ໃນໄລຍະ 5 ປີຜ່ານມາ ທົ່ວປະເທດມີສະມາຊິກພັກຖືກ ລົງວິໄນ 3.200 ສະຫາຍ – ສື່ລາວ.ຄອມ
Connect with us

ຂ່າວພາຍໃນ

ໃນໄລຍະ 5 ປີຜ່ານມາ ທົ່ວປະເທດມີສະມາຊິກພັກຖືກ ລົງວິໄນ 3.200 ສະຫາຍ

Published

on

ກອງປະຊຸມວຽກງານກວດກາ ທົ່ວປະເທດ ປະຈຳປີ 2020 ແລະ 5 ປີ (2016-2020) ອັດລົງດ້ວຍຜົນສໍາເລັດໃນວັນທີ 29 ມັງກອນ 2021 ພາຍຫລັງດໍາເນີນມາເປັນເວລາ 2 ວັນ ທີ່ສະໂມສອນຄະນະກວດກາສູນກາງພັກ (ຫຼັກ 6) ນະຄອນຫລວງວຽງຈັນ ພາຍໃຕ້ການເປັນປະ ທານຂອງ ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນກາງພັກ ສະໄໝທີ XI, ຮອງນາຍົກລັດຖະມົນຕີ, ປະທານອົງການກວດກາລັດຖະບານ, ຫົວໜ້າອົງການຕ້ານການ ສໍ້ລາດບັງຫຼວງ.ກອງປະຊຸມໄດ້ຮັບຟັງການເຜີຍແຜ່ເອກະສານສຳຄັນຕ່າງໆ ກ່ຽວກັບວຽກງານກວດກາ ເປັນຕົ້ນ: ບົດສະຫຼຸບການເຄື່ອນໄຫວວກງານກວດກາປະຈຳປີ 2020 ແລະ 5 ປີ (2016-2020) ແລະ ທິດທາງແຜນການໃນຕໍ່ໜ້າ, ບົດລາຍງານວຽກງານຕິດຕາມ, ກວດກາພັກ, ບົດລາຍງານກ່ຽວກັບການສະກັດກັ້ນ ແລະ ຕ້ານການສໍ້ລາດບັງຫຼວງ; ບົດລາຍງານກ່ຽວກັບການກວດກາຕາມຜົນການກວດສອບ, ບົດລາຍງານວຽກງານຄົ້ນຄວ້າຄຳຮ້ອງ-ຄຳສະເໜີ, ແລະ ບົດລາຍງານການຕິດຕາມ, ກວດກາ

ການການປະຕິ ບັດຜົນກວດກາ ໄລຍະຜ່ານມາຄະນະພັກ, ອົງການປົກ ຄອງຄະນະກວດກາພັກ-ອົງການກວດກາລັດແຕ່ລະຂັ້ນໄດ້ສຸມໃສ່ຈັດຕັ້ງປະຕິບັດວຽກງານກວດກາຕາມພາລະບົດບາດ, ໜ້າທີ່, ຂອບ/ເຂດສິດຂອງຕົນເຊິ່ງມີຜົນງານຫຼາຍອັນພົ້ນເດັ່ນ ເປັນຕົ້ນແມ່ນ ການຄົ້ນຄວ້າສ້າງ ແລະ ເຜີຍ ແຜ່-ໂຄສະນານິຕິກໍາກ່ຽວກັບວຽກງານກວດກາ ທັງໝົດ 14 ສະບັບ, ໄດ້ຕິດຕາມ, ກວດກາການຜັນຂະຫຍາຍຈັດ ຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກ, ກົດລະບຽບພັກ, ບັນດາມະຕິ, ຄໍາສັ່ງຂອງສູນກາງພັກ ສະໄໝທີ X ແລະມະຕິກອງປະຊຸມໃຫຍ່ຂອງຄະນະພັກຂັ້ນຕ່າງໆ, ກວດກາການປັບປຸງກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນຕາມ 5 ຫຼັກການ, 3 ທິດນໍາຂອງພັກ.ຜ່ານການຕິດຕາມ-ກວດກາຕົວຈິງ ເຫັນວ່າການກໍ່ສ້າງໜ່ວຍພັກປອດໃສ, ເຂັ້ນແຂງ, ໜັກແໜ້ນ ບາງໜ່ວຍພັກຄຸນນະພາບຍັງບໍ່ສູງ, ສະມາຊິກພັກຈໍານວນໜຶ່ງເສື່ອມຖອຍທາງດ້ານຄຸນທາດການເມືອງ, ຄຸນສົມບັດສິນທຳປະ ຕິວັດ, ເກີດພະຍາດອາດຍາສິດ, ສວຍໃຊ້ໜ້າທີ່ຕໍາແໜ່ງ ລະເມີດກົດລະບຽບຂອງພັກ ແລະ ກົດໝາຍຂອງລັດ ເຊິ່ງ 5 ປີຜ່ານມາ ມີການຈັດຕັງພັກ, ສະມາຊິກພັກຖືກລົງວິໄນຄື: ກ່າວເຕືອນຄວາມຜິດ 6ໜ່ວຍພັກ, ສະມາຊິກພັກຖືກລົງວິໄນ 3.200

ສະຫາຍ, ຍິງ 372 ສະຫາຍ (ໃນນີ້, ກ່າວເຕືອນຄວາມຜິດ 649 ສະຫາຍ, ປົດຕໍາແໜ່ງ 137 ສະຫາຍ, ໂຈະການຮ່ວມຊີວິດພັກ 632 ສະຫາຍ, ເອົາອອກຈາກພັກ 1.791 ສະຫາຍ, ແກ້ໄຂທາງບໍລິຫານ 546 ຄົນ, ຖືກດໍາເນີນຄະດີຕາມກົດໝາຍ 93 ຄົນ, ໃນນັ້ນ ສານຕັດສິນແລ້ວ 64 ຄົນ ແລະ ໄດ້ຄົ້ນຄວ້າຄໍາຮ້ອງ-ຄໍາສະເໜີ ທີ່ໄດ້ຮັບ 4.817 ສະບັບ, ໃນນັ້ນ ໄດ້ຄົ້ນຄ້ວາພິຈາລະນາແກ້ໄຂແລ້ວ 1.524 ສະບັບ, ສົ່ງໃຫ້ພາກສ່ວນອື່ນແກ້ໄຂ 1,581 ສະບັບ, ແຈ້ງຕອບພາກສ່ວນກ່ຽວຂ້ອງ 155 ສະບັບ, ເກັບມ້ຽນເພື່ອຕິດຕາມ 273 ສະບັບ, ຍັງຄ້າງ 1.284 ສະບັບ (ສະເພາະປີ 2020 ໄດ້ຮັບຄໍາຮ້ອງ-ຄໍາສະເໜີ ທັງໝົດ 869 ສະບັບ ໃນນີ້ ອົງການກວດກາລັດຖະບານ 272 ສະບັບ, ກະຊວງ-ອົງການ 196 ສະບັບ,ແຂວງ 401 ສະບັບ, ໃນນີ້ ແກ້ໄຂແລ້ວ 170 ສະບັບ, ສົ່ງໃຫ້ພາກສ່ວນກ່ຽວຂ້ອງແກ້ໄຂ 300 ສະບັບ, ແຈ້ງຕອບເຈົ້າຂອງຄໍາຮ້ອງ 42 ສະບັບ, ເກັບມ້ຽນຕິດ ຕາມ 54 ສະບັບ, ກໍາລັງຄົ້ນຄວ້າ ແລະ ເກັບກໍາຂໍ້ມູນ 303 ສະບັບ).ກອງປະຊຸມ ຍັງໄດ້ຮັບການໂອ້ລົມຈາກ ສະຫາຍ

ບຸນທອງ ຈິດມະນີ ເພື່ອເປັນການໃຫ້ທິດຊີ້ນໍາໃນການສືບຕໍ່ເສີມຂະຫຍາຍດ້ານຕັ້ງໜ້າໃນການຈັດຕັ້ງປະຕິບັດວຽກ ງານກວດກາ ແລະ ແກ້ໄຂຈຸດອ່ອນຂໍ້ຄົງຄ້າງໃນຊຸມປີທ່ານຜ່ານມາ, ສະຫາຍໄດ້ເນັ້ນ ໜັກຫຼາຍບັນຫາ ໂດຍສະເພາະແມ່ນການຕິດຕາມ-ກວດກາການຄຸ້ມຄອງບໍລິຫານລັດແຕ່ລະຂັ້ນ ແມ່ນໃຫ້ສຸ່ມໃສ່ເປັນຕົ້ນ: ຕິດຕາມ-ກວດກາການປະຕິບັດພາລະບົດບາດ, ໜ້າທີ່, ການໃຊ້ສິດອຳນາດຂອງແຕ່ລະຂະແໜງການແລະທ້ອງຖິ່ນ; ການປະຕິບັດມະຕິ, ຄຳສັ່ງ, ຂໍ້ກຳນົດຕາງໆຂອງພັກ, ກົດໝາຍແລະລະບຽບການຕ່າງໆຂອງລັດ, ຕິດຕາມ-ກວດກາການເກັບລາຍຮັບເຂົ້າງົບປະມານ,ການປະຕິບັດກົດໝາຍພາສີ-ອາກອນ, ກົດໝາຍງົບປະມານແລະອື່ນໆ, ການຄຸ້ມຄອງລາຍຈ່າຍຂອງກະຊວງ-ອົງການແລະທ້ອງຖິ່ນ ໃຫ້ຖືກຕາມເປົ້າໝາຍແລະ ຮັບປະກັນການປະຕິບັດນະໂຍບາຍປະຢັດແຫ່ງຊາດ, ສືບຕໍ່ຕິດຕາມ-ກວດກາລົງເລິກແລະສືບສວນ-ສອບສວນກ່ຽວກັບຄວາມຮັບຜິດຊອບຂອງການຈັດຕັ້ງແລະບຸກຄົນທີ່ພົວພັນເຖິງໂຄງການລົງທຶນຂອງລັດແລະການຊຳລະໜີ້ສິນແບບມີສ່ວນຫຼຸດ, ການຊຳລະເກີນແລະຊໍ້າຊ້ອນຢູ່ບັນດາແຂວງທີ່ຍັງຄ້າງປະຕິບັດ ແລະ ອື່ນໆ.

ຂ່າວ: ມົດແດງນ້ອຍ

ພາບ: ອາພິນຍາ ສີສຸວົງ

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading

ຂ່າວພາຍໃນ

ລ່າສຸດ! ລາຄານ້ຳມັນ +1.010ກີບ/ລິດ ກາຊວນ +420ກີບ/ລິດ

Published

on

By

ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/01/2023 ຕາມແຈ້ງການຈາກ ກຊ ອຸດສະຫະກຳແລະການຄ້າ

ເລກທີ 0056/ອຄ ລົງວັນທີ 18 ມກ 2023.

Continue Reading

ຂ່າວພາຍໃນ

ດ່ວນ! ແຈ້ງການຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາ ຕົວແທນຂອງທະນາຄານທຸລະກິດ ທົ່ວປະເທດ

Published

on

By

– ອີງຕາມກົດຫມາຍວ່າດ້ວຍທະນາຄານທຸລະກິດ (ສະບັບປັບປຸງ) ສະບັບເລກທີ 56/ສພຊ, ລົງວັນທີ 07 ທັນວາ 2018;

– ອີງຕາມກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15 /ສພຊ, ລົງວັນທີ 07 ກໍລະກົດ 2022;

– ອີງຕາມຂໍ້ຕົກລົງວ່າດ້ວຍການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022;

ອີງຕາມແຈ້ງການກ່ຽວກັບການຫັນຮ້ານແລກປ່ຽນເງິນຕາໄປເປັນຕົວແທນຂອງທະນາຄານທຸລະກິດ ສະບັບເລກທີ 111/ທຫລ, ລົງວັນທີ 12 ສິງຫາ 2021.

ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທະນາຄານທຸລະກິດ ແລະ ຮ້ານແລກປ່ຽນເງິນຕາຕົວ ແທນ ຊາບວ່າ: ເພື່ອເປັນການຜັນຂະຫຍາຍກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບ ເລກທີ 15/ສພຊ, ລົງວັນທີ 7 ກໍລະກົດ 2022, ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງວ່າດ້ວຍການບໍລິການ ແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022 ເພື່ອປ່ຽນແທນສອງຂໍ້ຕົກລົງຄື: ຂໍ້ຕົກລົງວ່າ ດ້ວຍທຸລະກິດແລກປ່ຽນເງິນຕາ ສະບັບເລກທີ 393/ທຫລ, ລົງວັນທີ 02 ກໍລະກົດ 2020 ແລະ ຂໍ້ຕົກລົງວ່າດ້ວຍການ ບໍລິການແລກປ່ຽນເງິນຕາຂອງທະນາຄານທຸລະກິດ ແລະ ຮ້ານແລກປ່ຽນເງິນຕາຕົວແທນ ສະບັບເລກທີ 449/ທຫລ, ລົງວັນທີ 14 ມິຖຸນາ 2022.

ໃນນີ້, ຂໍ້ຕົກລົງວ່າດ້ວຍການບໍລິການແລກປ່ຽນເງິນຕາສະບັບດັ່ງກ່າວໄດ້ກໍານົດໃຫ້ ທະນາຄານທຸລະກິດ ທີ່ຕັ້ງຢູ່ ສປປ ລາວ ເທົ່ານັ້ນ ສາມາດໃຫ້ບໍລິການແລກປ່ຽນເງິນຕາ. ສະນັ້ນ, ເພື່ອຈັດຕັ້ງປະຕິບັດໃຫ້ ສອດຄ່ອງກັບບັນດານິຕິກໍາທີ່ມີຜົນສັກສິດໃນປັດຈຸບັນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງບັນດາທະນາຄານທຸລະ ກິດ ແລະ ຮ້ານແລກປ່ຽນເງິນຕາຕົວແທນ ດັ່ງນີ້:

1. ທະນາຄານແຫ່ງ ສປປ ລາວ ຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທັງໝົດ 113 ຮ້ານ ທີ່ຂຶ້ນກັບ 6 ທະນາຄານທຸລະກິດ;

2. ໃຫ້ທະນາຄານທຸລະກິດທີ່ມີຮ້ານແລກປ່ຽນເງິນຕາຕົວແທນຂຶ້ນກັບ ຢຸດເຊົາການຕໍ່ອາຍຸສັນຍາ ແລະ ຍົກເລີກ ສັນຍາຕົວແທນບໍລິການແລກປ່ຽນເງິນຕາກັບຮ້ານແລກປ່ຽນເງິນຕາຕົວແທນຂອງຕົນທັງໝົດ,

ດໍາເນີນການປິດບັນຊີເງິນຝາກທີ່ອອກຊື່ຮ້ານແລກປ່ຽນເງິນຕາຕົວແທນ ຢູ່ທະນາຄານທຸລະກິດທີ່ກ່ຽວຂ້ອງ, ນໍາສົ່ງບົດບັນທຶກ ການຍົກເລີກສັນຍາການເປັນຕົວແທນແລກປ່ຽນເງິນຕາ ລະຫວ່າງ ທະນາຄານທຸລະກິດ ແລະ ຮ້ານແລກປ່ຽນ ເງິນຕາຕົວແທນ ພ້ອມທັງໜັງສືອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທີ່ ຂຶ້ນກັບທະນາຄານທຸລະກິດຕົນ ສົ່ງຄືນໃຫ້ແກ່ກົມນະໂຍບາຍເງິນຕາ ຫຼື ສາຂາທະນາຄານແຫ່ງ ສປປ ລາວ ປະຈໍາ ພາກ ທີ່ກ່ຽວຂ້ອງ ພາຍໃນວັນທີ 31 ມັງກອນ 2023;

3. ທະນາຄານທຸລະກິດທີ່ມີຈຸດປະສົງຕ້ອງການສ້າງຕັ້ງໜ່ວຍແລກປ່ຽນເງິນຕາ ແມ່ນໃຫ້ປະຕິບັດຕາມຂໍ້ຕົກລົງວ່າດ້ວຍ ການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022.

Continue Reading
ເດືອນມັງກອນ 2023
ເສົາ ​ອາ ​ຈ ​ພ​ຫ ​ສ
 123456
78910111213
14151617181920
21222324252627
28293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້