ໃຊ້ງູເຫົ່າເຂົ້າໄປກັດເມຍໃນຫ້ອງນອນ ຊາຍອິນເດຍ ຜູ້ຕ້ອງຫາຄາດຕະກຳ

ເອັນດີທີວີ ສື່ດັງຂອງອິນເດຍ ລາຍງານວ່າ ຕຳຫຼວດລັດເກຣລະ ທາງພາກໃຕ້ຈັບກຸມທ່ານສຸລັດ ອາຍຸ 27 ປີ ຜູ້ຕ້ອງຫາຄາດຕະກຳພັນລະຍາດ້ວຍການໃຊ້ງູເຫົ່າເຂົ້າໄປກັດໃນຫ້ອງນອນຂະນະທີ່ພັນລະຍາຫລັບຢູ່ ຫລັງຈາກໃຊ້ຕົວແລກຈັດການແລ້ວພັນລະຍາຍັງບໍ່ຕາຍ

ທ່ານຕຳຫຼວດໂສກ ກຸມານ ເຜີຍຜົນການສອບສວນວ່າທ່ານສຸລັດຕິດຕໍ່ກັບຄົນຈັບງູແລະເບີ່ງວິດີໂອງູທາງອິນເຕີເນັດຢູ່ຕະຫລອດຈົນເມື່ອເດືອນມີນາ ທ່ານສຸລັດໃຊ້ງູແມວເຊົາເຂົ້າໄປກັດພັນລະຍາ ຊື່ງ ນາງອຸທຣາ ເຮັດໃຫ້ພັນລະຍາຕ້ອງເຂົ້າໂຮງຫມໍໄປພັກຮັກສາຢູ່ດົນກວ່າ 2 ເດືອນແຕ່ຍິງສາວຍັງບໍ່ເສຍຊີວິດ

ກະທັ້ງເດືອນພຶດສະພາ ນາງອຸທຣາມາພັກຟື້ນຢູ່ບ້ານພໍ່ແມ່ຂອງຍິງສາວທີ່ເມືອງໂກລລັມ ທ່ານສຸລັດບໍ່ລົ້ມເລິກຄວາມຄິດໄປຊື້ງູເຫົ່າມາອີກແລະໂຍນໃສ່ພັນລະຍາ ຕອນຍິງສາວຫລັບຢູ່ທ່ານສຸລັດຢູ່ຫ້ອງດຽວກັບພັນລະຍາ ເຮັດກັບວ່າບໍ່ມີຫຍັງເກີດຂື້ນ ຈົນແມ່ຂອງຍິງສາວຮ້ອງຂື້ນ ຈື່ງເຮັດເປັນຕື່ນເຂົ້າມາເບີ່ງແລ້ວຊ່ວຍພາພັນລະຍາໄປຫາຫມໍ ແຕ່ທ່ຽວນີ້ຫມໍແຈ້ງວ່າຍິງສາວສິ້ນໃຈແລ້ວ

ພໍ່ແມ່ຂອງນາງອຸທຣາສົງໃສວ່າລູກເຂີຍອາດມີສ່ວນກ່ຽວຂ້ອງກັບການຕາຍຂອງລູກສາວ ເພາະຫລັງຈາກນາງອຸທຣາເສຍຊີວິດໄດ້ບໍ່ເທົ່າໃດມື້ທ່ານສຸລັດກໍ່ເຂົ້າຍຶດສົມບັດຂອງພັນລະຍາຕົນເອງໄປຄອບຄອງ ທັງຫຼຽນທອງຄຳ 100 ຫຼຽນ ລົດຍົນຄັນໃຫ່ມແລະເງີນສົດ 5 ແສນຣູປີ ຫລືປະມານ 2 ແສນບາດ ຕຳຫຼວດເຜີຍວ່າ ທັງສອງມີລູກດ້ວຍກັນ 1 ຄົນ ອາຍຸ 1 ປີ ທ່ານສຸລັດຄິດຖິ້ມພັນລະຍາໄປຫາຍິງອື່ນ ແຕ່ຢ້ານວ່າ ຫາກຢ່າຮ້າງກັນ ຕົນເອງຈະເສຍຊັບສິນເດີມຂອງພັນລະຍາ ຈື່ງຕັດສິນໃຈຂ້າພັນລະຍາເອົາສົມບັດດ້ານທ່ານສຸເຣສ ຄົນຂາຍງູໃຫ້ທ່ານສຸລັດຊື່ງເປັນຫມູ່ກັນ ຖືກຈັບກຸມດຳເນີນຄະດີດ້ວຍ

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້