີ້ໄປໄດ້ຈົນໃນທີ່ສຸດ.ໃນປີ 2015 ບໍລິສັດ Lens Technology ຂອງ Zhou ກໍສາມາດເຂົ້າຈົດທະບຽນໃນຕະຫລາດຫລັກສັບ, ປັດຈຸບັນ ບໍລິສັດ ມີມູນຄ່າປະມານ 11.333 ຕື້ໂດລາ, ມີພະນັກງານເກືອບ 2 ແສນຄົນ ແລະ ຍອດຂາຍໃນປີ 2019 ໄດ້ຫລາຍກວ່າ 4.333 ຕື້ໂດລາ ເຊິ່ງເຫັນໄດ້ເຖິງການເຕີບໃຫຍ່ຢ່າງຕໍ່ເນື່ອງໃນຊ່ວງຫລາຍປີຜ່ານມາ.ປັດຈຸບັນ ມີສິນຄ້າຄວບຄຸມນັບແຕ່ໜ້າຈໍໂທລະສັບມືຖື, ແທັບເລັບ, ຄອມພິວເຕີ, ເລນສ໌ກ້ອງ ໄປຈົນຮອດແກ້ວແວ່ນສຳລັບການ

ສະແກນລາຍນິ້ວມື ແລະ ລະບົບສຳຜັດ ເຊິ່ງອາດເອີ້ນໄດ້ວ່າເປັນບໍລິສັດວິໄຈພັດທະນາ ແລະ ຜະລິດສິນຄ້າທີ່ກ່ຽວຂ້ອງກັບເລນສ໌ ເຊິ່ງຖືວ່າຈະເປັນສິ່ງທີ່ຈຳເປັນຕໍ່ມະນຸດຫລາຍຂຶ້ນເລື້ອຍໆ.ຖ້າເຮົາເບິ່ງຮູບ Zhou ໃນມື້ນີ້ເຮົາອາດເຫັນພຽງແຕ່ຜູ້ຍິງເກັ່ງທີ່ປະສົບຜົນສຳເລັດ, ແຕ່ແທ້ຈິງແລ້ວກວ່າຈະມາຮອດຈຸດນີ້ໄດ້ຊີວິດຂອງລາວກໍຜ່ານບົດທົດສອບມາຫລາຍສິ່ງຫລາຍຢ່າງ ເຊິ່ງສິ່ງສຳຄັນທີ່ເຮັດໃຫ້ Zhou ມາຮອດຈຸດນີ້ໄດ້ກໍຄືຄວາມອົດທົນ ໂດຍສະເພາະໃນຊ່ວງເວລາທີ່ທຸກຍາກລຳບາກ “ຖ້າເຮົາເດີນທາງມາໄດ້ເຄິ່ງທາງແລ້ວ ເຮົາຄົງບໍ່ກ້າທີ່ຈະກັບໄປເລີ່ມຕົ້ນໃໝ່ອີກຄັ້ງ. ດັ່ງນັ້ນ, ຖ້າເຮົາພົບອຸປະສັກໃດໆຈົ່ງອົດທົນ ແລະ ສູ້ຕໍ່ໄປ ແລະ ຄວາມອົດທົນນີ້ກໍຈະພາໃຫ້ເຮົາໄປສູ່ຄວາມສຳເລັດໄດ້ໃນທີ່ສຸດ”ນີ້ແມ່ນຄຳກ່າວຂອງ Zhou Qunfei ເປັນຜູ້ບໍລິຫານ (CEO) ຂອງ Lens Technology ເພື່ອເຕືອນໃຈຕົນເອງ ແລະ ພະນັກງານບໍລິສັດ.