ຫວຽດນາມສັ່ງຈຳຄຸກ 10 ປີ ສາວໂພສລົງເຟສບຸກຕໍ່ຕ້ານລັດ – ສື່ລາວ.ຄອມ

ຫວຽດນາມສັ່ງຈຳຄຸກ 10 ປີ ສາວໂພສລົງເຟສບຸກຕໍ່ຕ້ານລັດ

ສຳນັກຂ່າວຕ່າງປະເທດລາຍງານເມື່ອວັນທີ່ 30 ມີນາ 2021 ວ່າ ສານປະຊາຊົນໃນແຂວງເລິມດົ່ງ ໃນເຂດພາກກາງຂອງຫວຽດນາມ ໃຊ້ເວລາສືບສວນພຽງວັນດຽວ ແລະປະກາດຄຳພິພາກສາ ເມື່ອວັນອັງຄານໃຫ້ຈຳເລີຍຄືທ່ານ ວູ້ ຕຽນ ຈີ ອາຍຸ 55 ປີ ສັນຊາດຫວຽດນາມ ຊື່ງຖືກຈັບກຸມເມື່ອເດືອນມິຖຸນາປີຜ່ານມາ ຮັບໂທດຈຳຄຸກເປັນເວລາ 10 ປີ

ທັງນີ້ ຈຳເລີຍມີຄວາມຜິດຈິງຖານ ຜະລິດ ຈັດເກັບແຈກຈ່າຍເນື້ອໃນແລະຂໍ້ມູນ ດ້ວຍວັດຖຸປະສົງຂອງການຕໍ່ຕ້ານລັດ ແບ່ງເປັນບົດຄວາມ 338 ອັນ ແລະວິດີໂອ 18 ອັນເທີງເຟສບຸກສ້າງຄວາມເສຍຫາຍ ແລະທຳລາຍສະຖຽນລະພາບຂອງພັກຄອມມູນິດຫວຽດນາມ ແລະໂຄງສ້າງລັດໂດຍລວມ

ອີກຢ່າງ ພັກຄອມມູນິດຫວຽດນາມພາຍໃຕ້ການບໍລິຫານຂອງທ່ານຫງຽນ ຝູ ຈ່ອງ ເລຂາທິການແລະປະທານາທິບໍດີ ຊື່ງຢູ່ໃນອຳນາດຕັ້ງແຕ່ປີ 2018 ຍົກລະດັບມາດຕະການຄວບຄຸມສື່ໃຫ້ມີຄວາມເຂັ້ມງວດຫລາຍຂື້ນຢ່າງຊັດເຈນ ມີການຈັບກຸມ ດຳເນີນຄະດີ ແລະລົງໂທດກັບຜູ້ກະທຳຜິດໃນຄະດີທາງການເມືອງ ເປັນຈຳນວນຫລາຍທີ່ສຸດເປັນປະຫວັດການ

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້