ອາເມລິກາກຽມຍົກເລີກວີຊ່ານັກສຶກສາຈີນ
ຕາມຂ່າວຈາກ ສ.ອາເມລິກາ,ໃນວັນທີ 29 ພຶດສະພານີ້ ສ.ອາເມລິກາ ມີແຜນຈະຍົກເລີກ ໜັງສືເດີນທາງ ຫລື ວີຊ່າ ຂອງນັກວິໄຈ ຂອງຈີນ ລວມທັງ ນັກສຶກສາຈີນ ຈຳນວນ ຫລາຍພັນຄົນ ທີ່ຈົບການສຶກສາ ໃນ ສ.ອາເມລິກາ ແລະ ມີຄວາມກ່ຽວຂ້ອງກັບ ມະຫາວິທະຍາໄລຈີນ ທີ່ມີຄວາມສຳພັນ ກັບກອງທັບ ປົດປ່ອຍ ປະຊາຊົນຈີນ(ພີແອລເອ)
ການດຳເນີນການຄັ້ງນີ້ ຈະສົ່ງຜົນກະທົບ ຕໍ່ນັກສຶກສາຈີນ ຈຳນວນ 3.000-5.000 ຄົນ ຈາກທັງໝົດ ທີ່ພວມສຶກສາໃນ ສ.ອາເມລິກາ ຈຳນວນ 360.000 ຄົນ ເຊິ່ງນັກສຶກສາຈີນ ທີ່ຖືກຍົກເລີກວີຊ່າ ຈະຕ້ອງເດີນທາງ ກັບປະເທດ ແລະ ຜູ້ທີ່ອາໄສຢູ່ນອກ ສ.ອາເມລິກາ ຈະບໍ່ໄດ້ຮັບອະນຸຍາດ ໃຫ້ກັບ ສ.ອາເມລິກາ ໂດຍຈະປະກາດ ເລື້ອງດັ່ງກ່າວ ໃນອາທິດນີ້.
ຮຽບຮຽງຂ່າວໂດຍ ສະໄຫວ ຂປລ