ລາຍລະອຽດ! ສະພາບການເສຍຊີວິດຂອງກໍລະນີທີສອງຂອງລາວ ຈາກ ດຣ ບົວເທບ ພູມີນ

ສູນຂ່າວສານການແພດສຸຂະສຶກສາ Centre of Information and Education for Health ທ່ານ ຮອງສາສະດາຈານ ດຣ ບົວເທບ ພູມີນ ໄດ້ໃຫ້ຮູ້ວ່າ: ຜູ້ເສຍຊີວິດເປັນເພດຊາຍ ມີອາຍຸ 29 ປີ ຈັດຢູ່ໃນກຸ່ມຜູ້ໜຸ່ມ ຢູ່ບ້ານວຽງຈັນເລີນ ເມືອງໄຊເສດຖາ ນະຄອນຫຼວງວຽງຈັນ ເຊິ່ງປະຫວັດຂອງຜູ້ກ່ຽວແມ່ນບໍ່ໄດ້ສຳພັດກັບກໍລະນີ 59 ແຕ່ຫາກວ່າຜູ້ກ່ຽວນັ້ນໄດ້ໄປໃນສະຖານທີ່ທີ່ມີຄວາມສ່ຽງ ຫຼືສະຖານທີ່ຕ້ອງຫ້າມ ເຊິ່ງໃນເວລານັ້ນຜູ້ກ່ຽວແມ່ນບໍ່ໄດ້ໄປສະເໝີໂຕວ່າຕົນເອງນັ້ນຢູ່ກຸ່ມສ່ຽງ

ຈົນຮອດວັນທີ 10 ພຶດສະພາ 2021 ຜຸ້ກ່ຽວໄດ້ໄປກວດທີ່ໂຮງໝໍ 103 ດ້ວຍອາການແໜ້ນໜ້າເອິກ, ຫາຍໃຈຢາກ, ເມື່ອຍ ແລະບໍ່ມີໄຂ້ ຫຼັງຈາກທີ່ແພດໝໍໄດ້ສອບຖາມປະຫວັດຂອງຜູ້ກ່ຽວ ກໍ່ຍັງບໍ່ທັນໄດ້ໃຫ້ຂໍ້ມູນທີ່ຊັດເຈນເທື່ອ ແລະທີມແພດກໍ່ໄດ້ນໍາຜູ້ກ່ຽວໄປຮັກສາ

ສະຫຼຸບແລ້ວ ຜູ້ກ່ຽວນັ້ນຢູ່ໃນກຸ່ມສ່ຽງຫຼາຍມື້ ແລະບໍ່ປາກົດຕົວ ເຊິ່ງຕົວຜູ້ກ່ຽວເອງໄດ້ໄປກວດແຕ່ບໍ່ໄດ້ແຈ້ງວ່າ ຕົນບໍ່ໄດ້ຢູ່ກຸ່ມສ່ຽງ ເຊິ່ງເປັນການປົກປິດຂໍ້ມູນ ເລີຍເຮັດໃຫ້ເກີດເຫດການແບບນີ້. ສະນັ້ນ, ຖ້າຫາກວ່າໃຜຢູ່ໃນກຸ່ມສ່ຽງກໍ່ຄວນໄປກວດນໍາເຈົ້າໜ້າທີ່ແລະແຈ້ງຂໍ້ມູນທີ່ແທ້ຈິງໃຫ້ກັບເຈົ້າໜ້າທີ່ເພື່ອຄວາມປອດໄພຂອງຕົນເອງ ແລະທຸກຄົນໃນສັງຄົມ

error: ເນື້ອຫາໄດ້ຮັບການປົກປ້ອງ !!