ໂຄວິດ ຍັງບໍ່ແລ້ວ! ໄຂ້ ຍຸງລາຍ ມາອີກ ມີຶ້ດຽວກວດພົບ 25 ຄົນ ວັນທີ່ 28 ກໍລະກົດ

ວັນທີ 28 ກໍລະກົດ ພຽງມື້ດຽວ ພົບຜູ້ເປັນໄຂ້ຍຸງລາຍ 25 ຄົນ.

ຂປລ. ທ່ານ ນາງ ດຣ. ພອນປະເສີດ ໄຊຍະມຸງຄຸນ ຮອງຫົວໜ້າກົມພະຍາດຕິດຕໍ່ ກະຊວງສາທາລະນະສຸກ ໄດ້ແຈ້ງໃຫ້ຮູ້ໃນວັນທີ 29 ກໍລະກົດ 2021 ນີ້ວ່າ: ໃນວັນທີ 28 ກໍລະກົດ 2021 ທົ່ວປະເທດ ພົບຜູ້ຕິດເຊື້ອພະຍາດໄຂ້ຍຸງລາຍຈໍານວນ 25 ຄົນ. ໃນນີ້, ຢູ່ນະຄອນຫລວງວຽງຈັນ 15 ຄົນ ແລະ ນັບແຕ່ເດືອນມັງກອນ 2021 ມາຮອດປັດຈຸບັນ ມີຜູ້ຕິດເຊື້ອພະຍາດນີ້ແລ້ວ ຈໍານວນ 683 ຄົນ, ແຕ່ຍັງບໍ່ມີລາຍງານການເສຍຊີວິດ.

ທ່ານ ນາງ ດຣ. ພອນປະເສີດ ໄຊຍະມຸງຄຸນ ກ່າວວ່າ: ປັດຈຸບັນ, ແມ່ນກ້າວເຂົ້າສູ່ລະດູຝົນ, ເຊິ່ງເປັນສະພາບອາກາດທີ່ອໍານວຍໃຫ້ແກ່ການເພາະພັນ ແລະ ຂະຫຍາຍພັນຂອງໜອນນໍ້າຍຸງລາຍ ທີ່ເປັນພາຫະນໍາເຊື້ອພະຍາດໄຂ້ຍຸງລາຍ ແລະ ເຫັນວ່າລາຍງານຕົວເລກຜູ້ຕິດເຊື້ອເພີ່ມຂຶ້ນໃນແຕ່ລະວັນ.

ດັ່ງນັ້ນເພື່ອປ້ອງກັນບໍ່ໃຫ້ຕິດເຊື້ອພະຍາດດັ່ງກ່າວ, ຂໍໃຫ້ສັງຄົມສືບຕໍ່ເອົາໃຈໃສ່ປະຕິບັດຫລັກ ການ 5ປ ຢ່າງເຂັ້ມງວດ, ພ້ອມເຮັດອະນາໄມເຮືອນຊານໃຫ້ສະອາດ, ບໍ່ໃຫ້ມີນໍ້າອັ່ງນໍ້າຂັງ, ເພື່ອຈໍາກັດ ແລະ ທໍາລາຍແຫລ່ງເພາະພັນຂອງໜອນນໍ້າຍຸງລາຍ.

error: ເນື້ອຫາໄດ້ຮັບການປົກປ້ອງ !!