ເດືອນສາມ ກັບວັດທະນະທຳ ຄວາມເຊື່ອ ຂອງເຜົ່າຜູ້ໄທ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ສາລະໜ້າຮູ້

ເດືອນສາມ ກັບວັດທະນະທຳ ຄວາມເຊື່ອ ຂອງເຜົ່າຜູ້ໄທ

Published

on

ຫຼັງຈາກທີ່ເພຈ: Una Studio ປ່ອຍລະຄອນສັ້ນເລື່ອງ “ເດືອນສາມ” ທີ່ຂຽນບົດ ແລະ ກຳກັບໂດຍ ເຈົ້າພໍ່ຜູ້ໄທ ຫຼື ເທິ ຢູນາ ເຫັນໄດ້ວ່າມີກະແສຕອບຮັບຈາກຜູ້ເບິ່ງໄດ້ດີຫຼາຍ ສາມາດແຕະຍອດວິວຫຼັກແສນພາຍໃນມື້.

ລະຄອນເລື່ອງເດືອນສາມ ເປັນເລື່ອງລາວຄວາມຮັກຂອງໜຸ່ມສາວທີ່ບໍ່ສົມຫວັງ ແຕ່ການຂຽນບົດລະຄອນແຕ່ລະຊີນ ແຕ່ລະສາກ ຜູ້ຂຽນໄດ້ມີການເຊື່ອມໂຍງເຖິງປະຫວັດສາດ-ຮີດຄອງປະເພນີ-ວັດທະນະທຳ-ຄວາມເຊື່ອຂອງເຜົ່າຜູ້ໄທ. ເລີ່ມຈາກສາກທຳອິດທີ່ມີການບອກເລົ່າເຖິງປະຫວັດຂອງພຣະທາດຍ່ານາງລາວ ຖ້າທ່ານທີ່ກຳລັງອ່ານຢູ່ນີ້ໄດ້ເບິ່ງລະຄອນດັ່ງກ່າວ ຈະເຫັນໄດ້ວ່າ ມີສາກໜຶ່ງທີ່ພະເອກໄດ້ໄປເກັບກຳຂໍ້ມູນກ່ຽວກັບພຣະທາດນາງລາວ ເຈົ້າພໍ່ຜູ້ໄທເປັນຜູ້ຊັກເລົ່າປະຫວັດຂອງຳພຣະທາດມາ.

ຂອບໃຈຮູບພາບຈາກ Unastudio

ແລະ ອີກສາກໜຶ່ງໃນເລື່ອງຄືຕອນໃກ້ຈົບເລື່ອງ ສາກກາງຄືນທີ່ມີພະເອກກັບນາງເອກນັ່ງລົມກັນ ຈາກນັ້ນ ພະເອກໄດ້ເອົາມືຂອງຕົນເອງໄປຈັບມືນາງເອກ ແລ້ວນາງເອກໄດ້ເວົ້າວ່າ “ຈັບມືເສຍແສນ ຈັບແຂນເສຍລ້ານ” ມັນແມ່ນຮີດຄອງຂອງຄົນຜູ້ໄທທີ່ປະຕິບັດກັນມາແຕ່ປາງປູ່ຍ່າຕານາຍຈົນເຖິງປັດຈຸບັນ ຮີດດັ່ງກ່າວ ຄົນຜູ້ໄທບາງທ້ອງຖິ່ນກໍຍັງຖືກັນຢູ່. ຖ້າໜຸ່ມສາວທີ່ຍັງບໍ່ທັນແຕ່ງງານກັນ ຄັນແມ່ນເຮັດຜິດຮີດຂໍ້ທີ່ກ່າວມານີ້ ຝ່າຍຊາຍຈະໄດ້ເສຍເງິນຄຳຕາມຮີດທີ່ເພິ່ນວ່າ: ຈັບມືເສຍເງິນແສນ ຕ້ອງແຫນ (ແຂນ) ເສຍເງິນລ້ານ.

ແຕ່ທັງໝົດທັງມວນໃນລະຄອນເລື່ອງນີ້ກໍຍັງກ້ຽວວົນມາຫາຄຳວ່າ “ເດືອນສາມ” ຖ້າເຮົາເບິ່ງເຜີນໆ ຄຳວ່າເດືອນສາມກໍເປັນພຽງຊື່ລະຄອນເລື່ອງໜຶ່ງທີ່ຜູ້ຂຽນຢາກຖ່າຍທອດເຖິງປະເພນີ ແລະ ຄວາມເຊື່ອໃນມື້ເດືອນສາມລາວທີ່ມີການຜູ້ຂໍ້ຕໍ່ແຂນແບບບຸນທຳມະດາເທົ່ານັ້ນ ແຕ່ມັນບໍ່ທຳມະດາ.

ເມື່ອມາເວົ້ານອກຈໍ ຄຳວ່າ “ເດືອນສາມ” ແມ່ນເດືອນສຳຄັນຂອງຄົນຜູ້ໄທ ເຊິ່ງຊາວຜູ້ໄທໄດ້ສືບທອດປະຕິບັດກັນມາແຕ່ປຸແຕ່ປູ່. ໃນມື້ເດືອນສາມ ອອກໃໝ່ສາມຄ່ຳເປັນມື້ບຸນໃຫຍ່ຂອງເຜົ່າຜູ້ໄທ. ເວົ້າສະເພາະກໍແມ່ນເຜົ່າຜູ້ໄທເມືອງວັງ-ອ່າງຄຳ, ຊາວເມືອງວິລະບູລີ, ແຂວງສະຫວັນນະເຂດ ໃນມື້ດັ່ງກ່າວນີ້ຈະເປັນມື້ງາມຍາມດີ ຂຶ້ນເຮືອນໃໝ່ກໍດີ, ເອົາຜົວເອົາເມຍກໍດີ, ແຕ່ທີ່ຂາດບໍ່ໄດ້ໃນແຕ່ລະປີຈະໄດ້ເຮັດຄື “ບຸນຈ້ຳຂວັນເຂົ້າ” ຄົນຜູ້ໄທມັກເອີ້ນວ່າ “ບຸນຈ້ຳຫວັນເຂົ້າ” ພ້ອມທັງເປັນມື້ທີ່ຍາດຕິພີ່ນ້ອງວົງວານມາພົບໜ້າພໍ້ຕາກັນ ນັບວ່າເປັນວັນຮ່ວມມິດ.

ເຊິ່ງວ່ສ ໄດ້ເຮັດພິທີສູ່ຂວັນຜູ້ຂໍ້ຕໍ່ແຂນເອີ້ນຂວັນເຂົ້າໃຫ້ມາຢູ່ເລົ້າຢູ່ເຍ ພ້ອມທັງເອີ້ນຂວັນລູກຫຼານຜູ້ເຈັບໄຂ້ໄດ້ໂຊກໍໃຫ້ຫາຍ ຜູ້ໄປໄກຖິ່ນກໍໃຫ້ມາ ຄືໃນລຳຜູ້ໄທເມືອງວັງທີ່ແຕ່ງໂດຍ ອຈ ດອກເພັກ ແດນຈຳພອນ ລຳໂດຍນ້ອງເມຢູນາ ໃນທ່ອນໜຶ່ງວ່າ: “ພໍເດືອນສາມຂຶ້ນສາມຄ່ຳ ເຫຼົ້າໄຫງາມໄກ່ບັກໂຈ້ນ ເອີ້ນຂວັນອ້າຍໃຫ້ຕ່າວເຮືອນເຮົານ່າ” ບົດລຳໃນທ່ອນນີ້ໄດ້ກົງກັບລະຄອນສັ້ນເດືອນສາມຢູ່ບ່ອນວ່າ ນາງເອກໄດ້ເອົາຝ້າຍຜູ້ແຂນທີ່ພະເອກໃຫ້ໄວ້ເປັນຂອງກາງກ່ອນຈາກນັ້ນໃສ່ພາຂວັນແລ້ວເຮັດພິທີສູ່ຂວັນ ເອີ້ນໃຫ້ຂວັນມາ ຈົນສາກຈົບ ກໍເຫັນຂວັນມາອີຫຼີ ອັນນີ້ມັນໄດ້ສະແດງເຖິງໜຶ່ງໃນຄວາມເຊື່ອຂອງຄົນເຜົ່າຜູ້ໄທ.

ในภาพอาจจะมี 6 คน, คนที่ยิ้ม

ອີກຢ່າງໜຶ່ງທີ່ຂາດບໍ່ໄດ້ ໂດຍສະເພາະເຜົ່າຜູ້ໄທເມືອງວັງທີ່ຕ້ອງເຮັດທຸກໆປີ ກໍຄືການເຮັດບຸນເຖິງເຈົ້າເທບໃນໜອງຖາດາ. ໜອງດັ່ງກ່າວນີ້ ເມື່ອຮອດມື້ເດືອນສາມອອກໃໝ່ສາມຄ່ຳ ຈະມີນ້ຳຂຸ່ນສີແດງຂຶ້ນຄືເລືອດເປັນເວລາເຈັດມື້ເຈັດຄືນ ຫຼັງຈາກນັ້ນກໍເຊົາເປັນນ້ຳໜອງປົກກະຕິ. ແຕ່ໃນຊ່ວງນ້ຳຂຸ່ນເປັນສີແດງນັ້ນ ຊາວຜູ້ໄທ ແລະ ແຂກໄທໃກ້ໄທໄກກໍມັກຈະພາກັນມາເບິ່ງ ພ້ອມທັງຂໍຕັກເອົານ້ຳໃນໜອງເມືອບູຊາຫົດສົງລ້າງສ່ວຍ ເພາະຖືວ່າເປັນນ້ຳສັກສິດແຫ່ງໜຶ່ງ. ດັ່ງນັ້ນ ໜອງຖາດາ ກໍແມ່ນໜຶ່ງຄວາມໝາຍ ຄວາມຜູກພັນ ອັນເປັນທີ່ມາຂອງຄຳວ່າ “ເດືອນສາມ”

ໂດຍ: ຫຼານຍ່ານາງລາວ

ທີ່ມາ: callmeheartlannha.blogspot.com ແລະ Unastudio

Continue Reading

ຂ່າວພາຍໃນ

ຜ່ານມາ 6 ເດືອນ ຕົ້ນປີ 2022 ຄ່າເງິນບັນດາປະເທດອາຊຽນ ອ່ອນຄ່າຫຼາຍເທົ່າໃດ

Published

on

ຈະເຫັນວ່າຄ່າເງິນຂອງບັນດາປະເທດອາຊຽນເກືອບທຸກປະເທດອ່ອນຄ່າຫມົດ ຢູ່ທີ່ວ່າປະເທດໃດອ່ອນຄ່າຫຼາຍຫຼືໜ່ອຍເທົ່າໃດ! ແຕ່ປະເທດລາວເປັນປະເທດທີ່ມີຄ່າເງິນອ່ອນຄ່າທີ່ສຸດໃນບັນດາປະເທດອາຊຽນ ເຊິ່ງເລດຊື້-ຂາຍໃນລາຄາສາກົນວັນທີ່ 01/01/2022 ຢູ່ທີ່ 11,142 ກີບ/ໂດລາ ມາຮອດວັນທີ 01/06/2022 ຢູ່ທີ່ 15,017 ກີບ/ໂດລາ ຫຼືຄິດເປັນ 34.77% ຂອງການອ່ອນຄ່າພາຍໃນໄລຍະເວລາ 6 ເດືອນເທົ່ານັ້ນ ແລະ ຍັງເປັນຊ່ວງຄ່າເງິນກີບອ່ອນຄ່າສູງສຸດໃນປະຫວັດສາດ

ແລະທີ່ສຳຄັນຖ້າທ້າຍປີນີ້ ຖ້າຍັງບໍ່ມີແຜນຫຼືມາດຕະການຮັບມື ອາດພົບບັນຫາມໍລະສຸມເສດຖະກິດຄັ້ງໃຫຍ່ຂອງໂລກ ທີ່ຈະສົ່ງຜົນຕໍ່ຄ່າເງິນແລະເສດຖະກິດລາວໄດ້ອີກຢ່າງແນ່ນອນ

*ໜາຍເຫດ: ທຸກສະກຸນເງິນແມ່ນອີງຕາມອັດຕາແລກປ່ຽນຊື້-ຂາຍໃນຕະຫຼາດສາກົນ ຕັ້ງແຕ່ວັນທີ່ 01/01/2022-02/06/2022

ທີ່ມາ: Bloomberg & Investing ແລະ 10 STORY ເລື່ອງເລົ່າຂອງ 10

Continue Reading

ບົດຄວາມ

ຫຼິ້ນຜົວຄົນອື່ນ ມີໂທດຕິດຄຸກເຖິງ 1 ປີ ,ພ້ອມປັບໃໝ່ 10.000.000 ກີບ ເດີເຮີຍ

Published

on

ສະບາຍດີເຮີຍ ບໍ່ໄດ້ລົມກັນດົນເນາະ. ມື້ນີ້ພວກເຮົາຢາກມາເຕືອນໃຜທີ່ມັກໄປລັກກິນປົ່ນກົບກັບຜົວຄົນອື່ນໃຫ້ລະວັງໄວ້, ເພາະວ່າການກະທຳຂອງພວກທ່ານອາດເຂົ້າຄ່າຍການກະທຳຜິດທາງອາຍາກໍເປັນໄດ້.

ພາຍໃຕ້ກົດໝາຍຂອງ ສປປ ລາວ, ການກະທຳຜິດຕໍ່ສາຍພົວພັນຜົວເມຍມີໂທດທາງອາຍາເອີ້ນວ່າ “ການທຳມິດສະຈານ”. ອີງຕາມມາດຕາ 247 ຂອງປະມວນກົດໝາຍອາຍາ 2017 ກຳນົດໄວ້ວ່າ : ບຸກຄົນໃດທີ່ມີ ຜົວ ຫຼື ເມຍ ຫາກໄດ້ເສບສົມກັບຜູ້ອື່ນ ຈະຕ້ອງຖືກລົງໂທດຕັດອິດສະລະພາບຕັ້ງແຕ່ 3 ເດືອນເຖິງ 1 ປີ ພ້ອມທັງຖືກປັບໃໝ ແຕ່ 1.000.000 ກີບ ຫາ 10.000.000 ກີບ.

ພ້ອມກັນນັ້ນມາດຕາດັ່ງກ່າວຍັງກຳນົດຕື່ມອີກວ່າ ຄູ່ທຳມິດສະຈານ (ຜູ້ເປັນຊູ້) ກໍ່ຈະຖືກລົງໂທດສະຖານດຽວກັນນຳ.

ດັ່ງນັ້ນໝາຍຄວາມວ່າ, ຜູ້ທີ່ຊວນຜົວຄົນອື່ນໄປກິນປົ່ນກົບ (ລັກສະນະຊູ້ສາວ) ກໍມີຄວາມຜິດຄືກັນກັບຜູ້ທີ່ຖືກຊວນເຊັ່ນກັນ.

ແຫລ່ງທີ່ມາ: Phomsoupha & Son Law

Continue Reading

ສາລະໜ້າຮູ້

ການສອນລູກໃນຍຸກສະໄໝນີ້ ຕ້ອງໃຫ້ຮູ້ຈັກຄວາມລຳບາກ (ອ່ານຈັກເທື່ອກໍ່ວ່າດີ)

Published

on

By

ການສອນລູກໃນຍຸກສະໄໝນີ້ ຫຼາຍຄົນກໍ່ຢາກໃຫ້ລູກຢູ່ຢ່າງສຸກສະບາຍເປັນຄືດັ່ງໄຂ່ໃນຫິນເລີຍ

ເພາະວ່າການຍ້ານລູກຈະລຳບາກຍ້ານລູກຈະໄດ້ຮັບອັນຕະລາຍ

ຢາກໃຫ້ລອງເບິ່ງ 2 ເລື່ອງຈິງທີ່ພໍ່ແມ່ຍຸກນີ້ຈະຊ່ວຍໃຫ້ຂໍ້ຄິດຫຍັງຫຼາຍຢ່າງເລີຍ

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້