ຈັບແກ້ງປອມແປງໃບຕາດິນຈໍາເອົາເງິນ (ສໍ້ໂກງປະຊາຊົນ) – ສື່ລາວ.ຄອມ
Connect with us

ຂ່າວພາຍໃນ

ຈັບແກ້ງປອມແປງໃບຕາດິນຈໍາເອົາເງິນ (ສໍ້ໂກງປະຊາຊົນ)

Published

on

ເຈົ້າໜ້າທີ່ ປກສ ເມືອງໄຊເສດຖາ ນະຄອນຫຼວງວຽງຈັນ ໄດ້ຮັບຄຳຮ້ອງຟ້ອງຈາກຜູ້ເສຍຫາຍວ່າ: ນາງ ສີວອນ ອາຍຸ 48 ປີ ຢູ່ບ້ານໂຊກຄໍາ ເມືອງໄຊເສດຖາ ເອົາເອກະສານໃບຕາດິນມາຈໍານຳເອົາເງິນແລ້ວບໍ່ໃຊ້ຄືນ. ຈາກນັ້ນ, ເຈົ້າໜ້າທີ່ຈຶ່ງນຳຕົວຜູ້ກ່ຽວມາສອບສວນ ຈຶ່ງຮູ້ວ່າມີການກະທຳເປັນກຸ່ມແກ້ງ ແລະ ມີຜູ້ຖືກເສຍຫາຍໃນຮູບການນີ້ອີກເປັນຈໍານວນຫຼາຍ ແລະ ສ້າງມູນຄ່າເສຍຫາຍທາງດ້ານຊັບສິນ ເປັນເງິນ 600.000.000 ກີບ ແລະ ເອກະສານໃບຕາດິນ ຈໍານວນ 15 ໃບ.

ຜ່ານການສອບສ່ວນ ນາງ ສີວອນ ຮັບສາລະພາບວ່າ: ໄດ້ໃຊ້ວິທີສໍ້ໂກງຊັບດ້ວຍການປອມແປງເອກະສານຕາດິນຂອງຜູ້ຄົນທີ່ນຳມາຈໍາເອົາເງິນ ແຕ່ທ້າຍປີ 2019 ໂດຍເຮັດກັນເປັນກຸ້ມແກ້ງ ແລະ ເຫັນວ່າວິທີການດັ່ງກ່າວໄດ້ເງິນງ່າຍ ຈຶ່ງສືບຕໍ່ເຮັດມາເລື້ອຍໆລວມທັງໝົດ 7 ຄັ້ງ ຄື:

ຄັ້ງທໍາອິດ: ໃນເດືອນກໍລະກົດ 2019, ນາງ ຂິງຄໍາ ບ້ານຮ່ອງສຸພາບ ໄດ້ເອົາໃບຕາດິນມາຈໍານໍາ ນາງ ລັດສະໜີ ໃນຈໍານວນເງິນກູ້ຢືມ 3.000.000 ກີບ; ຈາກນັ້ນ, ນາງ ລັດສະໜີ ໄດ້ເອົາໃບຕາດິນ ໄປຫາ ນາງ ພູທອນ ເພື່ອເອົາໃບຕາດິນດັ່ງກ່າວໄປຈໍານຳເອົາເງິນນຳ ນາງ ຫຼ້າ ບ້ານໜອງບົວທອງ ເມືອງສີໂຄດຕະບອງ ຈໍານວນ 30.000.000 ກີບແລ້ວມາປັນກັນໃຊ້ຈ່າຍ. ພໍຮອດເວລາສົ່ງເງິນຄືນພວກກ່ຽວບໍ່ມີເງິນທີ່ຈະມາສົ່ງຄືນ ຈຶ່ງໃຊ້ກົນອຸບາຍຕົວະເອົາໃບຕາດິນນຳ ນາງ ແຫຼ້ ອອກມາກ່ອນ ແລ້ວປ້ອມແປງເອກະສານ ສະບັບໃໝ່ຂຶ້ນ ກ່ອນນຳເອົາໄປຈໍານຳຕໍ່ອີກກັບ ນາງ ຄໍາ ບ້ານໜອງພະຍາ ໃນຈໍານວນເງິນ 200.000 ບາດ ແລ້ວເອົາເງິນດັ່ງກ່າວໄປໃຊ້ໜີ້ ນາງ ຫຼ້າ, ສ່ວນທີ່ເຫຼືອແມ່ນໄດ້ແບ່ງປັນກັນໃຊ້ຈ່າຍ.

ຄັ້ງທີ 2: ໃນຊ່ວງເດືອນທັນວາ 2019, ທ້າວ ວົງ ອາຍຸ 63 ປີ ຢູ່ບ້ານໂຄກສະອາດ ເມືອງໄຊທານີ ໄດ້ເອົາໃບຕາດິນມາຫາ ນາງ ສີດາວັນ ເພື່ອຈໍານຳເອົາເງິນ ແຕ່ນາງ ສີດາວັນ ບໍ່ມີເງິນໃຫ້ ຈຶ່ງພາໄປຫາ ນາງ ບັງອອນ ຢູ່ບ້ານນາສ້າງໄພ. ແຕ່ກໍບໍ່ມີເງິນໃຫ້ ຈຶ່ງພາໄປຫາ ນາງ ສີວອນ ແຕ່ກໍບໍ່ມີເງິນໃຫ້ຢືມ ພວກກ່ຽວກໍໄດ້ສົມຮູ້ຮ່ວມຄິດກັນປອມແປງເອກະສານຕອນດິນເປັນຊຸດມອບໂອນລອຍຂຶ້ນ ໂດຍປ່ຽນຊື່ເຈົ້າຂອງດິນໃສ່ເອກະ ສານ ແລະ ຕິດຮູບ ນາງ ບັງອອນ ໃສ່ແລ້ວສະແກນລາຍເຊັນ ແລະ ກາຈໍ້າ ນາຍບ້ານໃສ່ກ່ອນນຳໄປຈໍານຳເອົາເງິນ ນຳນາງ ຈ່າຍ ຢູ່ບ້ານປາກທ້າງ ເມືອງສີໂຄດຕະບອງ ຈໍານວນ 80.000.0000 ກີບ ແລ້ວນຳມາໃຫ້ເຈົ້າຂອງໃບຕາດິນຈໍານວນ 7.000.000 ກີບ ທີ່ເຫຼືອແມ່ນແບ່ງປັນກັນໃຊ້ຈ່າຍ; ພໍຮອດຈຸດນັດໝາຍທີ່ຈະສົ່ງເງິນຄືນ ນາງ ບັງອອນ ແລະ ນາງ ໄພວັນ ໄດ້ເອົາເງິນທີ່ແບ່ງໄປສົ່ງຄືນ ສ່ວນ ນາງ ສີວອນ ແລະ ທ້າວ ວົງ ຍັງບໍ່ມີເງິນມາສົ່ງຄືນ; ຈາກນັ້ນ, ນາງ ຈ່າຍຈຶ່ງໄດ້ປະສານຫາເຈົ້າໜ້າທີ່ກ່ຽວຂ້ອງ ແລະ ຮູ້ວ່າພວກກ່ຽວໄດ້ປອມແປງເອກະສານຕອນດິນ ເພື່ອສໍ້ໂກງເອົາເງິນຂອງຜູ້ກ່ຽວ ແລ້ວໄດ້ຮ້ອງຟ້ອງຕໍ່ເຈົ້າໜ້າທີ່. ຈົນມາຮອດວັນທີ 17 ກໍລະກົດ 2020, ຈຶ່ງສາມາດກັກຕົວຜູ້ຮ່ວມຂະບວນການໄດ້ຕື່ມອີກ 3 ຄົນ.

ສ່ວນໃນຄັ້ງທີ 3: ແມ່ນໃນວັນທີ 20 ມັງກອນ 2020, ນາງ ສຸກສາຄອນ ໄດ້ເອົາໃບຕາດິນມາຫາ ນາງ ພູທອນ ເພື່ອຢືມເງິນ ຈໍານວນ 200.000 ບາດ. ແຕ່ບໍ່ມີເງິນໃຫ້ຢຶມ ຈຶ່ງພາມາຫາ ນາງ ນາງ ສີວອນ ແລ້ວບອກໃຫ້ ນາງ ສຸກສາຄອນ ປະກອບເອກະສານແບບໂອນລອຍມາໃຫ້. ພໍໄດ້ເອກະສານແລ້ວ, ກໍນຳມາປອມແປງໃນຮູບແບບທີ່ເຄີຍເຮັດໃນໄລຍະຜ່ານມາ ແລ້ວຈ້າງນາງ ນ້ອຍ ມາເປັນຜູ້ຄ້ຳປະກັນເປັນເຈົ້າຂອງຕອນດິນດັ່ງກ່າວ ແລ້ວເອົາໄປກູ້ຢືມເງິນນຳ ນາງ ລານ ຢູ່ບ້ານຂົວຫຼວງ ຈໍານວນ 250.000 ບາດ. ພໍໄດ້ເງິນມາແລ້ວ, ພວກກ່ຽວກໍເອົາເງິນໄປໃຫ້ເຈົ້າຂອງໃບຕາດິນ ຈໍານວນ 200.000 ບາດ ທີ່ເຫຼືອ 50.000 ບາດແມ່ນໄດ້ເອົາມາແບ່ງປັນກັນ; ຈົນຮອດກຳນົດເວລານາງ ສຸກສາຄອນ ໄດ້ເອົາເງິນທີ່ຢືມໄປຖອກເອົາເງິນ ເພື່ອຖອນເອກະສານຄືນ ແຕ່ກໍຖອນບໍ່ໄດ້ຍ້ອນ ເງິນທີ່ຢືມເກີນໄປ 50.000 ບາດ.

ຄັ້ງທີ 4: ຊ່ວງເດືອນກຸມພາ 2020, ນາງ ຄໍາໃສ ໄດ້ເອົາໃບຕາດິນ ໃຫ້ນາງ ພູທອນ ເພື່ອຊອກບ່ອນຈໍານໍາເອົາເງິນ ພໍໄດ້ເອກະສານແລ້ວ ຈຶ່ງເອົາໄປຫາ ນາງ ສີວອນ ແລ້ວປອມແປງເອກະສານໃນຮູບແບບເດີ່ມທີ່ເຄີຍເຮັດ ແລ້ວເອົາໄປຈໍານຳກັບນາງ ຄໍາ ຈໍານວນ 30.000.000 ກີບ ແລ້ວເອົາມາໃຫ້ ນາງ ຄໍາໃສ 10.000.000 ກີບ ໂດຍອ້າງວ່າຜູ້ປ່ອຍເງິນກູ້ຍັງໃຫ້ບໍ່ໝົດ; ສ່ວນເງິນທີ່ເຫຼືອແມ່ນໄດ້ເອົາມາແບ່ງປັນກັນ.

ຄັ້ງທີ 5: ໃນຊ່ວງເດືອນພຶດສະພາ 2020, ນາງ ບົວລົດ ໄດ້ເອົາເອກະສານໃບຕາດິນມາຫາຕົນເອງ ເພື່ອຊອກບ່ອນຢືມເງິນ ຕົນຈຶ່ງໃຊ້ອຸບາຍເກົ່າ ແລ້ວເອົາເງິນໃຫ້ ນາງ ບົວລິດ 600 ໂດລາ ກ່ອນເອົາໃບຕາດິນດັ່ງກ່າວໄປຈໍານຳຕໍ່ນຳ ນາງ ຄໍາ ຈໍານວນ 30.000.000 ກີບ ໂດຍອ້າງວ່າ ໃບຕາດິນທີ່ເອົາມາຈໍານີ້ແມ່ນຈໍາຂາດແລ້ວແຕ່ຍັງບໍ່ທັນໄດ້ໂອນຊື່ເທື່ອ ເພື່ອຈໍາເອົາເງິນໃປໃຊ້ໜີ້ທີ່ຍັງຄ້າງຜ່ານມາ.

ຄັ້ງທີ 6: ຊ່ວງກາງເດືອນພຶດສະພາ 2020, ນາງ ກີ້ ໄດ້ເອົາໃບຕາດິນມາຫາເອື້ອຍຮັກຊື່ ນາງ ນິພາພອນ ເພື່ອຊອກບ່ອນຈໍານຳເງິນ; ຈາກນັ້ນ, ພວກເຂົາຈຶ່ງໄດ້ປະສານຫາຕົນເອງ ຈຶ່ງພາໄປນຳກັບ ນາງ ມຸ້ຍ ໃນຈໍານວນເງິນ 20.000.000 ກີບ, ພໍໄດ້ 1 ອາທິດ ຕົນເອງ ແລະ ນາງ ພູທອນ ໄດ້ຮ່ວມຫົວກັນໄປຕົວະເອົາໃບຕາດິນນຳນາງ ມຸ້ຍ ອອກມາກ່ອນ ເພື່ອຊອກຫາບ່ອນຈໍານຳໃໝ່ ເພື່ອນຳເງິນມາໃຊ້ໜີ້ນາງ ມຸ້ຍ; ພໍໄດ້ໃບຕາດິນມາແລ້ວ ພວກກ່ຽວກໍໄດ້ປອມແປງເອກະສານ ແລ້ວໂທຫາ ທ້າວ ບຸນທັນ ຫຼື ອື່ງ ເພື່ອຊອກບ່ອນຈໍານຳເງິນ. ຈາກນັ້ນ, ພວກກ່ຽວທັງ 3 ກໍໄດ້ເອົາໄປຕາດິນໄປຈໍານໍາກັບທ້າວ ສິດທິໄຊ ຈໍານວນ 20.000.000 ກີບ ໂດຍຈ້າງໃຫ້ທ້າວ ເປີ້ນ ພັກເຊົາຢູ່ບ້ານນາໄຫ ມາເປັນຜູ້ຍັ້ງຢືນຄໍ່າປະກັນຕອນດິນ. ເມື່ອຮອດກຳນົດໃຊ້ໜີ້ພວກກ່ຽວບໍ່ມີເງິນໃຊ້ໜີ້ ຈຶ່ງຂໍຖອນໃບຕາດິນ ນຳທ້າວ ສິດທິໄຊ ແລ້ວໃຫ້ຄໍາໝັ້ນສັນຍາວ່າຈະເອົາເງິນມາໃຊ້ໜີ້ໃຫ້; ພໍໄດ້ໃບຕາດິນມາ, ພວກກ່ຽວກໍເອົາໄປກ໋ອບປີ້ສີ ແລ້ວສົ່ງໃບຕາດິນຄືນໃຫ້ກັບນາງ ຄໍາ ພ້ອມເອົາເງິນທີ່ນາງ ຄໍາ ຢືມໄປຈໍານວນ 20.000.000 ກີບ ແລ້ວໃຊ້ກົນອຸບາຍຕົວະ ທ້າວ ສິດທິໄຊ ວ່າຈະຢືມເງິນຕໍ່ ຂໍໃຊ້ແຕ່ຄ່າດອກເບ້ຍແລ້ວສົ່ງໃບຕາດິນກອບປີ້ໃສ່ຊອງເຫຼືອງ ພ້ອມເງິນດອກເບ້ຍໃຫ້ ຈົນຮອດມື້ຖອກດອກເບ້ຍແຕ່ບໍ່ເຫັນທັງສອງມາຖອກ ຈຶ່ງຮູ້ວ່າໃບຕາດິນເປັນໃບກ໋ອບປີ້.

ຄັ້ງທີ 7: ໃນຊ່ວງເດືອນມິຖຸນາ 2020, ນາງ ພູທອນ ໄດ້ໄປຫຼິ້ນນຳນ້ອງຮັກ ຢູ່ບ້ານໂຊກຄໍາ ແລ້ວໄດ້ລັກເອົາໃບຕາດິນຂອງນ້ອງຮັກ ຈໍານວນ 2 ຕອນຄື: ຕອນທີ 1 ຢູ່ບ້ານນາຜາສຸກ, ຕອນທີ 2 ຢູ່ບ້ານໂຊກໃຫຍ່; ຈາກນັ້ນ, ຈຶ່ງນຳເອົາໃບຕາດິນຕອນທີ 1 ໄປຫາ ນາງ ສີວອນ ກ່ອນປອມແປງເອກະສານແລ້ວເອົາໄປໃຫ້ ນາຍບ້ານນາຜາສຸກ ເຊັນປະທັບຕາ ກ່ອນນຳໄປຈໍານຳນາງ ຝົນ ຢູ່ບ້ານດົງຄໍາຊ້າງ ຈໍານວນ 40.000.000 ກີບ; ຈາກນັ້ນ, ອີກ 2 ອາທິດ ທັງສອງກໍໄດ້ເອົາໃບຕາດິນຕອນທີ 2 ໂດຍໃຊ້ຮູບປອມແປງແບບເກົ່າ ກ່ອນເອົາໄປຈໍານໍາທ້າວ ວິໄລສັກ ຢູ່ບ້ານໜອງດ້ວງເໜືອ ຈໍານວນ 40.000.000 ກີບ ໂດຍຈ້າງນາງ ວັນນິດາ ຫຼື ປູ ເປັນຜູ້ຢັ້ງຢືນເອກະສານຕອນດິນ.

ນອກຈາກກົນໂກງປ້ອມແປງໃບຕາດິນແລ້ວ, ນາງ ພູທອນ ຍັງໄດ້ສົມທົບກັບພັກພວກຈໍານວນໜຶ່ງເຊົ່າລົດກະບະຝອດແລນເຈີ ສີຟ້າ ນຳບໍລິສັດໃຫ້ເຊົ່າລົດ ໃນເດືອນມິຖຸນາ 2020 ແລ້ວພາກັນນຳໄປຈໍານຳເອົາເງິນ ຈໍານວນ 400.000 ບາດ ແລ້ວນຳເງິນມາແບ່ງກັນ. ຈົນມາຮອດວັນທີ 25 ກໍລະກົດ 2020, ເຈົ້າໜ້າທີ່ຈຶ່ງສາມາດເກັບກູ້ລົດຄັນດັ່ງກ່າວໄດ້ ແລະ ມອບຄືນໃຫ້ແກ່ບໍລິສັດແລ້ວ.

ຕໍ່ກັບຄະດີດັ່ງກ່າວນີ້, ເຈົ້າໜ້າທີ່ຍັງສາມາດຈັບຕົວຜູ້ຮ່ວມຂະບວນການນຳກັນໄດ້ອີກ 3 ຄົນ ຄື:

  1. ນາງ ພູທອນ ຫຼື ກັ່ນ ອາຍຸ 46 ປີ ຢູ່ບ້ານໂຊກຄໍາ.
  2. 2. ນາງ ໄພວັນ ຫຼື ວັນ ອາຍຸ 46 ປີ ຢູ່ບ້ານນາໄຫ ເມືອງຫາດຊາຍຟອງ
  3. ທ້າວ ບຸນທັນ ຫຼື ອື່ງ ອາຍຸ 42 ປີ ຢູ່ບ້ານໜອງປິງ ເມືອງຈັນທະບູລີ; ສ່ວນຜູ້ຮ່ວມຂະບວນການອີກຫຼາຍຄົນເຈົ້າໜ້າທີ່ຍັງສືບຕໍ່ຄົ້ນຫາ ແລະ ຕິດຕາມຈັບຕົວ ເພື່ອມາດຳເນີນຄະດີຕາມລະບຽບກົດໝາຍ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading

ຂ່າວພາຍໃນ

ລ່າສຸດ! ລາຄານ້ຳມັນ +1.010ກີບ/ລິດ ກາຊວນ +420ກີບ/ລິດ

Published

on

By

ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/01/2023 ຕາມແຈ້ງການຈາກ ກຊ ອຸດສະຫະກຳແລະການຄ້າ

ເລກທີ 0056/ອຄ ລົງວັນທີ 18 ມກ 2023.

Continue Reading

ຂ່າວພາຍໃນ

ດ່ວນ! ແຈ້ງການຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາ ຕົວແທນຂອງທະນາຄານທຸລະກິດ ທົ່ວປະເທດ

Published

on

By

– ອີງຕາມກົດຫມາຍວ່າດ້ວຍທະນາຄານທຸລະກິດ (ສະບັບປັບປຸງ) ສະບັບເລກທີ 56/ສພຊ, ລົງວັນທີ 07 ທັນວາ 2018;

– ອີງຕາມກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15 /ສພຊ, ລົງວັນທີ 07 ກໍລະກົດ 2022;

– ອີງຕາມຂໍ້ຕົກລົງວ່າດ້ວຍການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022;

ອີງຕາມແຈ້ງການກ່ຽວກັບການຫັນຮ້ານແລກປ່ຽນເງິນຕາໄປເປັນຕົວແທນຂອງທະນາຄານທຸລະກິດ ສະບັບເລກທີ 111/ທຫລ, ລົງວັນທີ 12 ສິງຫາ 2021.

ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທະນາຄານທຸລະກິດ ແລະ ຮ້ານແລກປ່ຽນເງິນຕາຕົວ ແທນ ຊາບວ່າ: ເພື່ອເປັນການຜັນຂະຫຍາຍກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບ ເລກທີ 15/ສພຊ, ລົງວັນທີ 7 ກໍລະກົດ 2022, ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງວ່າດ້ວຍການບໍລິການ ແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022 ເພື່ອປ່ຽນແທນສອງຂໍ້ຕົກລົງຄື: ຂໍ້ຕົກລົງວ່າ ດ້ວຍທຸລະກິດແລກປ່ຽນເງິນຕາ ສະບັບເລກທີ 393/ທຫລ, ລົງວັນທີ 02 ກໍລະກົດ 2020 ແລະ ຂໍ້ຕົກລົງວ່າດ້ວຍການ ບໍລິການແລກປ່ຽນເງິນຕາຂອງທະນາຄານທຸລະກິດ ແລະ ຮ້ານແລກປ່ຽນເງິນຕາຕົວແທນ ສະບັບເລກທີ 449/ທຫລ, ລົງວັນທີ 14 ມິຖຸນາ 2022.

ໃນນີ້, ຂໍ້ຕົກລົງວ່າດ້ວຍການບໍລິການແລກປ່ຽນເງິນຕາສະບັບດັ່ງກ່າວໄດ້ກໍານົດໃຫ້ ທະນາຄານທຸລະກິດ ທີ່ຕັ້ງຢູ່ ສປປ ລາວ ເທົ່ານັ້ນ ສາມາດໃຫ້ບໍລິການແລກປ່ຽນເງິນຕາ. ສະນັ້ນ, ເພື່ອຈັດຕັ້ງປະຕິບັດໃຫ້ ສອດຄ່ອງກັບບັນດານິຕິກໍາທີ່ມີຜົນສັກສິດໃນປັດຈຸບັນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງບັນດາທະນາຄານທຸລະ ກິດ ແລະ ຮ້ານແລກປ່ຽນເງິນຕາຕົວແທນ ດັ່ງນີ້:

1. ທະນາຄານແຫ່ງ ສປປ ລາວ ຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທັງໝົດ 113 ຮ້ານ ທີ່ຂຶ້ນກັບ 6 ທະນາຄານທຸລະກິດ;

2. ໃຫ້ທະນາຄານທຸລະກິດທີ່ມີຮ້ານແລກປ່ຽນເງິນຕາຕົວແທນຂຶ້ນກັບ ຢຸດເຊົາການຕໍ່ອາຍຸສັນຍາ ແລະ ຍົກເລີກ ສັນຍາຕົວແທນບໍລິການແລກປ່ຽນເງິນຕາກັບຮ້ານແລກປ່ຽນເງິນຕາຕົວແທນຂອງຕົນທັງໝົດ,

ດໍາເນີນການປິດບັນຊີເງິນຝາກທີ່ອອກຊື່ຮ້ານແລກປ່ຽນເງິນຕາຕົວແທນ ຢູ່ທະນາຄານທຸລະກິດທີ່ກ່ຽວຂ້ອງ, ນໍາສົ່ງບົດບັນທຶກ ການຍົກເລີກສັນຍາການເປັນຕົວແທນແລກປ່ຽນເງິນຕາ ລະຫວ່າງ ທະນາຄານທຸລະກິດ ແລະ ຮ້ານແລກປ່ຽນ ເງິນຕາຕົວແທນ ພ້ອມທັງໜັງສືອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທີ່ ຂຶ້ນກັບທະນາຄານທຸລະກິດຕົນ ສົ່ງຄືນໃຫ້ແກ່ກົມນະໂຍບາຍເງິນຕາ ຫຼື ສາຂາທະນາຄານແຫ່ງ ສປປ ລາວ ປະຈໍາ ພາກ ທີ່ກ່ຽວຂ້ອງ ພາຍໃນວັນທີ 31 ມັງກອນ 2023;

3. ທະນາຄານທຸລະກິດທີ່ມີຈຸດປະສົງຕ້ອງການສ້າງຕັ້ງໜ່ວຍແລກປ່ຽນເງິນຕາ ແມ່ນໃຫ້ປະຕິບັດຕາມຂໍ້ຕົກລົງວ່າດ້ວຍ ການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022.

Continue Reading
ເດືອນມັງກອນ 2023
ເສົາ ​ອາ ​ຈ ​ພ​ຫ ​ສ
 123456
78910111213
14151617181920
21222324252627
28293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້