ລັດຖະບານຈີນ ສືບຕໍ່ມອບອຸປະກອນແລະເຄື່ອງມືການແພດຕ້ານໂຄວິດ-19 ໃຫ້ ສປປ ລາວ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຊ່ວຍເຫຼືອ

ລັດຖະບານຈີນ ສືບຕໍ່ມອບອຸປະກອນແລະເຄື່ອງມືການແພດຕ້ານໂຄວິດ-19 ໃຫ້ ສປປ ລາວ

Published

on

ລັດຖະບານຈີນ ສືບຕໍ່ມອບອຸປະກອນ ແລະ  ເຄື່ອງມືການແພດຕ້ານໂຄວິດ-19 ໃຫ້ ສປປ ລາວ   ຂປລ. ລັດຖະບານ ແຫ່ງ ສປ ຈີນ ໄດ້ສືບຕໍ່ ມອບອຸປະກອນ ແລະ ເຄື່ອງມືການແພດ ຕ້ານໂຄວິດ-19 ໃຫ້ແກ່ ສປປ ລາວ ເຊິ່ງພິທີ ມອບ-ຮັບ ໄດ້ຈັດຂຶ້ນ ໃນວັນທີ 10 ພຶດສະພາ 2021 ນີ້, ຢູ່ສະໜາມບິນສາກົນວັດໄຕ ນະຄອນຫລວງວຽງຈັນ ຕາງໜ້າມອບໂດຍ ຈ່ຽງ ຈາຍຕຸ່ງ ເອກອັກຄະລັດຖະທູດ ວິສາມັນຜູ້ມີອຳນາດເຕັມແຫ່ງ ສປ ຈີນ ປະຈຳ ສປປ ລາວ ແລະ ຮັບໂດຍ ທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ, ມີພາກສ່ວນກ່ຽວຂ້ອງສອງຝ່າຍ ເຂົ້າຮ່ວມ. 

ອຸປະກອນ ແລະ ເຄື່ອງມືການແພດ ທີ່ນຳມາມອບໃຫ້ໃນຄັ້ງນີ້, ປະກອບມີເຄື່ອງຊ່ວຍຫາຍໃຈ, ນໍ້າຢາຂ້າເຊື້ອ, ຜ້າອັດປາກການແພດ, ຖົງມື, ຊຸດປ້ອງກັນການແພດ, ອຸປະກອນກວດຫາເຊື້ອພະຍາດໂຄວິດ-19 ແລະ ອຸປະກອນອື່ນໆ ລວມມູນຄ່າ 10 ລ້ານຢວນ ຫລື ປະມານ 15,5 ຕື້ກີບ.

ກ່ອນໜ້ານີ້, ໃນວັນທີ 4 ພຶດສະພາ 2021, ລັດຖະບານ ແຫ່ງ ສປ ຈີນ ກໍໄດ້ສົ່ງຄະນະຊ່ຽວຊານແພດໝໍຈາກແຂວງຢຸນນານ ຈໍານວນ 25 ຄົນ ເພື່ອມາຊ່ວຍເຫລືອຄະນະທີມແພດໝໍຂອງລາວ ໃນການວາງແຜນການປ້ອງກັນ ແລະ ຄວບຄຸມການລະບາດຂອງພະຍາດດັ່ງກ່າວ ລວມທັງຍົກລະດັບດ້ານວິຊາການໃຫ້ແກ່ແພດໝໍຂອງລາວ ເພື່ອເພີ່ມຄວາມສາມາດໃນການຮັບມືກັບພະຍາດ ໂຄວິດ-19 ຢູ່ ສປປ ລາວ. 

ໃນໂອກາດນີ້, ທ່ານ  ກິແກ້ວ ໄຂຄໍາພິທູນ ໄດ້ຕີລາຄາສູງຕໍ່ການຊ່ວຍເຫລືອຢ່າງທັນການ ໃນການສະກັດກັ້ນການລະບາດຂອງເຊື້ອພະຍາດ ໂຄວິດ-19 ຂອງ ສປ ຈີນ ໃຫ້ແກ່ ສປປ ລາວ ໃນຄັ້ງນີ້ ກໍຄືຄັ້ງຜ່ານໆມາ, ເຊິ່ງເປັນການສະແດງເຖິງຄວາມເປັນຫ່ວງເປັນໄຍ ແລະ ຄວາມເອົາໃຈໃສ່ຂອງພັກ, ລັດຖະບານ ແລະ ປະຊາຊົນຈີນ ທີ່ມີຕໍ່ລັດຖະບານ ແລະ ປະຊາຊົນລາວ ໃນຍາມທີ່ມີຄວາມຫຍຸ້ງຍາກ ແລະ ທ້າທາຍ.

ພ້ອມກັນນີ້, ຍັງສະແດງເຖິງຄວາມເປັນເພື່ອນມິດຖານສະຫາຍອ້າຍນ້ອງທີ່ເປັນມູນເຊື້ອ,ຄູ່ຮ່ວມມືຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ ແລະ ການເປັນຄູ່ຮ່ວມຊາຕາກໍາ ລາວ-ຈີນ, ຈີນ-ລາວ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດຢ່າງແທ້ຈິງ, ເຊິ່ງນັບມື້ໄດ້ຮັບການເສີມຂະຫຍາຍ ແລະ ເຂົ້າສູ່ລວງເລິກຢ່າງບໍ່ຢຸດຢັ້ງ, ທັງເປັນການປະກອບສ່ວນອັນສໍາຄັນ ເຂົ້າໃນການສະເຫລີມສະຫລອງວັນສ້າງຕັ້ງສາຍພົວພັນທາງການທູດ ລະຫວ່າງສອງປະເທດ ຄົບຮອບ 60 ປີ ແລະ ປີມິດຕະພາບ ລາວ-ຈີນ ປີ 2021 ອີກດ້ວຍ.

ພ້ອມນີ້, ທ່ານຍັງໄດ້ຕາງໜ້າໃຫ້ພັກ, ລັດຖະບານ ແລະ ປະຊາຊົນລາວ ສະແດງຄວາມຂອບໃຈຢ່າງລົ້ນເຫລືອ ໂດຍຜ່ານ ທ່ານທູດ ຈ່ຽງ ຈາຍຕຸ່ງ ໄປຍັງພັກ, ລັດຖະບານ ແລະ ປະຊາຊົນຈີນ ອ້າຍນ້ອງ ທີ່ເວລາໃດກໍໄດ້ສະແດງຄວາມເປັນຫ່ວງເປັນໄຍ ແລະ ໃຫ້ການຊ່ວຍເຫລືອແກ່ລັດຖະບານ ກໍຄື ປະຊາຊົນລາວ ຢ່າງຈິງໃຈໂດຍຕະຫລອດມາ ແລະ ຈະນໍາໃຊ້ການຊ່ວຍເຫລືອດັ່ງກ່າວນີ້ຢ່າງມີປະສິດທິພາບ ແລະ ປະສິດທິຜົນສູງສຸດ, ພ້ອມທັງເຊື່ອໝັ້ນວ່າ ການຊ່ວຍເຫລືອຂອງສະຫາຍຈີນອ້າຍນ້ອງໃນຄັ້ງນີ້ ຈະປະກອບສ່ວນອັນສຳຄັນເຂົ້າໃນການປ້ອງກັນ ແລະ ສະກັດກັ້ນ ການແຜ່ລະບາດຂອງພະຍາດ ໂຄວິດ-19 ທີ່ພວມແຜ່ຂະ ຫຍາຍໄປສູ່ວົງກວ້າງຢູ່ຊຸມຊົນຢູ່ໃນປັດຈຸບັນ ໂດຍສະເພາະຢູ່ນະຄອນຫລວງວຽງຈັນ ແລະ ບັນດາເມືອງໃນຫລາຍແຂວງທົ່ວປະເທດນັ້ນ ຈະຖືກຈຳກັດລົງຢ່າງແນ່ນອນ.

ຂ່າວ: ທະນູທອງ

ພາບ: ອ່າຍຄຳ

Continue Reading

ຊ່ວຍເຫຼືອ

ສູ້ໆ ອ້າຍນ້ອງທະຫານຫານ ລົງຊ່ວຍເຫລືອປະຊາຊົນ ທີ່ຖືກຜົນກະທົບຈາກນໍ້າຖ້ວມ

Published

on

ພາບ​ອ້າຍນ້ອງທະຫານຫານ ລົງຊ່ວຍເຫລືອປະຊາຊົນ ທີ່ຖືກຜົນກະທົບຈາກນໍ້າຖ້ວມຢູ່ເຂດບ້ານດູ່ ເມືອງໂພນທອງ ແຂວງຈຳປາສັກ ໃນວັນທີ 9 ສິງຫາ 2022.

./……

…..

…..

….

….

ພາບຈາກ: FB ບິກແບັກ ບິກແບັກ

Continue Reading

ຊ່ວຍເຫຼືອ

RIP ປະຕິຫານບໍ່ມີຈີງ ສຳລັບນ້ອງບຸນຖຳ

Published

on

ປະຕິຫານບໍ່ມີຈີງສຳລັບນ້ອງບຸນຖຳ ນ້ອງຫມົດລົມຫາຍໃຈແລ້ວໃນຂະນະທີ່ທຸກຢ່າງກຳລັງດີຂື້ນ ມື້ນີ້ກໍ່ແມ່ນກຳນົດວັນເຂົ້າຜ່າຕັດແລ້ວ

ໂອກາດຫລອດສູງ ແຕ່ນ້ອງຢູ່ໆມາປ່ວຍຖອກທ້ອງເຮັດໄຫ້ພາວະໃນຮ່າງກາຍຕົກ ເເລະເສຍຊີວີດກະທັນຫັນ

ຫລັງຈາກພວກເຮົາຊ່ວຍເຫຼືອປີ່ນປົ່ວນັບເກືອບຮອດປີ ນ້ອງເປັນຄົນໄຂ້ອານາຖາທີ່ເຮົາດູແລຢາກວ່າດົນເຕີບ

ຕອນນີ້ສົບນ້ອງຢູ່ທີ່ຫ້ອງເຊົ່າ ບ້ານປາກເເຮັດ ນະຄອນຫລວງ ຫາໃຜຢາກຮ່ວມຊ່ວຍນ້ອງ ກີນທານກັບຄອບຄົວ ສາມາດໄປຫາໄດ້ທີ່ຫ້ອງແຖງຂອງເພີ່ນ ຫຼືວ່າ ຮ່ວມຊ່ວຍເຫຼືອຜ່ານບັນຊີກາງພວກເຮົາໄດ້

ທ່ານສາມາດສົບທົບຊ່ວຍເຫຼືອ ຜ່ານຊ່ອງທາງ ບັນຊີສະມາຄົມ ບັນເທົາທຸກ ນະຄອນຫຼວງ ທີ່: ເລກບັນຊີ ທະນາຄານການຄ້າ ຕ່າງປະເທດລາວ

THE ASSOCIATION OF ASSISTANCE AND RELIEF VIENTIANE CAPITAL 010120001940404001 ກີບ ເບີໂທ 02054000089

…..

…..

Continue Reading

ຊ່ວຍເຫຼືອ

ວອນຊ່ວຍເຫຼືອ ຫອບລູກນ້ອຍ ແຕ່ເກີດ ຫອບໄປຫາເງີນນຳ (ຫອບທັງເມຍທັງລູກ)

Published

on

ຈາກຜູ້ໃຊ້ Facebook ຊື່ Meow Souxada ໄດ້ໂພສ:​ ສຳລັບຫລາຍຄົນທີ່ກຳລັງປະສົບປັນຫາ ຊີວີດຫລາຍຢ່າງ ຂໍໃຫ້ ອົດທົນສູ້ຊົນ ເພາະຍັງມີຫລາຍຄົນທີ່ລຳບາກກົ່ວເຮົາ ບັງເອີນຂັບຜ່ານ ເລີຍລ້ງວລົດໄປຖາມລາວວ່າລົດເພເງີນບໍ່ພໍຄ່າແປງລົດ ເມຍຜິດກຳ ເອົາລູກບໍ່ໄດ້

ໄດ້ຫອບລູກນ້ອຍ ແຕ່ເກີດ ຫອບໄປຫາເງີນນຳ (ຫອບທັງເມຍທັງລູກ) ໃສ່ລົດໄປ ເຮັດໃດ ສີມີໃຜຢາກຂື້ນຈຳ້ໂບ້ເຈົ້າ ລູກແຕ່ເກີດມາບໍ່ໄດ້ສັກຢາ ຢ້ອນບໍ່ມີເງີນພາໄປຫາຫມໍ

ມື້ອື່ນຈະອັບເດດຮູບເຮືອນ ພ້ອມ ເລກບັນຊີຊ່ອຍແປງເຮືອນໃຫ້ລາວເດີ ມື້ນີ້ກູ້ໄພ ໄປເອົາລາຍລະອງດຢູ່ ລາວຢູ່ບ້້ານພະຂາວ ມີດີນແຕ່ບໍ່ມີເຮືອນ ລາວຢາກຂໍແປງເຮືອນ ລົງເສົາຊ່ອຍ(ລາວມີ ເສົາ 6ຕົ້ນ ບໍ່ມີແຮງງານຂຸດເສົາ )

ຢາກຂໍຫລັງຄາພໍກັນແດດກັນຝົນໃຫ້ລູກ ມື້ອື່ນຈະອັບເດດໃຫມ່

ຄລິບໃຜຢາກຊ່ວຍເຫຼືອ

ສຳລັບບັນຊິໃຜຢາກຊ່ວຍເຫຼືອ

ທີ່ມາ:

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້