ທ່ານ ຮາງ ຊວນ ນະລົນ ລັດຖະມົນຕີວ່າການກະຊວງສຶກສາທິການ, ເຍົາວະຊົນ ແລະ ກິລາຂອງກຳປູເຈຍ ເປີດເຜີຍວ່າ: ນາຍົກລັດຖະມົນຕີ ຮຸນເຊນ ມີຄຳສັ່ງໃຫ້ກະຊວງອະນຸມັດໃຫ້ນັກຮຽນ ມ.6 ທຸກຄົນທີ່ກຳລັງຈະເຂົ້າຮັບການທົດສອບແຫ່ງຊາດໃນວັນທີ 11 ມັງກອນປີໜ້າ ເສັງຜ່ານໂດຍອັດຕະໂນມັດໂດຍບໍ່ຕ້ອງສອບເສັງ ເພື່ອປ້ອງກັນການ
ແຜ່ລະບາດຂອງ Covid-19 ແລະ ບໍ່ໃຫ້ນັກຮຽນຕ້ອງກັງວົນວ່າຈະຕິດເຊື້ອລະຫວ່າງເຂົ້າສອບເສັງ.ນອກຈາກນີ້, ຍັງປະກາດໃຫ້ນັກຮຽນ ມ.3 ທີ່ເຂົ້າສອບເສັງໄປແລ້ວເມື່ອວັນທີ 30 ພະຈິກຜ່ານມາ ເສັງຜ່ານໂດຍອັດຕະໂນມັດທຸກຄົນເຊັ່ນກັນ.ຈາກຂໍ້ມູນຂອງກະຊວງສຶກສາທິການ, ເຍົາວະຊົນ ແລະ ກິລາ, ປີນີ້ມີນັກຮຽນ ມ.6 ທັງໝົດ
121.108 ຄົນທີ່ຈະຕ້ອງເຂົ້າຮັບການທົດສອບ, ສ່ວນ ມ.3 ເຂົ້າຮັບການທົດສອບທັງໝົດ 158.717 ຄົນ.ການຕັດສິນໃຈໂຈະການທົດສອບແຫ່ງຊາດເກີດຂຶ້ນຫລັງຈາກກຳປູເຈຍພົບການຕິດເຊື້ອໂຄໂຣນາໄວຣັສໃນປະເທດເປັນຄັ້ງທຳອິດເມື່ອວັນທີ 28 ພະຈິກຜ່ານມາ ໂດຍເປັນສະມາຊິກຄອບຄົວ 6 ຄົນທີ່ອາໄສຢູ່ໃນຊຸມຊົນແຫ່ງໜຶ່ງໃນນະຄອນຫລວງພະນົມເປັນ ແລະ ແຂວງສຽມລຽບ.
