ບໍ່ແກ້ວບໍ່ໄຫວ ສະເໜີກະຊວງສາທາສົ່ງແພດຈາກສູນກາງມາຊ່ວຍດ່ວນ

ກອງປະຊຸມປຶກສາຫາລືການຈັດຕັ້ງປະຕິບັດ ຄໍາສັ່ງ 15/ນຍ ທາງໄກ ແລະ ມາດຕະການປ້ອງກັນ, ຄວບຄຸມ ແລະ ເເກ້ໄຂສະພາບການລະບາດຂອງພະຍາດ ໂຄວິດ-19 ຂອງບັນດາການນຳແຕ່ລະແຂວງໃນຂອບເຂດທົ່ວປະເທດໄດ້ຈັດຂຶ້ນໃນວັນທີ 17 ພຶດສະພາ 2021

ໂດຍການເປັນປະທານຂອງພະນະ ທ່ານ ພັນຄຳ ວິພາວັນ ນາຍົກລັດຖະມົນຕີ ແຫ່ງ ສປປ ລາວໂດຍໃນກອງປະຊຸມ, ເຈົ້າແຂວງບໍ່ແກ້ວ: ສະເໜີກະຊວງສາທາລະນະສຸກ ສືບຕໍ່ສົ່ງແພດຈາກສູນກາງ ມາຊ່ວຍແຂວງບໍ່ແກ້ວ

ພິເສດແມ່ນຢູ່ເຂດເສດຖະກິດພິເສດສາມຫຼ່ຽມຄຳ, ເມືອງຕົ້ນເຜິ້ງ ບ່ອນທີ່ມີການຕິດເຊື້ອຫຼາຍ. ຂໍງົບປະມານໃນການລົງເຄື່ອນໄຫວ.ໃນຊ່ວງໄລຍະນີ້ທີ່ມີການແຜ່ລະບາດ ຂໍໃຫ້ຄະນະສະເພາະກິດຂັ້ນສູນກາງ ໂຈະການເຄື່ອນຍ້າຍ ຫຼື ອອກໃບອະນຸຍາດໃຫ້ຄົນຕ່າງປະເທດຮອດວັນທີ 17 ພຶດສະພາ 2021 ນີ້

ສປປ ລາວມີຜູ້ຕິດເຊື້ອສະສົມຈາກພະຍາດໂຄວິດ-19 ແລ້ວ 1.638 ຄົນ ໃນນັ້ນປິ່ນປົວຫາຍດີ 582 ຄົນ, ເສຍຊີວິດ 2 ຄົນ ແລະ ຍັງນອນປິ່ນປົວຢູ່ 1.054 ຄົນ.ສະເພາະແຂວງບໍ່ແກ້ວມີຜູ້ຕິດເຊື້ອສະສົມແລ້ວຈາກພະຍາດນີ້ເຖິງ 428 ຄົນ

ເປັນອັນດັບສອງທີ່ພົບຜູ້ຕິດເຊື້ອຫຼາຍຮອງຈາກນະຄອນຫຼວງວຽງຈັນຊຶ່ງມີຜູ້ຕິດເຊື້ອຈໍານວນ 804 ຄົນ, ອັນດັບສາມແມ່ນແຂວງຈໍາປາສັກທີ່ມີຜູ້ຕິດເຊື້ອ 261 ຄົນ

error: ເນື້ອຫາໄດ້ຮັບການປົກປ້ອງ !!