ເຈົ້າໜ້າທີ່ກັກຕົວ ຜູ້ກໍ່ເຫດ 2 ຄົນ ຖານຮ່ວມກັນລັກຊັບ ” ຕູ້ເຊັບ ” ໄດ້ເງີນ 559 ລ້ານກີບ – ສື່ລາວ.ຄອມ
Connect with us

ຂ່າວພາຍໃນ

ເຈົ້າໜ້າທີ່ກັກຕົວ ຜູ້ກໍ່ເຫດ 2 ຄົນ ຖານຮ່ວມກັນລັກຊັບ ” ຕູ້ເຊັບ ” ໄດ້ເງີນ 559 ລ້ານກີບ

Published

on

ຫ້ອງຕໍາຫຼວດ ກອງບັນຊາການ ປກສ ແຂວງອຸດົມໄຊ ນຳຕົວຜູ້ກໍ່ເຫດ 2 ຄົນ ທີ່ຮ່ວມກັນລັກຕູ້ເຊັບຂອງພົນລະເມືອງຢູ່ບ້ານຫຼັກ 32 ເມືອງໄຊ ໃນຕູ້ເຊັບມີເງິນ 559.000.000 ກີບ ໄປເຮັດແຜນປະກອບຄໍາສາລະພາບຢູ່ຈຸດເກີດເຫດໃນ ວັນທີ 29 ພຶດສະພາ ທີ່ຜ່ານມາ, ເພື່ອປະກອບໃສ່ສໍານວນຄະດີ ກ່ອນສະຫຼຸບສົ່ງໃຫ້ໄອຍະການສັ່ງຟ້ອງຂຶ້ນສານຕັດສິນຕາມກົດໝາຍ.

ຜູ້ຖືກຫາທັງ 2 ຄົນຊື່ ທ້າວ ຕູວ່າ ຫຼື ໄຊວ່າ ອາຍຸ 30 ປີ ຢູ່ບ້ານຫຼັກ 32 ແລະ ທ້າວ ເບິງລີ ຫຼື ບຸນລີ ອາຍຸ 16 ປີ ຢູ່ບ້ານຫ້ວຍແພ ທັງ 2 ຢູ່ເມືອງໄຊ ແຂວງອຸດົມໄຊ ກໍ່ເຫດລັກຕູ້ເຊັບຂອງ ທ້າວ ປິງຈາ ເຊັງເຊີນ ອາຍຸ 50 ປີ ຢູ່ບ້ານຫຼັກ 32 ເມືອງໄຊ. ເຫດການດັ່ງກ່າວເກີດຂຶ້ນ ໃນວັນທີ 29 ກັນຍາ 2019 ໂດຍຜູ້ເສຍຫາຍ ໄດ້ເຂົ້າແຈ້ງ ຄວາມຕໍ່ເຈົ້າໜ້າທີ່ວ່າ: ມີຄົນຮ້າຍບໍ່ຊາບຈຳນວນງັດເຂົ້າເຮືອນ ໃນເວລາປະມານ 2-3 ໂມງ ແລະ ໄດ້ລັກເອົາຕູ້ເຊັບ 1 ໜ່ວຍ, ເຊິ່ງໃນຕູ້ເຊັບມີເງິນຈໍານວນ 559.000.000 ກວ່າກີບ.

ຈາກນັ້ນ, ເຈົ້າໜ້າທີ່ຕໍາຫຼວດວິຊາສະ ເພາະໄດ້ຈັດກໍາລັງລົງເກັບກຳຂໍ້ມູນກວດກາຊັນນະສູດສະຖານທີ່ເກີດເຫດ ເຫັນວ່າມີມູນຄວາມຈິງແທ້ ພ້ອມທັງຈັດຕັ້ງໜ່ວຍສະເພາະກິດລົງຕິດຕາມເປົ້າໝາຍຢູ່ຈຸດຫຼ່ໍແຫຼມຕ່າງໆ. ຜ່ານການຕິດຕາມຮອດວັນທີ 11 ພະຈິກ 2019, ຈຶ່ງສາມາດນໍາຕົວ ທ້າວ ຕູວ່າ ແລະ ທ້າວ ເນັງລີ ໄປສອບສວນ.ຜ່ານການສອບສວນ ພວກກ່ຽວຮັບສາລະພາບວ່າ: ໃນໄລຍະເດືອນສິງຫາ 2019, ທ້າວ ຕູວ່າ ຫຼື ໄຊວ່າ ໄດ້ໄປຊື້ນໍ້າດື່ມຢູ່ຮ້ານຂາຍເຄື່ອງຂອງຜູ້ເສຍຫາຍ ແລະ ໄດ້ສັງເກດເຫັນເຈົ້າຂອງຮ້ານນັບເງິນເກັບມ້ຽນຈຳນວນຫຼວງ ຫຼາຍ.

ຈາກນັ້ນ, ທ້າວ ຕູວ່າ ຈຶ່ງວາງແຜນໂດຍຊັກຊວນໝູ່ອີກ 3 ຄົນ ເຂົ້າໄປລັກເອົາເງິນຢູ່ໃນຮ້ານດັ່ງກ່າວ; ຮອດທ່ຽງຄືນຂອງວັນທີ 29 ກັນຍາ 2019, ຈຶ່ງພາກັນຂີ່ລົດຈັກໄປທີ່ຮ້ານຂາຍເຄື່ອງຂອງຜູ້ເສຍຫາຍ ( ທ້າວ ປິງຈາ) ແລ້ວນໍາໃຊ້ສານເຄມີ (ຢາສະຫຼົບ) ທີ່ກຽມມາຈູດແລ້ວເປົ່າໃສ່ບ່ອນຄົນຍາມ ແລະ ຫ້ອງນອນຂອງ ທ້າວ ປິງຈາ ເຮັດໃຫ້ຄົນພາຍໃນຫ້ອງນອນ ແລະ ຄົນຍາມໝົດສະຕິ.

ພວກກ່ຽວໄດ້ເອົາມີດງັດແງະປະຕູທາງໜ້າຮ້ານເຂົ້າໄປ ແລ້ວພາກັນຫາມເອົາຕູ້ເຊັບທີ່ຜູ້ເສຍຫາຍເກັບມ້ຽນເງິນ ອອກໄປໃສ່ລົດຈັກແລ້ວຂີ່ມຸ່ງໜ້າໄປເບື້ອງເສັ້ນ ທາງເທດສະບານເມືອງໄຊ. ພໍໄປຮອດໄລຍະທາງປະມານ 1 ກິໂລແມັດ, ພວກກ່ຽວໄດ້ເອົາຕູ້ເຊັບຖິ້ມລົງແຄມທາງ ໂດຍໃຫ້ ທ້າວ ຕູວ່າ ເປັນຜູ້ຕິດຕາມເບິ່ງຕົ້ນທາງ ສ່ວນ ທ້າວ ເບິງລີ ພ້ອມໝູ່ພາກັນງັດຕູ້ເຊັບໂດຍອຸປະ ກອນທີ່ກຽມມາ.

ພາຍຫຼັງງັດສຳເລັດເຫັນເງິນຈໍານວນຫຼາຍ ຈຶ່ງເອົາເງິນອອກມາປັນກັນ ຈາກນັ້ນ, ໄດ້ພາກັນໄປຫຼິ້ນການພະນັນຫຼິ້ນເກມອອນລາຍຢູ່ເຂດບ້ານນາເລົາ ເມືອງໄຊ ຈົນໝົດ. ມາວັນທີ 11 ພະຈິກ 2019, ຈຶ່ງຖືກເຈົ້າໜ້າທີ່ຕຳ ຫຼວດ ປກສ ເມືອງໃໝ່ ແຂວງຜົ້ງສາລີ ກັກຕົວໄດ້ໃນຂໍ້ຫາເຄື່ອນໄຫວລັກຊັບພົນລະເມືອງປະເພດລົດຈັກ ພ້ອມທັງສາລະພາບວ່າ ໄດ້ລັກເງິນຢູ່ແຂວງອຸດົມໄຊ. ຈາກນັ້ນ, ປກສ ແຂວງ ຜົ້ງສາລີ ໄດ້ມອບພວກກ່ຽວໃຫ້ ປກສ ແຂວງອຸດົມໄຊ ເພື່ອດໍາເນີນການສອບສວນດໍາເນີນຄະດີຕາມກົດໝາຍ.

Continue Reading

ຂ່າວພາຍໃນ

ລັດຖະມົນຕີ ເວົ້າເດັດຂາດ ຈະເຄັ່ງຄັດ ຄວາມປອດໄພຂຶ້ນເຕື່ມ

Published

on

By

ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີກະຊວງປ້ອງກັນ ຄວາມສະຫງົບ ລົງ ເຄື່ອນໄຫວຊີ້ນໍາວຽກງານປ້ອງກັນຄວາມສະຫງົບ ຢູ່ເຂດເສດຖະກິດ ພິເສດສາມຫຼ່ຽມ-ຄໍາ ພ້ອມເນັ້ນຢໍ້າໃຫ້ພາກສ່ວນ ທີ່ກ່ຽວຂ້ອງ ໃຫ້ຄວາມ ສໍາຄັນກັບວຽກງານຄວາມສະຫງົບໃນຂົງເຂດ ດັ່ງກ່າວຫຼາຍຂຶ້ນ.

ໃນວັນທີ 28 ມັງກອນ 2023, ທ່ານ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບ ຢູ່ເຂດເສດຖະກິດພິເສດ ເມືອງຕົ້ນເຜີ້ງ ແຂວງບໍ່ ແກ້ວ,

ໂດຍການຕ້ອນຮັບຂອງ ທ່ານ ຈ້າວເຫີວຍ ປະທານສະພາຜູ້ ບໍລິຫານເຂດເສດຖະກິດພິເສດ ສາມຫຼ່ຽນຄໍາແຂວງບໍ່ແກ້ວ, ມີບັນດາ ການນໍາພັກແຂວງ, ຫົວຫນ້າ-ຮອງຫົວຫນ້າຫ້ອງວ່າການແຂວງ, ເຈົ້າເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະພັກ, ຄະນະຄຸ້ມຄອງເຂດເສດຖະກິດພິເສດ ເຂົ້າຮ່ວມ.

ໂອກາດດັ່ງກ່າວ ທ່ານ ພົອ ວິໄລ ກໍໄດ້ມີຄໍາເຫັນໂອ້ລົມຊີ້ນໍາຕໍ່ ຄະນະ ຄຸ້ມຄອງເຂດເສດຖະກິດພິເສດ ຈົ່ງພ້ອມກັນພັດທະນາເຂດເສດຖະກິດ ພິເສດໃຫ້ກາຍເປັນຕົວເມືອງທີ່ທັນສະໄຫມ, ມີພື້ນຖານເສດຖະກິດທີ່ເຂັ້ມ ແຂງ, ສັງຄົມມີຄວາມສີວິໄລຍຸຕິທໍາ, ເປັນສູນການຄ້າ-ການລົງທຶນ,ສາມາດກາຍເປັນແຫຼ່ງທ່ອງທ່ຽວລະດັບອາຊຽນ.

ພິເສດແມ່ນໃຫ້ມີຄວາມ ສະຫງົບ, ມີຄວາມປອດໄພ, ແຕ່ສິ່ງສໍາຄັນຕ້ອງຕິດພັນກັບ ຮ່ອງຮ້ອຍ ປະຫວັດສາດ, ຮີດຄອງວັດທະທໍາອັນເກົ່າແກ່ ແລະ ສ້າງໃຫ້ເຂດດັ່ງກ່າວ ກາຍເປັນການຄຸ້ມຄອງບໍລິຫານຕາມກົນໄກ ຕາມຫົວຫນ່ວຍບໍລິຫານໃນ ເງື່ອນໄຂເສດຖະກິດ ມີການເຕີຍໃຫຍ່ຂະຫຍາຍຕົວ, ເຂດພິເສດ ຕ້ອງໄດ້ ຍົກລະດັບການຄຸ້ມຄອງໃຫ້ສູງຂຶ້ນ

ໂດຍມອບໃຫ້ສູນກາງປະສານສົມທົບ ກັບທ້ອງຖິ່ນ ພ້ອມກັນຈັດຕັ້ງປະຕິບັດ, ສ້າງເປັນຫນ່ວຍງານຫນຶ່ງຄຸ້ມຄອງ ບໍລິຫານເຂດພິເສດ ເພື່ອແກ້ໄຂສະພາບທີ່ເກີດຂຶ້ນໃຫ້ທັນເວລາ ເພື່ອໃຫ້ ກາຍເປັນເມືອງທີ່ມີຄວາມສະຫງົບ, ທັນສະໄຫມ, ເປັນບ່ອນພັກຜ່ອນ, ທີ່ມີ ຄວາມເປັນລະບຽບຮຽບຮ້ອຍ, ສະຫງົບປອດໄພ, ກາຍເປັນເຂດພິເສດທີ່ ເປັນເຂດຕົວແບບ ແລະ ຄຸ້ມຄອງໃຫ້ມີປະສິດທິຜົນທີ່ດີຂຶ້ນກວ່າເກົ່າ.

ໂດຍໃນປີ 2022 ທີ່ຜ່ານມາ ສໍາລັບວຽກງານ ປ້ອງກັນຄວາມສະຫງົບ ໃນ ເຂດເສດຖະກິດພິເສດ ສາມຫຼ່ຽມຄໍາ ໄດ້ມີປະກົດການຫຍໍ້ທໍ້ເກີດຂຶ້ນ ທັງຫມົດ 153 ເລື່ອງ, x`ແກ້ໄຂໄດ້ທັງຫມົດ 107 ເລື່ອງ, ສົ່ງໃຫ້ ປກສ ແຂວງ ດໍາເນີນ 27 ເລື່ອງ ແລະ ຄະດີພວມດໍາເນີນແກ້ໄຂມີ 19 ເລື່ອງ.

ທີ່ມາ: ວຽງຈັນທາຍ

Continue Reading

ຂ່າວພາຍໃນ

ຮູ້ແລ້ວ ຍ້ອນສາເຫດນີ້ ຍິ ງ ກັນຕ າ ຍ 2 ຄົນເມືອງປາກງື່ມ

Published

on

By

ຂໍສະແດງຄວາມເສຍໃຈນຳຍາດຜູ້ເສຍຊີວິດ ເຫດ ຍິ ງ ກັ ນທີ່ເມືອງປາກງື່ມ.

ຕາມການລາຍງານຂອງ ໜ່ວຍກູ້ໄພອາສາເພື່ອປະຊາຊົນ ໃຫ້ຮູ້ວ່າ ໃນວັນທີ 1/2/2023 ເວລາ 13:30 ນາທີ ມີຄົ ນ ຍິ ງ ກັ ນເສຍຊີວິດ

ຈຸດເກີດເຫດທີ່ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ.ໃນບໍລິເວນເກີດເຫດ ມີຜູ້ປະສົບເຫດ2ຄົນເພດຊາຍ, ຜູ້ທີ່ 1 ເພດຍິງ ຖື ກ ຍິ ງ ເສຍຊີວິດຄາທີ່ ແລະ ຜູ້ທີ 2 ເພດຊາຍ ເສຍຊີວິດຢູ່ໂຮງໝໍ.

ປັດຈຸບັນເຈົ້າໜ້າທີ່ກຳລັງກວດສອບ ຖ້າມີຂໍ້ມູນເພີ່ມເຕີມຈະລາຍງານໃນພາຍຫຼັງ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້