ດ່ວນ ເອື້ອຍຮັກເບີ 59 ຖືກຈັບແລ້ວ ພ້ອມຄົນໄທອີກ 1 ຄົນສ່ວນຄົນໄທອີກຜູ້ໜຶ່ງຍັງປິ່ນປົວຕໍ່.

ວັນທີ​ 30​ ເມສາ​ 2021​ ນີ້ ຕຳຫຼວດໜອງຄາຍ ໄດ້ເຂົ້າອາຍັດຕົວ ທ້າວຊິດຕະພົນ ຈັນຂາວ ອາຍຸ​ 30​ ປີ​ ຄົນຈັງຫວັດຮ້ອຍເອັດ,​ ນາງດາວະດີ ວີລະກອນ​ ອາຍຸ​ 25​ ປີ​ ຄົນນະຄອນຫຼວງວຽງຈັນ​ ປະເທດລາວ​ ທີ່ໂຮງໝໍຈັງຫວັດໜອງຄາຍ​ ທີ່ລັກລອບຂ້າມຊາຍແດນ ແລະ​ ກວດພົບ​ເຊື້ອ​ແຕ່ວັນທີ​ 16​ ເມສາ​ຜ່ານມາ,​ ພາຍຫຼັງຜູ້ກ່ຽວໄດ້ຮັບການປິ່ນປົວດີ ແລ້ວຕຳຫຼວດຈຶ່ງເຂົ້າຈັບກຸມຕົວໄວ້.​

ວັນທີ 23/04/2021 ຜ່ານມາ ຕມ ໜອງຄາຍໄດ້ເຂົ້າແຈ້ງຄວາມ ແລະ ນຳໝາຍຈັບຂອງສານຈັງຫວັດໜອງຄາຍ ເພື່ອດຳເນີນຄະດີ ທ້າວ ຊິດຕະພົນ ຈັນຂາວ ແລະ ທ້າວທະນະກິດ ອິນຊິງ ໃນຂໍ້ຫາເຂົ້າ-ອອກເມືອງຜິດກົດໝາຍ ແລະ ຊ່ວຍເຫຼືອຄົນຕ່າງດ້າວເຂົ້າເມືອງຜິດກົດໝາຍ. ສ່ວນນາງດາວະດີ ມີຄວາມຜິດເຂົ້າປະເທດໂດຍບໍ່ໄດ້ຮັບອານຸຍາດ.

ສ່ວນ ທ້າວທະນະກິດ​ ອິນຊິງ ອາຍຸ​ 31​ ປີ​ ຄົນຈັງຫວັດມະຫາສາລະຄາມ ແມ່ນຍັງປິ່ນປົວບໍ່ທັນດີ ແຕ່ກໍຈະໄດ້ຮັບຄວາມຜິດໃນຖານຄົນໄທແຕ່ເຂົ້າອອກຊາຍແດນລະຫວ່າງປະເທດຜິດກົດໝາຍ​ ເຊັ່ນກັນ.

.

ທີ່ມາ:

  1. https://www.nationtv.tv/main/content/378822493
  2. https://mgronline.com/local/detail/9640000041374
  3. https://www.google.com/amp/www.ch7.com/amp/482900
ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້