ເຊິ່ງຍິງສາວລາຍນີ້ ໄດ້ຖ່າຍຄລິບວີດີໂອໄວ້ ແລະ ເມື່ອຄລິບຖືກເຜີຍແຜ່ອອກໄປເຮັດໃຫ້ຊາວເນັດຈີນຕ່າງກໍ່ເວົ້າເຖິງມຶກທີ່ຫາຍໄປ ກັນຢ່າງດຸເດືອດເທິງໂຊຊຽວມີເດຍ ຊາວເນັກບາງສ່ວນກໍ່ຕັ້ງຄໍາຖາມວ່າສິ່ງທີ່ເກີດຂຶ້ນອາດເປັນເລື່ອງທີ່ຍິງສາວຜູ້ໂພສຄລິບສ້າງຂຶ້ນເພື່ອຮຽກຮ້ອງຄວາມສົນໃຈເທົ່ານັ້ນ. ທັ້ງນີ້ ໃນມື້ຕໍ່ມາຍິງສາວຄົນນີ້ຈຶ່ງກັບໄປທີ່ຕະຫຼາດເກົ່າຊື້ມຶກຈາກຮ້ານເກົ່າອີກຄັ້ງ

ແລະ ລວກພວກມັນດ້ວຍວິທີການດຽວກັນກັບທີ່ລາວເຮັດກ່ອນໜ້າທັ້ງຍັງມີການຈັບເວລາຕົ້ມ ເມື່ອຜ່ານໄປ 5 ນາທີ ພົບວ່າມຶກໃນໝໍ້ເຫຼົ່ານັ້ນກາຍເປັນສີບົວກ່ອນຈະລະລາຍຫາຍໄປ ແລະ ເຫຼືອພຽງຊີ້ນສ່ວນນ້ອຍໆເທົ່ານັ້ນ ແລະ ນໍ້າທີ່ໃຊ້ຕົ້ມກໍ່ກາຍເປັນສີຂາວ ເຊິ່ງເຫດການທັງໝົດຜູ້ກ່ຽວໄດ້ອັດຄລິບວີດີໂອເອົາໄວ້.

ຈາກເຫດການທີ່ເກີດຂຶ້ນຜູ້ຊ່ຽວຊານໄດ້ກ່າວວ່າ ສິ່ງທີ່ເກີດຂຶ້ນນັ້ນເປັນຍ້ອນມຶກບໍ່ສົດ ແລະ ຄວາມເປັນໄປໄດ້ຫຼາຍກວ່າເຊວໃນມຶກນັ້ນຖືກທໍາລາຍຫຼັງທີ່ມຶກເຫຼົ່ານັ້ນຖືກແຊ່ແຂງ ແລະ ລະລາຍຊໍ້າໄປຊໍ້າມາຫຼາຍເທື່ອຈົນເຮັດໃຫ້ຄວາມສົດຂອງວັດຖຸດິບຫຼຸດລົງ ເຊິ່ງໃນທາງຊີວະວິທະຍາຈະເຮັດໃຫ້ຂອງແຫຼວພາຍໃນເຊວໄຫຼອອກມາ

ເມື່ອປະກອບກັບການປຸງອາຫານເປັນເວລາດົນ ຈຶ່ງເຮັດໃຫ້ມຶກເຫຼົ່ານັ້ນເປື່ອຍຈົນຄືກັບວ່າພວກມັນລະລາຍຫາຍໄປ. ທັ້ງນີ້ ການນໍາອາຫານໄປແຊ່ແຂງນັ້ນ ຈະເຮັດໃຫ້ເກີດຄວາມເສຍຫາຍຕໍ່ເຊວ ຫຼື ໂຄງສ້າງຂອງອາຫານໄດ້ ເຮັດໃຫ້ອາຫານເສື່ອມສະພາບ ເຊິ່ງປາກົດການນີ້ຍັງສາມາດເກີດຂຶ້ນໄດ້ໃນຜະລິດຕະພັນຈາກສັດນໍ້າຊະນິດອື່ນໄດ້ເຊັ່ນ ປີງທະເລ ສ່ວນຄວາມເປັນໄປໄດ້ວ່າ

ມຶກທີ່ນໍາມາຕົ້ມອາດຈະເປັນມຶກປອມຄືກັບກໍລະນີວັດຖຸດິບປອມທີ່ພົບເຫັນຕະຫຼອດໃນຈີນນັ້ນ. ເຖິງແມ່ນວ່າຈະມີຄວາມເປັນໄປໄດ້ຢູ່ ແຕ່ຜູ້ຊ່ຽວຊານໄດ້ກ່າວວ່າ ການເຮັດມຶກປອມນັ້ນ ມີຕົ້ນທຶນສູງ ແລະ ຍາກທີ່ຈະລອກແບບໄດ້ໃນທາງເຕັກນິກ ທັ້ງນີ້ເມື່ອເກີດເຫດການດັ່ງກ່າວຂຶ້ນ ໜ່ວຍງານທີ່ກໍາກັບດູແລຕະຫຼາດເຂດເຫວີນຈຽງລະບຸວ່າ ເຫດການດັ່ງກ່າວນັ້ນເກີດຂຶ້ນແທ້ ແລະ ຢູ່ໃນລະຫວ່າງສຸ່ມກວດຮ້ານຂາຍອາຫານທະເລ.