ງາມໜ້າຮັກ ມະຍຸລີ ຊູຕັນນຸວົງ ຖືກແຕ່ງຕັ້ງຂຶ້ນຮັບຕຳແໜ່ງ Miss Teen Laos 2020 – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວບັນເທິງ

ງາມໜ້າຮັກ ມະຍຸລີ ຊູຕັນນຸວົງ ຖືກແຕ່ງຕັ້ງຂຶ້ນຮັບຕຳແໜ່ງ Miss Teen Laos 2020

Published

on

ກອງປະກວດ Miss Teen Laos ໄດ້ແຕ່ງຕັ້ງ ຮອງອັນດັບ 1 Miss Teen Laos 2019 ນາງ ມະຍຸລີ ຊູຕັນນຸວົງ ຂຶ້ນຮັບຕຳແໜ່ງ ແລະ ປະຕິບັດໜ້າທີ່ເປັນ Miss Teen Laos 2020 ຢ່າງເປັນທາງການ ຕາມກົດລະບຽບຂອງກອງປະກວດ ໂດຍມີຜົນນັບຕັ້ງແຕ່ວັນທີ່ລົງລາຍເຊັນເປັນຕົ້ນໄປ ຈົນກວ່າຈະໄດ້ຈັດການປະກວດ ເພື່ອຄັດເລືອກ Miss Teen Laos 2021 ໃນອະນາຄົດ.

ในภาพอาจจะมี 1 คน, ข้อความ

ອີງຕາມແຈ້ງການກອງປະກວດ Miss Teen Laos, ເລື່ອງ: ການແຕ່ງຕັ້ງຕຳແໜ່ງ “Miss Teen Laos 2020” ຢ່າງເປັນທາງການວ່າ: ໃນນາມ ບໍລິສັດ ກ້າວໜ້າລາວ ເອັນເຕີເທັນເມັນ ຈໍາກັດ ເຈົ້າຂອງລິຂະສິດ ແລະ ເປັນຜູ້ຈັດການປະກວດ Miss Teen Laos ແຕ່ພຽງຜູ້ດຽວ ໄດ້ເລີ່ມຈັດການປະກວດ Miss Teen Laos 2019 ຂຶ້ນເປັນຄັ້ງທຳອິດ ແລະ ຍັງຄົງຈະສືບຕໍ່ຈັດການປະກວດໃນທຸກໆປີ ເພື່ອເປັນການສົ່ງເສີມໄວໜຸ່ມຍິງລາວໃຫ້ມີຄວາມກ້າສະແດງອອກ ແລະ ເປັນແບບຢ່າງທີ່ດີ ພາຍໃຕ້ຄຳຂວັນຂອງກອງປະກວດ “ເປັ່ງປະກາຍດວງດາວ ແຫ່ງຍຸກສະໄໝ”

ໃນປີ 2019 ໄດ້ຈັດການປະກວດຮອບຕັດສິນຂຶ້ນທີ່ ສູນວາງສະແດງສິນຄ້າລາວ-ໄອເຕັກ ຄະນະກຳມະການຕັດສິນໄດ້ລົງຄະແນນເຫັນດີໃຫ້ ນາງ ໂສລະຍາ ລິນ ຄອນດີ ອາຍຸ 16 ປີ ດຳລົງຕຳແໜ່ງ Miss Teen Laos 2019, ຮອງອັນດັບ 1 ນາງ ມະຍຸລີ ຊູຕັນນຸວົງ ແລະ ຮອງອັນດັບ 2 ນາງ ແຮ່ນນ້າ ໂລເຊັ່ນບູ້ມ.

ພາຍຫຼັງ Miss Teen Laos 2019 ໄດ້ປະຕິບັດໜ້າທີ່ຄົບ 1 ປີເຕັມຕາມພາລະບົດບາດ ແລະ ໜ້າທີ່ຕາມສັນຍາຂອງກອງປະກວດໄດ້ເປັນຢ່າງດີ ແລະ ຕາມການວາງແຜນຂອງກອງປະກວດໃນເບື້ອງຕົ້ນ ແມ່ນຈະໄດ້ຈັດການປະກວດເພື່ອຄັດເລືອກເອົາ Miss Teen Laos 2020 ໃນວັນທີ 19 ເດືອນ ພຶດສະພາ 2020 ເພື່ອຄັດເລືອກເອົາຜູ້ທີ່ເໜາະສົມຈະມາປະຕິບັດໜ້າທີ່ເປັນ Miss Teen Laos 2020 ສືບຕໍ່ໄປ.

ເນື່ອງຈາກໃນທ້າຍປີ 2019-2020 ໄດ້ມີວິກິດການລະບາດຂອງເຊື້ອໄວຣັສ ໂຄວິດ-19 ໃນທົ່ວໂລກ ລວມໄປເຖິງປະເທດລາວຂອງພວກເຮົາ, ທາງກອງປະກວດຈຶ່ງໄດ້ເລື່ອນການປະກວດອອກໄປ ຈົນກວ່າຈະມີແຈ້ງການຈາກ ລັດຖະບານ ໃຫ້ມີການຈັດການປະກວດໄດ້ອີກຄັ້ງ.

ດັ່ງນັ້ນ, ທາງກອງປະກວດ ຈິ່ງເຫັນສົມຄວນແຕ່ງຕັ້ງ ຮອງອັນດັບ 1 ນາງ ມະຍຸລີ ຊູຕັນນຸວົງ ຂຶ້ນຮັບຕຳແໜ່ງ ແລະ ປະຕິບັດໜ້າທີ່ເປັນ Miss Teen Laos 2020 ຢ່າງເປັນທາງການ ຕາມກົດລະບຽບຂອງກອງປະກວດ ໂດຍມີຜົນນັບຕັ້ງແຕ່ວັນທີ່ລົງລາຍເຊັນເປັນຕົ້ນໄປ ຈົນກວ່າຈະໄດ້ຈັດການປະກວດ ເພື່ອຄັດເລືອກ Miss Teen Laos 2021 ໃນອະນາຄົດ.

ດັ່ງນັ້ນ, ບໍລິສັດ ກ້າວໜ້າລາວ ເອັນເຕີເທັນເມັນ ຈໍາກັດ ໃນນາມ ເຈົ້າຂອງລິຂະສິດ ແລະ ເປັນຜູ້ຈັດການປະກວດ Miss Teen Laos ແຕ່ພຽງຜູ້ດຽວ ຈຶ່ງໄດ້ປະກາດແຈ້ງການສະບັບນີ້ມາເພື່ອຊາບໂດຍທົ່ວກັນ.

ກອງປະກວດ Miss Teen Laos, ນະຄອນຫຼວງວຽງຈັນ, ວັນທີ 08 ມິຖຸນາ 2020, ບໍລິສັດ ກ້າວໜ້າລາວ ເອັນເຕີເທັນເມັນ ຈໍາກັດ, ປະທານ ກອງປະກວດ Miss Teen Laos

Continue Reading

ຂ່າວບັນເທິງ

ຄູ່ຮັກນັກຮ້ອງດັງປະເທດໄທ ກ້ອງ ຫ້ວຍໄລ່ ແລະ ຂະນິດຖາ ມາທ່ຽວ ສປປລາວ

Published

on

ຄູ່ຮັກນັກຮ້ອງດັງໄທ ທ່ຽວລາວວຽງຈັນ “ສະບາຍດີ” ກ້ອງ ຫ້ວຍໄລ່ ແລະ ພັນລະຍາ ຂະນິດຖາ

ຈາກໂພສຂອງ ນັກຮ້ອງ ຂະນິດຖາ ເຂັມມະນິດ ແລະ ກ້ອງ ຫ້ວຍໄລ່ ຄູ່ຮັກ ນັກຮ້ອງ ສຽງດີ ພໍ່ແມ່ລູກ 2 ທີ່ກໍມາທ່ຽວປະເທດລາວເຊັ່ນກັນໂດຍເຈົ້າໂຕໂພສວ່າ

มื้อคืนม่วนแฮง คนหลายจนล้นร้าน ขอบใจหลายที่ยังฮักแพงข่อยเด้อ

ดีใจ ที่ทุกคนยังฮ้องเพลงข่อยได้ทุกเพลง เถื่อแรกในรอบสามปีโควิด … เมอเฮ็ดเวียกก่อน ไว้พ้อกันใหม่ ขอบใจเป็นอย่างหองโดย

……

Continue Reading

ຂ່າວບັນເທິງ

ຟັງກັນແລ້ວຫວາ? “ເພງ ລໍພີ້ທີ່ເຂື່ອນນ້ຳງື່ມ” ສາວພອນ – ບ່າວແມັກຮັບບົດເປັນພະເອກ ນາງເອກເອັມວີ (ມີຄລິບ)

Published

on

By

ວິນາທີນີ້ຕ້ອງຍົກໃຫ້ ສາວພອນ ຄົນດັງໃນສື່ສັງຄົມອອນລາຍທີ່ກາຍເປັນກະແສບໍ່ວ່າຈະຕີງໂຕເຮັດຫຍັງກໍໄດ້ຮັບຄວາມສົນໃຈຈາກສັງຄົມ ຫຼ້າສຸດກໍຍິ່ງຖືກຈັບຕາຂຶ້ນໄປອີກຫຼັງຈາກທີ່ເຟສບຸກທາງການຂອງ ຈິນຕະຫຼາ ພູນລາບ ນັກຮ້ອງດັງຂອງໄທໄດ້ອອກມາເປີດເຜີຍວ່າ ເອັມວີເພງໃໝ່ຂອງຕົນເອງຢ່າງ “ຄອຍອ້າຍທີ່ເຂື່ອນນໍ້າງື່ມ” (รอพี่ที่เขื่อนน้ำงึม) ຈະໄດ້ສາວພອນ ແລະ ບ່າວແມັກ ເຊິ່ງເປັນຄູ່ຮັກຄົນດັງຊາວສະຫວັນນະເຂດທີ່ກຳລັງເປັນກະແສໃນຂະນະນີ້.

ເພງນີ້ນອກຈາກຈິນຕະຫຼາແລ້ວ ຍັງໄດ້ນັກຮ້ອງຈາກລາວຢ່າງ ແພັດ ເພັດດາວອນ ມາຮ້ອງຮ່ວມນຳ ເຊິ່ງ ແພັດເອງກໍເປັນທີ່ຮູ້ຈັກກັນດີທັງຝັ່ງລາວ ແລະ ໄທ ຈາກການໄປຮ່ວມແຂ່ງຂັນຮ້ອງເພງໃນລາຍການ ເສິກວັນດວນເພງ. ເວົ້າໄດ້ວ່າ ເປັນການລວມໂຕຂອງຄົນດັງທີ່ເປັນທີ່ຮູ້ຈັກກັນທັງສອງຝັ່ງຂອງ.

ສຳລັບເພງ ຄອຍອ້າຍທີ່ເຂື່ອນນໍ້າງື່ມ, ເຟສບຸກທາງການຂອງຈິນຕະຫຼາໄດ້ເປີດເຜີຍວ່າ ຈະປ່ອຍໃຫ້ຟັງກັນໃນວັນທີ 25 ມັງກອນ 2022 ນີ້ ເຊິ່ງນັບຈາກມື້ນີ້ໄປກໍອີກບໍ່ເທົ່າໃດມື້ເທົ່ານັ້ນ. ມາຖ້າກັນວ່າ ບົດບາດຂອງ ສາວພອນ ແລະ ບ່າວແມັກ ໃນຖານະນາງເອກ ແລະ ພະເອກເອັມວີ ຈະເປັນແນວໃດ ກໍຕ້ອງມາລໍຖ້າເບິ່ງນຳກັນ.

ລ່າສຸດ ປ່ອຍອອກມາໃຫ້ໄດ້ເບິ່ງກັນແລ້ວພີ່ນ້ອງ ເອົາວ່າຈະມ່ວນສ່ຳໃດໄປຮັບຊົມພ້ອມໆ ກັນເລີຍ.

Continue Reading

ຂ່າວບັນເທິງ

ຍັງພາກັນຈື່ໄດ້ບໍ ຈາກລູກລຳຍອງ ສູ່ ໄອດໍ້ໜຸ່ມ KPOP ຢ່າງຫຼ່ໍ

Published

on

By

ເອີ້ນໄດ້ວ່າເປັນຂ່າວທີ່ເຫຼົ່າແຟນຄັບນັ້ນຕ່າງດີໃຈກັນເປັນຈຳນວນຫຼວງຫຼາຍ ໃນທີ່ສຸດຂ່າວລືກໍ່ເປັນຈິງ ສຳຫຼັບນັກສະແດງໜຸ່ມອະນາຄົດໄກ ນ້ອງຍອດ ຍົງສິນ ທີ່ໂດ່ງດັງຈາກບົດບາດ ວັນສະເຫຼີມ ລູກຊາຍແມ່ລຳຍອງໃນລະຄອນທອງເນື້ອເກົ້າ ກຳລັງຈະໄດ້ເດບິ້ວເປັນສິລະປິນເກົາຫຼີໃນປີ 2022 ໂດຍລ້າສຸດຄ່ຳຄືນທີ່ຜ່ານມາ (19 ມັງກອນ 2565) ເຮັດເອົາໂລກອອນລາຍນັ້ນເວົ້າເຖິງກັນບໍ່ຢຸດ

ຫຼັງມີພາບ ຍອດ ຍົງສິນ ໂຜ່ໃນວິດີໂດຮ່ວມສະຫຼອງວັນເກີດກັບເຫຼົ່າເດັກຝຶກໃນນາມ Trainee A ຈາກຄ້າຍ BigHit Entertainment ຄ້າຍດຽວກັບວົງ BTS ທີ່ໂດ່ງດັງລະດັບໂລກ ເຮັດໃຫ້ແຟນໆ ຕ່າງຄາດເດົາໄປໃນທາງດຽວກັນວ່າ ໜຸ່ມຍອດ ເປັນໜຶ່ງໃນເມມເບີ້ລັບທີ່ລໍຖ້າການເປີດຕົວ ແລະ ກຽມເດບິ້ວໄວໆນີ້

ສົ່ງຜົນໃຫ້ແຮັຊແທັກ yorch_yongsin TraineeA ຍອດຍົງສິນ ທະຍານພຸ່ງຕິດເທນບໍ່ຢຸດ ແລະໃນເວລາຕໍ່ມາກໍ່ໄດ້ຮັບການເປີດເຜີຍຈາກຜູ້ຈັດການສ່ວນຕົວຂອງຍອດ ທີ່ລະບຸວ່ານ້ອງຍອດແລະຄອບຄົວ ຂອບໃຈຄ້າຍ BigHit Music ທີ່ໃຫ້ໂອກາດນ້ອງຍອດໄດ້ເປັນ 1 ໃນຄອບຄົວຂອງບໍລິສັດ @bts.bighitofficial

ແລະນ້ອງຍອດກັບທຸກຄົນໃນຄອບຄົວ ຂອບໃຈຜູ້ໃຫຍ່ທຸກໆທ່ານທີ່ເປີດໂອກາດໃຫ້ນ້ອງຍອດໄດ້ເດີນທາງຕາມຄວາມຝັນ ຊຶ່ງກໍ່ມີແມ່ລຳຍອງຢ່າງ ນຸ້ນ ວໍລະນຸດ ເຂົ້າມາຄອມເມັ້ນສົ່ງໃຈໃຫ້ ຂະນະທີ່ແຟນໆກໍ່ຮ່ວມຍິນດີກັນຢ່າງຫຼວງຫຼາຍສຳຫຼັບ ນ້ອງຍອດ ມີຊື່ແທ້ວ່າ ຍົງສິນ ວົງພະນິດນົນ ເກີດວັນທີ່ 11 ເມສາ ພ.ສ 2545

ພູມລຳເນົາເປັນຄົນຈັງຫວັດພະເຍົາ ຈົບການສຶກສາໃນລະດັບປະຖົມສຶກສາຈາກໂຮງຮຽນຣັດຕະນະບັນດິດຈິດຕະວິທະຍາ ຈົບການສຶກສາໃນລະດັບມັດທະຍົມສຶກສາຈາກໂຮງຣຽນພະແມ່ສະກົນສົງເຄາະກຳລັງສຶກສາໃນລະດັບປະລິນຍາຕີີຈາກ ສາຂາການສະແດງແລະກຳກັບການສະແດງພາບພະຍົນມະຫາວິທະຍາໄລສີນະຄະລິນທອນວິໂຣດ ວິທະຍາໄລນະວັດຕະກຳສື່ສານສັງຄົມ ມະຫາວິທະຍາໄລສີນະຄະລິນທອນວິໂຣດ

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້