ເຈົ້າໜ້າທີ່ ປກສ ແຂວງຫຼວງນໍ້າທາ ມອບລົດຈັກທີ່ຄົນຮ້າຍລັກ ໃຫ້ ປກສ ເມືອງສີໂຄດຕະບອງ. – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວພາຍໃນ

ເຈົ້າໜ້າທີ່ ປກສ ແຂວງຫຼວງນໍ້າທາ ມອບລົດຈັກທີ່ຄົນຮ້າຍລັກ ໃຫ້ ປກສ ເມືອງສີໂຄດຕະບອງ.

Published

on

ຕາມການໃຫ້ຂໍ້ມູນຂອງ ທ່ານ ຮອ ຄຳມະນີ ລືໄຊ ຮອງພະແນກສືບສວນ-ສອບສວນ ປກສ ແຂວງຫຼວງນ້ຳທາ ໃຫ້ຮູ່ວ່າ:ໃນວັນທີ 5 ມີຖຸນາ 2020 ພະແນກສືບສວນ-ສອບສວນ ປກສ ແຂວງຫຼວງນ້ຳທາ ໄດ້ມອບສົ່ງລົດຈັກທີ່ຄົນຮ້າຍລັກຈຳນວນ 06 ຄັນ ໃຫ້ ປກສ ເມືອງສີໂຄດຕະບອງ, ນະຄອນຫຼວງວຽງຈັນ, ໃນການມ້າງກຸ່ມແກ້ງລັກລົດຈັກ ແລະ ຊື້ຂາຍຊັບຜິດກົດໝາຍ, ມາຮອດວັນທີ 28 ພຶດສະພາ 2020

ເຈົ້າໜ້າທີຕຳຫຼວດ ພະແນກສືບສວນ-ສອບສວນ ປກສ ແຂວງ ຈຶ່ງໄດ້ກັກຕົວເປົ້າໝາຍ 01 ຄົນ ຊື່ ນາງ ພອນທິບ ອາຍຸ 24 ປີ, ຄ້າຂາຍ ຢູ່ບ້ານດອນມູນ ເມືອງ ແລະ ແຂວງຫຼວງນ້ຳທາ ມາສືບສວນ-ສອບສວນ.

ຜ່ານການສືບສວນ-ສອບສວນຂອງເຈົ້າໜ້າທີ ນາງ ພອນທິບ ໄດ້ຮັບສະລະພາບວ່າ: ຕົນເອງໄດ້ມີການພົວພັນກັບກຸ່ມແກ້ງຢູ່ ແຂວງຫຼວງພະບາງ ແລະ ນະຄອນຫຼວງວຽງຈັນ ໃນການຊື້-ຂາຍລົດຈັກ ຕັ້ງແຕ່ເດືອນ ທັນວາ 2019 ເປັນຕົ້ນມາ ແລະ ໄດ້ນໍາເອົາລົດຈັກທີ່ຄົນຮ້າຍລັກມານັ້ນ ມາຂາຍຢູ່ ແຂວງຫຼວງນ້ຳທາ ຈຳນວນ 11 ຄັນ.

ໃນນັ້ນ ມີລົດຈັກຍີ່ຫໍ້ຮອນດາເວບ 100 ຈຳນວນ 10 ຄັນ ແລະ ລົດຈັກຍີ່ຫໍ້ຮອນດາຄຼິກໄອ 2017 ຈຳນວນ 01 ຄັນ, ມາຮອດວັນທີ 01 ມີຖຸນາ ເຈົ້າໜ້າທີ ປກສ ເມືອງສີໂຄດຕະບອງ ໄດ້ຂຶ້ນມາປະສານສົມທົບພະແນກສືບສວນ-ສອບສວນ ປກສ ແຂວງຫຼວງນ້ຳທາ ເພື່ອລົງເກັບກູ້ລົດຈັກຈຳນວນດັ່ງກ່າວ.

ຜ່ານການລົງເກັບກູ້ຕົວຈິງໄດ້ຈຳນວນ 06 ຄັນ, ໃນນີ້ ມີລົດຈັກຍີ່ຫໍ້ຮອນດາເວບ 100 ຈຳນວນ 05 ຄັນ ແລະ ລົດຈັກຍີ່ຫໍ້ຮອນດາຄຼິກໄອ 2017 ຈຳນວນ 01 ຄັນ. ສ່ວນ ນາງ ພອນທິບ ຜູ່ຖືກຫາ ທີ່ເຈົ້າໜ້າທີ່ ປກສ ແຂວງຫຼວງນໍ້າທາ ກັກຕົວໄວ້ນັ້ນ ແມ່ນໄດ້ມອບຕົວໃຫ້ທາງເຈົ້າໜ້າທີ່ ປກສ ເມືອງສີໂຄດຕະບອງ, ນະຄອນຫຼວງວຽງຈັນ ນຳຕົວຜູ່ກ່ຽວໄປດຳເນີນ ແລະ ຂະຫຍາຍຜົນຢູ່ນະຄອນຫຼວງວຽງຈັນ ພ້ອມນຳເອົາລົດຈັກຈຳນວນ 06 ຄັນ ໄປມອບຄືນໃຫ້ເຈົ້າຂອງຊັບຢູ່ນະຄອນຫຼວງວຽງຈັນຕາມລະບຽບກົດໝາຍ.

ຂ່າວ: ຮທ ທະວີສັກ ສີຄັນສໍ

Continue Reading

ຂ່າວພາຍໃນ

ມີຜູ້ໃຊ້ເຟສບຸກທ່ານໜຶ່ງອອກມາໂພສ ມີປີ້ຢືນ

Published

on

ເຊົ້າວັນທີ 5 ສິງຫາ 2022 ນີ້ ມີຜູ້ໃຊ້ເຟສບຸກທ່ານໜຶ່ງອອກມາໂພສວ່າ: “ທຳອິດຄິດວ່າເຮັດແບບສອບຖາມ ແລ້ວຖືກດຣາມ້າຫຼາຍ ແລ້ວແຈ້ງແຕ່ເພີ່ມຖ້ຽວຊັ້ນດອກ.

ຫຼ້າສຸດ ຊື້ປີ້ລົດໄຟໃຫ້ຫຼານລະໄດ້ປີ້ຢືນ ທຳອິດກະເປັນງົງໆ ເພາະທີ່ຊື້ປີ້ໃຫ້ຍ້ອນບໍ່ຢາກໃຫ້ນັ່ງຕັກ ກັບຢ້ານຫຍຸ້ງຍາກຜູ້ອື່ນ.. ເລີຍເລືອກຊື້ປີ້ ໄປສອບຖາມພະນັກງານແລ້ວ ທຳອິດພະນັກງານກະງົງຄືກັນ.. ແຕ່ຜູ້ອອກປີ້ບອກວ່າ “ປີ້ເຕັມ.. ກະເລີຍອອກປີ້ຢືນໃຫ້” ໂອເຄນ້ຳເບີວັນ.. ຈ່າຍເງິນເຕັມ ເພື່ອໄດ້ປີ້ຢືນ ຕາມແບບສອບຖາມເລີຍ.

ຫຼືວ່າຕອນຕອບແບບສອບຖາມ ມີຄົນຕອບເຫັນດີແມ່ນບໍ່? ກະເລີຍວ່າ ຂາຍປີ້ນັ່ງແດ່ ປີ້ຢືນແດ່ ມື້ໃດລົດໄຟເຕັມແຮງ ກະຊິຖືກເລກໄດ້ປີ້ຢືນ”.

ບັນຫານີ້ ພາກສ່ວນກ່ຽວຂ້ອງຈະອອກມາຊີ້ແຈງແນວໃດ ຕິດຕາມຂັ້ນຕອນຕໍ່ໄປ.

Continue Reading

ຂ່າວພາຍໃນ

ຍົກຍ້າຍ-ແຕ່ງຕັ້ງ ຫົວຫນ້າ ປກສ ນະຄອນຫຼວງວຽງຈັນ ຄົນໃໝ່

Published

on

ໃນວັນທີ 4 ສິງຫາ 2022 ກະຊວງ ປກສ ປະກາດຍົກຍ້າຍ ແລະ ແຕ່ງຕັ້ງ ຫົວຫນ້າກອງບັນຊາການ ປກສ ນະຄອນຫລວງວຽງຈັນ ລະຫວ່າງ ຜູ້ເກົ່າ ແລະ ຜູ້ໃຫມ່.

ໃນນີ້, ຍົກຍ້າຍພັນເອກ ສຸກພະຈັນ ບຸດດາຄຳ ຜູ້ເກົ່າ ໄປກົມໃຫຍ່ຕຳຫລວດ ແລະ

ແຕ່ງຕັ້ງ ພັນເອກ ບົວພັນ ຟອງມະນີ ຈາກຮອງຫົວຫນ້າ ກົມໃຫຍ່ຕຳຫລວດ ເປັນຫົວຫນ້າ ປກສ ນະຄອນຫລວງວຽງຈັນ ຜູ້ໃຫມ່.

Continue Reading

ຂ່າວພາຍໃນ

ເລີ່ມປະຕິບັດແລ້ວ!ຈະມີການເຄື່ອນໄຫວກວດນໍ້າປັດສະວະນັກຂັບຂີ່ເຂົ້າ-ອອກ ແຂວງບໍລິຄຳໄຊ ເລີ່ມເດືອນສິງຫາ 2022

Published

on

ເລີ່ມປະຕິບັດແລ້ວ!
ກອງບັນຊາການ ປກສ ແຂວງ ບໍລິຄໍາໄຊ ຂໍຖືເປັນກຽດ ແຈ້ງມາຍັງ ບັນດາຫົວຫນ່ວຍທຸລະກິດທາງພາກລັດເອກະຊົນ ພົນລະເມືອງລາວ ຊາວຕ່າງດ້າວ ແລະ ຕ່າງປະເທດຜູ້ທີ່ຂັບຂີ່ພາຫະນະ ເຂົ້າ-ອອກ ຜ່ານແຂວງບໍລິຄໍາໄຊໃຫ້ ຊາບ:

ປະຈຸບັນ ກອງບັນຊາການ ປກສ ແຂວງ ບໍລິຄໍາໄຊ ຈະໄດ້ຈັດຕັ້ງປະຕິບັດ, ຕັ້ງຈຸດກວດກາ ເຄື່ອນທີ່ ຕາມ ເສັ້ນທາງຕ່າງໆ ພາຍໃນແຂວງ, ເພື່ອກວດນ້ໍາປັດສະວະ ຂອງນັກຂັບຂີ່ ພາຫະນະ ທີ່ມີການພົວພັນນໍາໃຊ້ສານເສບຕິດ ເຂົ້າ-ອອກ ຜ່ານແຂວງ ບໍລິຄໍາໄຊ,

ເລີ່ມຈັດຕັ້ງປະຕິບັດໃນໄລຍະເດືອນ ສິງຫາ 12022-2023 ເຊິ່ງຢູ່ໃນແຜນຂັ້ນຕອນ ໄລຍະທີ I ຂອງການຜັນຂະຫຍາຍວາລະແຫ່ງຊາດ, ໃນການແກ້ໄຂບັນຫາຢາເສບຕິດຂອງກອງບັນຊາການ ປກສ ແຂວງ ບໍລິຄໍາໄຊໄດ້ກໍານົດໃນແຜນຈັດຕັ້ງປະຕິບັດ.

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້