ວັນທີ 1 ກຸມພາ 21 ຂ່າວ BBC ລາຍງານວ່າ ໂຄສົກພັກສັນນິບາດແຫ່ງຊາດເພື່ອປະຊາທິປະໄຕ(NLD) ຖະແຫລງວ່າ ທ່ານນາງ ອອງຊານຊູຈີ ທີ່ປຶກສາແຫ່ງລັດ ແລະ ລັດຖະມົນຕີກະຊວງການຕ່າງປະເທດຂອງມຽນມາ ຖືກກອງທັບ ຄວບຄຸມຕົວ ບໍ່ດົນກ່ອນການປະຊຸມໃນລັດຖະສະພາ ຊຸດໃຫມ່ຈະເປີດສາກຂື້ນໃນວັນນີ້ ແລະ ເກີດຂື້ນພຽງ 2 ວັນ ພາຍຫລັງກອງທັບມຽນມາ ອອກຖະແຫລງການ ປະຕິເສດຂ່າວລືວ່າເລື່ອງຈະມີການລັດຖະປະຫານ ເມື່ອວັນທີ 30 ມັງກອນ ທີ່ຜ່ານມາ.
ທ່ານມຽວ ຍຸນ ໂຄສົກພັກ NLD ເປີດເຜີຍກັບຜູ້ຊື່ຂ່າວ ຣອຍເຕີ້ ຜ່ານທາງໂທລະສັບວ່າ ທ່ານນາງອອງຊານຊູຈີ ພ້ອມດ້ວຍປະທານາທິບໍດີ ມິນ ແລະ ແກ່ນນຳຂອງພັກ ຖືກຈັບຕົວ ໄປໃນຊ່ວງເຊົ້າມືດ ຕາມເວລາທ່ອງຖິ່ນ ແລະໂຄສົກພັກຍັງກ່າວອີກວ່າ “ຂ້າພະເຈົ້າຢາກບອກກັບຄົນຂອງເຮົາວ່າຢ່າຕອບໂຕ້ດ້ວຍຄວາມ ຂາດສະຕິ ແລະ ຂ້າພະເຈົ້າ ຕ້ອງການໃຫ້ພວກເຂົາປະຕິບັດຕາມກົດຫມາຍ” ທ່ານມຽວ ຍຸນ ກ່າວ ແລະ ລະບຸວ່າຫາກຕົວເອງຖືກຈັບກຸມດ້ວຍເຊັ່ນກັນ
ດ້ານ ທ່ານໂຈນາທານເຮດ ຜູ້ຊື່ຂ່າວ BBC ປະຈຳອາຊີຕາເວັນອອກສຽງໃຕ້ກ່າວວ່າມີເຈົ້າຫນ້າທີ່ທະຫານຢູ່ຕາມເສັ້ນທາງເມືອງຫລວງເດປີດໍ ແລະ ທີ່ຢ້າງກຸ້ງ ນອກນີ້ຍັງມີສັນຍານໂທລະສັບ ແລະ ລະບົບອິນເຕີເນັດຖືກຕັດຂາດອີກດ້ວຍ ແລະມີລາຍງານວ່າທະຫານນຳກຳລັງບຸກເຂົ້າເຮືອນຂອງມຸກມົນຕີໃນຫລາຍລັດ ທັງຈັບຕົວມຸກມົນຕີ ແລະ ສະມາຊິກໃນຄອບຄົວໄປດ້ວຍ.
ຂໍ້ມູນຈາກ: BBC (ໄທ)
