ບໍ່ແກ້ວເປັນພຽງ 1 ໃນ 3 ແຂວງທີ່ເກັບລາຍຮັບໄດ້ລື່ນແຜນ – ສື່ລາວ.ຄອມ
Connect with us

ຂ່າວພາຍໃນ

ບໍ່ແກ້ວເປັນພຽງ 1 ໃນ 3 ແຂວງທີ່ເກັບລາຍຮັບໄດ້ລື່ນແຜນ

Published

on

ໃນປີຜ່ານມາ ທຸກຢ່າງກຳລັງດີພັດມາພົບວິກິດຈາກໂຄວິດ-19 ເຮັດໃຫ້ 5 ເດືອນໃນປີ 2020 ທົ່ວແຂວງເກັບລາຍຮັບໄດ້ພຽງ 131,733 ຕື້ກີບ ເທົ່າກັບ 29,37% ຂອງແຜນການ.

ທ່ານ ບົວຄົງ ນາມມະວົງ ເຈົ້າແຂວງໆບໍ່ແກ້ວ ລາຍງານຕໍ່ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັັດຖະມົນຕີ ກະຊວງແຜນການ ແລະ ການລົງທຶນ ໃນໂອກາດລົງຢ້ຽມຢາມ ແລະ ເຮັດວຽກຢູ່ແຂວງບໍ່ແກ້ວ ເມື່ອວັນທີ 5 ມິຖຸນາ ຜ່ານມາວ່າ: ການພັດທະນາເສດຖະກິດ-ສັງຄົມ 5 ເດືອນຜ່ານມາບໍ່ບັນລຸຄາດໝາຍທີ່ວາງໄວ້ ຍ້ອນມີຜົນກະທົບຕໍ່ຫຼາຍບັນຫາເປັນຕົ້ນ ການລະບາດຂອງພະຍາດໂຄວິດ 19, ໄພແຫ້ງແລ້ງ, ບົ້ງຝູງທໍາຮ້າຍເຄື່ອງປູກ, ລົມພາຍຸ ເຂົ້າ 4 ຄັ້ງ ແລະ ບັນຫາອື່ນໆ.

ຂະນະທີ່ການຈັດຕັ້ງປະຕິບັດເກັບລາຍຮັບເຂົ້າງົບປະມານຂອງແຂວງ ໄດ້ 131,733 ຕື້ກີບ ເທົ່າກັບ 29,37% ຂອງແຜນການ ທຽບໃສ່ໄລຍະດຽວກັນ ຫຼຸດລົງ 19,48%. ລາຍຮັບສູນກາງປະຕິບັດໄດ້ 88,425 ຕຶື້ກີບ, ເທົ່າກັບ 31,28% ທຽບໃສ່ໄລຍະດຽວກັນ ຫຼຸດລົງ 1,23%; ລາຍຮັບທ້ອງຖິ່ນປະຕິບັດໄດ້ 43,308 ຕື້ກີບ ເທົ່າກັບ 26,12 %, ທຽບໃສ່ປີຜ່ານມາ ຫຼຸດລົງ 12,38%.

ດ້ານລາຍຈ່າຍປະຕິບັດໄດ້ 44,12 %, ປີ 2020 ໄດ້ຮັບອະນຸມັດການລົງທຶນຂອງລັດ ທັງໝົດ 119 ໂຄງການ ມູນຄ່າ 85.857,19 ລ້ານກີບ ທຶນພາຍໃນມູນຄ່າ 21.519,73 ລ້ານກີບ; ທຶນຕ່າງປະເທດ ມູນຄ່າ 64.337,46 ລ້ານກີບ ປະຕິບັດໄດ້ 23 ໂຄງການມີມູນຄ່າ 5.333 ລ້ານກີບ ເທົ່າກັບ 24,78% ຂອງແຜນການ; ຊຳລະຜ່ານຄັງເງິນປະຕິບັດໄດ້ 4.304 ລ້ານກີບ.

ນອກຈາກນີ້, ໄດ້ອະນຸມັດການລົງທຶນໃນກິດຈະການທົ່ວໄປ ມີ 4 ໂຄງການ, ມູນຄ່າການລົງທຶນ 6,72 ລ້ານໂດລາ, ລະດົມເງິນຝາກໄດ້ 1.759,45 ລ້ານກີບ, ປ່ອຍສິນເຊື່ອໄດ້ 404,68 ລ້ານກີບ, ຊຸກຍູ້ການຜະລິດຂອງປະຊາຊົນໃນລະດູແລ້ງ: ການຜະລິດເຂົ້ານາແຊງ ໃນເນື້ອທີ່ 1.122 ເຮັກຕາ ຄາດຄະເນຜົນຜະລິດໄດ້ 14.100 ໂຕນ ປັດຈຸບັນສຳເລັດເກັບກ່ຽວ 100%, ປູກພືດເປັນສິນຄ້າໃນເນື້ອທີ່ 1.278,73 ເຮັກຕາ ປັດຈຸບັນເຫັນວ່າຫຼາຍພາກສ່ວນກໍ່ໄດ້ເປັນເຈົ້າການໃນການປູກພືດຜັກ ເພື່ອສະໜອງຄົວເຮືອນຂອງໃຜລາວ.

ຂໍ້ມູນຈາກ: ໜັງສືພິມບໍ່ແກ້ວ

Continue Reading

ຂ່າວພາຍໃນ

ລັດຖະມົນຕີ ເວົ້າເດັດຂາດ ຈະເຄັ່ງຄັດ ຄວາມປອດໄພຂຶ້ນເຕື່ມ

Published

on

By

ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີກະຊວງປ້ອງກັນ ຄວາມສະຫງົບ ລົງ ເຄື່ອນໄຫວຊີ້ນໍາວຽກງານປ້ອງກັນຄວາມສະຫງົບ ຢູ່ເຂດເສດຖະກິດ ພິເສດສາມຫຼ່ຽມ-ຄໍາ ພ້ອມເນັ້ນຢໍ້າໃຫ້ພາກສ່ວນ ທີ່ກ່ຽວຂ້ອງ ໃຫ້ຄວາມ ສໍາຄັນກັບວຽກງານຄວາມສະຫງົບໃນຂົງເຂດ ດັ່ງກ່າວຫຼາຍຂຶ້ນ.

ໃນວັນທີ 28 ມັງກອນ 2023, ທ່ານ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບ ຢູ່ເຂດເສດຖະກິດພິເສດ ເມືອງຕົ້ນເຜີ້ງ ແຂວງບໍ່ ແກ້ວ,

ໂດຍການຕ້ອນຮັບຂອງ ທ່ານ ຈ້າວເຫີວຍ ປະທານສະພາຜູ້ ບໍລິຫານເຂດເສດຖະກິດພິເສດ ສາມຫຼ່ຽນຄໍາແຂວງບໍ່ແກ້ວ, ມີບັນດາ ການນໍາພັກແຂວງ, ຫົວຫນ້າ-ຮອງຫົວຫນ້າຫ້ອງວ່າການແຂວງ, ເຈົ້າເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະພັກ, ຄະນະຄຸ້ມຄອງເຂດເສດຖະກິດພິເສດ ເຂົ້າຮ່ວມ.

ໂອກາດດັ່ງກ່າວ ທ່ານ ພົອ ວິໄລ ກໍໄດ້ມີຄໍາເຫັນໂອ້ລົມຊີ້ນໍາຕໍ່ ຄະນະ ຄຸ້ມຄອງເຂດເສດຖະກິດພິເສດ ຈົ່ງພ້ອມກັນພັດທະນາເຂດເສດຖະກິດ ພິເສດໃຫ້ກາຍເປັນຕົວເມືອງທີ່ທັນສະໄຫມ, ມີພື້ນຖານເສດຖະກິດທີ່ເຂັ້ມ ແຂງ, ສັງຄົມມີຄວາມສີວິໄລຍຸຕິທໍາ, ເປັນສູນການຄ້າ-ການລົງທຶນ,ສາມາດກາຍເປັນແຫຼ່ງທ່ອງທ່ຽວລະດັບອາຊຽນ.

ພິເສດແມ່ນໃຫ້ມີຄວາມ ສະຫງົບ, ມີຄວາມປອດໄພ, ແຕ່ສິ່ງສໍາຄັນຕ້ອງຕິດພັນກັບ ຮ່ອງຮ້ອຍ ປະຫວັດສາດ, ຮີດຄອງວັດທະທໍາອັນເກົ່າແກ່ ແລະ ສ້າງໃຫ້ເຂດດັ່ງກ່າວ ກາຍເປັນການຄຸ້ມຄອງບໍລິຫານຕາມກົນໄກ ຕາມຫົວຫນ່ວຍບໍລິຫານໃນ ເງື່ອນໄຂເສດຖະກິດ ມີການເຕີຍໃຫຍ່ຂະຫຍາຍຕົວ, ເຂດພິເສດ ຕ້ອງໄດ້ ຍົກລະດັບການຄຸ້ມຄອງໃຫ້ສູງຂຶ້ນ

ໂດຍມອບໃຫ້ສູນກາງປະສານສົມທົບ ກັບທ້ອງຖິ່ນ ພ້ອມກັນຈັດຕັ້ງປະຕິບັດ, ສ້າງເປັນຫນ່ວຍງານຫນຶ່ງຄຸ້ມຄອງ ບໍລິຫານເຂດພິເສດ ເພື່ອແກ້ໄຂສະພາບທີ່ເກີດຂຶ້ນໃຫ້ທັນເວລາ ເພື່ອໃຫ້ ກາຍເປັນເມືອງທີ່ມີຄວາມສະຫງົບ, ທັນສະໄຫມ, ເປັນບ່ອນພັກຜ່ອນ, ທີ່ມີ ຄວາມເປັນລະບຽບຮຽບຮ້ອຍ, ສະຫງົບປອດໄພ, ກາຍເປັນເຂດພິເສດທີ່ ເປັນເຂດຕົວແບບ ແລະ ຄຸ້ມຄອງໃຫ້ມີປະສິດທິຜົນທີ່ດີຂຶ້ນກວ່າເກົ່າ.

ໂດຍໃນປີ 2022 ທີ່ຜ່ານມາ ສໍາລັບວຽກງານ ປ້ອງກັນຄວາມສະຫງົບ ໃນ ເຂດເສດຖະກິດພິເສດ ສາມຫຼ່ຽມຄໍາ ໄດ້ມີປະກົດການຫຍໍ້ທໍ້ເກີດຂຶ້ນ ທັງຫມົດ 153 ເລື່ອງ, x`ແກ້ໄຂໄດ້ທັງຫມົດ 107 ເລື່ອງ, ສົ່ງໃຫ້ ປກສ ແຂວງ ດໍາເນີນ 27 ເລື່ອງ ແລະ ຄະດີພວມດໍາເນີນແກ້ໄຂມີ 19 ເລື່ອງ.

ທີ່ມາ: ວຽງຈັນທາຍ

Continue Reading

ຂ່າວພາຍໃນ

ຮູ້ແລ້ວ ຍ້ອນສາເຫດນີ້ ຍິ ງ ກັນຕ າ ຍ 2 ຄົນເມືອງປາກງື່ມ

Published

on

By

ຂໍສະແດງຄວາມເສຍໃຈນຳຍາດຜູ້ເສຍຊີວິດ ເຫດ ຍິ ງ ກັ ນທີ່ເມືອງປາກງື່ມ.

ຕາມການລາຍງານຂອງ ໜ່ວຍກູ້ໄພອາສາເພື່ອປະຊາຊົນ ໃຫ້ຮູ້ວ່າ ໃນວັນທີ 1/2/2023 ເວລາ 13:30 ນາທີ ມີຄົ ນ ຍິ ງ ກັ ນເສຍຊີວິດ

ຈຸດເກີດເຫດທີ່ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ.ໃນບໍລິເວນເກີດເຫດ ມີຜູ້ປະສົບເຫດ2ຄົນເພດຊາຍ, ຜູ້ທີ່ 1 ເພດຍິງ ຖື ກ ຍິ ງ ເສຍຊີວິດຄາທີ່ ແລະ ຜູ້ທີ 2 ເພດຊາຍ ເສຍຊີວິດຢູ່ໂຮງໝໍ.

ປັດຈຸບັນເຈົ້າໜ້າທີ່ກຳລັງກວດສອບ ຖ້າມີຂໍ້ມູນເພີ່ມເຕີມຈະລາຍງານໃນພາຍຫຼັງ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້