ສ.ອາເມລິກາ-ຣັດເຊຍ ເລັ່ງຟື້ນຟູຄວາມສຳພັນແບບທະວີພາຄີ
ຂປລ.ຕາມຂ່າວຈາກ ເຈນີວາ,ສ.ອາເມລິກາ ແລະ ຣັດເຊຍ ຕົກລົງເຫັນດີ ທີ່ຈະເລັ່ງຟື້ນຟູ ຄວາມສຳພັນ ການຮ່ວມມື ແບບທະວິພາຄີ ພາຍຫລັງ ທ່ານ ໂຈ ໄບເດນ,(Joe Biden)ປະທາ ນາທິ ບໍດີ ສ.ອາເມລິກາ ແລະ ທ່ານ ວາລາດີເມຍ ປູຕິນ(Vladimir Putin),ປະທານາທິບໍດີ ຣັດເຊຍ ໄດ້ເຂົ້າຮ່ວມ ກອງປະຊຸມ ສຸດຍອດ ຄັ້ງປະຫວັດສາດ ຢູ່ປະເທດ ສະວິດ ໃນຕອນແລງ ວັນທີ16ມິຖຸນາ
ໄດ້ດຳເນີນ ໄປດ້ວຍ ບັນຍາກາດ ລັກສະນະ ສ້າງສັນ ແລະ ມີແນວໂນ້ມວ່າ ການພົວພັນ ລະຫວ່າງ ທັງສອງປະເທດ ຈະພັດທະນາຂຶ້ນ ຢ່າງຫລວງຫລາຍ ດ້ວຍການຮ່ວມມືກັນ ຕ່າງຝ່າຍ ຕ່າງມີຜົນປະໂຫຍດ ໂດຍສະເພາະ ການຕົກລົງກັນ ທີ່ຈະເຈລະຈາ ກ່ຽວກັບ ຄວາມປອດໄພ ທາງໄຊເບີ ແລະ ການຄວບຄຸມ ດ້ານອາວຸດ.
ນອກນີ້ ຍັງສອງຝ່າຍ ຈະຍັງຕົກລົງ ທີ່ຈະສົ່ງເອກອັກ ຄະລັດ ຖະທູດ ກັບຄືນໄປ ປະຈຳການ ຢູ່ນະຄອນຫລວງ ຂອງທັງສອງປະເທດ ແລະ ຍັງມີອີກຫລາຍ ບັນຫາ ສຳຄັນ ທີ່ຈະຕ້ອງສືບຕໍ່ ແກ້ໄຂໃນຕໍ່ໜ້າ ເພື່ອຫລຸດຜ່ອນ ຄວາມເຄັ່ງຕືງ ຢ່າງຮີບດ່ວນ.
ຮຽບຮຽງຂ່າວໂດຍ ສະໄຫວ ລາດປາກດີ