ຄູບ້ານນອກ ບໍ່ມີເງິນເດືອນ! ແຕ່ພໍຮູ້ເຫດຜົນວ່າເປັນຫຍັງລາວຈຶ່ງສູ້ ຍອມກົ້ມຫົວໃຫ້ເລີຍ! – ສື່ລາວ.ຄອມ
Connect with us

ຂ່າວພາຍໃນ

ຄູບ້ານນອກ ບໍ່ມີເງິນເດືອນ! ແຕ່ພໍຮູ້ເຫດຜົນວ່າເປັນຫຍັງລາວຈຶ່ງສູ້ ຍອມກົ້ມຫົວໃຫ້ເລີຍ!

Published

on

ອາຊີບທີ່ຂ້ອຍເລືອກເຖິງລຳບາກກໍພູມໃຈທຽນດວງນ້ອຍໆທີ່ຈູດເຜົາຕົນເອງເພື່ອເປັ່ງແສງສະຫວ່າງກາງຊົນນະບົດອັນມືດມິດຫວັງພຽງຊ່ວຍນຳທາງໃຫ້ແກ່ເດັກໆ ກ້າວໄປສູ່ແສງສະຫວ່າງແຫ່ງອະນາຄົດ. ອາຊີບທຸກອາຊີບຍ່ອມມີຄວາມສຳຄັນຕໍ່ບຸກຄົນ ແລະສັງຄົມເຊັ່ນດຽວກັນ.

ແຕ່ຖ້າເຮົາມາພິຈາລະນາສະເພາະວິຊາຊີຍຄູໃຫ້ເລິກເຊິ່ງຈະເຫັນວ່າຜູ້ເປັນຄູນັ້ນຕ້ອງຮັບພາລະໜ້າທີ່ຕໍ່ສັງຄົມ ແລະປະເທດຊາດບ້ານເມືອງ ເພາະເປັນໜ້າທີ່ທີ່ປູກຝັງຄວາມຮູ້, ຄວາມຄິດ ແລະຈິດໃຈໃຫ້ແກ່ເຍົາວະຊົນເພື່ອຈະໄດ້ເຕີບໃຫຍ່ເປັນພົນລະເມືອງທີ່ດີ ແລະມີປະສິດທິພາບ ສະນັ້ນ, ຈຶ່ງເວົ້າໄດ້ວ່າຄູຄືຜູ້ສ້າງສັນບັນດາອະນາຄົດຂອງຊາດບ້ານເມືອງ.ຜູ້ຂຽນເຄີຍຄິດເຖິງອາຊີບຄູວ່າຄົງຈະບໍ່ມີຫຍັງທ້າທາຍພໍປານໃດ…ຕື່ນເຊົ້າມາກໍໄປສອນນັກຮຽນຕາມຫຼັກສູດທີ່ໄດ້ຂີດຂຽນໄວ້ ໝົດຊົ່ວໂມງສອນກໍກັບເຮືອນ, ກິນເງິນເດືອນເຊັ່ນດຽວກັບພະນັກງານລັດຖະກອນທົ່ວໄປ. ແຕ່ຕ້ອງປ່ຽນຄວາມຄິດໃໝ່ເມື່ອມີໂອກາດໄປສຳພັດກັບຊີວິດຊົນນະບົດພູດອຍເຂດຫ່າງໄກສອກຫຼີກ ເຂດທີ່ຍັງບໍ່ມີໄຟຟ້າ-ນ້ຳປະປາ, ຫົນທາງໄປມາບໍ່ສະດວກ ສອງຟາກທາງເຕັມໄປດ້ວຍພູຫົວໂລ້ນ ແລະຕໍໄມ້-ຊາກຂອນອັນເກີດຈາກການຈູດໄຮ່ຂອງປະຊາຊົນ ແຕ່ກໍໂຊກດີທີ່ຍັງມີໂຮງຮຽນຫຼັງໜຶ່ງ ແລະສຽງວົນແຊວຈໍແຈຂອງເດັກນັກຮຽນຢູ່ທີ່ນັ້ນ ທີ່ສຳຄັນໄດ້ເຫັນຊີວິດນາຍຄູຜູ້ໜຶ່ງທີ່ຕ້ອງສູ້ຊົນກັບອຸປະສັກຫຼາຍຢ່າງໃນການດຳລົງຊີວິດເພື່ອປະຕິບັດໃຫ້ຫຼ້ອນໜ້າທີ່ຂອງຕົນເອງ.

ຊາຍໜຸ່ມຜູ້ນີ້ ທີ່ຄູສອນໂຮງຮຽນປະຖົມສຶກສາ ບ້ານຜາຫຼັງໝູ ເມືອງພູຄູນ ແຂວງຫຼວງພະບາງໄດ້ກ່າວວ່າ: ຕົນເອງມີຄວາມໄຝ່ຝັນຢາກເປັນຄູສອນມາຕັ້ງແຕ່ຍັງນ້ອຍ ຫຼັງຈາກທີ່ຮຽນຈົບວິທະຍາໄລສ້າງຄູທີ່ແຂວງຫຼວງພະບາງ ເມື່ອປີ 2014ກໍໄດ້ຖືກສັບຊ້ອນມາເປັນຄູອາສາສະໝັກຢູ່ທີ່ໂຮງຮຽນແຫ່ງນີ້ເພື່ອລໍຖ້າເອົາທຶນລັດຖະກອນ. ສະພາບຊີວິດການເປັນຢູ່ແມ່ນຝືດເຄືອງທີ່ສຸດ ທຳອິດຊາວບ້ານໄດ້ປຸກຕູບໃຫ້ເປັນບ່ອນພັກເຊົາຢູ່ໃກ້ໆກັບໂຮງຮຽນ ແຕ່ຜ່ານໄປບໍ່ດົນຝົນຕົກລົມແຮງຕູບກໍມີສະພາບເພພັງ ເຮັດໃຫ້ຕ້ອງໄດ້ຍ້າຍໄປອາໄສຢູ່ເຮືອນນາຍບ້ານ. ການເປັນອາສາສະໝັກຄືມີເງິນເດືອນເລີຍ ຕ້ອງໄດ້ກຸ້ມຕົນເອງທຸກຢ່າງ ຈະໃຫ້ທາງບ້ານສົ່ງເງິນໃຫ້ກໍບໍ່ໄດ້ແລ້ວ ເພາະຄອບຄົວພໍ່ແມ່ກໍເປັນຊາວໄຮ່ຊາວນາ ແລະມີອ້າຍນ້ອງຫຼາຍຄົນ (ຕົນເອງເປັນລູກຊາຍກົກ) ແຕ່ລະມື້ກໍອາໄສເກັບຜັກຫັກໜໍ່ພໍລ້ຽງຊີບ (ແຕ່ມັນກໍຫາຊອກຍາກນັ້ນລະ! ເພາະເປັນເຂດພູດອຍ) ມີບາງຄັ້ງພໍ່ແມ່ຜູ້ປົກຄອງນັກຮຽນກໍເອົາຜັກເອົາເຂົ້າໄຮ່ມາຊ່ວຍເຫຼືອກໍພໍຈຸນເຈືອກັນໄປ.

“ ຕ້ອງສອນມື້ລະ 8ຊົ່ວໂມງ, ສອນທຸກວິຊາ ແລະທຸກຫ້ອງຕັ້ງແຕ່ ປໍ1-ປໍ5 ເພາະຄູຢຸູ່ໂຮງຮຽນຍັງບໍ່ພຽງພໍຖ້າທຽບກັບຈຳນວນນັກຮຽນຕົວຈິງ!” ລຳບາກແບບນີ່ ເຄີຍຄິດຢາກໄປເຮັດວຽກອື່ນ ຫຼືອາຊີບອື່ນໆທີ່ສາມາດສ້າງລາຍໄດ້ຫຼາຍກວ່າທີ່ເປັນຢູ່ຫຼືບໍ່? ຜູ້ຂຽນຖາມກົງໆເຮັດໃຫ້ນາຍຄູງຽບໄປຊົ່ວຂະນະ“ເຄີຍຄິດ ແລະກໍເຄີຍທໍ້ຖອຍ ເນື່ອງຈາກການລໍຄອຍທຶນລັດຖະກອນທີ່ບໍ່ມີກຳນົດວ່າເຮົາຈະໄດ້ມື້ໃດ ອາດຈະ 3 ປີ ຫຼື 5ປີກໍບໍ່ຮູ້ເລີຍ! ເປັນຫ່ວງອະນາຄົດຕົນເອງ ແລະເປັນຫ່ວງຄອບຄົວ ທີ່ເຮົາບໍ່ໄດ້ມີໂອກາດດູແລພໍ່ແມ່ທີ່ນັບມື້ເພິ່ນກໍແກ່ເຖົ້າ ແຕ່ພໍເຫັນໜ້ານັກຮຽນ…ເຫັນແວວຕາຕັ້ງອົກຕັ້ງໃຈເວລາຮຽນໜັງສື ຮູ້ສຶກວ່າເຮົາຄືຄວາມຫວັງອັນດຽວທີ່ຈະຊ່ວຍໃຫ້ພວກເຂົາເຈົ້າໃຫ້ຫຼຸດພົ້ນຈາກສະພາບອັນທຸກຍາກຂາດເຂີນທີ່ພວກເຂົາພວມປະເຊີນຢູ່….ມີແຕ່ຄວາມຮູ້ແບບວິທະຍາສາດເທົ່ານັ້ນ! ທີ່ຈະປ່ຽນແນວຄິດໃຫ້ພວກເຂົາເຈົ້າມີການພັດທະນາຫຼາຍຂຶ້ນ, ຖ້າຫາກພວກເຂົາບໍ່ໄດ້ຮຽນໜັງສືຊີວິດກໍຍັງຈະເປັນຄືເກົ່າ! ຍັງຄົງແລ່ນຕາມຫຼັງພໍ່ແມ່ໄປເຮັດໄຮ່ແບບເລື່ອນລອຍ ແລະໃນອະນາຄົດຂ້າງໜ້າເມື່ອທຳມະຊາດບົກແຫ້ງພວກເຂົາກໍຈະລຳບາກຫຼາຍກວ່ານີ້”

ນີ້ຄືອຸດົມການອັນແຮງກ້າ ຂອງຜູ້ທີ່ຂຶ້ນຊື່ວ່າເປັນແມ່ພິມຂອງຊາດ ທີ່ຍາມໃດກໍປາຖະໜາຢາກຈະເຫັນເດັກນ້ອຍ ແລະເຍົາວະຊົນເຕີບໂຕເປັນຄົນທີ່ມີຄວາມຮູ້ ແລະສາມາດຊ່ວຍເຫຼືອຄອບຄົວໃຫ້ຫຼຸດພົ້ນຈາກຄວາມທຸກຍາກຂາດເຂີນ ເຖິງແມ່ນວ່າຕົນເອງຈະປະເຊີນຄວາມລຳບາກກໍຕາມ. ອາຊີບຄູຄືອາຊີບທີ່ຕ້ອງເສຍສະຫຼະ ແລະຕ້ອງໃຊ້ຄວາມມານະອົດທົນສູງ ໂດຍສະເພາະຄູໃນເຂດຊົນນະບົດຫ່າງໄກສອກຫຼີກ ຖ້າໃຈບໍ່ມັກຮັກໃນອາຊີບນີ້ແທ້ໆພວກເຂົາຄົງປະປ່ອຍໃຫ້ໂຮງຮຽນຮ້າງຄູ ແລະຄວາມຫວັງຂອງເດັກໆກໍຄົງສູນສະຫຼາຍ. ຫວັງຢ່າງຍິ່ງວ່າສັງຄົມຈະເຂົ້າອົກເຂົ້າໃຈ ແລະດູແລເອົາໃຈໃສ່ຊີວິດການເປັນຢູ່ຂອງພວກເຂົາເຈົ້າໃຫ້ດີຍິ່ງຂຶ້ນ.

ບົດໂດຍ: ຊ່າຊ້າ

ພາບ: ອານຸພົນ ພົມຮັກສາ (ຄັດຈາກວາລະສານມະຫາຊົນສະບັບ 234)

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading

ຂ່າວພາຍໃນ

ລ່າສຸດ! ລາຄານ້ຳມັນ +1.010ກີບ/ລິດ ກາຊວນ +420ກີບ/ລິດ

Published

on

By

ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/01/2023 ຕາມແຈ້ງການຈາກ ກຊ ອຸດສະຫະກຳແລະການຄ້າ

ເລກທີ 0056/ອຄ ລົງວັນທີ 18 ມກ 2023.

Continue Reading

ຂ່າວພາຍໃນ

ດ່ວນ! ແຈ້ງການຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາ ຕົວແທນຂອງທະນາຄານທຸລະກິດ ທົ່ວປະເທດ

Published

on

By

– ອີງຕາມກົດຫມາຍວ່າດ້ວຍທະນາຄານທຸລະກິດ (ສະບັບປັບປຸງ) ສະບັບເລກທີ 56/ສພຊ, ລົງວັນທີ 07 ທັນວາ 2018;

– ອີງຕາມກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15 /ສພຊ, ລົງວັນທີ 07 ກໍລະກົດ 2022;

– ອີງຕາມຂໍ້ຕົກລົງວ່າດ້ວຍການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022;

ອີງຕາມແຈ້ງການກ່ຽວກັບການຫັນຮ້ານແລກປ່ຽນເງິນຕາໄປເປັນຕົວແທນຂອງທະນາຄານທຸລະກິດ ສະບັບເລກທີ 111/ທຫລ, ລົງວັນທີ 12 ສິງຫາ 2021.

ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທະນາຄານທຸລະກິດ ແລະ ຮ້ານແລກປ່ຽນເງິນຕາຕົວ ແທນ ຊາບວ່າ: ເພື່ອເປັນການຜັນຂະຫຍາຍກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບ ເລກທີ 15/ສພຊ, ລົງວັນທີ 7 ກໍລະກົດ 2022, ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງວ່າດ້ວຍການບໍລິການ ແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022 ເພື່ອປ່ຽນແທນສອງຂໍ້ຕົກລົງຄື: ຂໍ້ຕົກລົງວ່າ ດ້ວຍທຸລະກິດແລກປ່ຽນເງິນຕາ ສະບັບເລກທີ 393/ທຫລ, ລົງວັນທີ 02 ກໍລະກົດ 2020 ແລະ ຂໍ້ຕົກລົງວ່າດ້ວຍການ ບໍລິການແລກປ່ຽນເງິນຕາຂອງທະນາຄານທຸລະກິດ ແລະ ຮ້ານແລກປ່ຽນເງິນຕາຕົວແທນ ສະບັບເລກທີ 449/ທຫລ, ລົງວັນທີ 14 ມິຖຸນາ 2022.

ໃນນີ້, ຂໍ້ຕົກລົງວ່າດ້ວຍການບໍລິການແລກປ່ຽນເງິນຕາສະບັບດັ່ງກ່າວໄດ້ກໍານົດໃຫ້ ທະນາຄານທຸລະກິດ ທີ່ຕັ້ງຢູ່ ສປປ ລາວ ເທົ່ານັ້ນ ສາມາດໃຫ້ບໍລິການແລກປ່ຽນເງິນຕາ. ສະນັ້ນ, ເພື່ອຈັດຕັ້ງປະຕິບັດໃຫ້ ສອດຄ່ອງກັບບັນດານິຕິກໍາທີ່ມີຜົນສັກສິດໃນປັດຈຸບັນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງບັນດາທະນາຄານທຸລະ ກິດ ແລະ ຮ້ານແລກປ່ຽນເງິນຕາຕົວແທນ ດັ່ງນີ້:

1. ທະນາຄານແຫ່ງ ສປປ ລາວ ຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທັງໝົດ 113 ຮ້ານ ທີ່ຂຶ້ນກັບ 6 ທະນາຄານທຸລະກິດ;

2. ໃຫ້ທະນາຄານທຸລະກິດທີ່ມີຮ້ານແລກປ່ຽນເງິນຕາຕົວແທນຂຶ້ນກັບ ຢຸດເຊົາການຕໍ່ອາຍຸສັນຍາ ແລະ ຍົກເລີກ ສັນຍາຕົວແທນບໍລິການແລກປ່ຽນເງິນຕາກັບຮ້ານແລກປ່ຽນເງິນຕາຕົວແທນຂອງຕົນທັງໝົດ,

ດໍາເນີນການປິດບັນຊີເງິນຝາກທີ່ອອກຊື່ຮ້ານແລກປ່ຽນເງິນຕາຕົວແທນ ຢູ່ທະນາຄານທຸລະກິດທີ່ກ່ຽວຂ້ອງ, ນໍາສົ່ງບົດບັນທຶກ ການຍົກເລີກສັນຍາການເປັນຕົວແທນແລກປ່ຽນເງິນຕາ ລະຫວ່າງ ທະນາຄານທຸລະກິດ ແລະ ຮ້ານແລກປ່ຽນ ເງິນຕາຕົວແທນ ພ້ອມທັງໜັງສືອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທີ່ ຂຶ້ນກັບທະນາຄານທຸລະກິດຕົນ ສົ່ງຄືນໃຫ້ແກ່ກົມນະໂຍບາຍເງິນຕາ ຫຼື ສາຂາທະນາຄານແຫ່ງ ສປປ ລາວ ປະຈໍາ ພາກ ທີ່ກ່ຽວຂ້ອງ ພາຍໃນວັນທີ 31 ມັງກອນ 2023;

3. ທະນາຄານທຸລະກິດທີ່ມີຈຸດປະສົງຕ້ອງການສ້າງຕັ້ງໜ່ວຍແລກປ່ຽນເງິນຕາ ແມ່ນໃຫ້ປະຕິບັດຕາມຂໍ້ຕົກລົງວ່າດ້ວຍ ການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022.

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້