ພຽງ 5 ມື້ ມີຜູ້ຕິດເຊື້ອພະຍາດໄຂ້ຍຸງລາຍ ຍັງເພີ້ມຂຶ້ນ 55 ຄົນ

ປັດຈຸບັນ, ຢູ່ ສປປ ລາວ ເຫັນວ່າສະພາບການລະບາດຂອງພະຍາດໂຄວິດ-19 ຢູ່ປະ ເທດເຮົາ ແລະ ປະເທດທີ່ມີຊາຍແດນຕິດຈອດກັບ ສປປ ລາວ ແມ່ນຜ່ອນຄາຍລົງຫລາຍແລ້ວ, ແຕ່ກົງກັນຂ້າມ ກໍລະນີຜູ້ຕິດເຊື້ອພະຍາດໄຂ້ຍຸງລາຍ ພັດນັບມື້ເພີ້ມຂຶ້ນເລື້ອຍໆ ແລະ ເຮັດໃຫ້ມີຜູ້ເສຍຊີວິດຈາກເຊື້ອພະຍາດດັ່ງກ່າວນຳອີກ.

ເດັກນ້ອຍ ເສັຽຊີວິດ ຍ້ອນໄຂ້ຍຸງລາຍ

ອີງຕາມການລາຍງານສູນຂ່າວສານການແພດ ສຸຂະສຶກສາ ກະ ຊວງສາທາລະນະສຸກ ແຈ້ງໃຫ້ຮູ້ວ່າ: ນັບແຕ່ວັນທີ 28 ທັນວາ 2019-3 ມິຖຸນາ 2020 ນີ້ ຜູ້ຕິດເຊື້ອພະຍາດໄຂ້ຍຸງລາຍຢູ່ທົ່ວປະເທດ ຈໍານວນ 1.586 ກໍລະນີ ແລະ ເສຍຊີວິດ 4 ກໍລະນີ ແລະ ມາຮອດວັນທີ 7 ມິຖຸນາ 2020 ຕົວເລກແມ່ນເພີ້ມຂຶ້ນເປັນ 1.641 ກໍລະນີ ແລະ ເສຍຊີວິດ 4 ກໍລະນີ.

ລາວ ກຳລັງປະສົບກັບ ການລະບາດຂອງ ໄຂ້ ...

ສູນຂ່າວສານການແພດສຸຂະສຶກສາ ແຈ້ງໃຫ້ຮູ້ວ່າ: ນະຄອນຫລວງວຽງຈັນ ຍັງເປັນແຂວງທີ່ພົບຜູ້ຕິດເຊື້ອໄຂ້ຍຸງລາຍຫລາຍກວ່າໝູ່, ເຊິ່ງຕົວເລກຢູ່ທີ່ 381 ກໍລະນີ ແລະ ເສຍຊີວິດແລ້ວ 2 ຄົນ, ຮອງລົງມາແມ່ນແຂວງ ວຽງຈັນ 235 ກໍລະນີ, ອັດຕະປື 213 ກໍລະນີ, ບໍລິຄຳໄຊ 170 ກໍລະນີ, ຄຳມ່ວນ 140 ກໍລະນີ ແລະ ເສຍຊີວິດແລ້ວ 1 ຄົນ, ສະຫວັນນະເຂດ 112 ກໍລະນີ, ສາລະວັນ 96 ກໍລະນີ, ໄຊຍະບູລີ 90 ກໍລະນີ ແລະ ເສຍຊີວິດແລ້ວ 1 ຄົນ, ເຊກອງ 48 ກໍລະນີ, ຫລວງນໍ້າທາ 37 ກໍລະນີ, ໄຊສົມບູນ 32 ກໍລະນີ, ອຸດົມໄຊ 32 ກໍລະນີ, ຫລວງພະບາງ 28 ກໍລະນີ, ບໍ່ແກ້ວ 11 ກໍລະນີ, ຈຳປາສັກ 10 ກໍລະນີ, ຜົ້ງສາລີ 5 ກໍລະນີ, ຫົວພັນ 1 ກໍລະນີ. ສໍາລັບ ແຂວງຊຽງຂວາງ ແມ່ນຍັງບໍ່ພົບກໍລະນີຜູ້ຕິດເຊື້ອໄຂ້ຍຸງລາຍດັ່ງກ່າວ.

ຂ່າວ: ມະນີທອນ ຂປລ

error: ເນື້ອຫາໄດ້ຮັບການປົກປ້ອງ !!