ປກສ ໄຊທານີ ກວດລ້າງ ຜູ້ຄ້າຂາຍຢາເສບຕິດ ຈັບໄດ້ 4 ຄົນ ພ້ອມຢາບ້າ ຫຼາຍກວ່າ 126,000 ເມັດ – ສື່ລາວ.ຄອມ
Connect with us

ຂ່າວພາຍໃນ

ປກສ ໄຊທານີ ກວດລ້າງ ຜູ້ຄ້າຂາຍຢາເສບຕິດ ຈັບໄດ້ 4 ຄົນ ພ້ອມຢາບ້າ ຫຼາຍກວ່າ 126,000 ເມັດ

Published

on

ປກສ ນະຄອນຫຼວງວຽງຈັນ: ພັທ ບຸນມີ ແກ້ວພົມມາ ຫົວໜ້າພະແນກຕໍາຫຼວດ ປກສ ເມືອງໄຊທານີ ນວ ໄດ້ໃຫ້ສໍາພາດຕໍ່ທີມງານນັກຂ່າວ ປກສ ນວ ໃນວັນທີ 2 ມິຖຸນາ 2020 ວ່າ: ໃນຄັ້ງວັນທີ 6 ພຶດສະພາ 2020 ເຈົ້າໜ້າທີ່ໜ່ວຍງານ 300 ປກສ ເມືອງໄຊທານີ ໄດ້ກັກຕົວເປົ້າ ໝາຍຄ້າຂາຍຢາເສບຕິດ ປະເພດຢາບ້າ ໄດ້ 1 ຄົນ ທ້າວ ວີລີ ອາຍຸ 26 ປີ ອາຊີບ ກໍາມະກອນ ຢູ່ບ້ານນາສາລາ ເມືອງໄຊທານີ ນວ ພ້ອມຂອງກາງຢາບ້າ 21 ມັດ ລວມມີ 42.000 ເມັດ ຢູ່ເຂດບ້ານໄຊສະຫວ່າງ ເມືອງໄຊທານີ ນວ.

ຈາກນັ້ນ ໄດ້ມອບໃຫ້ໜ່ວຍງານ 303 ສືບຕໍ່ດໍາເນີນການສືບສວນ-ສອບສວນ. ມາຮອດວັນທີ 7 ພຶດສະພາ 2020 ທາງໜ່ວຍງານ 303 ສາມາດກັກຕົວເປົ້າໝາຍ 3 ຄົນ ຢູ່ຫ້ອງແຖວ ບ້ານນາທົ່ມ ເມືອງໄຊທານີ ນວ ມີ: ທ້າວໄຊພອນ ອາຍຸ 32 ປີ ຢູ່ບ້ານນາທົມ ເມືອງໄຊທານີ ນວ, ທ້າວ ສີວ້າ ອາຍຸ 19 ປີ ຢູ່ບ້ານນາທົມ ເມືອງໄຊທານີ ນວ ແລະ ທ້າວ ວິກິດ ມາລາວັນ ອາຍຸ 21 ປີ ຢູ່ບ້ານໜອງພະຍາ ເມືອງໄຊທານີ ນວ ຕາມການຊັດທອດ ພ້ອມຂອງກາງຢາບ້າຈໍານວນ 42 ມັດ, 1 ຖົງນ້ອຍ ລວມມີ 84.181 ເມັດ ແລະ ເງິນ 2 ລ້ານກີບ.

ຜ່ານການສືບສວນ-ສອບສວນ ທ້າວ ວີລີ ໃຫ້ການສາລະພາບຕໍ່ເຈົ້າໜ້າທີ່ວ່າ: ໄດ້ເລີ່ມພົວພັນຄ້າຂາຍຢາບ້າ ມາແຕ່ປີ 2019 ເປັນຕົ້ນມາຈົນເຖິງມື້ຖືກກັກຕົວ ສ່ວນຢາບ້າທີ່ຊື້ມາຂາຍເບື້ອງຕົ້ນໄດ້ຊື້ມາຈາກຊາຍຄົນໜຶ່ງ ໂດຍຕິດຕໍ່ທາງໂທລະສັບ ແລະ ຊື້ຄັ້ງລະ 1 ມັດ ( ມີ2000 ເມັດ) ເມື່ອໄດ້ຢາບ້າມາແລ້ວ ແມ່ນໄດ້ຂາຍຕໍ່ໃຫ້ລູກຄ້າທີ່ຕິດຕໍ່ຊື້ທາງໂທລະສັບ.

ມາຮອດວັນທີ 6 ພຶດສະພາ 2020, ເວລາປະມານ 12:00ໂມງ ທ້າວ ໄຊພອນ ໄດ້ໂທຕິດຕໍ່ຂາຍຢາບ້າໃຫ້ຜູ້ກ່ຽວ, ຕໍ່ມາ ຜູ້ກ່ຽວໄດ້ຂັບລົດເກັງ ເລກທະບຽນ ກມ 7069 ກໍາແພງນະຄອນ ເພື່ອໄປຫາ ທ້າວ ໄຊພອນ ຢູ່ຫ້ອງແຖວ ບ້ານນາທົ່ມ ເມື່ອຜູ້ກ່ຽວມາຮອດຫ້ອງແຖວກໍ່ພົບເຫັນ ທ້າວໄຊພອນ ພ້ອມດ້ວຍເມຍ ແລະ ລູກນ້ອຍຢູ່ນຳກັນ.

ຈາກນັ້ນແມ່ນໄດ້ລົມກັນເລື່ອງຊື້-ຂາຍຢາບ້າ ປະມານ 10 ນາທີ ທ້າວ ໄຊພອນ ກໍ່ເອົາຢາບ້າອອກຈາກຫ້ອງນອນມາໃຫ້ຜູ້ກ່ຽວຈຳນວນ 21 ມັດ ມີ 42.000 ເມັດ, ແຕ່ບໍ່ທັນໄດ້ຈ່າຍເງິນໃຫ້ກັນເທື່ອສ່ວນຢາບ້າທີ່ໄດ້ແມ່ນເອົາເຊື່ອງໄວ້ຢູ່ທ້າຍລົດເກັງ. ຮອດເວລາປະມານ 20:00 ໂມງ ຂອງວັນດຽວກັນ ຜູ້ກ່ຽວ ໄດ້ໂທລະສັບຕິດຕໍ່ນັດຂາຍຢາບ້າໃຫ້ກັບລູກຄ້າຢູ່ເຂດບ້ານດອນໜູນ-ໄຊສະຫວ່າງ ຈຶ່ງຖືກເຈົ້າໜ້າທີ່ເຂົ້າກັກຕົກຕົວພ້ອມດ້ວຍຂອງກາງ.

ຜ່ານການສືບສວນ-ສອບສວນ ທ້າວ ສີວ້າ ໃຫ້ການສາລະພາບຕໍ່ເຈົ້າໜ້າທີ່ວ່າ: ໃນວັນທີ 4 ພຶດສະພາ 2020 ຜູ້ກ່ຽວ ພ້ອມກັບ ທ້າວ ປາລ່ອງ ໄດ້ອອກຈາກບ້ານໂພນເມືອງນ້ອຍ ເມືອງຄໍາເກີດ ແຂວງບໍລິຄໍາໄຊ ຂຶ້ນມານະຄອນຫຼວງວຽງຈັນ ເຊິ່ງຜູ້ກ່ຽວໄດ້ເປັນຄົນຂັບລົດຈິບ ໝາຍເລກທະບຽນ 0286 ກໍາແພງນະຄອນ ພໍຮອດ 15:00 ໂມງ ໄດ້ມາຫ້ອງເຊົ່າ ຢູ່ຫ້ອງແຖວ ນາງເອຍວ້າ ເຊິ່ງຜູ້ກ່ຽວໄດ້ເອົາຢາບ້າ 1 ຖົງນ້ອຍ (181 ເມັດ) ຫໍ່ໃສ່ເຈ້ຍແລ້ວໄປເຊື່ອງໄວ້ຫ້ອງເຊົ່ານາງ ເອຍວ້າ.

ຮອດວັນທີ 7 ພຶດສະພາ 2020 ເຈົ້າໜ້າທີ່ໄດ້ເຂົ້າກັກຕົວນາງເອຍວ້າ, ທ້າວ ໄຊພອນ ແລະ ທ້າວ ປາລ່ອງ ຢູ່ຫ້ອງແຖວ ບ້ານນາທົມ ເມືອງໄຊທານີ ນວ ກວດຄົ້ນຫ້ອງພົບເຫັນຢາບ້າ 42 ມັດ 84.000 ເມັດ, ເຊິ່ງຜູ້ກ່ຽວສາລະພາບ ຢາບ້າຈໍານວນທັງໝົດ 84.181 ເປັນຂອງຜູ້ກ່ຽວຄົນດຽວແທ້ ອີກ 3 ຄົນ ບໍ່ມີສ່ວນກ່ຽວຂ້ອງ ແລະ ຖ້າຜູ້ກ່ຽວສົ່ງຢາບ້າຄັ້ງນີ້ສໍາເລັດ ຈະໄດ້ເງິນຄ່າຈ້າງ 5 ລ້ານກີບ.

ຜ່ານການສືບສວນ-ສອບສວນ ທ້າວ ສີວ້າ ໃຫ້ການຮັບສາລະພາບຕໍ່ເຈົ້າໜ້າທີ່ວ່າ: ໄດ້ພົວພັນຊື້-ຂາຍຢາເສບຕິດ ແຕ່ຕົ້ນປີ 2020. ສ່ວນຢາບ້າທີ່ຊື້ມາຂາຍ ໄດ້ຈາກຊາຍຄົນໜຶ່ງ ໂດຍຕິດຕໍ່ທາງໂທລະສັບ ແລະ ຊື້ຄັ້ງລະ 3 ມັດ (ມີ 6000 ເມັດ) ເມື່ອໄດ້ຢາບ້າມາແລ້ວ ແມ່ນໄດ້ຂາຍຕໍ່ໃຫ້ໄວລຸ້ນ ຢູ່ເຂດບ້ານໜອງພະຍາ ເມືອງໄຊທານີ ນວ. ມາຮອດວັນທີ 7 ພຶດສະພາ 2020, ເວລາປະມານ 13:00ໂມງ ຜູ້ກ່ຽວ ໄດ້ໂທຕິດຕໍ່ຊື້ຢາບ້າກັບຊາຍຄົນດັ່ງກ່າວ ຈາກນັ້ນ ຜູ້ກ່ຽວໄດ້ຂັບຂີ່ລົດຈັກ ເພື່ອໄປຊື້ຢາບ້າ ແຕ່ຊໍ້າພັດຖືກກັກຕົວກ່ອນ ຢູ່ເຂດເຮືອນພັກບຸນທະວີ ພ້ອມເງິນທີ່ຈະຊື້ຢາບ້າ ຈໍານວນ 2 ລ້ານກີບ .

ປັດຈຸບັນ ຄະດີດັ່ງກ່າວ ເຈົ້າໜ້າທີ່ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງໄຊທານີ ນວ ໄດ້ກັກຕົວໄວ້ເພື່ອສືບສວນ-ສອບສວນຂະຫຍາຍຜົນນໍາຈັບຕົວຜູ້ຮ່ວມຂະບວນການ ມາດໍາເນີນຄະດີຕາມຂະບວນຍຸຕິທໍາ.

Continue Reading

ຂ່າວພາຍໃນ

ລັດຖະມົນຕີ ເວົ້າເດັດຂາດ ຈະເຄັ່ງຄັດ ຄວາມປອດໄພຂຶ້ນເຕື່ມ

Published

on

By

ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີກະຊວງປ້ອງກັນ ຄວາມສະຫງົບ ລົງ ເຄື່ອນໄຫວຊີ້ນໍາວຽກງານປ້ອງກັນຄວາມສະຫງົບ ຢູ່ເຂດເສດຖະກິດ ພິເສດສາມຫຼ່ຽມ-ຄໍາ ພ້ອມເນັ້ນຢໍ້າໃຫ້ພາກສ່ວນ ທີ່ກ່ຽວຂ້ອງ ໃຫ້ຄວາມ ສໍາຄັນກັບວຽກງານຄວາມສະຫງົບໃນຂົງເຂດ ດັ່ງກ່າວຫຼາຍຂຶ້ນ.

ໃນວັນທີ 28 ມັງກອນ 2023, ທ່ານ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບ ຢູ່ເຂດເສດຖະກິດພິເສດ ເມືອງຕົ້ນເຜີ້ງ ແຂວງບໍ່ ແກ້ວ,

ໂດຍການຕ້ອນຮັບຂອງ ທ່ານ ຈ້າວເຫີວຍ ປະທານສະພາຜູ້ ບໍລິຫານເຂດເສດຖະກິດພິເສດ ສາມຫຼ່ຽນຄໍາແຂວງບໍ່ແກ້ວ, ມີບັນດາ ການນໍາພັກແຂວງ, ຫົວຫນ້າ-ຮອງຫົວຫນ້າຫ້ອງວ່າການແຂວງ, ເຈົ້າເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະພັກ, ຄະນະຄຸ້ມຄອງເຂດເສດຖະກິດພິເສດ ເຂົ້າຮ່ວມ.

ໂອກາດດັ່ງກ່າວ ທ່ານ ພົອ ວິໄລ ກໍໄດ້ມີຄໍາເຫັນໂອ້ລົມຊີ້ນໍາຕໍ່ ຄະນະ ຄຸ້ມຄອງເຂດເສດຖະກິດພິເສດ ຈົ່ງພ້ອມກັນພັດທະນາເຂດເສດຖະກິດ ພິເສດໃຫ້ກາຍເປັນຕົວເມືອງທີ່ທັນສະໄຫມ, ມີພື້ນຖານເສດຖະກິດທີ່ເຂັ້ມ ແຂງ, ສັງຄົມມີຄວາມສີວິໄລຍຸຕິທໍາ, ເປັນສູນການຄ້າ-ການລົງທຶນ,ສາມາດກາຍເປັນແຫຼ່ງທ່ອງທ່ຽວລະດັບອາຊຽນ.

ພິເສດແມ່ນໃຫ້ມີຄວາມ ສະຫງົບ, ມີຄວາມປອດໄພ, ແຕ່ສິ່ງສໍາຄັນຕ້ອງຕິດພັນກັບ ຮ່ອງຮ້ອຍ ປະຫວັດສາດ, ຮີດຄອງວັດທະທໍາອັນເກົ່າແກ່ ແລະ ສ້າງໃຫ້ເຂດດັ່ງກ່າວ ກາຍເປັນການຄຸ້ມຄອງບໍລິຫານຕາມກົນໄກ ຕາມຫົວຫນ່ວຍບໍລິຫານໃນ ເງື່ອນໄຂເສດຖະກິດ ມີການເຕີຍໃຫຍ່ຂະຫຍາຍຕົວ, ເຂດພິເສດ ຕ້ອງໄດ້ ຍົກລະດັບການຄຸ້ມຄອງໃຫ້ສູງຂຶ້ນ

ໂດຍມອບໃຫ້ສູນກາງປະສານສົມທົບ ກັບທ້ອງຖິ່ນ ພ້ອມກັນຈັດຕັ້ງປະຕິບັດ, ສ້າງເປັນຫນ່ວຍງານຫນຶ່ງຄຸ້ມຄອງ ບໍລິຫານເຂດພິເສດ ເພື່ອແກ້ໄຂສະພາບທີ່ເກີດຂຶ້ນໃຫ້ທັນເວລາ ເພື່ອໃຫ້ ກາຍເປັນເມືອງທີ່ມີຄວາມສະຫງົບ, ທັນສະໄຫມ, ເປັນບ່ອນພັກຜ່ອນ, ທີ່ມີ ຄວາມເປັນລະບຽບຮຽບຮ້ອຍ, ສະຫງົບປອດໄພ, ກາຍເປັນເຂດພິເສດທີ່ ເປັນເຂດຕົວແບບ ແລະ ຄຸ້ມຄອງໃຫ້ມີປະສິດທິຜົນທີ່ດີຂຶ້ນກວ່າເກົ່າ.

ໂດຍໃນປີ 2022 ທີ່ຜ່ານມາ ສໍາລັບວຽກງານ ປ້ອງກັນຄວາມສະຫງົບ ໃນ ເຂດເສດຖະກິດພິເສດ ສາມຫຼ່ຽມຄໍາ ໄດ້ມີປະກົດການຫຍໍ້ທໍ້ເກີດຂຶ້ນ ທັງຫມົດ 153 ເລື່ອງ, x`ແກ້ໄຂໄດ້ທັງຫມົດ 107 ເລື່ອງ, ສົ່ງໃຫ້ ປກສ ແຂວງ ດໍາເນີນ 27 ເລື່ອງ ແລະ ຄະດີພວມດໍາເນີນແກ້ໄຂມີ 19 ເລື່ອງ.

ທີ່ມາ: ວຽງຈັນທາຍ

Continue Reading

ຂ່າວພາຍໃນ

ຮູ້ແລ້ວ ຍ້ອນສາເຫດນີ້ ຍິ ງ ກັນຕ າ ຍ 2 ຄົນເມືອງປາກງື່ມ

Published

on

By

ຂໍສະແດງຄວາມເສຍໃຈນຳຍາດຜູ້ເສຍຊີວິດ ເຫດ ຍິ ງ ກັ ນທີ່ເມືອງປາກງື່ມ.

ຕາມການລາຍງານຂອງ ໜ່ວຍກູ້ໄພອາສາເພື່ອປະຊາຊົນ ໃຫ້ຮູ້ວ່າ ໃນວັນທີ 1/2/2023 ເວລາ 13:30 ນາທີ ມີຄົ ນ ຍິ ງ ກັ ນເສຍຊີວິດ

ຈຸດເກີດເຫດທີ່ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ.ໃນບໍລິເວນເກີດເຫດ ມີຜູ້ປະສົບເຫດ2ຄົນເພດຊາຍ, ຜູ້ທີ່ 1 ເພດຍິງ ຖື ກ ຍິ ງ ເສຍຊີວິດຄາທີ່ ແລະ ຜູ້ທີ 2 ເພດຊາຍ ເສຍຊີວິດຢູ່ໂຮງໝໍ.

ປັດຈຸບັນເຈົ້າໜ້າທີ່ກຳລັງກວດສອບ ຖ້າມີຂໍ້ມູນເພີ່ມເຕີມຈະລາຍງານໃນພາຍຫຼັງ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading
ເດືອນມີນາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728293031

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້