ສຳນັກຂ່າວຫວຽດນາມ ລາຍງານຕອນເຊົ້າຂອງວັນທີ 10 ທັນວານີ້ວ່າ ສານອຸທອນທະຫານສູນກາງຂອງຫວຽດນາມ ໄດ້ຕັດສິນຄະດີ ຫງວຽນວັນຮຽນ ອະດີດຮອງລັດຖະມົນຕີກະຊວງປ້ອງກັນປະເທດ ພ້ອມກັບພວກອີກ 6 ຄົນເຊັ່ນ: ບຸ່ຍຍືຖ່ຽມ, ບຸ່ຍວັນງາ, ດວນແມ່ງຖາວ, ດິງງອກເຫວະ, ເຈິນຈ່ອງຕ້ວນ, ຟາມວັນຢຽດ ໃນຂໍ້ຫາມີພຶດຕິກຳສໍ້ລາດບັງຫຼວງ.ສານອຸທອນຂອງທະຫານສູນກາງຂອງຫວຽດນາມໃຫ້ຮູ້ວ່າ: ໃນໄລຍະປີ 2006-2010 ພວກກ່ຽວໄດ້ຫັນເອົາດິນຂອງກະຊວງປ້ອງກັນປະເທດຮັບຜິດຊອບ ໄປ
ເປັນດິນເສດຖະກິດ ໂດຍບໍ່ສອດຄ່ອງກັບຂໍ້ກົດໝາຍ ແລະ ຜິດຕໍ່ການຊີ້ນຳຂອງກະຊວງປ້ອງກັນປະເທດ.ນາຍທະຫານຊັ້ນພັນເອກ 4 ນາຍເຊັ່ນ: ບຸ່ຍຍືຖ່ຽມ, ບຸ່ຍວັນງາ, ດວານແມ່ງຖາວ ແລະ ເຈິ່ນຈ່ອງຕ້ວນ ເປັນທີ່ປຶກສາໃຫ້ແກ່ກອງທັບອາກາດ ໄດ້ເອົາດິນ 3 ຕອນໃຫ້ບໍລິສັດເອກກະຊົນເຊົ່າໃນນາມເປັນຜູ້ຮ່ວມທຶນ ໂດຍເອົາທີ່ດິນເປັນທຶນ, ທັງໆ ທີ່ດິນ 3 ຕອນດັ່ງກ່າວເປັນດິນຂອງກະຊວງປ້ອງກັນປະເທດຮັບຜິດຊອບ ແລະ ຍັງບໍ່ທັນໄດ້ຫັນປ່ຽນຈຸດປະສົງຂອງການນຳໃຊ້ທີ່ດິນ ໃຫ້ເປັນດິນເສດຖະກິດເທື່ອ.ໂດຍ
ລາຍລະອຽດການລົງໂທດມີດັ່ງນີ້:ສຳລັບກຸ່ມຜູ້ລ່ວງລະເມີດຂໍ້ກຳນົດຄຸ້ມຄອງທີ່ດິນ: ບຸ່ຍຍີຖ່ຽມ(ຊັ້ນພັນເອກ) ຮັບໂທດຈຳຄຸກ 9 ປີ.ບຸ່ຍວັນງາ(ຊັ້ນພັນເອກ) ຮັບໂທດຈຳຄຸກ 8 ປີ.ດວານແມ່ງຖາວ(ຊັ້ນພັນເອກ) ຮັບໂທດຈຳຄຸກ 7 ປີ.ເຈິ່ນຈ່ອງຕ້ວນ( ຊັ້ນພັນເອກ) ຮັບໂທດຈຳຄຸກ 4 ປີ.ຫງວຽນວັນຮຽນ ຮອງລັດຖະມົນຕີກະຊວງປ້ອງກັນປະເທດ ຮັບໂທດຈຳຄຸກ 4 ປີ.ກຸ່ມຕົວະຍົວະຫຼອກລວງ:ດິງງອກເຫວະ (ຊັ້ນພັນໂທ) ຮັບໂທດຈຳຄຸກ 30 ປີ.ຟາມວັນຢຽດ ຫົວໜ້າບໍລິສັດ CP ຈຳຄຸກ 15 ປີ.ວູຖິຮວານ ບໍລີສັດ ອຽນແຄ໋ງ ຈຳຄຸກ 7 ປີ.
