ຕຳຫຼວດຈີນ ຍືດວັກຊີນໂຄວິດ-19 ປອມຈຳນວນ 3,000ໂດສ

ສໍານັກຂ່າວຊິນຫວາ ຂອງ ສປ ຈີນ ລາຍງານ ເມື່ອວັນທີ 04 ກຸມພາ 2021 ນີ້ວ່າ ຕໍາຫຼວດ ຢູ່ນະຄອນຫຼວງປັກກິ່ງ ມົນທົນ ຈຽງຊູ ແລະ ມົນທົນຊາງຕົງ ໄດ້ຈັບກຸມ 80 ຄົນ ພ້ອມຍຶດເອົາຂອງກາງ ເປັນວັກຊີນໂຄວິດ-19 ປອມ ຈໍານວນ 3.000 ໂດສ ຊຶ່ງໃຊ້ນໍ້າເກືອ ແທນວັກຊີນ ສົ່ງຂາຍໃນລາຄາແພງ, ພ້ອມກຽມສົ່ງອອກຂາຍ ໄປຕ່າງປະເທດ.

ກະຊວງຄວາມໝັ້ນຄົງ ຂອງ ສປ ຈີນລາຍງານຕື່ມວ່າ ຂະບວນການດັ່ງກ່າວ ລັກລອບຜະລິດ ມາຕັ້ງແຕ່ເດືອນ ກັນຍາ 2020, ໂດຍໃຊ້ເຂັມດູດນໍ້າເກືອ ແລ້ວອ້າງວ່າ ເປັນວັກຊີນຕ້ານໂຄວິດ ພ້ອມຈ່າວຂາຍ ໃນລາຄາສູງ ສ້າງລາຍຮັບໃຫ້ກຸ່ມຄົນດັ່ງກ່າວ ເປັນຈໍານວນເງິນມະຫາສານ.

ປະຈຸບັນ ສປ ຈີນ ກໍາລັງນໍາໃຊ້ ວັກຊີນ ຕ້ານໂຄວິດ ຈາກບໍລິສັດ ຊີໂນແວັດ ແລະ ຊີໂນຟາມ ສັກໃຫ້ປະຊາຊົນພາຍໃນປະເທດ ແລະ ຍັງມີການແຈກຢາຍໄປຕ່າງປະເທດ ຕື່ມອີກ.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້