ສາເຫດທີ່ໄຟໄຫມ້ຈຳປາທອງລີສອດ ມາຈາກປະຊາຊົນອ້ອມຂ້າງໄດ້ຈູດຫຍ້າແລ້ວໄຫມ້ລາມໃສ່ສາຍໄຟ – ສື່ລາວ.ຄອມ

ສາເຫດທີ່ໄຟໄຫມ້ຈຳປາທອງລີສອດ ມາຈາກປະຊາຊົນອ້ອມຂ້າງໄດ້ຈູດຫຍ້າແລ້ວໄຫມ້ລາມໃສ່ສາຍໄຟ

ຍັງເປີດໃຫ້ບໍລິການປົກກະຕິເດີ ຈຳປາທອງກາເດັນລີສອດມີຂ່າວມາແຈ້ງໃຫ້ທຸກທ່ານຮັບຮູ້ ໃນວັນທີ່16/3/2021 ເວລາ1:55 ນາທີ ໄດ້ເກີດອັກຄີໄພ ສາເຫດທີ່ເກີດອັກຄີໄພຄັ້ງນີ້ແມ່ນເລື່ອງມາຈາກປະຊາຊົນອ້ອມຂ້າງໄດ້ຈູດຫຍ້າ ໄຫມ້ລາມຢ່າງຮຸນແຮງ ແລ້ວລາມໃສ່ສາຍໄຟ ຈື່ງໄດ້ລາມໃສ່ຫ້ອງພັກ ເຊິ່ງແມ່ນໂຊນຕືກ D ແລະ ຕືກC ໂຊນຕືກC ແມ່ນເສຍຫາຍໂຕຫລັງຄາ ສ່ວນທີ່ເຫລືອແມ່ນເອົາໄວ້ໄດ້ທັນ ຂໍຂອບໃຈມາຍັງຫນ່ວຍງານຕ່າງໆ ແລະ ປະຊາຊົນທີ່ໄດ້ໃຫ້ຄວາມຊ່ວຍເຫລືອ ໂດຍສະເພາະແມ່ນພາກສ່ວນຫນ່ວຍງານດັບເພີງ ເມືອງ ວັງວຽງ ທີ່ໄດ້ຊ່ວຍເຫລືອຢ່າງວ່ອງໄວ ແລະ ທັນການ

ທາງລີສອດຈຳປາທອງຂອງພວກເຮົາແມ່ນຍັງເປີດເປັນປົກກະຕິ (ແຕ່ຈະປິດໂຊນທີ່ຖືກໄຟໄຫມ້ໄປກອ່ນຈົນກວ່າຈະສ້ອມແຊມແລ້ວ)ສ່ວນໂຊນອື່ນ(ຮ້ານອາຫານ,ສະລອຍນ້ຳ,ສະຖານທີ່ຈັດກິດຈະກຳ,ທີ່ພັກໂຊນອື່ນ) ແມ່ນເປີດເປັນປົກກະຕິ ທ່ານໃດທີ່ຈອງໄວ້ແລ້ວ ຫລືກຳລັງຊິຈອງແມ່ນຍັງສາມາດໃຫ້ບໍລິການຄືເກົ່າ ໄຟນໍ້າແມ່ນໃຊ້ໄດ້ປົກກະຕິແລ້ວເຈົ້າ ຂໍຂອບໃຈ ລູກຄ້າທຸກທ່ານທີ່ໂທມາໃຫ້ກຳລັງໃຈ

~ຂໍແຈ້ງເຕືອນ ຊ່ວງໄລຍະນີ້ອາກາດຮ້ອນຫລາຍ ໃຫ້ທຸກທ່ານລະມັດລະວັງໃນການຈະຈູດຫຍ້າ ແລະ ຂີ້ເຫຍື່ອ

ສະຖານທີ່: ບ້ານປາກເປາະ ເມືອງ ວັງວຽງ ແຂວງ ວຽງຈັນ

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້