ເຈົ້າບ່າວ“ຫົວຮ້ອນ”ເມື່ອພໍ່ດູຖູກເຈົ້າສາວວ່າຖານະຍາກຈົນແລະຫາວ່າເຮັດສະເໜ່

ຊິນຊິວ ລາຍງານເຫດລະທຶກກາງງານລ້ຽງສະຫລອງ ວັນວິວາ ໃນ ປະເທດຫວຽດນາມ ເມື່ອເຈົ້າບ່າວເກິດອາການສູນຂາດຖິ້ມແກ້ວແຊມເປຍ ແລະ ໃຊ້ຂາກວາດແຖວຈອກວາຍຈົນແຕກ ສ້າງຄວາມຕົກຕະລຶງໃຫ້ກັບແຂກຜູ້ຮ່ວມງານທີ່ພາກັນແລ່ນເຂົ້າມາຫ້າມເຈົ້າບ່າວຫົວຮ້ອນ

ຈາກຄລິບທີ່ໂພສຜ່ານເວັບໄຊຕ໌ຢູທູບ ລະບຸວ່າເປັນງານແຕ່ງງານໃນເຂດມິນກວງ ເມືອງຕັມດ໋າວ ແຂວງຫວິນຟຸກ ທາງຕອນເຫນືອຂອງຫວຽດນາມ ເຜີຍໃຫ້ເຫັນເຈົ້າບ່າວເຈົ້າສາວ ພ້ອມດ້ວຍຄອບຄົວຢືນຢູ່ເທິງເວທີ ແລະ ກຳລັງກ່າວກັບຜູ້ຮ່ວມງານ

ແຕ່ຢູ່ໆ ຫນຶ່ງໃນສະມາຊິກຄອບຄົວເວົ້າບາງຢ່າງກັບເຈົ້າບ່າວ ແລະ ແທບຈະທັນທີທີ່ເຈົ້າບ່າວສະແດງອາການບໍ່ພໍໃຈ ຈາກນັ້ນຖິ້ມຈອກວາຍຂອງຕົວເອງ ກ່ອນຫັນໄປຖຽງກັບຜູ້ເປັນພໍ່ອີກຄັ້ງ ແລະ ຍົກຂາຂຶ້ນເຕະແຖວຈອກວາຍບ່ອນເຄື່ອງດື່ມທີ່ຕັ້ງໄວ້ສຳຫລັບອວຍພອນຄູ່ຮັກຈົນແຕກກະຈາຍເຕັມພື້ນ ດ້ານເຈົ້າສາວພໍເຫັນດັ່ງນັ້ນເລີຍຮີບແລ່ນເຂົ້າມາກອດຫ້າມເຈົ້າບ່າວໄວ້ ແລະ ຄລິບກໍ່ຕັດຈົບ

ຫລັງຈາກຄລິບດັ່ງກ່າວຖືກໂພສໃນໂລກອອນໄລນ໌ ຊາວເນັດແຫ່ສະແດງຄວາມຄິດເຫັນດຸເດືອດ ສ່ວນໃຫຍ່ກ່າວວ່າເຈົ້າບ່າວບໍ່ມີຄວາມເຄົາລົບຕໍ່ຄອບຄົວຝ່າຍຍິງ ສົ່ງຜົນໃຫ້ເຈົ້າບ່າວຕ້ອງຊີ້ແຈງຜ່ານໂຊຊຽວເນັດເວິກວ່າ ຈິງໆແລ້ວຕົນມີປັນຫາກັບພໍ່ຂອງຕົວເອງ

ເນື່ອງຈາກຜູ້ເປັນພໍ່ບໍ່ມັກເຈົ້າສາວເພາະມີຖານະຍາກຈົນ ແລະ ໃນວັນງານພໍ່ຍັງເວົ້າກັບພໍ່ຂອງເຈົ້າສາວໃນການດູຖູກວ່າ “ເຈົ້າສອນລູກມາດີເນາະ” ເຫມືອນຢ້ຳວ່າເຈົ້າສາວໃຊ້ວິທີບໍ່ຊື່ແບບເຮັດຄຸນໄສ ເຮັດສະເຫນ່ໃສ່ລູກຂອງຕົນຈົນຫລົງຮັກ ແລະຍອມແຕ່ງງານ ຝ່າຢເຈົ້າບ່າວພໍໄດ້ຍິນພໍ່ເວົ້າຫັກຫນ້າຄອບຄົວເຈົ້າສາວຕໍ່ຫນ້າແຂກ ເລີຍບໍ່ພໍໃຈ ແລະ ສະແດງອອກຕາມທີ່ປາກົດໃນຄລິບ

ຊາຍຫນຸ່ມກ່າວອີກວ່າຮູ້ດີວ່າຕົວເອງວາງຕົວບໍ່ເຫມາະສົມ ແລະ ບໍ່ຄວນໃຊ້ອາລົມ ແຕ່ຢືນຢັນວ່າພໍ່ກໍ່ບໍ່ຄວນຫັກຫາຍນ້ຳໃຈຂອງຄອບຄົວຄົນທີ່ຕົນຮັກ

error: ເນື້ອຫາໄດ້ຮັບການປົກປ້ອງ !!