ຈີນ ສັກວັກຊິນ ແຄນຊີໂນ ຊະນິດໂດສດຽວປ້ອງກັນໂຄວິດ-19
ສຳນັກຂ່າວ ຊິນຫົວຂອງຈີນ,ວັນທີ20ພຶດສະພານີ້,ສູນປ້ອງກັນ ແລະ ຄວບຄຸມ ພະຍາດ ປະຈຳ ນະຄອນຊ້ຽງໄຮ້ ທາງຕາເວັນອອກ ຂອງຈີນ ເປີດເຜີຍວ່າ: ຈີນ ເລີ່ມສັກ ວັກຊິນ ປ້ອງກັນ ໂຄວິດ-19 ສາຍພັນໃໝ່ ຂອງແຄນຊີໂນ ຊະນິດ ໂດສດຽວ ໃນນະຄອນຊ້ຽງໄຮ້ ຫລັງຈາກ ຜົນການທົດລອງ ມີປະສິດທິພາບ ໃນເກນດີ ແລະ ໄດ້ຮັບອະນຸມັດ ວ່າງຈຳໜ່າຍ ໃນຕະຫລາດ ແບບບໍ່ມີເງື່ອນໄຂ ທີ່ພັດທະນາໂດຍ ແຄນນີໂນ ໄບໂອໂລຈິກສ ອິງ (CanSino Biologics Inc.)ເປັນ ບໍລິສັດການຢາ ຂອງຈີນ.
.
ປັດຈຸບັນ ໄດ້ສັກໃຫ້ປະຊາຊົນ 23.154 ຄົນ ໃນ 9 ເຂດ ຂອງນະຄອນ ຊ້ຽງໄຮ້.ວັກຊິນ ຊະນິດ ດັ່ງກ່າວ ໃຊ້ອະດີໂນ ໄວຣັດສ ຊະນິດ 5 ເປັນຕົວນຳພາ (adenovirus type 5 vector) ມີເທັກນິກ ການຜະ ລິດ ແຕກຕ່າງຈາກ ວັກຊິນ ຊະນິດ ເຊື້ອຕາຍ 3 ຕົວ ທີ່ນະຄອນ ຊ້ຽງໄຮ້ ໃຊ້ງານກ່ອນໜ້ານີ້ ສົ່ງຜົນໃຫ້ ຈຳນວນໂດສ ທີ່ສັກແຕກຕ່າງກັນ.
.
ຮຽບຮຽງຂ່າວໂດຍ ສະໄຫວ ລາດປາກດີ