ປກສ ເມືອງນາຊາຍທອງ ສຸມໃສ່ກວດກາ ແລະແກ້ໄຂກຸ່ມມົ້ ວສຸ ມຢ າເ ສບ ຕິ ດຢູ່ຮ້ານອິນເຕີເນັດຄາເຟ່ – ສື່ລາວ.ຄອມ

ປກສ ເມືອງນາຊາຍທອງ ສຸມໃສ່ກວດກາ ແລະແກ້ໄຂກຸ່ມມົ້ ວສຸ ມຢ າເ ສບ ຕິ ດຢູ່ຮ້ານອິນເຕີເນັດຄາເຟ່

ໂດຍອີງໃສ່ການແຈ້ງຂໍ້ມູນຈາກພົນລະເມືອງດີ ໃນເວລາ 15:00ໂມງ ຂອງວັນທີ 3 ມີນາ 2021 ເຈົ້າໜ້າທີ່ໜ່ວຍງານສະກັດກັ້ນ ແລະ ຕ້ານຢ າເສ ບ ຕິ ດ ເມືອງນາຊາຍທອງ ນວ ໄດ້ເຂົ້າກວດ ກາຮ້ານອິນເຕີເນັດຄາເຟ່ຕັ້ງຢູ່ເຂດບ້ານຊົງເປືອຍ. ຜ່ານການກວດກາພົບເຫັນກຸ່ມໄວຫຼຸ້ນ 15 ຄົນ, ຍິງ 0 ຄົນ, ພ້ອມຢາ ເ ສບ ຕິ ດປະເພດຢາບ້າຈຳນວນ 129 ເມັດ ຈຶ່ງໄດ້ກັກຕົວມາດຳເນີນການສືບສວນ-ສອບສວນຂະຫຍາຍຜົນຕໍ່ໄປ.

ຜ່ານການດຳເນີນວຽກງານສະກັດກັ້ນ ແລະແກ້ໄຂຄະດີອາຍາທົ່ວໄປຢູ່ ນະຄອນຫຼວງວຽງຈັນ ເຫັນໄດ້ວ່າບັນຫາຢ າເສ ບ ຕິ ດ ເປັນຕົ້ນເຫດກໍ່ໃຫ້ເກີດອາດຊະຍາກຳທາງອາຍາອື່ນໆ ມີເຖິງ 80-90% ເປັນຕົ້ນການໃຊ້ຄວາມຮຸນແຮງໃນຄອບຄົວ, ຄາດຕະກຳ, ປຸ້ນຊັບ, ຊີງຊັບ, ລັກຊັບ, ຈັບຕົວທວງໜີ້, ອຸບັດຕິເຫດຕາມທ້ອງຖະໜົນ, ກໍ່ອາລະວາດຕີກັນ ແລະ ອື່ນໆ.

ເພື່ອຈຳກັດບໍ່ໃຫ້ອາດຊະຍາກຳຕ່າງໆເກີດຂຶ້ນ ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງຜູ້ປົກຄອງເດັກ, ໄວໜຸ່ມ ຈົ່ງພ້ອມກັນເອົາໃຈໃສ່ຄຸ້ມຄອງ, ສຶກສາອົບຮົມລູກຫຼານໃຫ້ຫ່າງໄກຢ າເ ສບ ຕິ ດ. ບັນດາຫົວໜ່ວຍທຸລະກິດທີ່ເມີນເສີຍປະປ່ອຍໃຫ້ສະຖານທີ່ຂອງຕົນເປັນຈຸດມົ້ວສຸມ, ຄ້າຂາຍ ແລະເສບຢາເສບຕິດ ຖ້າຜົນການສອບສວນຮູ້ວ່າເປັນຜູ້ອຳນວຍຄວາມສະດວກກໍ່ຈະໄດ້ຮັບຜິດຊອບຕໍ່ໜ້າກົດໝາຍຂອງ ສປປ ລາວ.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້