ປິດການສັນຈອນຊົ່ວຄາວ 13-15 ມັງກອນ ຖະໜົນໄກສອນພົມວິຫານ ແລະ ເສັ້ນທາງອ້ອມຮອບຫໍປະຊຸມ – ສື່ລາວ.ຄອມ
Connect with us

ຂ່າວພາຍໃນ

ປິດການສັນຈອນຊົ່ວຄາວ 13-15 ມັງກອນ ຖະໜົນໄກສອນພົມວິຫານ ແລະ ເສັ້ນທາງອ້ອມຮອບຫໍປະຊຸມ

Published

on

ໃນວັນທີ 12 ມັງກອນນີ້, ທ່ານ ພັທ ສັງຄົມ ພົມມະລາດ ຮອງຫົວໜ້າພະແນກຈະລາຈອນ ນະຄອນຫລວງວຽງຈັນ ໄດ້ແຈ້ງມາຍັງຜູ້ໃຊ້ລົດໃຊ້ຖະໜົນໃຫ້ຊາບວ່າ: ໃນວັນທີ 13-15 ມັງກອນ ຈະປິດການສັນຈອນຖະໜົນໄກສອນພົມວິຫານ ແລະ ເສັ້ນທາງອ້ອມຮອບຫໍປະຊຸມແຫ່ງຊາດຫລັກ 6 ຊົ່ວຄາວ, ເພື່ອຄວາມສະດວກໃຫ້ແກ່ການດຳເນີນກອງປະຊຸມໃຫຍ່ຄັ້ງ XI ຂອງ ຂຶ້ນທີ່ຫໍປະຊຸມແຫ່ງຊາດ ໃນວັນທີ 13-15 ມັງກອນນີ້ ເພື່ອຈັດສັນເສັ້ນທາງໃຫ້ເປັນລະບຽບຮຽບຮ້ອຍ ແລະ ຮັບປະກັນຄວາມປອດໄພ.

ທາງຫໍປະຊຸມແຫ່ງຊາດ, ຖະໜົນທີ່ຕັດຜ່ານດ້ານໜ້ານີ້ ແມ່ນຖະໜົນ ໄກສອນ ພົມວິຫານ, ຖ້າໄປຊື່ ກໍຈະເຖິງໄຟອໍານາດດົງໂດກ, ໄຟອໍານາດຮ່ອງແຊງ (ບ.ໂພນເຄັງ), ຖ້າໄປຊື່ ກໍຈະເຖິງປະຕູໄຊ, ວົງວຽນ ສະຖານີໂທລະພາບແຫ່ງຊາດລາວ, ວົງວຽນໜອງໜ່ຽງ, ສໍາລັບຖະໜົນ ໄກສອນ ພົມວິຫານ ແຕ່ປະຕູໄຊ ເຖິງສີ່ແຍກໄຟອໍານາດດົງໂດກ ຈະໄດ້ປິດການສັນຈອນຊົ່ວຄາວ,​ເປັນ​ບາງ​ເວລາ ແລະ​​ ເສັ້ນທາງ ໃນເຂດ​ອ້ອມ​ຮອບຫໍ​ປະຊຸມ​ແຫ່ງ​ຊາດ ກໍ່ຈະໄດ້ປິດການສັນຈອນ ເຊັ່ນດຽວກັນ, ສ່ວນທາງ

ເວັ້ນ ແມ່ນໃຫ້ນໍາໃຊ້ເສັ້ນທາງຄູ່ຂະໜານກັບຖະໜົນ ໄກສອນ ພົມວິຫານ, ແຕ່ໜ້າ ມຊ-ບ້ານ ຄໍາຮຸ່ງ-ໂຮງໝໍ 150 ຕຽງ-ບ້ານສີບຸນເຮືອງ ຫລື ສາມາດນໍາໃຊ້ເສັ້ນທາງ,ແຕ່ 4 ແຍກຕານມີໄຊ – ຕະຫລາດຫ້ວຍຫົງ-ບ້ານ ດົງປ່າແຫຼບ – ຕະຫລາດທົ່ງຂັນຄໍາ ແລະ ເສັ້ນທາງອື່ນໆອີກ.ເນື່ອງຈາກທາງ​ການມີ​ຄວາມ​ຈໍາ​ເປັນຕ້ອງໄດ້​ນໍາ​ໃຊ້​ເສັ້ນທາງ, ເພື່ອອໍານວຍຄວາມສະດວກ ໃຫ້ແກ່ກອງປະຊຸມ, ຈຶ່ງ​ຂໍ​ຄວາມ​ຮ່ວມ​ມືນໍາບັນດາທ່ານຄື:1.ຂໍໃຫ້ທ່ານ ເລືອກໃຊ້ເສັ້ນທາງອື່ນ ທີ່ຄູ່ຂະໜານກັນ ກັບຖະໜົນ

ໄກສອນ ພົມວິຫານ ແທນເປັນການຊົ່ວຄາວ , 2.ຫ້າມລົດບັນທຸກ ສັນຈອນຢູ່ຕາມເສັ້ນທາງ ສາຍສໍາຄັນຕ່າງໆ ຕາມປະກາດແຈ້ງການ ຂອງພະແນກ ໂຍທາທິ , 3.ຫ້າມລົດກູ້ຊີບ – ກູ້ໄພ ເຂົ້າມາສັນຈອນຢູ່ຕາມ ຖະໜົນໄກສອນ ພົມວິຫານ ແລະ ນັບແຕ່ເວລາ 18 ໂມງ 00 ເປັນຕົ້ນໄປ ແມ່ນຫ້າມໃຊ້ສຽງຫວໍ, ໃຫ້ນໍາໃຊ້ລະບົບໄຟສັນຍານເທົ່ານັ້ນ, ໃຫ້ປະຕິບັດຕາມເອກະສານແນະນໍາຢ່າງເຂັ້ມງວດ.ເພື່ອອໍານວຍຄວາມສະດວກໃຫ້ແກ່ກອງປະຊຸມໃນຄັ້ງນີ້, ຈຶ່ງໄດ້ຈັດກໍາລັງຕໍາຫລວດຈະລາຈອນ ຈໍານວນ

308 ສະຫາຍ, ລົງໄປປະຈໍາການຢູ່ຕາມເສັ້ນທາງ, ຈຸດທີ່ສໍາຄັນຕ່າງໆ ທົ່ວນະຄອນຫຼວງວຽງຈັນ 77 ຈຸດ, ໃນນີ້ເຂດອ້ອມຮອບຫໍປະຊຸມແຫ່ງຊາດ ມີ 19 ຈຸດ, ເຂດວົງນອກຫໍປະຊຸມ ມີ 34 ຈຸດ,ຈຸດປະຈໍາການຄອຍເຫດ 10 ຈຸດ,ຈຸດກວດກາການສັນຈອນ 10 ຈຸດ, ດ່ານເຂົ້າ – ອອກເມືອງ ມີ 4ຈຸດ,ພວກຂ້າພະເຈົ້າ ຈະຄວບຄຸມ ລະບາຍການສັນສັນຈອນ ແລະ ເຮັດວຽກງານບັງຄັບໃຊ້ກົດໝາຍຢ່າງເຂັ້ມງວດ ຕະຫຼອດ 24 ຊົ່ວໂມງ.

ດັ່ງນັ້ນ,ຂ້າພະເຈົ້າຈຶ່ງຂໍຮຽກຮ້ອງ ໃຫ້ບັນດາທ່ານ ຈົ່ງໃຊ້ລົດໃຊ້ຖະໜົນ ດ້ວຍຄວາມມີສະຕິສູງ, ໃຫ້ເອົາໃຈໃສ່ປະຕິບັດຕາມກົດລະບຽບຈະລາຈອນ ແລະ ການສັນຍານຂອງເຈົ້າໜ້າທີ່ ທີ່ເຮັດວຽກຢູ່ຕາມສາຍທາງ ຢ່າງເຂັ້ມງວດ.

Continue Reading

ຂ່າວພາຍໃນ

ລັດຖະມົນຕີ ເວົ້າເດັດຂາດ ຈະເຄັ່ງຄັດ ຄວາມປອດໄພຂຶ້ນເຕື່ມ

Published

on

By

ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີກະຊວງປ້ອງກັນ ຄວາມສະຫງົບ ລົງ ເຄື່ອນໄຫວຊີ້ນໍາວຽກງານປ້ອງກັນຄວາມສະຫງົບ ຢູ່ເຂດເສດຖະກິດ ພິເສດສາມຫຼ່ຽມ-ຄໍາ ພ້ອມເນັ້ນຢໍ້າໃຫ້ພາກສ່ວນ ທີ່ກ່ຽວຂ້ອງ ໃຫ້ຄວາມ ສໍາຄັນກັບວຽກງານຄວາມສະຫງົບໃນຂົງເຂດ ດັ່ງກ່າວຫຼາຍຂຶ້ນ.

ໃນວັນທີ 28 ມັງກອນ 2023, ທ່ານ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບ ຢູ່ເຂດເສດຖະກິດພິເສດ ເມືອງຕົ້ນເຜີ້ງ ແຂວງບໍ່ ແກ້ວ,

ໂດຍການຕ້ອນຮັບຂອງ ທ່ານ ຈ້າວເຫີວຍ ປະທານສະພາຜູ້ ບໍລິຫານເຂດເສດຖະກິດພິເສດ ສາມຫຼ່ຽນຄໍາແຂວງບໍ່ແກ້ວ, ມີບັນດາ ການນໍາພັກແຂວງ, ຫົວຫນ້າ-ຮອງຫົວຫນ້າຫ້ອງວ່າການແຂວງ, ເຈົ້າເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະພັກ, ຄະນະຄຸ້ມຄອງເຂດເສດຖະກິດພິເສດ ເຂົ້າຮ່ວມ.

ໂອກາດດັ່ງກ່າວ ທ່ານ ພົອ ວິໄລ ກໍໄດ້ມີຄໍາເຫັນໂອ້ລົມຊີ້ນໍາຕໍ່ ຄະນະ ຄຸ້ມຄອງເຂດເສດຖະກິດພິເສດ ຈົ່ງພ້ອມກັນພັດທະນາເຂດເສດຖະກິດ ພິເສດໃຫ້ກາຍເປັນຕົວເມືອງທີ່ທັນສະໄຫມ, ມີພື້ນຖານເສດຖະກິດທີ່ເຂັ້ມ ແຂງ, ສັງຄົມມີຄວາມສີວິໄລຍຸຕິທໍາ, ເປັນສູນການຄ້າ-ການລົງທຶນ,ສາມາດກາຍເປັນແຫຼ່ງທ່ອງທ່ຽວລະດັບອາຊຽນ.

ພິເສດແມ່ນໃຫ້ມີຄວາມ ສະຫງົບ, ມີຄວາມປອດໄພ, ແຕ່ສິ່ງສໍາຄັນຕ້ອງຕິດພັນກັບ ຮ່ອງຮ້ອຍ ປະຫວັດສາດ, ຮີດຄອງວັດທະທໍາອັນເກົ່າແກ່ ແລະ ສ້າງໃຫ້ເຂດດັ່ງກ່າວ ກາຍເປັນການຄຸ້ມຄອງບໍລິຫານຕາມກົນໄກ ຕາມຫົວຫນ່ວຍບໍລິຫານໃນ ເງື່ອນໄຂເສດຖະກິດ ມີການເຕີຍໃຫຍ່ຂະຫຍາຍຕົວ, ເຂດພິເສດ ຕ້ອງໄດ້ ຍົກລະດັບການຄຸ້ມຄອງໃຫ້ສູງຂຶ້ນ

ໂດຍມອບໃຫ້ສູນກາງປະສານສົມທົບ ກັບທ້ອງຖິ່ນ ພ້ອມກັນຈັດຕັ້ງປະຕິບັດ, ສ້າງເປັນຫນ່ວຍງານຫນຶ່ງຄຸ້ມຄອງ ບໍລິຫານເຂດພິເສດ ເພື່ອແກ້ໄຂສະພາບທີ່ເກີດຂຶ້ນໃຫ້ທັນເວລາ ເພື່ອໃຫ້ ກາຍເປັນເມືອງທີ່ມີຄວາມສະຫງົບ, ທັນສະໄຫມ, ເປັນບ່ອນພັກຜ່ອນ, ທີ່ມີ ຄວາມເປັນລະບຽບຮຽບຮ້ອຍ, ສະຫງົບປອດໄພ, ກາຍເປັນເຂດພິເສດທີ່ ເປັນເຂດຕົວແບບ ແລະ ຄຸ້ມຄອງໃຫ້ມີປະສິດທິຜົນທີ່ດີຂຶ້ນກວ່າເກົ່າ.

ໂດຍໃນປີ 2022 ທີ່ຜ່ານມາ ສໍາລັບວຽກງານ ປ້ອງກັນຄວາມສະຫງົບ ໃນ ເຂດເສດຖະກິດພິເສດ ສາມຫຼ່ຽມຄໍາ ໄດ້ມີປະກົດການຫຍໍ້ທໍ້ເກີດຂຶ້ນ ທັງຫມົດ 153 ເລື່ອງ, x`ແກ້ໄຂໄດ້ທັງຫມົດ 107 ເລື່ອງ, ສົ່ງໃຫ້ ປກສ ແຂວງ ດໍາເນີນ 27 ເລື່ອງ ແລະ ຄະດີພວມດໍາເນີນແກ້ໄຂມີ 19 ເລື່ອງ.

ທີ່ມາ: ວຽງຈັນທາຍ

Continue Reading

ຂ່າວພາຍໃນ

ຮູ້ແລ້ວ ຍ້ອນສາເຫດນີ້ ຍິ ງ ກັນຕ າ ຍ 2 ຄົນເມືອງປາກງື່ມ

Published

on

By

ຂໍສະແດງຄວາມເສຍໃຈນຳຍາດຜູ້ເສຍຊີວິດ ເຫດ ຍິ ງ ກັ ນທີ່ເມືອງປາກງື່ມ.

ຕາມການລາຍງານຂອງ ໜ່ວຍກູ້ໄພອາສາເພື່ອປະຊາຊົນ ໃຫ້ຮູ້ວ່າ ໃນວັນທີ 1/2/2023 ເວລາ 13:30 ນາທີ ມີຄົ ນ ຍິ ງ ກັ ນເສຍຊີວິດ

ຈຸດເກີດເຫດທີ່ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ.ໃນບໍລິເວນເກີດເຫດ ມີຜູ້ປະສົບເຫດ2ຄົນເພດຊາຍ, ຜູ້ທີ່ 1 ເພດຍິງ ຖື ກ ຍິ ງ ເສຍຊີວິດຄາທີ່ ແລະ ຜູ້ທີ 2 ເພດຊາຍ ເສຍຊີວິດຢູ່ໂຮງໝໍ.

ປັດຈຸບັນເຈົ້າໜ້າທີ່ກຳລັງກວດສອບ ຖ້າມີຂໍ້ມູນເພີ່ມເຕີມຈະລາຍງານໃນພາຍຫຼັງ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້