ເສົ້າສະຫຼົດໃຈ…!! ຫຼົງຍິງ ກັນຄິດວ່າແມ່ນໝູປ່າ ເສຍຊີວິດ 1 ຄົນ (ມີຄລິບ)

ເສົ້າສະຫຼົດໃຈ…!!! ຫຼົງ ຍິ ງ ກັນຄິດວ່າແມ່ນໝູ່ປ່າ ເສຍຊີວິດ 1 ຄົນ ຂໍສະແດງຄວາມເສຍໃຈນຳເດີ້(ມີຄລິບ)

ຫຼົງຍິງກັນຄິດວ່າແມ່ນໝູ່ປ່າ (ບ້ານສາງແຫນ2 ເມືອງນາແລ ແຂວງຫຼວງນ້ຳທາ)

ໃນເວລາ 8:45 ນາທີ ຂອງວັນທີ່ 1/10/2021 ທີ່ຜ່ານມາ ປກສ ເມືອງນາແລ ແຂວງຫຼວງນ້ຳທາ ໃຫ້ຮູ້ວ່າ: ໄດ້ແຈ້ງຄວາມຈາກພົນລະເມືອງດີ ມີປະຊາຊົນບ້ານສາງແຫນ 3 ຄົນ ໄປລ່າເນື້ອແລ້ວຫຼົງຍິງກັນເສຍຊີວິດ 1 ຄົນ

ຈາກນັ້ນຈິ່ງໄດ້ແຕ່ງຕັ້ງໜ່ວຍພະນັກງານວິຊາສະເພາະລົງກວດກາ ສັນນະສູດສະຖານທີ່ເກີດເຫດ ຈິ່ງພົບຜູ້ເສຍຊີວິດໜຶ່ງຄົນຊື່ ທ.ວ່າງແກ້ວ ອາຍຸ 46ປີ ພ້ອມໝູ່ຄູ່ໄປນຳກັນ 2 ຄົນ.

ຊື່ທ.ສົມດີ ອາຍຸ 55 ປີ ແລະ ທ.ໃຈ ອາຍຸ 50 ປີ ທັງ 3 ເປັນປະຊາຊົນ ຢູ່ບ້ານສາງແຫນ2 ເມືອງນາແລ ແຂວງ ຫຼວງນ້ຳທາ ຜ່ານການເກັບກຳຂໍ້ມູນສືບສວນສອບສວນຂອງເຈົ້າໜ້າທີ່

ທ.ສົມດີ ຜູ້ຖືກຫາ ໄດ້ຮັບສາລະພາບວ່າ ກ່ອນເກີດເຫດ ທ.ວ່າງແກ້ວ ຜູ້ເສຍຊີວິດໄດ້ໄປລ່າສັດປ່າແລະໄດ້ຍິງໝູປ່າ 1 ໂຕ ແຕ່ບໍ່ຕາຍ ຈຶ່ງໄດ້ກັບມາບ້ານເພື່ອຊັກຊວນເອົາຕົນເອງແລະທ.ໃຈ ພ້ອມໝາອີກ 3 ໂຕໄປຊອກໝູປ່າ.

ພາຍຫຼັງໄດ້ຕົກລົງກັນລະອຽດແລ້ວ ທັງ3ກໍ່ໄດ້ເອົາປືນແກັບຄົນລະກະບອກ ເດີນທາງໄປຫາຈຸດໝາຍດັ່ງກ່າວ ພໍໄປຮອດກໍ່ໄດ້ແຍກທາງກັນ ພ້ອມທັງປ່່ອຍໝາເຂົ້າໄປໃນປ່າ.

ໄດ້ປະມານ 2-3 ນາທີ ໄດ້ຍິນສຽງໝາເຫົ່າຕົນເອງຈຶ່ງເຂົ້າໄປຈອບຍິງປະກົດເຫັນປ່າໄມ້ເໜັງໄປມາຄິດວ່າຕ້ອງແມ່ນໝູປ່າທີ່ຖືກບາດເຈັບ ຈຶ່ງຍົກປືນຍິງໃສບາດໝຶ່ງແລ້ວເຂົ້າໄປເບິ່ງປະກົດວ່າແມ່ນທ.ວ່າງແກ້ວ ນອນຄວ້ຳໜ້າຟູມກອງເລືອດຢູ່.

ຈາກນັ້ນຈິ່ງໄດ້ເອີ້ນເອົາທ.ໃຈມາເບິ່ງນຳກັນ ພ້ອມທັງໃຫ້ລາວເຝົ້າທ.ວ່າງແກ້ວ ທີ່ໄດ້ຮັບບາດເຈັບແລ້ວຕົນເອງກໍ່ໄດ້ກັບມາບ້ານ ເພື່ອແຈ້ງໃຫ້ຍາດພີ້ນ້ອງໄປຊ່ວຍເອົາມາໂຮງໝໍ.

ແຕ່ກໍ່ຍ້ອນວ່າ ທ.ວ່າງແກ້ວໄດ້ຮັບບາດເຈັບສາຫັດ ຖືກລູກປືນຍິງເຂົ້າຂະໝັບຫູເບື້ອງຊ້າຍເຮັດໃຫ້ເສຍເລືອດຫຼາຍ ທົນຕໍ່ບາດແຜບໍ່ໄດ້ຈິ່ງເສຍຊີວິດໃນເວລາຕໍ່ມາ ແນວໃດກໍ່ຕາມຂໍສະແດງຄວາມເສຍໃຈນຳຄອບຄົວຜູ້ເສຍຊີວິດດ້ວຍ.

ຊົມຄລິບ

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້