ໂຮງຮຽນຫຼາຍແຫ່ງຢູ່ແຂວງສາລະວັນ ຍັງຂາດແຄນຜ້າອັດປາກ-ດັງ – ສື່ລາວ.ຄອມ
Connect with us

ຂ່າວພາຍໃນ

ໂຮງຮຽນຫຼາຍແຫ່ງຢູ່ແຂວງສາລະວັນ ຍັງຂາດແຄນຜ້າອັດປາກ-ດັງ

Published

on

ພະແນກສຶກສາທິການແລະກິລາ ແຂວງສາລະວັນ ແຈ້ງໃຫ້ຮູ້ວ່າ: ທຸກໆໂຮງຮຽນພາຍໃນແຂວງສາລະວັນແມ່ນໄດ້ປະຕິບັດໃນການປ້ອງກັນພະຍາດໂຄວິດ-19 ຢ່າງເຂັ້ມງວດຕາມການແຈ້ງການຂອງ ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງເຊື້ອພະຍາດໂຄວິດ-19 ວາງອອກ ແຕ່ສິ່ງທີ່ຂາດແຄນແມ່ນຜ້າອັດປາກ-ດັງ.

ທ່ານ ສີລິສັກ ຖະໜອມ ຮັກສາການຫົວໜາ້ພະແນກສຶກສາທິການ ແລະ ກິລາ ແຂວງສາລະວັນ ໄດ້ກ່າວຕໍ່ທີມງານວຽງຈັນທາຍເມື່ອບໍ່ດົນມານີ້ວ່າ: ພາຍຫຼັງໄດ້ມີແຈ້ງການກ່ຽວກັບການເປີດການຮຽນ-ການສອນຄືນໃໝ່ ເລີ່ມແຕ່ວັນທີ 2 ມິຖຸນາ 2020 ເປັນຕົ້ນໄປ,

ທາງຄະນະສະເພາະກິດໄດ້ຈັດກອງປະຊຸມເພື່ອຊີ້ນໍາຜູ້ບໍລິຫານໂຮງຮຽນທຸກລະດັບເພື່ອກຽມພ້ອມໃນການເປີດການຮຽນ- ການສອນ ຄືນໃໝ່ ລວມທັງເຜີຍແຜ່ລະບຽບການຕ່າງໆຂອງກະຊວງສຶກສາທິການ ແລະ ກິລາ ກໍ່ຄືຂັ້ນເທິງວາງອອກພາຍຫຼັງທີ່ໄດ້ຢຸດການຮຽນ-ການສອນມາຕັ້ງແຕ່ກາງເດືອນມີນາ ເປັນຕົ້ນມາຍ້ອນການແຜ່ລະບາດຂອງພະຍາດໂຄວິດ-19.

ທ່ານ ສີລິສັກ ກ່າວຕື່ມວ່າ: ພະແນກສຶກສາທິການ ແລະ ກິລາ ກໍ່ໄດ້ແນະນຳຜູ້ອຳນວຍການໂຮງຮຽນໃນທຸກຊັ້ນຮຽນລວມທັງວິທະຍາໄລໃນແຂວງສາລະວັນເພື່ອໃຫ້ຄວາມຮູ້ແກ່ນັກຮຽນຂອງຕົນກ່ຽວກັບວິທີປ້ອງກັນພະຍາດໂຄວິດ-19 ໂດຍສະເພາະແມ່ນການໃຫັແຕ່ລະໂຮງຮຽນປະຕິບັດຕາມມາດຕະການປ້ອງກັນຕ່າງໆ

ທີ່ທາງຄະນະສະເພາະກິດວາງອອກ ຢ່າງເຂັ້ມງວດ ເປັນຕົ້ນແມ່ນຈັດບ່ອນນັ່ງໃຫ້ນັກຮຽນທີ່ມີໄລຍະຫ່າງຢ່າງໜ້ອຍ 1 ແມັດ, ລ້າງມືດ້ວຍເຈວ ຫຼື ເຫຼົ້າເກົ້າສິບ, ມີຜ້າອັດປາກ-ດັງ ລວມທັງເຮັດຄວາມສະອາດຫ້ອງຮຽນ, ພົ່ນຢາຂ້າເຊື້ອຢູ່ໃນຫ້ອງຮຽນ ແລະ ອ້ອມສະຖານທີ່ຂອງໂຮງຮຽນເພື່ອຫຼຸດຜ່ອນຄວາມສ່ຽງຕໍ່ການຕິດເຊື້ອພະຍາດດັ່ງກ່າວ.

ອາຈານຢູ່ໂຮງຮຽນແຫ່ງໜຶ່ງຢູ່ແຂວງສາລະວັນໄດ້ກ່າວຕໍ່ທີມງານວຽງຈັນທາຍວ່າ: ຂ້ອຍຄິດວ່າ ຜູ້ປົກຄອງນັກຮຽນທຸກຄົນສ່ວນຫຼາຍແມ່ນເຂົ້າໃຈກ່ຽວກັບລະບຽບການຕ່າງໆທີ່ທາງກະຊວງສຶກສາທິການ ແລະ ກິລາ ກໍ່ຄືຂັ້ນເທິງວາງອອກກ່ຽວກັບການຕ້ານການພະຍາດໂຄວິດ-19 ແຕ່ຍັງມີບາງມາດຕະການທີ່ບໍ່ສາມາດປະຕິບັດໄດ້ ເຊັ່ນ:

ການໃສ່ຜ້າອັດປາກ-ດັງເພາະໂຮງຮຽນບໍ່ສາມາດຕອບສະໜອງໃຫ້ໄດ້ ນັກຮຽນຕ້ອງໄດ້ຊື້ເອງ ແຕ່ ນັກຮຽນບາງຄົນບໍ່ມີເງິນຊື້ ດັ່ງໃນນັ້ນຈຶ່ງຮຽກຮ້ອງມາຍັງພາກສ່ວນທີ່ກ່ຽວຂ້ອງ ຊ່ວຍໃນການຈັດຊື້ຜ້າອັດປາກ-ດັງເພື່ອແຈກຢາຍໃຫ້ບາງໂຮງຮຽນທີ່ຍັງມີຄວາມຕ້ອງການ.

ຂ່າວ-ພາບ: ເພັດໂພໄຊ

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading

ຂ່າວພາຍໃນ

ລ່າສຸດ! ລາຄານ້ຳມັນ +1.010ກີບ/ລິດ ກາຊວນ +420ກີບ/ລິດ

Published

on

By

ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/01/2023 ຕາມແຈ້ງການຈາກ ກຊ ອຸດສະຫະກຳແລະການຄ້າ

ເລກທີ 0056/ອຄ ລົງວັນທີ 18 ມກ 2023.

Continue Reading

ຂ່າວພາຍໃນ

ດ່ວນ! ແຈ້ງການຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາ ຕົວແທນຂອງທະນາຄານທຸລະກິດ ທົ່ວປະເທດ

Published

on

By

– ອີງຕາມກົດຫມາຍວ່າດ້ວຍທະນາຄານທຸລະກິດ (ສະບັບປັບປຸງ) ສະບັບເລກທີ 56/ສພຊ, ລົງວັນທີ 07 ທັນວາ 2018;

– ອີງຕາມກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15 /ສພຊ, ລົງວັນທີ 07 ກໍລະກົດ 2022;

– ອີງຕາມຂໍ້ຕົກລົງວ່າດ້ວຍການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022;

ອີງຕາມແຈ້ງການກ່ຽວກັບການຫັນຮ້ານແລກປ່ຽນເງິນຕາໄປເປັນຕົວແທນຂອງທະນາຄານທຸລະກິດ ສະບັບເລກທີ 111/ທຫລ, ລົງວັນທີ 12 ສິງຫາ 2021.

ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທະນາຄານທຸລະກິດ ແລະ ຮ້ານແລກປ່ຽນເງິນຕາຕົວ ແທນ ຊາບວ່າ: ເພື່ອເປັນການຜັນຂະຫຍາຍກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບ ເລກທີ 15/ສພຊ, ລົງວັນທີ 7 ກໍລະກົດ 2022, ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງວ່າດ້ວຍການບໍລິການ ແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022 ເພື່ອປ່ຽນແທນສອງຂໍ້ຕົກລົງຄື: ຂໍ້ຕົກລົງວ່າ ດ້ວຍທຸລະກິດແລກປ່ຽນເງິນຕາ ສະບັບເລກທີ 393/ທຫລ, ລົງວັນທີ 02 ກໍລະກົດ 2020 ແລະ ຂໍ້ຕົກລົງວ່າດ້ວຍການ ບໍລິການແລກປ່ຽນເງິນຕາຂອງທະນາຄານທຸລະກິດ ແລະ ຮ້ານແລກປ່ຽນເງິນຕາຕົວແທນ ສະບັບເລກທີ 449/ທຫລ, ລົງວັນທີ 14 ມິຖຸນາ 2022.

ໃນນີ້, ຂໍ້ຕົກລົງວ່າດ້ວຍການບໍລິການແລກປ່ຽນເງິນຕາສະບັບດັ່ງກ່າວໄດ້ກໍານົດໃຫ້ ທະນາຄານທຸລະກິດ ທີ່ຕັ້ງຢູ່ ສປປ ລາວ ເທົ່ານັ້ນ ສາມາດໃຫ້ບໍລິການແລກປ່ຽນເງິນຕາ. ສະນັ້ນ, ເພື່ອຈັດຕັ້ງປະຕິບັດໃຫ້ ສອດຄ່ອງກັບບັນດານິຕິກໍາທີ່ມີຜົນສັກສິດໃນປັດຈຸບັນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງບັນດາທະນາຄານທຸລະ ກິດ ແລະ ຮ້ານແລກປ່ຽນເງິນຕາຕົວແທນ ດັ່ງນີ້:

1. ທະນາຄານແຫ່ງ ສປປ ລາວ ຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທັງໝົດ 113 ຮ້ານ ທີ່ຂຶ້ນກັບ 6 ທະນາຄານທຸລະກິດ;

2. ໃຫ້ທະນາຄານທຸລະກິດທີ່ມີຮ້ານແລກປ່ຽນເງິນຕາຕົວແທນຂຶ້ນກັບ ຢຸດເຊົາການຕໍ່ອາຍຸສັນຍາ ແລະ ຍົກເລີກ ສັນຍາຕົວແທນບໍລິການແລກປ່ຽນເງິນຕາກັບຮ້ານແລກປ່ຽນເງິນຕາຕົວແທນຂອງຕົນທັງໝົດ,

ດໍາເນີນການປິດບັນຊີເງິນຝາກທີ່ອອກຊື່ຮ້ານແລກປ່ຽນເງິນຕາຕົວແທນ ຢູ່ທະນາຄານທຸລະກິດທີ່ກ່ຽວຂ້ອງ, ນໍາສົ່ງບົດບັນທຶກ ການຍົກເລີກສັນຍາການເປັນຕົວແທນແລກປ່ຽນເງິນຕາ ລະຫວ່າງ ທະນາຄານທຸລະກິດ ແລະ ຮ້ານແລກປ່ຽນ ເງິນຕາຕົວແທນ ພ້ອມທັງໜັງສືອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທີ່ ຂຶ້ນກັບທະນາຄານທຸລະກິດຕົນ ສົ່ງຄືນໃຫ້ແກ່ກົມນະໂຍບາຍເງິນຕາ ຫຼື ສາຂາທະນາຄານແຫ່ງ ສປປ ລາວ ປະຈໍາ ພາກ ທີ່ກ່ຽວຂ້ອງ ພາຍໃນວັນທີ 31 ມັງກອນ 2023;

3. ທະນາຄານທຸລະກິດທີ່ມີຈຸດປະສົງຕ້ອງການສ້າງຕັ້ງໜ່ວຍແລກປ່ຽນເງິນຕາ ແມ່ນໃຫ້ປະຕິບັດຕາມຂໍ້ຕົກລົງວ່າດ້ວຍ ການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022.

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້