ໜັກໜ່ວງ ບໍ່ແກ້ວພົບຜູ້ຕິດເຊື້ອໃໝ່ 72 ກໍລະນີ ໃນວັນດຽວ – ສື່ລາວ.ຄອມ

ໜັກໜ່ວງ ບໍ່ແກ້ວພົບຜູ້ຕິດເຊື້ອໃໝ່ 72 ກໍລະນີ ໃນວັນດຽວ

ວັນທີ 6 ພຶດສະພາ 2021, ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໄດ້ຖະແຫຼງຂ່າວກ່ຽວກັບສະພາບການລະບາດຂອງພະຍາດໂຄວິດ-19 ໃນລາວ, ໂດຍໃນວັນທີ 5 ພຶດສະພາ ໄດ້ມີການເກັບຕົວຢ່າງມາກວດຫາເຊື້ອທັງໝົດ 3,596 ຄົນ ໃນນັ້ນພົບຜູ້ຕິດເຊື້ອໃໝ່ 105 ກໍລະນີ.

ແບ່ງອອກເປັນແຕ່ລະແຂວງດັ່ງນີ້:
ນະຄອນຫຼວງວຽງຈັນ 15
ຈຳປາສັກ 12
ບໍ່ແກ້ວ 72

ສະຫວັນນະເຂດ 2
ວຽງຈັນ 2
ຜົ້ງສາລີ 2

ມາຮອດປັດຈຸບັນ ລາວມີຜູ້ຕິດເຊື້ອສະສົມຈຳນວນ 1,177 ກໍລະນີ.

ມາຮອດປັດຈຸບັນ ແຂວງບໍ່ແກ້ວເປັນແຂວງທີ່ພົບຜູ້ຕິດເຊື້ອ ພະຍາດໂຄວິດ-19 ເປັນອັນດັບ 2 ຂອງປະເທດລາວ ໂດຍມີຜູ້ຕິດເຊື້ອພະຍາດດັ່ງກ່າວ 206 ຄົນ, ອັນດັບ 1 ແມ່ນນະຄອນຫລວງວຽງຈັນ ໂດຍພົບຜູ້ຕິດເຊື້ອແລ້ວທັງໝົດ 695 ຄົນ ແລະ ອັນດັບ 3 ແມ່ນແຂວງຈໍາປາສັກ ໂດຍມີຜູ້ຕິດເຊື້ອຈໍານວນ 167 ຄົນ ຊຶ່ງພາຍໃນແຂວງບໍ່ແກ້ວສ່ວນ ຫຼາຍແມ່ນພົບຢູ່ເມືອງຕົ້ນເຜິ້ງຍ້ອນວ່າເມືອງດັ່ງກ່າວເປັນທີ່ຕັ້ງຂອງເຂດເສດຖະກິດສະເພາະສາມຫຼ່ຽມຄໍາ ແລະ ເປັນເມືອງຊາຍແດນລະຫວ່າງ 4 ປະເທດ: ລາວ, ໄທ, ຈີນ, ມຽນມາ.

ຈາກສະຖານະການປະຈຸບັນທີ່ມີຍອດຜູ້ຕິດເຊື້ອເພີ່ມຂື້ນທຸກມື້ ເຮັດໃຫ້ຫຼາຍແຂວງປະກາດລ໊ອກດາວ ປິດການເດີນທາງເຂົ້າອອກລະຫວ່າງແຂວງ ເພື່ອປ້ອງກັນ ແລະ ຄວບຄຸມການແຜ່ເຊື້ອຂອງພະຍາດ.

ເຊິ່ງທາງກະຊວງສາທາລະນະສຸກກໍໄດ້ອອກປະກາດຖະແຫຼງການໃຫ້ປະຊາຊົນໃຫ້ຄວາມຮ່ວມມືໃນການຢຸດເຊື້ອເພື່ອຊາດໂດຍ ໃຫ້ມີການກັກຕົນເອງຢູ່ບ້ານ ບໍ່ອອກໄປສະຖານທີ່ທີ່ມີຄົນຫຼາຍ ໃສ່ຜ້າປິດປາກທຸກຄັ້ງທີ່ຕ້ອງໄປພົບປະກັບຜູ້ຄົນ ລວມທັງຄວນເວັ້ນໄລຍະຫ່າງທາງສັງຄົມຢ່າງໜ້ອຍ 1-2 ແມັດ.

ອ້າງອີງ: ສູນຂ່າວສານການແພດສຸຂະສຶກສາ Centre of Information and Education for Health

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້