ແຈ້ງການດ່ວນ!..ເຂື່ອນໄຟຟ້າຫ້ວຍລຳພັນໃຫຍ່ຈະປ່ອຍນ້ຳອອກ. – ສື່ລາວ.ຄອມ

ແຈ້ງການດ່ວນ!..ເຂື່ອນໄຟຟ້າຫ້ວຍລຳພັນໃຫຍ່ຈະປ່ອຍນ້ຳອອກ.

ເຂື່ອນໄຟຟ້າຫ້ວຍລຳພັນໃຫຍ່ແຈ້ງການກ່ຽວກັບການປ່ອຍນ້ຳເພື່ອປັບລະດັບນ້ຳຂອງອ່າງເກັບນ້ຳຂອງເຂື່ອນໄຟຟ້າຫ້ວຍລຳພັນໃຫຍ່ ເລີ່ມເວລາ 23:00 ໂມງ ຂອງວັນທີ 17 ຕຸລາ 2021 ຫາເວລາ 24:00 ໂມງ ຂອງວັນທີ 22 ຕຸລາ 2021

ເຂື່ອນໄຟຟ້າຫ້ວຍລຳພັນໃຫຍ່ຈະໄຂປະຕູນ້ຳລົ້ນເພື່ອລະບາຍນ້ຳລົງສູ່ຄອງເດີມເພື່ອຮັກສາລະດັບນ້ຳໃນໜ້າເຂື່ອນ ບໍ່ໃຫ້ສູງເກີນລະດັບເຕືອນໄພ ສະນັ້ນ ຈຶ່ງແຈ້ງມາຍັງ ທຸກພາກສ່ວນທີ່ກ່ຽວຂ້ອງ ແລະ ປະຊາຊົນທີ່ທຳມາຫາກິນ ຕາມສາຍນ້ຳຫ້ວຍລຳພັນໃຫຍ່ (ໂດຍສະເພາະແມ່ນບໍລິເວນກ້ອງເຂື່ອນໄຟຟ້າຫ້ວຍລຳພັນໃຫຍ່ ຫາເຂື່ອນໄຟຟ້າຫ້ວຍລຳພັນຕອນລຸ່ມ)

ໃຫ້ມີສະຕິເຝົ້າລະວັງ ຖ້າບໍ່ມີຄວາມຈຳເປັນກໍ່ໃຫ້ຫຼີກລ້ຽງໄປທຳມາຫາກິນຕາມສາຍນ້ຳ, ລົງຫຼິ້ນນ້ຳ, ການນຳສັດລ້ຽງໄປຜູກໄວ້ຕາມແຄມນໍ້າ ໃນບໍລິເວນທີ່ກ່າວມານັ້ນ ເພື່ອຄວາມປອດໄພຂອງທ່ານ ແລະ ສັດລ້ຽງຂອງທ່ານ ຖ້າມີຄວາມຈຳເປັນຕ້ອງລະບາຍນ້ຳຈຳນວນຫຼາຍ ຈະໄດ້ແຈ້ງໃຫ້ທ່ານຊາບອີກເທື່ອໜຶ່ງ.

ສຳລັບການປ່ອຍນ້ຳຄັ້ງນີ້ຈະປະຕິບັດຄື: ຊ່ວງວັນທີ 17 ຕຸລາ 2021 ເວລາ 23:00 ໂມງ ຫາເວລາ 24:00 ໂມງ ຂອງ ວັນທີ 22 ຕຸລາ 2021 ຈະປ່ອຍນ້ຳ 55,47 ແມັດກ້ອນຕໍ່ວິນາທີ ຫຼັງຈາກວັນທີ 22 ຕຸລາ 2021 ເວລາ 24:00 ໂມງ ຈະມີການລະບາຍນ້ຳຕາມປະລິມານນ້ຳທີ່ເຂົ້າອ່າງ ແລະ ນ້ຳຜ່ານກົງຫັນຕົວຈິງ ເພື່ອຮັກສາລະດັບນ້ຳໃຫ້ຢູ່ໃນລະດັບຄວາມປອດໄພຈົນເຖິງວັນທີ 25 ຕຸລາ 2021.

ສະນັ້ນ ເພື່ອກະກຽມການປ່ອຍນ້ຳຄັ້ງນີ້ ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ອອກແຈ້ງການ ເຖິງ ພະແນກພະລັງງານ ແລະ ບໍ່ແຮ່ ແຂວງເຊກອງ, ພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງເຊກອງ, ຫ້ອງວາການ ປົກຄອງເມືອງ ລະມ່າມ ແລະ ເມືອງ ທ່າແຕງ ແຂວງເຊກອງ,

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້