ຂອບໃຈ! ເອີຣົບ ມອບ ຕຽງ ICU ໃຫ້ລາວ 200 ຊຸດເພີຶ່ອຕ້ານໂຄວິດ-19 – ສື່ລາວ.ຄອມ

ຂອບໃຈ! ເອີຣົບ ມອບ ຕຽງ ICU ໃຫ້ລາວ 200 ຊຸດເພີຶ່ອຕ້ານໂຄວິດ-19

ໃນຕອນບ່າຍຂອງວັນທີ 14 ກໍລະກົດ 2021 ໄດ້ມີພິທີມອບຮັບຕຽງ ICU ທາງການແພດຈໍານວນ 200 ຊຸດໃຫ້ແກ່ກະຊວງສາທາລະນະສຸກ ທີ່ຕົກເປັນມູນຄ່າທັງໝົດ 1,170,000,000 ກີບ.

ຊຸດຕຽງເຫຼົ່ານີ້ຈະຖືກສົ່ງໄປຊ່ວຍບັນດາສູນຈໍາກັດບໍລິເວນໃນ 15 ແຂວງທົ່ວປະເທດ ພາຍໃຕ້ການສະໜັບສະໜູນຈາກ “ໂຄງການຕອບໂຕ້ ແລະ ກຽມພ້ອມຕໍ່ກັບການລະບາດພະຍາດໃນອາຊີຕາເວັນອອກສຽງໃຕ້” ຂອງ ສະຫະພາບເອີຣົບ.

ພິທີດັ່ງກ່າວໄດ້ຮັບກຽດເຂົ້າຮ່ວມໂດຍ ດຣ. ສະໜອງ ທອງສະນະ ຮອງລັດຖະມົນຕີ ກະຊວງສາທາລະນະສຸກ, ທ່ານ ນາງ ອີນາ ມາຊິວລີໂອນີເຕີ, ເອກອັກຄະລັດຖະທູດ ສະຫະພາບເອີຣົບປະຈຳ ສປປ ລາວ ແລະ ດຣ. ຈຸ່ນ ກ່າວ ຮັກສາການຜູ້ຕາງໜ້າອົງການອະນາໄມໂລກປະຈໍາ ສປປ ລາວ.

ນອກຈາກນີ້ ໃນອາທິດທີ່ຜ່ານມາ ເຕົາອົບຂີ້ເຫຍື້ອກໍ່ໄດ້ສໍາເລັດການນໍາສົ່ງໃຫ້ແຂວງຈໍາປາສັກ ແລະ ສາລະວັນ ເພື່ອຊຸກຍູ້ເຂົ້າວຽກງານຕອບໂຕ້ພະຍາດໂຄວິດ-19

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້