ແຊ໌ເຕືອນ ຫ້າມໃຊ້ເຫຼົ້າຂ້າເຊື້ອ ສີດພົ້ນໃຫ້ອາຫານ ອາດອັນຕະລາຍເຖີງຊີວິດ

ເນື່ອງຈາກການແຜ່ລະບາດຂອງເຊື້ອພະຍາດໂຄວິດ 19 ທີ່ກະຈາຍໄປທົ່ວ ຫຼາຍຄົນກໍກັງວົນວ່າເຊື້ອພະຍາດອາດເຕັມໄປທົ່ວ ແລະກໍອາດມີບາງຄົນທີ່ເຂົ້າໃຈຜິດວ່າການຊີດຢາຂ່້ເຊື້ອໃຊ້ອາຫານກ່ອນຮັບປະທານນັ້ນ.

ຈະເຮັດໃຫ້ຕົນປອດໄພອີກວິທີໜຶ່ງ ເຊິ່ງ ທ່ານນາງ ດຣ. ບົວຜັນ ຄຳພາພົງຜ່ານ, ຮອງຫົວໜ້າສູນວິເຄາະ ແລະ ລະບາດວິທະຍາ, ກະຊວງສາທາລະນະສຸກ ແຈ້ງໃຫ້ບັນດາທ່ານຊາບ.

ປັດຈຸບັນ ສັງເກດເຫັນວ່າ ມີປະຊາຊົນຈຳນວນໜຶ່ງ ມີຄວາມກັງວົນກ່ຽວກັບ ເຊື້ອພະຍາດໂຄວິດ-19 ທີ່ອາດຈະຕິດມາກັບອາຫານທີ່ຊື່້ມາ ເຮັດໃຫ້ບາງທ່ານໃຊ້ເຫຼົ້າຂ້າເຊື້ອຮູບແບບສະເປສີດພົ່ນໃສ່ອາຫານກ່ອນຮັບປະທານ, ຄວາມຈິງແລ້ວ ການປະຕິບັດດັ່ງກ່າວ ເປັນການເຂົ້າໃຈທີ່ບໍ່ຖືກຕ້ອງຕາມຫຼັກການ ເພາະເຫຼົ້າຂ້າເຊື້ອທີ່ເປັນຮູບແບບສະເປຜົ່ນ ບໍ່ຄວນສີດລົງໃສ່ອາຫານໂດຍກົງ ເພາະອາດເປັນອັນຕະລາຍເຖິງຊີວິດໄດ້.

ສະນັ້ນ, ວິທີການຂ້າເຊື້ອພະຍາດ ແລະ ຫຼຸດຜ່ອນຄວາມສ່ຽງໃນການຕິດເຊື້ອ ກໍ່ຄືການປຸງແຕ່ງອາຫານໃຫ້ສຸກດີ ແລະ ຮັບປະທານອາຫານສົດໃໝ່ທຸກຄັ້ງ.

ພ້ອມດຽວກັນນີ້ ຫຼາຍທ່ານ ໄດ້ເຮັດຄວາມສະອາດພາຍໃນບ້ານ ໂດຍການພົ່ນນ້ຳຢາຂ້າເຊື້ອ ເຊິ່ງອາດໃຊ້ບໍລິການຂອງໜ່ວຍງານໃດໜຶ່ງ ຫຼື ຊື້ມາພົ່ນເອງ.

ດັ່ງນັ້ນ, ຂໍໃຫ້ບັນດາທ່ານ ກວດສອບ ນ້ຳຢາຂ້າເຊື້ອຊະນິດດັ່ງກ່າວ ວ່າມີຄວາມເໝາະສົມຕໍ່ການນຳມາໃຊ້ ພາຍໃນບ້ານຂອງທ່ານ ຢ່າງປອດໄພ ແລະ ປາສະຈາກ ສານທີ່ເປັນອັນຕະລາຍ ຫຼື ບໍ່ ເຊິ່ງຕ້ອງໄດ້ຜ່ານການຮັບຮອງຄຸນນະພາບ ຈາກກະຊວງສາທາລະນະສຸກ.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້