ເປັນເລື່ອງໃຫຍ່​ ສັງຄົມປະທ້ວງທູດອາເມລິກາທີ່ໃຫ້ການສະໜັບໜູນບຸກຄົນທີ່ມີພຶດຕິກຳຄຸກຄາມທາງເພດ

ວັນທີ​ 9​ ມິຖຸນາ​ 2021ນີ້​ ຜູ້ໃຊ້​ເຟສບຸກ​ຊື່​ Totoon​ Sittiphone​ thapasuphanh ໄດ້ອອກມາປະທ້ວງຕໍ່ທູດອາເມລິກາປະຈຳລາວທີ່ໃຫ້ການສະໜັບສະໜູນບຸກຄົນທີ່ມີພຶດຕິກຳຄຸກຄາມທາງເພດ ໃຫ້ຢຸດສະໜັບສະໜູນນັ້ນ ເພາະບັນຫາການຄຸກຄາມທາງເພດເປັນສິ່ງທີ່ສາກົນໃຫ້ຄວາມສຳຄັນ.​ໃນໂພສມີຂໍ້ຄວາມດັ່ງນີ້: ຕໍ່ກັບປັນຫາການ ຄຸກຄາມທາງເພດໂດຍສະເພາະຢູ່ໃນສື່ສັງຄົມ ມັນເປັນປັນຫາມາດົນນານແລ້ວ ແຕ່ພວກເຮົາຈະຍອມໃຫ້ມັນເປັນແນວນີ້ຕໍ່ໄປອີກຫວາ?

ພວກເຮົາສາມາດຫຼັບຫູຫຼັບຕາ ແລ້ວຫວັງວ່າມື້ໜຶ່ງປັນຫານີ້ມັນຈະດີຂຶ້ນ ຫຼື ພວກເຮົາສາມາດຊ່ວຍກັນເຮັດໃຫ້ມັນດີຂຶ້ນໄດ້

ຂ້າພະເຈົ້າຫວັງວ່າຈະສາມາດ ທ້ອນໂຮມໄດ້ 1,000 ລາຍຊື່ ເພື່ອແນບຕິດກັບເອກະສານຄຳຮ້ອງ ຫາບັນດາສະຖານທູດ, ອົງການຈັດຕັ້ງສາກົນ ແລະບໍລິສັດຕ່າງໆ ເພື່ອໃຫ້ຮັບຮູ້ ແລະພິຈາລະນາຢູດເຊົາການສະໜັບສະໜຸນໃນປັດຈຸບັນ ແລະຕໍ່ໜ້າ

ທ່ານສາມາດລົງລາຍຊື່ເພື່ອສະໜັບສະໜຸນຄຳຮ້ອງນີ້ ໄດ້ທີ່ https://forms.gle/htVCvRcp7SE52Cdz7

ເນື້ອໃນຂອງຄຳຮ້ອງໃນການ ຂໍລາຍຊື່ ແມ່ນຕາມລຸ້ມນີ້

“ຕໍ່ຕ້ານການຄຸກຄາມທາງເພດ ຢູ່ໃນສື່ສັງຄົມ”

ການຄຸກຄາມທາງເພດ ບໍ່ວ່າຈະແມ່ນທາງການກະທຳ ຫຼືຄຳເວົ້າຕໍ່ກັບຜູ້ອື່ນທີ່ບໍ່ຕ້ອງການແລະຮູ້ສຶກບໍ່ມັກ ແມ່ນຜິດ ບໍ່ວ່າການກະທຳນັ້ນຈະຕໍ່ເພດໃດ ຫຼືບຸກຄົນໃດກໍ່ຕາມແມ່ນສິ່ງທີ່ຜິດ ໃນປະຈຸບັນ ມີຜູ້ມີຊື່ສຽງບາງຄົນດຶງດູດຄວາມສົນໃຈຈາກສັງຄົມໂດຍນຳໃຊ້ຄຳເວົ້າທີ່ຢາບຄາຍ ແລະສໍ່ໄປທາງ ດູຖູກ ຢຽດຢາມ ແລະຄຸກຄາມທາງເພດ ຢູ່ໃນພື້ນທີ່ສື່ສັງຄົມ ທີ່ຄົນທຸກເພດທຸກໄວສາມາເຂົ້າເຖິງໄດ້. ບຸກຄົນເຫຼົ່ານີ້ແມ່ນສວຍໃຊ້ຊື່ສຽງຂອງຕົນເອງ ເພື່ອຫາເງິນຈາກຄວາມສົນໃຈຂອງສັງຄົມ ແຕ່ມັນແມ່ນໃນທາງທີ່ຜິດ.

ພວກເຂົາເຈົ້າຫາເງິນຈາກຍອດໄລ້ ຍອດແຊຂອງທ່ານ ເພື່ອຂໍການສະໜັບສະໜຸນຈາກຈາກອົງກອນຫຼືບໍລິສັດທີ່ຕ້ອງການໂຄສະນານຳພວກເຂົາເຈົ້າ. ແຕ່ການຫາເງິນດ້ວຍວິທີນີ້ ມັນເປັນການສົ່ງເສີມ ພຶດຕິກຳການຄຸກຕາມທາງເພດ ໂດຍການເຮັດໃຫ້ເປັນເລື່ອງຕະຫຼົກຊວນຫົວ ແລະອ້າງວ່າ ນີ້ແມ່ນການຢອກຫຼິ້ນຊື່ໆ. ທຸກຄັ້ງທີ່ມີການຕັກເຕືອນແຕ່ຜູ້ກ່ຽວເອງ

ນອກຈາກຈະບໍ່ຮູ້ສຳນຶກແລ້ວຍັງອ້າງອີກວ່າສິ່ງທີ່ເຂົາເຈົ້າເຮັດແມ່ນສິ່ງທີ່ຖືກຕ້ອງແລະສົມຄວນ. ເພື່ອແກ້ໄຂບັນຫາດັ່ງກ່າວພວກເຮົາຕ້ອງການການຮ່ວມມືຈາກທຸກຝ່າຍ ໂດຍສະເພາະແມ່ນຜູ້ນຳໃຊ້ສື່ສັງຄົມ ແລະຜູ້ໃຫ້ການສະໜັບສະໜູນບຸກຄົນໃດ ຫຼືອົງກອນໃດ ກໍຕາມທີ່ມີພຶດຕິກຳການຄຸກຄາມທາງເພດ 

ໃຫ້ຢຸດເຊົາໃຫ້ຄວາມສົນໃຈ ແລະການສະໜັບສະໜູນຄົນເຫຼົ່ານີ້ ບໍ່ວ່າທາງໃດກໍຕາມ ເພື່ອບໍ່ໃຫ້ກຸ່ມຄົນເຫຼົ່ານີ້ມີບ່ອນຢືນໃນສັງຄົມອີກຕໍ່ໄປ ແລະພວກເຮົາຕ້ອງຢຸດເຊົາການສະໜັບສະໜູນອົງກອນ ທີ່ໃຫ້ການສະໜັບສະໜູນ ແລະຊ່ວຍເຫຼືອກຸ່ມຄົນເຫຼົ່ານີ້ເຊັ່ນກັນ ເພື່ອປະກາດຈຸດຢືນໃນການ ຕໍ່ຕ້ານການຄຸກຄາມທາງເພດ. ແນ່ນອນວ່າພວກເຮົາບໍ່ສາມາດແກ້ໄຂປັນຫານີ້ໄດ້ພາຍໃນມື້ນີ້ ມື້ອື່ນ ແຕ່ວ່າຖ້າພວກເຮົາບໍ່ເຮັດຫຍັງເລີຍ ປັນຫານີ້ມັນກໍຈະບໍ່ມີທາງ ຫາຍໄປຈາກສັງຄົມລາວເລີຍ ຖ້າພວກເຮົາບໍ່ເລີ່ມຕັ້ງແຕ່ມື້ນີ້!

ມາຊ່ອຍກັນແກ້ໄຂບັນຫານີ້ໃຫ້ໝົດໄປຈາກສັງຄົມລາວກັນເທາະ! ທ່ານສາມາດລົງລາຍຊື່ເພື່ອສະໜັບສະໜຸນຄຳຮ້ອງນີ້ ໄດ້ທີ່ https://forms.gle/htVCvRcp7SE52Cdz7

error: ເນື້ອຫາໄດ້ຮັບການປົກປ້ອງ !!