ນັບແຕ່ມື້ສ້າງມາຮອດປັດຈຸບັນ ເຫດອຸບັດເຫດ 30​ຄັ້ງ​ ເສຍຊີວິດ​ 16​ຄົນ – ສື່ລາວ.ຄອມ
Connect with us

ຂ່າວອຸປະຕິເຫດ

ນັບແຕ່ມື້ສ້າງມາຮອດປັດຈຸບັນ ເຫດອຸບັດເຫດ 30​ຄັ້ງ​ ເສຍຊີວິດ​ 16​ຄົນ

Published

on

ນັບແຕ່ມື້ສ້າງເສັ້ນທາງດ່ວນນະຄອນຫຼວງວຽງຈັນ-ວັງວຽງ ມາຮອດປັດຈຸບັນ ມີອຸບັດຕິເຫດເກີດຂຶ້ນ 30 ຄັ້ງ ນັບແຕ່ມື້ເລີ່ມກໍ່ສ້າງເສັ້ນທາງດ່ວນ ນະຄອນຫຼວງວຽງຈັນ-ວັງວຽງ ແຕ່ວັນທີ 4 ເມສາ 2018 ຫາ ວັນທີ 23 ທັນວາ 2020, ມີອຸບັດຕິເຫດເກີດຂຶ້ນທັງໝົດ 30 ຄັ້ງ ເຮັດໃຫ້ມີຜູ້ຊີວິດ 16 ຄົນ ແລະ ສ້າງຜົນເສຍຫາຍເປັນຈໍານວນຫຼາຍ.

ພັອ ກົງສີ ສຸວັນນະຕຸ້ມ ຫົວໜ້າກົມຕໍາຫຼວດຈະລາຈອນ ກົມໃຫຍ່ຕໍາຫຼວດ ຖະແຫຼງຕໍ່ນັກຂ່າວ ປກສ ໃນວັນທີ 29 ທັນວາ 2020 ວ່າ: ນັບແຕ່ມື້ເລີ່ມກໍ່ສ້າງເສັ້ນທາງດ່ວນນະຄອນ ຫຼວງວຽງຈັນ-ວັງວຽງ ເຖິງທ້າຍເດືອນທັນວານີ້ ມີອຸບັດຕິເຫດເກີດຂຶ້ນ 30 ຄັ້ງ, ສົ່ງຜົນເຮັດໃຫ້ພາຫະນະເປ່ເພ ທັງໝົດ 60 ຄັນ; ໃນນີ້, ເປ່ເພເລັກໜ້ອຍ 17 ຄັນ, ເປ່ເພສົມຄວນ 43 ຄັນ ແລະ ສົ່ງຜົນເຮັດໃຫ້ມີຜູ້ເສຍຊີວິດທັງໝົດ 16 ຄົນ;

ສະເພາະຢູ່ເຂດເມືອງນາຊາຍທອງ ນະຄອນຫຼວງວຽງຈັນ ມີອຸບັດຕິເຫດເກີດຂຶ້ນ 11 ຄັ້ງແລະ ມີຜູ້ເສຍຊີວິດ 6 ຄົນ; ສ່ວນແຂວງວຽງ ຈັນ ຢູ່ເຂດເມືອງໂພນໂຮງ ມີອຸບັດຕິເຫດ ເກີດຂຶ້ນທັງໝົດ 13 ຄັ້ງ ແລະ ມີຜູ້ເສຍຊີວິດ 8 ຄົນ; ຢູ່ເຂດເມືອງຫີນເຫີບ ມີອຸບັດຕິເຫດເກີດຂຶ້ນທັງໝົດ 3 ຄັ້ງ ແລະ ມີຜູ້ເສຍຊີວິດ 1 ຄົນ; ຢູ່ເຂດເມືອງວັງວຽງ ມີອຸບັດຕິເຫດເກີດຂຶ້ນທັງໝົດ 3 ຄັ້ງ ແລະ ມີຜູ້ເສຍຊີວິດ 1 ຄົນ.

ນັບແຕ່ມື້ເປີດເສັ້ນທາງດ່ວນນະຄອນຫຼວງວຽງຈັນ-ວັງວຽງ ໃນວັນທີ 20-23 ທັນວາ 2020, ມີອຸບັດຕິເຫດເກີດຂຶ້ນແລ້ວທັງໝົດ 4 ຄັ້ງ, ພາຫະນະເປ່ເພທັງໝົດ 5 ຄັນ; ໃນນີ້, ເກີດຢູ່ເມືອງນາຊາຍທອງ 1 ຄັ້ງ, ພາຫະນະເປ່ເພເລັກໜ້ອຍ 1 ຄັນ, ເປ່ເພສົມຄວນ 1 ຄັນ; ເກີດຢູ່ເມືອງໂພນໂຮງ 3 ຄັ້ງ, ພາຫະນະເປ່ເພເລັກໜ້ອຍ 1 ຄັນ, ເປ່ເພສົມຄວນ 2 ຄັນ. ຫົວໜ້າກົມຕໍາຫຼວດຈະລາຈອນ ກ່າວຕື່ມອີກວ່າ:

ສາເຫດຫຼັກທີ່ພາໃຫ້ເກີດອຸບັດຕິເຫດເກີດ ຂຶ້ນຢູ່ເສັ້ນທາງດ່ວນນັ້ນ ແມ່ນເກີດຈາກຫຼາຍປັດໄຈ ເປັນຕົ້ນແມ່ນເກີດຈາກຕົວຂອງຜູ້ຂັບຂີ່ເອງທີ່ບໍ່ປະຕິບັດ ແລະ ເຄົາລົບກົດລະບຽບຈະລາຈອນ ໂດຍຂັບຂີ່ດ້ວຍຄວາມໄວເກີນທາງ ການກຳນົດໄວ້, ຂັບຂີ່ລົດບໍ່ໃຫ້ກຽດເຊົ່ງກັນແລະກັນ, ຜູ້ຂັບຂີ່ຍັງບໍ່ທັນຮັບຮູ້ ແລະ ເຂົ້າໃຈກ່ຽວກັບຊ່ອງທາງຈະລາຈອນ. ນອກນີ້, ຍັງເກີດຈາກສະພາບເເວດລ້ອມ, ເກີດຈາກສັດ ທີ່ລິດລອດເຂົ້າໄປໃນເສັ້ນທາງດ່ວນແລ້ວພາໃຫ້ເກີດອຸບັດຕິເຫດຕາມມາ.

ທີ່ມາ: ປກສ.​ນວ

Continue Reading

ຂ່າວອຸປະຕິເຫດ

ສຸດເສົ້າ! ລົດພ່ວງເສຍຫຼັກ ຕົກເຫວລຶກ ບໍ່ຊາບຊະຕາກຳຄົນຂັບ

Published

on

By

ເກີດເຫດລົດພ່ວງຕົກເຫວ ຢູ່ໂຄ້ງປາບຊຽນ “ຊຽງມີ ”

ແຂວງໄຊສົມບູນ ໃນວັນທີ 18 ມັງກອນ 2023 ທີ່ຜ່ານມາ

ເຊິ່ງຍັງບໍ່ມີລາຍງານຜູ້ບາດເຈັບເທື່ອ ແຕ່ຈັ່ງໃດກໍຄ່ອຍໄປຄ່ອຍມາແດ່ພີ່ນ້ອງ

…..

Continue Reading

ຂ່າວອຸປະຕິເຫດ

ຈິດໃຈ! ເຮັດດ້ວຍຫຍັງ ຖິ້ມເດັກນ້ອຍແລກເກີດ ໄວ້ແຄມທາງ

Published

on

By

ໃນວັນທີ 18/01/2023 ເວລາ21:00PM ໄດ້ຮັບແຈ້ງເຫດຈາກປະຊາຊົນຜ່ານເບີ 081 1625 ວ່າມີທາລົກຖືກຖີ້ມ(ເດັກນ້ອຍແລກເກີດ)ທີ່ບ້ານ ດອນແກ້ວ ເມືອງໄຊ ແຂວງອຸດົມໄຊ.

ເມື່ອໜ່ວຍກູ້ໄພສຸກເສີນອົງການກາແດງແຂວງອຸດົມໄຊໄປເຖິງສະຖານທີ່ເກີດເຫດ ພົບເຫັນທາລົກ 01 ຄົນ ເປັນເພດຊາຍ ແຂງແຮງດີ. (ບໍ່ມີເອກະສານຂໍ້ມູນບົ່ງບອກຕົວຕົນ).

…….

ຕອນນີ້ໄດ້ມີຜູ້ອຸປະຖຳຮັບເດັກນ້ອຍໄປລ້ຽງແລ້ວ

ດັ່ງນັ້ນ: ໜ່ວຍກູ້ໄພສຸກເສີນອົງການກາແດງແຂວງອຸດົມໄຊຈຶ່ງໄດ້ນຳສົ່ງໂຮງຫມໍແຂວງອຸດົມໄຊ

ພົບເຫັນອຸບັດຕິເຫດ ຫຼື ເຈັບປ່ວຍສຸກເສີນ

081 1625

081 312391

ບໍລິການຕະຫຼອດ 24ຊົ່ວໂມງ

ທ່ານໃດຢາກຊ່ວຍເຫຼືອໜ່ວຍກູ້ໄພສາມາດບໍລິຈາກເຄື່ອງອຸປະຖຳຕ່າງໆເຊັ່ນ: ນ້ຳດື່ມ, ເຂົ້າສານ, ອາຫານການກີນ, ນ້ຳມັນລົດ, ອຸປະກອນການແພດ.

ຜ່ານບັນຊີຂອງໜ່ວຍກູ້ໄພສຸກເສີນ ອົງການກາແດງແຂວງອຸດົມໄຊໄດ້ ຫຼື ທີ່ສູນກູ້ໄພ ບ້ານ… ເມືອງໄຊ ເມືອງອຸດົມໄຊ.

Continue Reading

ຂ່າວອຸປະຕິເຫດ

ການບິນລາວ ຖະແຫຼງການເພື່ອຄວາມເຂົ້າໃຈທີ່ຖືກຕ້ອງ ກໍລະນີ ເຮືອບິນ Lao airline ຕຳກັບ Air premia

Published

on

– ໃນວັນທີ 19 ທັນວາ 2022, ຕາມທີ່ສື່ສັງຄົມອອນລາຍໄດ້ລາຍງານວ່າໄດ້ເກີດເຫດເຮືອບິນຕໍາກັນ ລະຫວ່າງສາຍການບິນລາວ(Lao Airlines) ກັບ Air Premia ຢູ່ສະໜາມບິນອິນຊອນ, ສ.ເກົາຫຼີ.

– ຕໍ່ກັບການລາຍງານຂ່າວດັ່ງກ່າວ, ລັດວິສາຫະກິດການບິນລາວຂໍຖືເປັນກຽດແຈ້ງໃຫ້ບັນດາທ່ານຊາບວ່າ: ຄວາມຈິງຂອງເຫດການດັ່ງກ່າວແມ່ນເຮືອບິນຂອງການບິນລາວຖ້ຽວບິນ QV924 ເຊິ່ງຈະເດີນທາງຈາກສະໜາມບິນສາກົນອິນຊອນມາຍັງສະໜາມບິນສາກົນວັດໄຕນະຄອນຫຼວງວຽງຈັນ ໄດ້ຖືກເກາະເອົາຫາງເສືອ (Vertical Stabilizer) ຈາກເຮືອບິນລໍາອື່ນ(Air Premia) ໃນຂະນະທີ່ພະນັກງານພາກພື້ນດິນຂອງສະໜາມບິນອິນຊອນ ກໍາລັງລາກແກ່ (Pushback) ເຮືອບິນຂອງ Air Premia ຢູ່ເສັ້ນທາງເຄື່ອນຍ້າຍ, ໃນລະຫວ່າງນັ້ນເຮືອບິນຂອງ ການບິນລາວກໍາລັງລໍຖ້າຂັບເຄື່ອນໄປຫາທາງແລ່ນຂຶ້ນ 34R (Runway34R) ຕາມການບັນຊາຂອງຫໍບັງຄັບການບິນ.ເຊິ່ງເຫດການນີ້ບໍ່ໄດ້ມີການບາດເຈັບຂອງຜູ້ໂດຍສານ ຫຼື ພະນັກງານແຕ່ຢ່າງໃດ ນອກຈາກຄວາມເສຍຫາຍຂອງເຮືອບິນ.

ຕໍ່ເຫດການດັ່ງກ່າວ, ລັດວິສາຫະກິດການບິນລາວ ໄດ້ດໍາເນີນການດັ່ງນີ້:
1. ລັດວິສາຫະກິດການບິນລາວ ໄດ້ຮັບຜິດຊອບຕໍ່ຜູ້ໂດຍສານ ໂດຍໄດ້ຈັດຫາສະຖານທີ່ພັກ (ໂຮງແຮມ), ອາຫານ ແລະ ຈັດເຮືອບິນຖ້ຽວພິເສດ ໃນເວລາ 16:00 ຂອງວັນທີ 19 ທັນວາ 2022 ເພື່ອບິນໄປຮັບເອົາຜູ້ໂດຍສານມານະຄອນຫຼວງວຽງຈັນ;
2. ລັດວິສາຫະກິດການບິນລາວ ໄດ້ແຕ່ງຕັ້ງຄະນະສະເພາະກິດຂຶ້ນ ເພື່ອຮັບຜິດຊອບທາງດ້ານເຕັກນິກ ແລະ ປະກັນໄພ ໂດຍປະຕິບັດຕາມລະບຽບຕາມຂໍ້ກໍານົດຂອງ ກົມການບິນພົນລະເຮືອນ ແຫ່ງ ສປປ ລາວ ແລະ ຂໍ້ກໍານົດຂອງອົງການໆບິນພົນລະເຮືອນລະຫວ່າງປະເທດ (ICAO).
3. ພ້ອມດຽວກັນນີ້, ລັດວິສາຫະກິດການບິນລາວ ໄດ້ປະສານງານກັບ ບໍລິສັດປະກັນໄພ ເພື່ອໃຫ້ຮັບຜິດຊອບຕາມພັນທະສັນຍາຂອງເຂົາເຈົ້າ.

Continue Reading
ເດືອນມັງກອນ 2023
ເສົາ ​ອາ ​ຈ ​ພ​ຫ ​ສ
 123456
78910111213
14151617181920
21222324252627
28293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້