ຢ່າສວຍໂອກາດຍົກເລີກສັນຍາແຮງງານຖາວອນໃນຊ່ວງໂຄວິດ-19 ລະບາດ – ສື່ລາວ.ຄອມ
Connect with us

ຂ່າວພາຍໃນ

ຢ່າສວຍໂອກາດຍົກເລີກສັນຍາແຮງງານຖາວອນໃນຊ່ວງໂຄວິດ-19 ລະບາດ

Published

on

ເຖິງວ່າການລະບາດຂອງພະຍາດໂຄວິດ-19 ສົ່ງຜົນກະທົບໂດຍກົງຕໍ່ຫົວໜ່ວຍແຮງງານ ແລະຜູ້ອອກແຮງງານລາວ, ແຕ່ຍັງຖືວ່າເປັນຜົນກະ ທົບໃນໄລຍະບໍ່ດົນເມື່ອທຽບໃສ່ປະເທດທີ່ມີອຸດສະຫະກຳຂະໜາດໃຫຍ່ໃນຫຼາຍປະເທດທົ່ວໂລກ, ສະນັ້ນກົມຄຸ້ມຄອງແຮງງານໄດ້ຊຸກຍູ້ໃຫ້ຫົວໜ່ວຍແຮງງານທັງໝົດພະຍາຍາມຮັກສາແຮງ ງານຂອງຕົນເອງໄວ້ເພື່ອເປັນການຊ່ວຍເຫຼືອເຊິ່ງກັນ ແລະ ກັນ,

ຄຽງຄູ່ກັນນີ້ແມ່ນຫ້າມເດັດຂາດບໍ່ໃຫ້ສວຍໂອກາດທີ່ເກີດການລະ ບາດຂອງພະຍາດໂຄວິດ-19 ເປັນການຍົກເລີກສັນຍາແຮງງານແບບຖາວອນເພື່ອຫຼີກຫຼ່ຽງການຈ່າຍຄ່າແຮງງານໃຫ້ຜູ້ອອກແຮງງານເພາະການໂຈະການຈ້າງງານຊົ່ວຄາວບໍ່ໄດ້ໝາຍຄວາມວ່າເປັນການຍົກເລີກການຈ້າງງານ ຫຼືໃຫ້ແຮງງານອອກວຽກແບບຖາວອນ,

ຖ້າຫົວໜ່ວຍແຮງງານໃດປະຕິບັດແມ່ນຜິດຕໍ່ ກົດໝາຍແຮງງານທີ່ກໍານົດໄວ, ຢ່າງໃດກໍ່ຕາມໃນກໍລະນີທີ່ຫົວໜ່ວຍແຮງງານໃດຕ້ອງການປັບປຸງຕໍາແໜ່ງງານ ຫຼືກົດລະ ບຽບພາຍໃນຂອງຕົນຄືນໃໝ່ເພື່ອໃຫ້ແທດເໝາະກັບສະພາບການທີ່ເກີດຕ້ອງໄດ້ປຶກສາຫາລື ແລະຕົກລົງກັນກັບແຮງງານຂອງຕົນເປັນແຕ່ລະບຸກຄົນຢ່າງລະອຽດຈະແຈ້ງຈິ່ງສາມາດຈັດຕັ້ງປະຕິບັດໄດ້.

ທ່ານ ພົງໄຊສັກ ອິນຖາລາດ, ຫົວໜ້າກົມຄຸ້ມຄອງແຮງງານໃຫ້ຮູ້ວ່າ ຈາກການລະບາດຂອງພະຍາດໂຄວິດ-19 ສົ່ງຜົນກະທົບໂດຍກົງຕໍ່ຫົວ ໜ່ວຍແຮງງານ ແລະຜູ້ອອກແຮງງານລາວໜັກໜ່ວງສົມຄວນເພາະຕ້ອງໄດ້ໂຈະກິດຈະການຊົ່ວຄາວໃນໄລຍະເດືອນເມສາ-ຕົ້ນເດືອນພຶດ ສະພາ 2020 ເຮັດໃຫ້ກະທົບເຖິງການຈ້າງງານ ແລະ ເຮັດໃຫ້ກຳມະກອນກໍ່ຄືຜູ້ອອກແຮງ ງານບໍ່ມີວຽກເຮັດ ແລະຂາດລາຍໄດ້,ປະຈຸບັນກົມຄຸ້ມຄອງແຮງງານຍັງບໍ່ສາມາດເກັບກໍາຂໍ້ມູນໄດ້ຢ່າງລະອຽດເທື່ອ ກ່ຽວ ກັບຈຳນວນຫົວໜ່ວຍແຮງງານ ແລະຜູ້ອອກແຮງງານທີ່ໄດ້ຮັບຜົນກະທົບໃນທົ່ວປະເທດ, ສ່ວນການຊ່ວຍເຫຼືອກຳມະກອນກໍ່ຄືຜູ້ອອກແຮງງານທີ່ໄດ້ຮັບຜົນກະທົບຈາກການລະບາດຂອງພະຍາດໂຄວິດ-19 ລັດຖະບານຍັງບໍ່ມີຂໍ້ຕົກລົງ ຫຼືແຈ້ງການໄດ້ອອກມາເທື່ອ.

ຫົວໜ້າກົມຄຸ້ມຄອງແຮງງານ, ກະຊວງແຮງງານ ແລະສະຫວັດດີການ ສັງຄົມຮຽກຮ້ອງມາຍັງຫົວໜ່ວຍແຮງງານໃນທົ່ວປະເທດຢ່າສວຍໂອກາດທີ່ເກີດການລະບາດຂອງພະຍາດໂຄວິດ- 19 ເປັນການຍົກເລີກສັນຍາແຮງງານແບບຖາວອນເພື່ອຫຼີກຫຼ່ຽງການຈ່າຍຄ່າແຮງງານໃຫ້ຜູ້ອອກແຮງງານເພາະເປັນການຜິດຕໍ່ກົດໝາຍແຮງງານທີ່ລັດຖະບານວາງອອກ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading

ຂ່າວພາຍໃນ

ລ່າສຸດ! ລາຄານ້ຳມັນ +1.010ກີບ/ລິດ ກາຊວນ +420ກີບ/ລິດ

Published

on

By

ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/01/2023 ຕາມແຈ້ງການຈາກ ກຊ ອຸດສະຫະກຳແລະການຄ້າ

ເລກທີ 0056/ອຄ ລົງວັນທີ 18 ມກ 2023.

Continue Reading

ຂ່າວພາຍໃນ

ດ່ວນ! ແຈ້ງການຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາ ຕົວແທນຂອງທະນາຄານທຸລະກິດ ທົ່ວປະເທດ

Published

on

By

– ອີງຕາມກົດຫມາຍວ່າດ້ວຍທະນາຄານທຸລະກິດ (ສະບັບປັບປຸງ) ສະບັບເລກທີ 56/ສພຊ, ລົງວັນທີ 07 ທັນວາ 2018;

– ອີງຕາມກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15 /ສພຊ, ລົງວັນທີ 07 ກໍລະກົດ 2022;

– ອີງຕາມຂໍ້ຕົກລົງວ່າດ້ວຍການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022;

ອີງຕາມແຈ້ງການກ່ຽວກັບການຫັນຮ້ານແລກປ່ຽນເງິນຕາໄປເປັນຕົວແທນຂອງທະນາຄານທຸລະກິດ ສະບັບເລກທີ 111/ທຫລ, ລົງວັນທີ 12 ສິງຫາ 2021.

ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທະນາຄານທຸລະກິດ ແລະ ຮ້ານແລກປ່ຽນເງິນຕາຕົວ ແທນ ຊາບວ່າ: ເພື່ອເປັນການຜັນຂະຫຍາຍກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບ ເລກທີ 15/ສພຊ, ລົງວັນທີ 7 ກໍລະກົດ 2022, ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງວ່າດ້ວຍການບໍລິການ ແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022 ເພື່ອປ່ຽນແທນສອງຂໍ້ຕົກລົງຄື: ຂໍ້ຕົກລົງວ່າ ດ້ວຍທຸລະກິດແລກປ່ຽນເງິນຕາ ສະບັບເລກທີ 393/ທຫລ, ລົງວັນທີ 02 ກໍລະກົດ 2020 ແລະ ຂໍ້ຕົກລົງວ່າດ້ວຍການ ບໍລິການແລກປ່ຽນເງິນຕາຂອງທະນາຄານທຸລະກິດ ແລະ ຮ້ານແລກປ່ຽນເງິນຕາຕົວແທນ ສະບັບເລກທີ 449/ທຫລ, ລົງວັນທີ 14 ມິຖຸນາ 2022.

ໃນນີ້, ຂໍ້ຕົກລົງວ່າດ້ວຍການບໍລິການແລກປ່ຽນເງິນຕາສະບັບດັ່ງກ່າວໄດ້ກໍານົດໃຫ້ ທະນາຄານທຸລະກິດ ທີ່ຕັ້ງຢູ່ ສປປ ລາວ ເທົ່ານັ້ນ ສາມາດໃຫ້ບໍລິການແລກປ່ຽນເງິນຕາ. ສະນັ້ນ, ເພື່ອຈັດຕັ້ງປະຕິບັດໃຫ້ ສອດຄ່ອງກັບບັນດານິຕິກໍາທີ່ມີຜົນສັກສິດໃນປັດຈຸບັນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງບັນດາທະນາຄານທຸລະ ກິດ ແລະ ຮ້ານແລກປ່ຽນເງິນຕາຕົວແທນ ດັ່ງນີ້:

1. ທະນາຄານແຫ່ງ ສປປ ລາວ ຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທັງໝົດ 113 ຮ້ານ ທີ່ຂຶ້ນກັບ 6 ທະນາຄານທຸລະກິດ;

2. ໃຫ້ທະນາຄານທຸລະກິດທີ່ມີຮ້ານແລກປ່ຽນເງິນຕາຕົວແທນຂຶ້ນກັບ ຢຸດເຊົາການຕໍ່ອາຍຸສັນຍາ ແລະ ຍົກເລີກ ສັນຍາຕົວແທນບໍລິການແລກປ່ຽນເງິນຕາກັບຮ້ານແລກປ່ຽນເງິນຕາຕົວແທນຂອງຕົນທັງໝົດ,

ດໍາເນີນການປິດບັນຊີເງິນຝາກທີ່ອອກຊື່ຮ້ານແລກປ່ຽນເງິນຕາຕົວແທນ ຢູ່ທະນາຄານທຸລະກິດທີ່ກ່ຽວຂ້ອງ, ນໍາສົ່ງບົດບັນທຶກ ການຍົກເລີກສັນຍາການເປັນຕົວແທນແລກປ່ຽນເງິນຕາ ລະຫວ່າງ ທະນາຄານທຸລະກິດ ແລະ ຮ້ານແລກປ່ຽນ ເງິນຕາຕົວແທນ ພ້ອມທັງໜັງສືອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທີ່ ຂຶ້ນກັບທະນາຄານທຸລະກິດຕົນ ສົ່ງຄືນໃຫ້ແກ່ກົມນະໂຍບາຍເງິນຕາ ຫຼື ສາຂາທະນາຄານແຫ່ງ ສປປ ລາວ ປະຈໍາ ພາກ ທີ່ກ່ຽວຂ້ອງ ພາຍໃນວັນທີ 31 ມັງກອນ 2023;

3. ທະນາຄານທຸລະກິດທີ່ມີຈຸດປະສົງຕ້ອງການສ້າງຕັ້ງໜ່ວຍແລກປ່ຽນເງິນຕາ ແມ່ນໃຫ້ປະຕິບັດຕາມຂໍ້ຕົກລົງວ່າດ້ວຍ ການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022.

Continue Reading
ເດືອນມັງກອນ 2023
ເສົາ ​ອາ ​ຈ ​ພ​ຫ ​ສ
 123456
78910111213
14151617181920
21222324252627
28293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້