ມັນຈົບແລ້ວ! ລາວຊະນະໂຄວິດ-19 ຄົນສຸດທ້າຍຂອງ ສປປ ລາວປິ່ນປົວຫາຍດີແລ້ວ – ສື່ລາວ.ຄອມ
Connect with us

ຂ່າວພາຍໃນ

ມັນຈົບແລ້ວ! ລາວຊະນະໂຄວິດ-19 ຄົນສຸດທ້າຍຂອງ ສປປ ລາວປິ່ນປົວຫາຍດີແລ້ວ

Published

on

ຊົມເຊີຍຜົນສຳເລັດຄັ້ງຍິ່ງໃຫຍ່ຂອງສປປລາວ ທີ່ປິ່ນປົວຄົນຕິດເຊື້ອພະຍາດໂຄວິດ-19 ໄດ້ສຳເລັດໝົດແລ້ວ. ກໍລະນີທີ 8 ເພດຊາຍ ອາຍຸ 18 ປີ ບ້ານດອນນົກຂຸ້ມ ເມືອງສີສັດຕະນາກ ນະຄອນຫລວງວຽງຈັນ ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 28/3/2020 ໄດ້ປິ່ນປົວດີ ແລະ ໄດ້ອອກໂຮງໝໍມື້ນີ້ 9/6/2020 ເປັນຄົນສຸດທ້າຍ.

(ກ). ລະບຽບການປ່ອຍຕົວໃຫ້ອອກຈາກໂຮງໝໍ ຜູ້ປິ່ນປົວດີຈາກເຊື້ອໄວຣັດ ໂຄວິດ-19 ແມ່ນຕ້ອງຜ່ານການວິໄຈຫາເຊື້ອໃນເລືອດເປັນລົບ ຈຳນວນ 02 ຄັ້ງຕິດຕໍ່ກັນ (2×24 ຊົ່ວໂມງ), ເຊີ່ງເມື່ອຖືກປ່ອຍກັບບ້ານແລ້ວ ຈະຕ້ອງໄດ້ປະຕິບັດການກັກກັນຕົວພາຍໄຕ້ການຊີ້ນຳຂອງແພດຈຳນວນ 14 ວັນແລ້ວ ແລະ ຕ້ອງໄດ້ກັບມາກວດຫາເຊື້ອອີກຄັ້ງສຸດທ້າຍ:
(1). ວັນທີ 14 ເມສາ 2020, ຜູ້ປິ່ນປົວຫາຍຂາດຄົນທຳອິດ ແມ່ນກໍລະນີ (12), ນາງ ເພັດມະລີ ມົງຄົນວິໄລ, ອາຍຸ 20 ປີ, ນັກສຶກສາລາວ ເດີນທາງມາຈາກປະເທດອັງກິດ, ປະຊາຊົນ ບ້ານນາໄຊ ເມືອງໄຊເສດຖາ ນະຄອນຫຼວງວຽງຈັນ (ເຂົ້ານອນໂຮງໝໍມິດຕະພາບ ວັນທີ 06 ເມສາ 2020),

(2). ວັນທີ 16 ເມສາ 2020, ຜູ້ປິ່ນປົວຫາຍຂາດຄົນທີ່ສອງ ແມ່ນກໍລະນີ (14), ນາງ ສິລິວັນ ສີສົມບັດ, ອາຍຸ 19 ປີ, ນັກສຶກສາລາວ ເດີນທາງມາຈາກປະເທດອັງກິດ, ປະຊາຊົນ ບ້ານຊ້າງຄູ້ ເມືອງໄຊທານີ ນະຄອນຫຼວງວຽງຈັນ (ເຂົ້ານອນໂຮງໝໍມິດຕະພາບວັນທີ 07 ເມສາ 2020, ພາຍຫຼັງ 14 ວັນຕິດຕາມອາການຢູ່ເຮືອນ ໄດ້ມາກວດຄືນແລ້ວຜົນກວດເປັນບວກ ຈື່ງໄດ້ກັບຄືນມານອນຕິດຕາມອາການຄືນໃໝ່ໃນວັນທີ 02 ພຶດສະພາ 2020 ແລະ ຜົນການກວດເຊື້ອ ໂຄວິດ-19 ຈຳນວນ 02 ຄັ້ງຕິດຕໍ່ກັນດ້ວຍ PCR ແມ່ນມີຜົນເປັນລົບ ແລະ ໄດ້ອອກໂຮງໝໍຄັ້ງທີ່ສອງໃນວັນນີ້ 13 ພຶດສະພາ 2020),
(3). ວັນທີ 22 ເມສາ 2020, ຜູ້ປິ່ນປົວຫາຍຂາດຄົນທີ່ສາມ ແມ່ນກໍລະນີ (5) ລຸງ ບຸນທ່ຽງ ອາຍຸ 52 ປີ, ປະຊາຊົນ ບ້ານວິຊຸນ ນະຄອນຫລວງພະບາງ ແຂວງຫລວງພະບາງ ພະນັກງານຂັບລົດໃຫ້ແກ່ກຸ່ມນັກທ່ອງທ່ຽວເອີຣົບ, ໂດຍພວກເຮົາໄດ້ຮັບແຈ້ງຈາກປະເທດກຳປູເຈັຍ ວ່າກຸ່ມທ່ອງທ່ຽວດັ່ງກ່າວຕິດເຊື້ອ ໂຄວິດ-19 (ເຂົ້ານອນໂຮງໝໍແຂວງຫຼວງພະບາງ ວັນທີ 26 ມີນາ 2020),

(4). ວັນທີ 22 ເມສາ 2020, ຜູ້ປິ່ນປົວຫາຍຂາດຄົນທີ່ສີ່ ແມ່ນກໍລະນີ (7) ພັນລະຍາລຸງ ບຸນທ່ຽງ ອາຍຸ 50 ປີ, ປະຊາຊົນ ບ້ານວິຊຸນ ນະຄອນຫຼວງພະບາງ ແຂວງຫລວງພະບາງ (ເຂົ້ານອນໂຮງໝໍແຂວງຫຼວງພະບາງ ວັນທີ 28 ມີນາ 2020),
(5). ວັນທີ 25 ເມສາ 2020, ຜູ້ປິ່ນປົວຫາຍຂາດຄົນທີ່ຫ້າ ແມ່ນກໍລະນີ (1) ເພດຊາຍ ອາຍຸ 28 ປີ, ປະຊາຊົນ ບ້ານຈັນສະຫວ່າງ ນະຄອນຫລວງວຽງຈັນ (ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 24 ມີນາ 2020),
(6). ວັນທີ 25 ເມສາ 2020, ຜູ້ປິ່ນປົວຫາຍຂາດຄົນທີ່ຫົກ ແມ່ນກໍລະນີ (11) ເພດຊາຍ ອາຍຸ 55 ປີ ສັນຊາດປາປົວນິວກີເນຍ ຜູ້ຊ່ຽວຊານປະຈຳ ບໍລິສັດພູເບັ້ຍມາຍນິງ ແຂວງໄຊສົມບູນ (ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 05 ເມສາ 2020),
(7). ວັນທີ 25 ເມສາ 2020, ຜູ້ປິ່ນປົວຫາຍຂາດຄົນທີ່ເຈັດ ແມ່ນກໍລະນີ (15) ເພດຍິງ ອາຍຸ 20 ປີ, ນັກສຶກສາລາວ ເດີນທາງມາຈາກປະເທດອັງກິດ, ປະຊາຊົນ ບ້ານຈອມມະນີ ເມືອງໄຊເສດຖາ ນະຄອນຫລວງວຽງຈັນ (ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 07 ເມສາ 2020),

(8). ວັນທີ 29 ເມສາ 2020, ຜູ້ປິ່ນປົວຫາຍຂາດຄົນທີ່ແປດ ແມ່ນກໍລະນີ (4) ເພດຊາຍ ອາຍຸ 42 ປີ, ປະຊາຊົນ ບ້ານປ່ອງຄຳ ນະຄອນຫລວງພະບາງ ແຂວງຫລວງພະບາງ (ເຂົ້າປິ່ນປົວຢູ່ໂຮງໝໍແຂວງຫຼວງພະບາງ ວັນທີ 26 ມີນາ 2020),
(9) ວັນທີ 02 ພຶດສະພາ 2020, ຜູ້ປິ່ນປົວຫາຍຂາດຄົນທີ່ເກົ້າ ແມ່ນກໍລະນີ (2) ເພດຍິງ ອາຍຸ 36 ປີ, ພະນັກງານບໍລິສັດນຳທ່ຽວ, ປະຊາຊົນ ບ້ານຄຳຮູ່ງ ເມືອງໄຊທານີ ນະຄອນຫຼວງວຽງຈັນ (ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 24 ມີນາ 2020),
(10). ວັນທີ 02 ພຶດສະພາ 2020, ມີຜູ້ປິ່ນປົວຫາຍຂາດຄົນທີ່ສິບ ແມ່ນກໍລະນີ (13) ເພດຊາຍ ອາຍຸ 40 ປີ, ພະນັກງານບໍລິສັດພູເບັ້ຍມາຍນິງ, ປະຊາຊົນ ບ້ານດອນກອຍ ເມືອງສີສັດຕະນາກ ນະຄອນຫຼວງວຽງຈັນ (ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 06 ເມສາ 2020),
(11). ວັນທີ 09 ພຶດສະພາ 2020, ຜູ້ປິ່ນປົວຫາຍດີຄົນທີສິບເອັດ ແມ່ນກໍລະນີ (3) ເພດຊາຍ ອາຍຸ 26 ປີ, ນັກທຸລະກິດ ປະຊາຊົນ ບ້ານຫ້ວຍຫ້ອມ ເມືອງສີໂຄດຕະບອງ ນະຄອນຫຼວງວຽງຈັນ (ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 25 ມີນາ 2020),

(12). ວັນທີ 09 ພຶດສະພາ 2020, ຜູ້ປິ່ນປົວຫາຍດີຄົນທີສິບສອງ ແມ່ນກໍລະນີ (6) ເພດຊາຍ ອາຍຸ 41 ປີ, ປະຊາຊົນ ບ້ານຈຳປາ ເມືອງສີໂຄດຕະບອງ ນະຄອນຫລວງວຽງຈັນ (ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 26 ມີນາ 2020),
(13). ວັນທີ 09 ພຶດສະພາ 2020, ຜູ້ປິ່ນປົວຫາຍດີຄົນທີສິບສາມ ແມ່ນກໍລະນີ (9) ເພດຍິງ ອາຍຸ 22 ປີ, ປະຊາຊົນ ບ້ານໂພນພະເນົາ ເມືອງໄຊເສດຖາ ນະຄອນຫຼວງວຽງຈັນ (ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 30 ມີນາ 2020),
(14). ວັນທີ 09 ພຶດສະພາ 2020, ຜູ້ປິ່ນປົວຫາຍດີຄົນທີສິບສີ່ ແມ່ນກໍລະນີ (19) ເພດຊາຍ ອາຍຸ 21 ປີ, ອາຊີບນັກສຶກສາ ພັກຢູ່ບ້ານພັກໂພນປ່າເປົ້າ ເມືອງສີສັດຕະນາກ ນະຄອນຫຼວງວຽງຈັນ (ເຂົ້ານອນໂຮງໝໍມິດຕະພາບ ວັນທີ 12 ເມສາ 2020),
(15). ວັນທີ 27 ພຶດສະພາ 2020, ຜູ້ປິ່ນປົວຫາຍດີຄົນທີສິບຫ້າ ແມ່ນກໍລະນີ (16) ເພດຍິງ ອາຍຸ 23 ປີ, ອາຊີບນັກສຶກສາ ວິທະຍາໄລລັດຕະນະ, ປະຊາຊົນບ້ານໜອງດ້ວງ ເມືອງສີໂຄດຕະບອງ ນະຄອນຫຼວງວຽງຈັນ (ເຂົ້ານອນໂຮງໝໍມິດຕະພາບ ວັນທີ 09 ເມສາ 2020),

(16). ວັນທີ 27 ພຶດສະພາ 2020, ຜູ້ປິ່ນປົວຫາຍດີຄົນທີສິບຫົກ ແມ່ນກໍລະນີ (18) ເພດຍິງ ອາຍຸ 32 ປີ, ອາຊີບຫວ່າງງານ ໃຊ້ຊິວິດຮ່ວມກັນຢູ່ຫ້ອງດຽວກັນກັບຜູ້ປ່ວຍກໍລະນີ (17), ບ້ານໜອງດ້ວງທົ່ງ ເມືອງສີໂຄດຕະບອງ ນະຄອນຫຼວງວຽງຈັນ (ເຂົ້ານອນໂຮງໝໍມິດຕະພາບ ວັນທີ 11 ເມສາ 2020),
(17). ວັນທີ 03 ມິຖຸນາ 2020, ຜູ້ປິ່ນປົວຫາຍດີຄົນທີສິບເຈັດ ແມ່ນກໍລະນີ (10) ເພດຍິງ ອາຍຸ 21 ປິ, ປະຊາຊົນ ບ້ານໜອງສະໂນຄຳ ເມືອງສີໂຄດຕະບອງ ນະຄອນຫລວງວຽງຈັນ (ເຂົ້ານອນໂຮງໝໍມິດຕະພາບວັນທີ 01 ເມສາ 2020),
(18). ວັນທີ 03 ມິຖຸນາ 2020, ຜູ້ປິ່ນປົວຫາຍດີຄົນທີສິບແປດ ແມ່ນກໍລະນີ (17) ເພດຍິງ ອາຍຸ 32 ປີ, ອາຊີບຫວ່າງງານ, ປະຊາຊົນເຊົ່າ ຢູ່ເຮືອນຫ້ອງແຖວເບີ 07, ໜ່ວຍ01, ບ້ານໜອງດ້ວງທົ່ງ, ເມືອງສີໂຄດຕະບອງ, ນະຄອນຫຼວງວຽງຈັນ (ເຂົ້ານອນໂຮງໝໍມິດຕະພາບ ວັນທີ 11 ເມສາ 2020).

(ຂ). ກໍລະນີທີ 8 ເພດຊາຍ ອາຍຸ 18 ປີ ບ້ານດອນນົກຂຸ້ມ ເມືອງສີສັດຕະນາກ ນະຄອນຫລວງວຽງຈັນ ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 28/3/2020 ໄດ້ປິ່ນປົວດີ ແລະ ໄດ້ອອກໂຮງໝໍມື້ນີ້ 9/6/2020 ເປັນຄົນສຸດທ້າຍ.

ຢ່າງໃດກໍດີທາງເຮົາຂໍຊົມເຊີຍ ແລະ ຍ້ອງຍໍການປະຕິດບັດໜ້າທີ່ຂອງທຸກຝ່າຍ ແລະ ທຸກພາກສ່ວນທີ່ກ່ຽວຂ້ອງ, ໂດຍສະເພາະບຸກຄະລາກອນທາງການແພດທຸກທ່ານທີ່ໄດ້ທຸ່ມເທແຮງກາຍ ແຮງໃຈໃນການປິ່ນປົວຜູ້ຕິດເຊື້ອຈົນສາມາດຫາຍດີໝົດທຸກຄົນ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading

ຂ່າວພາຍໃນ

ລ່າສຸດ! ລາຄານ້ຳມັນ +1.010ກີບ/ລິດ ກາຊວນ +420ກີບ/ລິດ

Published

on

By

ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/01/2023 ຕາມແຈ້ງການຈາກ ກຊ ອຸດສະຫະກຳແລະການຄ້າ

ເລກທີ 0056/ອຄ ລົງວັນທີ 18 ມກ 2023.

Continue Reading

ຂ່າວພາຍໃນ

ດ່ວນ! ແຈ້ງການຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາ ຕົວແທນຂອງທະນາຄານທຸລະກິດ ທົ່ວປະເທດ

Published

on

By

– ອີງຕາມກົດຫມາຍວ່າດ້ວຍທະນາຄານທຸລະກິດ (ສະບັບປັບປຸງ) ສະບັບເລກທີ 56/ສພຊ, ລົງວັນທີ 07 ທັນວາ 2018;

– ອີງຕາມກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15 /ສພຊ, ລົງວັນທີ 07 ກໍລະກົດ 2022;

– ອີງຕາມຂໍ້ຕົກລົງວ່າດ້ວຍການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022;

ອີງຕາມແຈ້ງການກ່ຽວກັບການຫັນຮ້ານແລກປ່ຽນເງິນຕາໄປເປັນຕົວແທນຂອງທະນາຄານທຸລະກິດ ສະບັບເລກທີ 111/ທຫລ, ລົງວັນທີ 12 ສິງຫາ 2021.

ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທະນາຄານທຸລະກິດ ແລະ ຮ້ານແລກປ່ຽນເງິນຕາຕົວ ແທນ ຊາບວ່າ: ເພື່ອເປັນການຜັນຂະຫຍາຍກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບ ເລກທີ 15/ສພຊ, ລົງວັນທີ 7 ກໍລະກົດ 2022, ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງວ່າດ້ວຍການບໍລິການ ແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022 ເພື່ອປ່ຽນແທນສອງຂໍ້ຕົກລົງຄື: ຂໍ້ຕົກລົງວ່າ ດ້ວຍທຸລະກິດແລກປ່ຽນເງິນຕາ ສະບັບເລກທີ 393/ທຫລ, ລົງວັນທີ 02 ກໍລະກົດ 2020 ແລະ ຂໍ້ຕົກລົງວ່າດ້ວຍການ ບໍລິການແລກປ່ຽນເງິນຕາຂອງທະນາຄານທຸລະກິດ ແລະ ຮ້ານແລກປ່ຽນເງິນຕາຕົວແທນ ສະບັບເລກທີ 449/ທຫລ, ລົງວັນທີ 14 ມິຖຸນາ 2022.

ໃນນີ້, ຂໍ້ຕົກລົງວ່າດ້ວຍການບໍລິການແລກປ່ຽນເງິນຕາສະບັບດັ່ງກ່າວໄດ້ກໍານົດໃຫ້ ທະນາຄານທຸລະກິດ ທີ່ຕັ້ງຢູ່ ສປປ ລາວ ເທົ່ານັ້ນ ສາມາດໃຫ້ບໍລິການແລກປ່ຽນເງິນຕາ. ສະນັ້ນ, ເພື່ອຈັດຕັ້ງປະຕິບັດໃຫ້ ສອດຄ່ອງກັບບັນດານິຕິກໍາທີ່ມີຜົນສັກສິດໃນປັດຈຸບັນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງບັນດາທະນາຄານທຸລະ ກິດ ແລະ ຮ້ານແລກປ່ຽນເງິນຕາຕົວແທນ ດັ່ງນີ້:

1. ທະນາຄານແຫ່ງ ສປປ ລາວ ຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທັງໝົດ 113 ຮ້ານ ທີ່ຂຶ້ນກັບ 6 ທະນາຄານທຸລະກິດ;

2. ໃຫ້ທະນາຄານທຸລະກິດທີ່ມີຮ້ານແລກປ່ຽນເງິນຕາຕົວແທນຂຶ້ນກັບ ຢຸດເຊົາການຕໍ່ອາຍຸສັນຍາ ແລະ ຍົກເລີກ ສັນຍາຕົວແທນບໍລິການແລກປ່ຽນເງິນຕາກັບຮ້ານແລກປ່ຽນເງິນຕາຕົວແທນຂອງຕົນທັງໝົດ,

ດໍາເນີນການປິດບັນຊີເງິນຝາກທີ່ອອກຊື່ຮ້ານແລກປ່ຽນເງິນຕາຕົວແທນ ຢູ່ທະນາຄານທຸລະກິດທີ່ກ່ຽວຂ້ອງ, ນໍາສົ່ງບົດບັນທຶກ ການຍົກເລີກສັນຍາການເປັນຕົວແທນແລກປ່ຽນເງິນຕາ ລະຫວ່າງ ທະນາຄານທຸລະກິດ ແລະ ຮ້ານແລກປ່ຽນ ເງິນຕາຕົວແທນ ພ້ອມທັງໜັງສືອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທີ່ ຂຶ້ນກັບທະນາຄານທຸລະກິດຕົນ ສົ່ງຄືນໃຫ້ແກ່ກົມນະໂຍບາຍເງິນຕາ ຫຼື ສາຂາທະນາຄານແຫ່ງ ສປປ ລາວ ປະຈໍາ ພາກ ທີ່ກ່ຽວຂ້ອງ ພາຍໃນວັນທີ 31 ມັງກອນ 2023;

3. ທະນາຄານທຸລະກິດທີ່ມີຈຸດປະສົງຕ້ອງການສ້າງຕັ້ງໜ່ວຍແລກປ່ຽນເງິນຕາ ແມ່ນໃຫ້ປະຕິບັດຕາມຂໍ້ຕົກລົງວ່າດ້ວຍ ການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022.

Continue Reading
ເດືອນມັງກອນ 2023
ເສົາ ​ອາ ​ຈ ​ພ​ຫ ​ສ
 123456
78910111213
14151617181920
21222324252627
28293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້