3ໃນ 7ປະເພດສຽງເນືອງນັນຖ້າຫາກລະເມີດຈະຖືກດໍາເນີນຄະດີຕາມລະບຽບກົດໝາຍ. – ສື່ລາວ.ຄອມ
Connect with us

ຂ່າວພາຍໃນ

3ໃນ 7ປະເພດສຽງເນືອງນັນຖ້າຫາກລະເມີດຈະຖືກດໍາເນີນຄະດີຕາມລະບຽບກົດໝາຍ.

Published

on

ພັອ ສຸກພະຈັນ ບຸດດາຄໍາ ຫົວໜ້າກອງບັນຊາການ ປກສ ນະຄອນຫຼວງວຽງຈັນ ໄດ້ກ່າວເນັ້ນຕໍ່ຄະນະພັກ-ຄະນະບັນຊາ ປກສ ນວ ພາກສ່ວນທີ່ກ່ຽວຂ້ອງ ໃຫ້ເຂັ້ມງວດ, ກວດກາ ແລະ ຄວບຄຸມສຽງເນືອງນັນ ຢູ່ ນວ ໃຫ້ຢູ່ໃນເກນທີ່ກໍານົດ ໂດຍປະຕິບັດຕາມຄໍາສັ່ງຂອງເຈົ້າຄອງນະຄອນຫຼວງວຽງຈັນ

ສໍາລັບປະເພດ ແລະ ເປົ້າໝາຍສຽງເນືອງນັນ ທີ່ຈະຕ້ອງຄວບຄຸມ ແລະ ແກ້ໄຂ ມີທັງໝົດ 7 ປະເພດຄື:

  1. ສຽງດັງຈາກສະຖານທີ່ບັນເທີງ
  2. ສຽງດັງຈາກງານເທດສະການ ແລະ ນິທັດສະການ
  3. ສຽງດັງຈາກໝາກກະໂພກ
  4. ສຽງດັງຈາກລົດຍົນເກີນຂະໜາດ ແລະ ກຸ່ມແກ້ງຂີ່ລົດກວນເມືອງ
  5. ສຽງດັງຈາກການກໍ່ສ້າງເຄຫາສະຖານ
  6. ສຽງດັງຈາກເຄື່ອງກົນຈັກ, ໂຮງງານ ໃນເຂດໃກ້ຊຸມຊົນ
  7. ສຽງໝາເຫົ່າຫອນຊະຊາຍຕາມທ້ອງຖິ່ນ 

ໃນນີ້, ມີ 3 ປະເພດ ທີ່ຈະຕ້ອງເອົາໃຈໃສຢ່າງເຂັ້ມງວດ ຄື: 1 ສຽງດັງຈາກສະຖານທີ່ບັນເທີງ, 2 ສຽງດັງຈາກລົດຍົນເກີນຂະໜາດ ແລະ ກຸ່ມແກ້ງຂີ່ລົດກວນເມືອງ ແລະ 3 ສຽງດັງຈາກໝາກກະໂພກ

  • ສຳລັບການຄວບຄຸມສຽງເນືອງນັນຕາມສະຖານທີ່ບັນເທີງ ແມ່ນກໍານົດລະດັບສຽງບໍ່ໃຫ້ເກີນ 80 ດີຊີເບວ ( 80 DB ) ວັດແທກຢູ່ຂ້າງນອກຈຸດທີ່ໄດ້ຮັບຜົນກະທົບ ແລະ ເວລາເປີດ-ປິດບໍລິການ 18:00 ໂມງ ຫາ 23:30 ໂມງ
  • ມາດຕະການຄວບຄຸມສຽງຈາກລົດຍົນເກີນຂະໜາດ ແມ່ນໃຫ້ປະຕິບັດຕາມມາດຕະຖານເຕັກນິກພື້ນຖານຂອງພາຫະນະ, ເຄື່ອງຈັກບໍ່ໃຫ້ມີຜົນກະທົບກັບຜູ້ຢູ່ອ້ອມຂ້າງຖະໜົນ ແລະ ລະດັບສຽງສູງສຸດບໍ່ໃຫ້ເກີນ 85 ດີຊີເບວ ( 85 DB ) ຈາກຈຸດວັດແທກ 7,5 ແມັດ, ສໍາລັບກຸ່ມແກ້ງແຂ່ງລົດ, ຂີ່ລົດກວນເມືອງ ຖືເປັນການລະເມີດກົດໝາຍຈະລາຈອນທາງບົກ ແລະ ຈະຖືກກັກຕົວຊົ່ວຄາວທັນທີ 24 ຊົ່ວໂມງ ແລ້ວໃຫ້ຜູ້ປົກຄອງມາຮັບປະກັນຕົວ ທັງປັບໃໝ ແລະ ຖືກດໍາເນີນຄະດີ
  • ມາດຕະການຄວບຄຸມສຽງເນືອງນັນ ຈາກໝາກກະໂພກ ຖ້າບຸກຄົນ, ນິຕິບຸກຄົນ ນໍາໃຊ້ໝາກກະໂພກບໍ່ໄດ້ຮັບອະນຸຍາດຈາກເຈົ້າໜ້າທີ່ປ້ອງກັນຄວາມສະຫງົບ ຈະຖືກກ່າວເຕືອນ, ປັບໃໝ ແລະ ຖືກດໍາເນີນຄະດີຕາມລະບຽບການ ແລະ ກົດໝາຍກ່ຽວກັບປ້ອງກັນຄວາມສະຫງົບ.

ສໍາລັບມາດຕະການຕໍ່ຜູ້ລະເມີດມີຄື: ຄັ້ງທີ 1 ສຶກສາອົບຮົມ, ຂຽນບົດບັນທຶກ ແລະ ກ່າວເຕືອນ; ຄັ້ງທີ 2 ກ່າວເຕືອນ ແລະ ປັບໃໝ ຕາມລະບຽບທີ່ກ່ຽວຂ້ອງ ກັບແຕ່ລະປະເພດ; ຄັ້ງທີ 3 ປິດກິດຈະການ ແລະ ຖອນໃບອະນຸຍາດ ແລະ ຄັ້ງທີ 4 ດໍາເນີນຄະດີຕາມກົດໝາຍ.

Continue Reading

ຂ່າວພາຍໃນ

ລັດຖະມົນຕີ ເວົ້າເດັດຂາດ ຈະເຄັ່ງຄັດ ຄວາມປອດໄພຂຶ້ນເຕື່ມ

Published

on

By

ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີກະຊວງປ້ອງກັນ ຄວາມສະຫງົບ ລົງ ເຄື່ອນໄຫວຊີ້ນໍາວຽກງານປ້ອງກັນຄວາມສະຫງົບ ຢູ່ເຂດເສດຖະກິດ ພິເສດສາມຫຼ່ຽມ-ຄໍາ ພ້ອມເນັ້ນຢໍ້າໃຫ້ພາກສ່ວນ ທີ່ກ່ຽວຂ້ອງ ໃຫ້ຄວາມ ສໍາຄັນກັບວຽກງານຄວາມສະຫງົບໃນຂົງເຂດ ດັ່ງກ່າວຫຼາຍຂຶ້ນ.

ໃນວັນທີ 28 ມັງກອນ 2023, ທ່ານ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບ ຢູ່ເຂດເສດຖະກິດພິເສດ ເມືອງຕົ້ນເຜີ້ງ ແຂວງບໍ່ ແກ້ວ,

ໂດຍການຕ້ອນຮັບຂອງ ທ່ານ ຈ້າວເຫີວຍ ປະທານສະພາຜູ້ ບໍລິຫານເຂດເສດຖະກິດພິເສດ ສາມຫຼ່ຽນຄໍາແຂວງບໍ່ແກ້ວ, ມີບັນດາ ການນໍາພັກແຂວງ, ຫົວຫນ້າ-ຮອງຫົວຫນ້າຫ້ອງວ່າການແຂວງ, ເຈົ້າເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະພັກ, ຄະນະຄຸ້ມຄອງເຂດເສດຖະກິດພິເສດ ເຂົ້າຮ່ວມ.

ໂອກາດດັ່ງກ່າວ ທ່ານ ພົອ ວິໄລ ກໍໄດ້ມີຄໍາເຫັນໂອ້ລົມຊີ້ນໍາຕໍ່ ຄະນະ ຄຸ້ມຄອງເຂດເສດຖະກິດພິເສດ ຈົ່ງພ້ອມກັນພັດທະນາເຂດເສດຖະກິດ ພິເສດໃຫ້ກາຍເປັນຕົວເມືອງທີ່ທັນສະໄຫມ, ມີພື້ນຖານເສດຖະກິດທີ່ເຂັ້ມ ແຂງ, ສັງຄົມມີຄວາມສີວິໄລຍຸຕິທໍາ, ເປັນສູນການຄ້າ-ການລົງທຶນ,ສາມາດກາຍເປັນແຫຼ່ງທ່ອງທ່ຽວລະດັບອາຊຽນ.

ພິເສດແມ່ນໃຫ້ມີຄວາມ ສະຫງົບ, ມີຄວາມປອດໄພ, ແຕ່ສິ່ງສໍາຄັນຕ້ອງຕິດພັນກັບ ຮ່ອງຮ້ອຍ ປະຫວັດສາດ, ຮີດຄອງວັດທະທໍາອັນເກົ່າແກ່ ແລະ ສ້າງໃຫ້ເຂດດັ່ງກ່າວ ກາຍເປັນການຄຸ້ມຄອງບໍລິຫານຕາມກົນໄກ ຕາມຫົວຫນ່ວຍບໍລິຫານໃນ ເງື່ອນໄຂເສດຖະກິດ ມີການເຕີຍໃຫຍ່ຂະຫຍາຍຕົວ, ເຂດພິເສດ ຕ້ອງໄດ້ ຍົກລະດັບການຄຸ້ມຄອງໃຫ້ສູງຂຶ້ນ

ໂດຍມອບໃຫ້ສູນກາງປະສານສົມທົບ ກັບທ້ອງຖິ່ນ ພ້ອມກັນຈັດຕັ້ງປະຕິບັດ, ສ້າງເປັນຫນ່ວຍງານຫນຶ່ງຄຸ້ມຄອງ ບໍລິຫານເຂດພິເສດ ເພື່ອແກ້ໄຂສະພາບທີ່ເກີດຂຶ້ນໃຫ້ທັນເວລາ ເພື່ອໃຫ້ ກາຍເປັນເມືອງທີ່ມີຄວາມສະຫງົບ, ທັນສະໄຫມ, ເປັນບ່ອນພັກຜ່ອນ, ທີ່ມີ ຄວາມເປັນລະບຽບຮຽບຮ້ອຍ, ສະຫງົບປອດໄພ, ກາຍເປັນເຂດພິເສດທີ່ ເປັນເຂດຕົວແບບ ແລະ ຄຸ້ມຄອງໃຫ້ມີປະສິດທິຜົນທີ່ດີຂຶ້ນກວ່າເກົ່າ.

ໂດຍໃນປີ 2022 ທີ່ຜ່ານມາ ສໍາລັບວຽກງານ ປ້ອງກັນຄວາມສະຫງົບ ໃນ ເຂດເສດຖະກິດພິເສດ ສາມຫຼ່ຽມຄໍາ ໄດ້ມີປະກົດການຫຍໍ້ທໍ້ເກີດຂຶ້ນ ທັງຫມົດ 153 ເລື່ອງ, x`ແກ້ໄຂໄດ້ທັງຫມົດ 107 ເລື່ອງ, ສົ່ງໃຫ້ ປກສ ແຂວງ ດໍາເນີນ 27 ເລື່ອງ ແລະ ຄະດີພວມດໍາເນີນແກ້ໄຂມີ 19 ເລື່ອງ.

ທີ່ມາ: ວຽງຈັນທາຍ

Continue Reading

ຂ່າວພາຍໃນ

ຮູ້ແລ້ວ ຍ້ອນສາເຫດນີ້ ຍິ ງ ກັນຕ າ ຍ 2 ຄົນເມືອງປາກງື່ມ

Published

on

By

ຂໍສະແດງຄວາມເສຍໃຈນຳຍາດຜູ້ເສຍຊີວິດ ເຫດ ຍິ ງ ກັ ນທີ່ເມືອງປາກງື່ມ.

ຕາມການລາຍງານຂອງ ໜ່ວຍກູ້ໄພອາສາເພື່ອປະຊາຊົນ ໃຫ້ຮູ້ວ່າ ໃນວັນທີ 1/2/2023 ເວລາ 13:30 ນາທີ ມີຄົ ນ ຍິ ງ ກັ ນເສຍຊີວິດ

ຈຸດເກີດເຫດທີ່ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ.ໃນບໍລິເວນເກີດເຫດ ມີຜູ້ປະສົບເຫດ2ຄົນເພດຊາຍ, ຜູ້ທີ່ 1 ເພດຍິງ ຖື ກ ຍິ ງ ເສຍຊີວິດຄາທີ່ ແລະ ຜູ້ທີ 2 ເພດຊາຍ ເສຍຊີວິດຢູ່ໂຮງໝໍ.

ປັດຈຸບັນເຈົ້າໜ້າທີ່ກຳລັງກວດສອບ ຖ້າມີຂໍ້ມູນເພີ່ມເຕີມຈະລາຍງານໃນພາຍຫຼັງ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້